..:..
هـونـتـهـا لاكـنــهـا عيـت تـهـــون
لاقـلـت راح الــهـم الاقيــــه قــــدام
فيني ألم ما مر في قلب مطعون
فيني حزن ما مر بعيون الأيتام

عاقل ولاكن طحت في وقت مجنون
لا أخــوان في جنبي لاحـولـي أعـمـام
واللي أبي عونه لقيته يبي العون
ولا ودي أزيده على طعونه ألام

أصحاب أنا والهم وأحباب ونمون
ما هي صداقة يـوم ذي عشرة أعـوام
والهم سجاني وأنا فيه مسجون
أن قام حظي طاح وان طاح ما قـام

تقول ما في إنسان غيري بهالكون
حطمت في همي أنا كل الأرقام
الحزن في عيني له سنين مدفون
تتحقق الأحـزان وتزيد الأحـلام
::.::

أتمنى أن تحوز على إعـجابكم

[عزيزي الزائر يتوجب عليك التسجيل لمشاهدة الرابط للتسجيل اضغط هنا]