معرض الإبـــداع

دموع الحزن · #1

... مساء الخير ...

عدنا مع تصميم جديد .. لكن هالمره تعبت وايد والله

وماراح أرتاح الا اذا قلت شو صار خخخخ

عاد اللي مايبي يعرف شو السالفه ينزل عالتصميم على طول لانا مطولين

والتصميم استغرق معاي تقريبا 6 ساعات وشوي

من غير بريك صلاة الظهر وجلسه مع الاهل ربع ساعه بعد الصلاه ..

الظروف المحيطه بالتصميم ..

صحيت الصبح تقريبا 9 الا ربع .. بعد ماخلصت كل أموري

جيت عالجهاز ومعاي الشاي الساعه 10 تقريبا .. كان المزاج مش ولابد شوي

قلت ودي اصمم اي شي .. وجت هالكلمات على بالي .. ياخساره حبنا فيكم حرام ..

رحت أدور على صور مناسبة وبعد مااخترت .. شربت الشاي << قولي قسم خخخ

الساعه 10 ونص جاني اتصال من الوالده ..

الوالده : ألو هلا دموع تبين فطور ولا نشيله ؟

دموع : لا مابي شيلوه ..

ويمر الوقت وانا تايهه بالتصميم وناسيه كل اللي جنبي ..

.. اختار الالوان اللي جت على بالي وبدأت الشغل والتركيب والمزج والدمج ..

وكل الامور اللي تخبرونها بالتصاميم .. ولان مزاجي مو رايق حبيت احط حيلي بالتصميم ..

يمكن كثر الوقت اللي استغرقته في صنع الخلفيه ومزج الالوان

وبالاخر غطيتها بصوره وظلت الالوان .. مو هنا الوقت كله .. المشكله اني كل شوي اغير بالالوان

وكل شوي اجرب هذا وذاك حتى الخطوط جربت كل خطوط الفوتوشوب وكل شوي
اغير ليما اخترت هذول وجربت اكثر من مود وكل شوي اغير فيهم

اذن الظهر رحت اصلي جلست مع الاهل ربع ساعه ورجعت للجهاز ..

طبعا ً سيفته عشان مايصير مثل ماصار لي قبل لما قفل الجهاز وانا ماحفظت الشغل ..

جيت بعد البريك .. ومعاي قهوه << ياكثر المنبهات اللي تاخذها موباقي الا هع

اول شربت القهوه حتى أروق لان راسي مصدع كملت شغل ...

رحت افكر بشي مختلف ماجربته جت ببالي كلمة ياخساره اللي بتشوفونها ...

رحت احاول اقلد واحد من الاخوان يسوي هالحركه .. الكلمه لحالها ويمكن البعض مايميزها عدل ..

خذت مني ساعه ليما ضبطتها طبعا بعد مليون تجربه وكل مااغلط

ومااوصل لنتيجة أعصب وامسك اعصابي واغير وادور واحوس يمين شمال

يمكن يضبط ليما ضبطت الحركه تقريبا وانتهينا من ياخساره ..

جاني اتصال من الوالده الله يحفظها .. يالله الغدا ..

أنا : مابي غدا مشغوله ..

وبعد محاولات ذريعه بائت بالفشل من قبل الوالده الكريمه هههه

رجعت اكمل شغلي والباقي عادي

ودخلت تأثيرات زياده على الخلفيه كل شوي اضيف شي

وانتهيت من الكتابه واخر شي الاطار .. شوي اسمع اذان العصر

بصراحه انصدمت

تعرفون ليششششششششششششششششششششششششش .. ؟؟

لان الوقت مر وانا ماحسيت فيه وفي شي مهم بعد ان مسلسل الاخرس طافني

ومدري وش سوا البارح

تكفون اللي شافه يقولي وش صار خخخ << كأني مصختها حشا مو تصميم ها

سيفت الشغل وانتهيت واول ماوقفت الا ألم بالظهر والرقبه الله لايوريكم

يادوووب صليت ورحت اريح شوي .. لان عندي طلعات

وسلامتكم .. وماقهرني الا ان المسلسل طافني وماشفته

ونادر مااسوي كل ها بتصاميمي

بعد كل ها الهذره ... ترا مو شرط بعد كل هالتعب التصميم يلاقي استحسانكم

ومااستغنى عن انتقاداتكم سواء كان كنت مصمم محترف او متوسط او مبتدىء ...

يمكن اني اعطيت التصميم كثير وفوق حقه بكثرة التجارب واخرتها ماطلع قد المستوى ..

.. ويمكن البعض يقول مايستاهل التصميم كل هالوقت .. ويمكن يعجب البعض ..

وهنا تختلف وجهات النظر من شخص لاخر ..

رجاء خاص جدا ً جدا ً لكل اللي راح يدخلون ..

اذا انت داخل لاجل تمدح وتجامل التصميم وهو مايستاهل .. رجاء ً لاتدخل

وراح أقدر هالشيء والله ... واذا ودك تنتقد حياك وباب الانتقاد مفتوح بأي وقت ..

وجاهزه للرد والتعديل .. واذا من جد اعجبكم حياكم ولاتترددون بالدخول ..

انا انسانه ودي أطور نفسي ..

واحاول والله قدر الامكان اتابع الدروس وتصاميم مبدعينا ..

وشكرا ً لكم على تعاونكم معنا

كلمات التصميم ..

يا خسارة حبنا فيكم حــــــــرام واتضح لي معدنك على العموم
ما على شوقك ولا حبك مــلام والملامه هي على قلبي ألوم
لو نسيتك من حياتي والسلام نعمة النسيان من رب رحـــوم
من ترى يتحملك بد الانــــــــام غير قلبي انت ماعندك عـــزوم

انت قبلي كنت عايش في ظـــلام وكنت في بحر الهلاك ولا تعــــــوم
انتبه واحذر من وشـاي الــريــــــام قبلكم يونا يعل عمـرك يـــــــــــدوم
اشفق على حالك وحال الابتسام وانت عقبي صدق بتعيش بهموم
كيف تطفي شمعة احلام الوئـام وعقب هذا الشهد تسقيني سموم

عبر انغام المغني والكلام الحب يتجدد مع غــيرك لــــــــــزوم
عش مع غيري وجرب والختام لاتفكر رجعتك في اي يـــــــوم
ياخسارة حبنا فيكم حرام واتضح لي معدنك على العمــــــوم
ماعلى شوفك ولا حبك ملام والملامه هي على قلبي ألوم

:::: همسه ::::

كثار يلوموني على اختياري للكلمات .. وانا اقولها لكم ..

مجرد كلمات وتعجبني واحب اصممها مو شرط تعبر عن شي بداخلي ...

وانا اخترت بس هالكلمات مع انه باقي كلمات حلوه لكن ماحبيت

اغطي الخلفيه .. وقلت اخليه بسيط أفضل من ملىء التصميم بكثرة الكلام

اترككم مع التصميم ...

وسلامتكم ..واعذروني والله عارفه طولت اليوم وايد بالكلام

بس حرام اخلي شي بخاطري لانه مو ناقص خخخ

عاد يبالي فتررررره راحه من التصاميم شوي ..

باقي 6 دقايق ويجي مسلسل الاخرس بروح لايفوتني اليوم بعد

دموع الحزن ..

م ـحـمـد · 10-08-2005, 02:26 PM

سلام عليكم
تصدقين عزيزتي الموضوع يبيله تجزئه لجزئين

جزء هنا وجزء في المنتدى الساخر

اقتباس


	والتصميم استغرق معاي تقريبا 6 ساعات وشوي

امس من الساعه 10 تقريباً إلى قبل العصر بشوي على تصميم واحد واخر شي ماطلع بالشكل المطلوب

يالله الجو ماكان يساعد على التصميم

مع هذا كانت اختي الصغيره نايمه جنبي وكل شوي تمد رجلها الله يعزك وتلمس السكل ويطفي الجهاز

ابو الحوسه وتخريب الجو

نرجع لتصميم

من غير مجامله من اجمل البطاقات الي شفتها لك من ناحية الالوان

بس تسمحين لي بكلمه صغنطوطه

كل مصميم تقريباً لو باذكرهم لك
الزعيم له طريقته في التصميم وواضحه
الساهر للابد له طريقته في التصميم واسلوبه
ذا لوفر له اسلوبه الخاص والوانه الخاصه
الريم كذلك المها كذلك وهمسات بعد
وغيرهم
انتي طيب؟ انا اتكلم معك كـ انك تقريباً وصلتي لمستوى المصمم لكن باقي تكونين لك اسلوبك الخاص وقدراتك

ابو مهند · 10-08-2005, 03:36 PM

التصميم .. موحلو ..

بل رووووعه .. مذهل .. حطمتي كل التصاميم ..

انتي قلتي لاتجاملون ..

والله العظيم لم اجامل .. ولكنها الحقيقه التي لاتحجب بغربال

اعجبني الهدوءءءء في التصميم .. بسيط ومافيه زحمه .. لكن متعووووب عليه ,,

يسلمووو يامبدعه ,,

¸.•DiSkA•.¸ · 10-08-2005, 03:47 PM

اللــه اللــه 6 سـاعـات حشى سـتايـل خخخخ

وبـس واللــه معــذوره ....وامــا عــن التصـميم ..تطــمنـي

تــراه ميـه الميـه حلــووو...مــاشـاء اللـــه عليـك واللـــه عاجبـني

الجــو الي فيــه ..والظلــمه الي محيـطـه فيـه لايقـه مـره مــع التصـميم

والصـراحه الصـراحـه تأثيــراتـك لا يعلـى عليـها خخخ مـاااش لـها طـعم

خـاص

...احلى احلى يالدمــج واللــه صـايره هالبنيــه منـوره التصـميم زين تسـوين

بـس احـس ان كتـابـة خسـاره اممم اسلـوبها موب مـره ضـابط مـع التصـميم

...

والسمـوحه ..مـوفقــه حبيـبتي..

دموع الحزن · 10-08-2005, 04:20 PM

وعليكم السلام

أهلين يااشكال الظاهر يباله تجزئه بس ماعليك مااظن أعودها

اقتباس

امس من الساعه 10 تقريباً إلى قبل العصر بشوي على تصميم واحد واخر شي ماطلع بالشكل المطلوب

اي شفت على تصميم واحد لاني جربت وايد ..

وماخليت طريقه مااتبعتها .. حتى رضيت بالنهايه بالشكل اللي تشوفه

وجهة نظر احترمها ..

اقتباس

من غير مجامله من اجمل البطاقات الي شفتها لك من ناحية الالوان

شكرا ً من ذوقك وقليل مماعندكم

اقتباس

كل مصميم تقريباً لو باذكرهم لك
الزعيم له طريقته في التصميم وواضحه
الساهر للابد له طريقته في التصميم واسلوبه
ذا لوفر له اسلوبه الخاص والوانه الخاصه
الريم كذلك المها كذلك وهمسات بعد
وغيرهم
انتي طيب؟ انا اتكلم معك كـ انك تقريباً وصلتي لمستوى المصمم لكن باقي تكونين لك اسلوبك الخاص وقدراتك

صحيح كلامك واتفق معاك .. كل مصمم وله اسلوبه الخاص وطريقته بالتصميم

لكن شسوي هذا الشيء مو بيدي

انا احاول اقدم شي وعلى حسب مقدرتي ومتابعتي للدروس ..

اسلوبي الخاص !!! ..

احس انها ماتجي على كيفي .. وهي تعتمد على مزاجي وقت التصميم ..

وانت شايف مستوى التصاميم الاخيره .. يمكن التصاميم شبه متقاربه ومتباعده بنفس الوقت

لكن هذا اللي قدرت أقدمه للان .. وصدقني لو انا حاسه اني مااقدر اقدم شي يرضيني

راح اوقف وقتها واخلي التصاميم لاهلها وابقى مجرد هاويه ومتذوقه ..

.. يمكن انتاجي يتنوع وماياخذ وجهه معينه اعتمد عليها مثل باقي المصممين ..

وربك يعين ... وشاكره لك حضورك وملاحظاتك وتعليقك عالموضوع ..

دكتور المربع · 10-08-2005, 04:32 PM

هلا بالغالية دموع الجزن
======================================
الصراحة استغرب حالاتنا كلها زي كذا اذ ابي اصمم لازم يجينا شي يخرب علينا
ولا مرة القي فرصة اقعد لحالي خخخخخخخخخخخخ البزارين نشبات

==============================
التصميم راااااااااااااائع جدا وتقدم واااااااااااااااااااااااااضح
لكن العيب في ( خط الكلمات ") يعني مب زبط على التصميم
الي على كلمة ( حبنا فيكم حرام ) وايضا ماضفتي لمسات على الكلمت ..

ولكن الباقي ميه ميه
وتحياتي لك .

أمير الجزيره · 10-08-2005, 05:00 PM

ما شاء الله عليك يا دموع..

بطاقة جميله يالغاليه وما عندي

أي ملاحظه مجرد انه لو حطيتها أكبر راح

تطلع احلى وتملىء العين دمتي بود ياغاليتنا على هيك تصميم..

دموع الحزن · 10-08-2005, 10:34 PM

هلا وغلا بومهند

الاروع تواجدك يالغلا

يسلمك ربي وهذا من ذوقك

تبقى كذلك وجهة نظر واحترمها

شاكره لك حضورك وتواصلك وصراحتك

دموع الحزن · 10-08-2005, 10:48 PM

تتريقين ياديسكا الدووووبا

هههههههههه عاد شسوي كل واحد وقدراته خخخ عاد لو اني خبره بالاستايلات

كان خلصته بساعه هع اي هين

تسلمي كلج نظر يالغاليه هذا من ذوقج خيتوو

من جد كلمه خساره مو ضابطه بصراحه صعقت

توقعت تقولين اي شي الا كلمه خساره ..

لان الوانها اصلا مقتبسه من التصميم بس يمكن مو واضحه زين ..

للاسف ولا مصمم للحين فهمني ولافهم كلمه خساره

مومشكله تظل بعد وجهة نظر واعتز فيها يالغلا

ومشكوره عالحضور ووجهة النظر

دموع الحزن · 10-08-2005, 10:51 PM

لي رجعه لك دكتور مربع

وهذا عشانك أمير الجزيرة

بحجم اكبر الصعوبه مو في التكبير والتصغير

معرض الإبـــداع

ملتقى الفن و جواهر التصميم و التصوير

`·.¸¸.·¯`··._.· ( ياخساره حبنا فيكم حرام / تصميم ) `·.¸¸.·¯`··._.·

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور