معرض الإبـــداع

الريم · #1

اسأل الأعمي .. ان كان في نومه يشوف
ليه يصحى ؟!
واسأل اللي ما درت عنه الهموم
اللي درى ان العمر محدود
وان الفرح مهما اختفي .. موجود
اسأله ليه ينوم ؟
وان جاوبوك اسألني ليه حنـّا افترقنا

يا صاحبي مابه سبب لفراقنا
غير اننا جينا بزمن ماهو زمنا
ياصاحبي مابه سبب لفراقنا
غير اننا في حبنا عشنا الصدق
وفي وقتنا وشهو الصدق
في وقتنا لجل اللقاء تكذب
ولجل تاصل ماتبي تكذب
ياصاحبي خذها من جرحي نصيحه
كانك تبي تاصل ؟ اكذب .. اكذب .. اكذب
الصدق في وقتنا اصبح فضيحه
في وقتنا دايم تهيم في شي ماتعرف مداه
دايم تهيم فلي بعد عن سكتك
واللي زهد في محبتك
واللي فـ يدك ومتحمل جروحك معك
ما يهمك تنساه
ولو تقتله ما يؤلمك وبقدامك تاطاء على دماه
يا صاحبي وقتنا في اوله ضيّعنا أولى القبلتين
وفي آخرة الله اعلم وش بيبقي
في وقتنا صار الغدر شي ٍ عظيم
والوفا ماظنتي ان كان بتدور بتلقى
يا صاحبي في وقتنا أطول مسافة ممكنه
تمشيها بين النقطتين
الخط المستقيم

يا صاحبي في وقتنا وقت الألم
من يسمعك مهما حكيت
من ينصفك مهما شكيت
منهو اللي ما يضحك إذا ذلتك دنياك وبكيت
يا صاحبي في وقتنا
ما للمشاعر ناس
يا صاحبي في وقتنا لبعض القلوب إحساس
يا صاحبي في وقتنا وقت الكلام
وقل الفعل .. لامات احد وانتقل لعلى رفيق
من طيبنا نحزن عليه
نصلي عليه
ناصل معه للمقبرة
وفي المقبرة غير الدعاء وقولت الله يرحمه
مابه كلام .. وندفنه .. ولا دفناه نبكي
بدون دموع أو بدموع
المهم بعد ما نبكي نتركه ونروح
وتلقانا نقول مسكين يا فلان مسكين
من دنيتك وش اللي خذيت ؟
وبعد باب المقبرة بشبرين
واقل من الدقيقة لامن دخل فينا الزحام
من طيبنا نضحك ونسمع أغنية
لجل نتسلى في الطريق بين المقبرة والبيت
يا ربي سبحانك ياللي تجير من العذاب
قلوبنا وش صابها ؟
في وقت غدا بين الحياة والموت
وبين البكاء والضحك
شبرين ودقيقه وباب
ويدننا اللي قد حثت في وجه ميتنا التراب
هي نفسها اللى بعد شبرين واقل من الدقيقة
اختارت شريط وحطته لجل تقتل طول المسافة
بين المقبرة والبيت
يا صاحبي في وقتنا احسن كثير
من بعضنا
في المقبره على الاقل ميت وندري
المشكلة متنا وإلى الحين ماندري
يا صاحبي في وقتنا ضاع احترام الموت
في وقتنا حكينا ما أكثره
وللأسف كل الحكي من غير صوت
وان كان به فم ٍ صدق
واسمحوا يحكي بصوت .. ما نسمعه
ياصاحبي قدامنا كان اختيارين
يا نجاري وقتنا ونكذب ونخدع نفسنا
يا نفترق .. لان الفراق في وقتنا
هو الصدق .. افترقنا
يا صاحبي كانك تشك في أسباب الفراق
دور لك اعمي وإذا صحى اسأله
ان كان في نومه يشوف ليه صحي
وليه افترقنا ؟؟؟؟؟

عبدالرحمن بن مساعد

برايفت لأيمن :

أدري ودك تقتلني .. بس والله سويت التوقيع واسم الموقع بعدين تذكرت ان انت تصلحها كذا .. عاد يالله سامحنا

تحياتي ..

خالد اليزيد · 14-12-2004, 01:40 AM

السلام عليكم

ماشاء الله تبارك الله

الله لا يضرك يا وخيتي

وربي أنك أستاذة ومبدعه وذوق وحس عالي وفن

وكل العبارات ما توفيك حقك

يا أستاذتنا الغاليه علينا جميعاً

الريم

تصميم قمه وروعه ما أدري وش أقول غير

قولي آمين

عسالله يخليكِ لعين ترجيك

وتقبلي تحياتي

بنت النور · 14-12-2004, 03:12 AM

رائع يالريم

وربي شي مبهر

الف شكر والله لايحرمنا ولا يحرم المنتدى من ابداعاتك الذهبيه

الف تحيه

من بنت النور

كسير الجــناح · 14-12-2004, 05:04 AM

سلمت يمينك ياغلالالالالالالالالالاهم

شغل جناااااااااان ,,

الريم · 14-12-2004, 08:56 AM

خالد

مع كل رد منك يزيد احساسي بالتميز ..

كل الشكر لك اخوي لردك ولروعته

تحياتي ..

amm@r · 14-12-2004, 09:17 AM

اعجاب

صــامت

في حيرة

بما يرد ...

الزعيم · 14-12-2004, 06:33 PM

.
.
.
.
.

ريم

تصميم رائع كباقي روائعك

اعجبتني التأثيرات مثل البقيه

و اعجبني تنسيقك للنص

لكن ملاحظه شخصيه و لا تقلل من شأن التصميم

يكمن يكون افضل لو عملتي فصل بين (إسأل الأعمى ... إن كان في نومه يشوف ) و (ليه يصحى ؟؟ ) بشكل مختلف
قصدي
تنزلين كلمة (يصحى ؟؟ ) قليلا لتبدأ مكان نهاية حرف (الهاء) في كلمة (ليه)
لأنها بتمثل حركة الوقفه بين مقطعي الجمله ...

هذا مجرد رأي شخصي

لكن التصميم ككل رائع و تأثيراتك قويه عليه

.
.
.
تقبلي خالص تحياتي

P r e s t i g e · 15-12-2004, 12:55 AM

اقتباس

الكاتب : الزعيم


	. . . . . ريم تصميم رائع كباقي روائعك اعجبتني التأثيرات مثل البقيه و اعجبني تنسيقك للنص لكن ملاحظه شخصيه و لا تقلل من شأن التصميم يكمن يكون افضل لو عملتي فصل بين (إسأل الأعمى ... إن كان في نومه يشوف ) و (ليه يصحى ؟؟ ) بشكل مختلف قصدي تنزلين كلمة (يصحى ؟؟ ) قليلا لتبدأ مكان نهاية حرف (الهاء) في كلمة (ليه) لأنها بتمثل حركة الوقفه بين مقطعي الجمله ... هذا مجرد رأي شخصي لكن التصميم ككل رائع و تأثيراتك قويه عليه . . . تقبلي خالص تحياتي

لا يزيد كلامي عن كلام أخوي الغالي الزعــيـــم ....

وإلى الأمــــــــــام .. دائـــــــمآآآآ واصلي وإحــنــا وراااكــــــــــــي ... !!

رفيع الشان · 15-12-2004, 06:23 PM

ريم

تصميم راقي ورائع

سلم لنا فكرك وسلمت يمينك

بأنتضار قادمك تامبدع

تقبلي تحياتي

انا منكم وفيكم · 16-12-2004, 01:38 AM

تسلم يمين الي على العز رباك
الله يعطيك العافيه .. وما قصرت
وتصدق انا كتبت الرد قبل اقراء الكلام كامل
اكتفيت باول ما قريت...اسأل الاعمى ان كان
في نومه يشوف ليه يصحى؟
ابداااااع ومشكور وعساك على القوه

مواضيع ذات صلة
الموضوع	الكاتب	المجلس	المشاركات	المشاركة الأخيرة
حاله تحتاج لدعائكم	نوره	المجلس الإسلامي	19	23-02-2007 09:36 PM

معرض الإبـــداع

ملتقى الفن و جواهر التصميم و التصوير

اسأل الأعمى !!

آه من الهوى

..:" عيــــون الليــــل ":..

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق