السلام عليكم ورحمة الله وبركاته ..
اليكم اخر تصاميمي .. واللي اخيــراً خلصته ..

[عزيزي الزائر يتوجب عليك التسجيل لمشاهدة الرابط للتسجيل اضغط هنا]


. : وحيــــــــدة : .
فيها مشاعر .. وفيها احاسيس ..
بس محد فاهمها ..
..
كل يوم .. لا جا وقت النوم .. وقت الراحه ..
راحت هي .. لسريرها الدافي .. تحت بطانيتها .. وبعيد عن هالدنيا المخيفه ..
وتسند خدها على مخدتها .. صديقتها الوحيده اللي مسحت لها دمعتها ..
وتضم لقلبها دبدوبها .. حبيبها الوحيد اللي لمس قلبها وسمع همساته ..
..

وحيده ..

- - - - - - - - - - - - - - - - - - - - - -
لي عوده مع تفاصيل عن التصميم ..
وقبل ما انسى .. ملاحظه : ممنوع لمس او الاقتراب من البنت وخدودها .. سامعين شباب ؟


تحياتي العطره ..
همسات

Baaaaaaaaaaack
مرحباً مجدداً ..
شوفوا .. انا بأتكلم عن التصميم .. وادري اني قلق بكل تصميم لازم اتفلسف واقول كل شي عنه ..
وادري ان محد من المصممين يسوي هالشي ..
بس صدق اول يوم اني كنت صغيره .. كنت دايم اذا شفت تصميم مره حلو اجلس اتسائل تساؤلات كثيره عن التصميم ووشلون سواه المصمم وكذا .. واحياناً استحي اسأل .. واحياناً ادري انه مغرور ماهوب راد علي ..
فعشان كذا .. انا لازم اقول .. عشان اذا فيه احد مثلي يتسائل .. اكون جاوبت عليه .. امممممم وبس
----------------
معلومات عن التصميم :
الوقت : والله انا اشتغلت على ايام متفرقه .. بس بالكثير لو جمعتها بتطلع عشرين ساعه .. يومين طولت فيها .. وباقي الايام اضيف اشياء بسيطه واعدل اغلاطي ..
عدد اللايرات : هه هه هه.. .. والله مدري كم بس حجم التصميم بالـ psd تقريبا 17 ميقا .. واللايرات منظمتها بملفات للي يبي يشوف :
[عزيزي الزائر يتوجب عليك التسجيل لمشاهدة الرابط للتسجيل اضغط هنا]

وبعدين ما دامني في اللايرات .. تراني ما اعترف فيها .. مالها اي علاقه بشي .. يعني مو شرط اللايرات الكثيره معناته ان التصميم شي ..

اكثر شي انبسطت وانا ارسمه : الاشياء البسيطه .. الفيونكا .. العروسه .. الخيوط اللي باطراف الاكمام ..
اكثر شي كرهت ارسمه : الخشششششب مدري حسيت اني ما قدرت اضبط الملمس حقه .. والجدران بعد سبب لي ازمه "اللون والنقشه"
اصعب شي واجهته هو كيف اوضح ملمس كل شي وكيف ارسمه .. زي الستاره والقميص والسرير والخشب ..
---------
طبعا اول يوم رسمت وجه البنت .. وصراحه ترا في البدايه كنت ناويه ارسمه ولد .. بس خلاص توبه ما عاد انوي شي لأني لاخر لحظه ما كنت عارفه وش ابي ارسم بالضبط ..
هنا تقدرون تشوفون خطوات رسمي للوجه .. ادري يضحك وصاير شكله كأنه وجه واحد له شهر ما تروش .. بس زي ما تلاحظون بالنهايه فتحته شوي وغمقت الخلفيه ..

[عزيزي الزائر يتوجب عليك التسجيل لمشاهدة الرابط للتسجيل اضغط هنا]
دائماً اول خطوه رسم شخابيط .. مجرد شكل عام للي ابيه .. واخلي هذا اللاير اعلى واحد واحطه على overlay عشان يوضح اللي تحته وبعدها ابدأ ارسم بطبقات احطها تحت هذي الرسمه الاوليه واعرف ارسم الشكل زين ..
"زي ما تشوفون الرسمه مالها علاقه بالنتيجه النهائيه"

[عزيزي الزائر يتوجب عليك التسجيل لمشاهدة الرابط للتسجيل اضغط هنا]
هنا بديت الون العيون .. وان شاء الله هو باقي شهر وتبدأ الاجازه .. انزل درس عن رسم عيون زي هذي .. "اذا ودكم"

[عزيزي الزائر يتوجب عليك التسجيل لمشاهدة الرابط للتسجيل اضغط هنا]
هنا غمقت الخلفيه لأنها كانت مزعجه عيوني .. وبديت ارسم لون البشره .. زي ما تشوفون ماش مي حلوه ..

[عزيزي الزائر يتوجب عليك التسجيل لمشاهدة الرابط للتسجيل اضغط هنا]
اشتغلت زياده على البشره ورسمت شفايفها .. ههههه عاد هنا صارت بنت ..

[عزيزي الزائر يتوجب عليك التسجيل لمشاهدة الرابط للتسجيل اضغط هنا]
هنا رسمت الحواجب .. بس بعدين غيرتها لأنها ما اوحت لي انها "حزينه"

[عزيزي الزائر يتوجب عليك التسجيل لمشاهدة الرابط للتسجيل اضغط هنا]
هههههههههههههههههههههه الله يفشلني بس .. هنا حطيت لها شعر .. وطبعا انا بس حطيته لأنها قاهرتني مالها شعر .. وكان ودي اشوف كيف بيكون شكلها ..

[عزيزي الزائر يتوجب عليك التسجيل لمشاهدة الرابط للتسجيل اضغط هنا]
عاد هنا انتهيت وبديت ارسم اشياء ثانيه ..

وهذي كلها بمره وحده ..

[عزيزي الزائر يتوجب عليك التسجيل لمشاهدة الرابط للتسجيل اضغط هنا]
هذا شغلي بثاني مره افتح التصميم .. عاد هنا شلت البنت لما خلصت لأني ما كنت عارفه كيف ابي اسوي وضعيتها بالضبط ..

[عزيزي الزائر يتوجب عليك التسجيل لمشاهدة الرابط للتسجيل اضغط هنا]
هذا عاد بمره ثالثه ..زي ما تشوفون عدلت على اشياء .. وغيرت اشياء ..

وبس هذا اللي لقيته محفوظ عندي .. ترا على فكره غلط اني ارسم الوجه وبعدين ارسم الغرفه ..وبعدين اركبهم على بعض .. بالعكس كذا متعب اكثر ..
المفروض العكس نرسم المشهد وبعدين نحدد شكل العنصر الرئيسي كيف يكون .. بس زي ما قلت ما كان عندي فكره واضحه ..
امممم .. وبس هذا اللي اقدر اقوله بشكل عام .. بالنسبه للتلوين عن قرب هذا يبي له درس واشخاص مستعدين .. وافضل يكون عندهم قلم ضوئي ..وعموما ان شاء الله بأنزل دروس ..
اعتذر على الاطاله لكن ان شاء الله اني ارضيت فضول البعض ..
تقبلوا تحياتي .. همسات