يا عيني عليك يا ( الوفا لا صار خاين )

تصميم رائع بحق ....

انا عارف ان الشباب و البنات ما قصروا بالملاحظات و انت تحكم في اللي يناسبك منها

والا لا

و أعرف بعد ان ردي متأخر لأني كنت مسافر في الأسبوع اللي فات فالعذر و السموحه يالغالي

اعجبني في هالتصميم انه رسمك ميه بالميه ما عدا الكتابه ...

اتقنت حركة خلفية الورقه القديمه و تأثير الوانها المتدرج

و التغبيش اللي عليها رايق

بس فيها بعض الأشياء الصغيره اللي يا ليت تنتبه لها ...

أشوفك استخدمت تأثير مشع حول الورقه بشكل هادي كأن الورقه تحترق ببطء

بس ما أشوف لون هالتأثير خدم الفكره ... يعني لو انك مقربه للون النار اكثر شوي يمكن يكون أفضل

او انك استغنيت عنه بتأثير اسود كأنها بقايا ورقه متآكله من الحرق مثل التأثير اللي استخدمته حول البقعه المحترقه في الزاويه تحت على اليمين

الحاجه الثانيه اشوفك استخدمت فرشة النجمه او التقطيع على شكل نجمه في كم مكان

في أطراف الإطار ... لو أستخدمت الممحاه في رسم هالفرشه عشان يطلع عليها التأثير

العام اللي انت مستخدمه على الخلفيه كان يمكن أفضل من رسمها بهاللون الغامق كأنها محترقه لكن تأثير النار ( او التوهج ) جاي حولها و ليس عليها

حركة توقيعك حلوه ... صاير مثل الختم ... و يعجبني الإبداع في مثل هالحركات

و انت أدرى بسبب وضعك له في مكانه الحالي ... لكن لو انك مخليه كجزء من الورقه

يعني كأنه ختم على الورقه نفسها يمكن يعطينا جو اكثر من كذا ..

القصد انه يكون مقطع مع أطراف الورقه

و غيرها عندي بعض الملاحظات لكن ذكرت قبلي في بعض الردود فماله داعي التكرار


و بشكل عام التصميم خيالي و فكرته ابداعيه ...و تدل على ذوقك و نظرتك الفنيه


تقبل تحياتي