| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
أسرتي الجميلةكل مايختص بالاسرة والمجتمع وشئون المرأة والطفل |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
|
ولد السورية يريد حلا
 السلام عليكم ورحمة الله وبركاته اولا احب اشكركم علىالاستقبال الرائع لي واليكم قصتي المضحكه المحزنه.. معناتي مع لقب ولد السورية ارجو ان لاتنقلون موضوعي لانه خاص ب الاسره والمجتمع انا شاب سعودي طموح اعني من مشكله واريد لها حلا واليكم ماحدث لي.. في احدى ايام عطلةالصيف وكان يوم حر حر حر شغلت النكيف على 12 براطمي تجمدت واشتري عسكريم واطب فيه شوي نادت امي الغداء الغداء طبعا انا في مرحلة العسكريم مستحيل افرط فيه تأخرت على الغداء المهم وانا داخل الصالة الا القى ابوي يصرخ وينك فيه ياالرئة(الرئة: لقب دليل على حمرة الوجه) وهذي هي معاناتي قررت بعد لاغداء ان اهيم في الارض بحثا عن علاج لي لو في الصين(احلى يابن بطوطه) المهم وبعد الغداء اذنالعصر وبعد الصلاة قعدت افكر قلت لازم القى حل كفاية عذاب.. وادخلالمطبخ والقى سكينة الشغاله تصلح الشاهي وجنبها الطوفريه وفيها زمزمية كاركدية(ابوي راعي مزاج) ومعه صحن نعناع وصحن حبق وصحن بسكوت اولكر حق الشاهي والقط كاس الحافظ للحرار الستستيل واعبي الشاهي والقط نعناعتين وبسكوته على الماشي وانا طالع والقى عمتي مع عيالها جايين قالت على وين العزم قلت عندي مهمه بس ادع ان الله يسهل علي قالت الله يستر عليك ..واسمع ابوي يصرخ ياولد وينك واركض كان مجنون ساق يمين وساق يسار قلت امر يبه وش تبي قال ماشفت جوالي ...قلت لا والله قال على بالي ماخذه وترسل رسائل حركاتك ماتخليها قلت لا والله تلقاك ناسيه في غرفتك المهم واطلع واركب السيارة واسمي بالله وابدا ء ابحث عن طبيب نفسي او جلدي لحالتي وادق على واحد من الشباب لقبه (الفهاوه) قلت فهاوه ماتعرف مستشفى حلو جلدية قال سلامات وش فيه قلت لا ابد بس قررت اعالج وجهي واسوي سمكره .. قال لا والله عندنا مستوصف الخليجي في شارع التسالي..قلت مالك عليك يلا باااااااي المهم واروح ابحث ابحث ومن حي لحي وطريق لطريق بيني وبينكم خصصت مبلغ مالي لعلاج حالتي المهم مالقيت احد وكلهم غالبيتهم حريم وانا ابي رجال وانا ماشي ضاق صدري ومادريتعن نفسي الا انا في شارع الستين والقى باسكن روبنز والف قلت واحد ايس كريم لو سمحت وانا اكل واتمشى في الملز والقى عمار زهرية مكتوب عليها عيادة (جلدية وامراض نفسية وتناسلية) قلت وش هذا ملخبط شكله واصفط وانزل واروح له والقىالاستقبال هندي شعره يتقوطر زيت لو حطيت عليه منشار زلق قلت فيه دكتور قال ايه اي واحد قلت حق جلديه قال دكتور شنفيز قلت وش شنفيز هذا لايكون سباك بس قال لا دكتور جامعة نيودلهي قلت اقول شكك ماعندك سالفه رح ناده وخله يجي يكلمني قال تيب المهم جاء الدكتور.. انا من يوم شفت البلوزه زهريه والكرفته خضراء وراسه يلمع تقول ملمعه بستب قلت يادكتور انا في وجه انا ابيض كثير وفيه لون احمر سيم سيم حرمه مكياج ضحك قال ايوه انا في شوف قلت ايش حل قال لازم سوي تحليل دم قلت الله يرجك شاك ان فيني مرض قال لا بس عشان اعرف ايش هذا سبب قلت طيب عندكم دكتور نفسي قال ايه قلت اسمع انا بدخل عنده وبعدين اشوف وش قصتك واحجز عند الدكتور المصري / لطفي حجاج شوقي معه شهادات الظاهر معلق شهادة الميلاد والابتدائي والاقامة على الجدار : المهم قلطت عنده قال اهلا يا ابني قلت هلا والله قال اخلع شماغك وتعال هنا قلت ابشر واخلع الشماغ الا يطيح الشعر قال مشاءالله شعرك قميل قات انت القميل(وين ديانا حداد اغنيةانت الجميل) واجي قال اوعد علىالسرير ونام قلت نعم قال نام قلت طيب المه قلت عندك لاحاف قال ايوه قلت جيب ويجب الحاف واضطجع على جنبي اليميمن وارقد قال يبني مش تنام يعني على ظهرك قلت ايه زي الافلام وابداء اهذر عليك قال ايوه المهم قال وش معاناتك قلت : يادكتور انا لوني غريب من لون اخواني الذكور ومعي حمره في خدودي .. واستحي اذا رحت جامعه او شارع او قلط عندنا رجال او رحت عزيمه توني اكمل شوي اتصل عزيوي اخوي قال امي تبيك توديها السوق قلت طيب قال الان ضروري قلت رح ودها انت قال انا عندي مركز صيفي قلت طيب المهم قلت للدكتور عن اذنك قال وين قلت الوالده تبيني لازم اروح وبعدين لنا موعد ثاني الله يرجه هو وسريره تقول سرير ولاده قال الحساب وانطل عليه 50 ريال قلت مع السلامه قال يبني لازم تكمل بئيةالمبلغ قلت يانصبك ماقعدت عندك 10 دقايق اقول لايكثر مع السلامة وانا طالع قلت المصري هذا شكله يبي يلعب علي (طبعا اسف على هذه النصبه بس تعرفون الواحد لازم ينصب عشان يرتاح بعض الاحيان) فو المهم اخذ امي واوديها سوق طيبه وانا هناك المح مستشفى دله (من هنا بدأت القصة الحقيقة بدون مزح او نصب) قلت بس رح شفهم واروح عيادة الجلدية قلت سلام عليكم قال قلت عندكم دكتور جلديه قال فيه بس دكتوره قلت هات بس مضمونه قال ماعليك(اكيد بيقول ماعليك مستشفى فلوس) المهم قال الموعد بكره قلت طيب ومن بكره البس تي شيرت والبس بنطلون جينز وكاب واركب السيارة والى مستشفى دله طبعا لاني مع يحساسية في جسمي المهم " وانتظر واقعد 30 دقيقة بلموت دخلوني وانا داخل الا اشوف الدكتوره طارت عيونها قالت معاك احد قلت لا والله بلحالي قالت تفضل واقول لها القصه المهم قالت اخلع التي شيرت عاوزه اشوف الحساسيه الي في جسمك)قلت هلا والله وش تبي بعد المهم وتجي الممرضه وهي والله ويمسكون الفانيله ويرفعونها وانا والله مستحي تقول كان دبشه المهم قالت اديني وشك ارفع المهم قالت اها اها قالت ايوه المهم قعدنا وانا والله الحمره والخجل متعبيني قالت يابني انت معاك حساسية وراح اديلك علاق كويس وح اديلك مرهم وكم حبه عشان تخف بسرعه قلت يادختوره البلى في وجهي بعد الحمدره ذابحتني قالت لي الحمره دهوت مستحيل تروح بس اهم حاقه ماتتعرض للشمس قلت كيف ما اتعرض والشمسفوق روسنا قالت حديلك واقي شمس قلت يابنت الناس نبي حل قالت طيب وتعطيني ماركات بنت الايه غاااااااااااااااااااااااااااااااااااااليه والا فيه خير يلقاها في اي صيدلية بلموت بلموت لقيتها في صيدلية عند اليرومارشيه المهم واروح اشتري العلاجات اسعار خيالية 164 و 45 و 200 ومدري كم وانا مهبول اشتري واستمر على لاعلاج 4 شهور ولا فاد شيء المهم قررت اني اقطع العلاقه مع العلاجات واعالج نفسي واتعرض للشمس كل يوم ساعة او ساعة ونص يناس طلعت افشل الوجه احمر وشكلي تقولون طماطه والله كل مالي اتعب اذا حمر وجهي تعبت وخصوصا في العزائم المهم الى الان وانااعاني من المشكله هذي.. جاني واحد نصحني قال ياولد استخدم مسمر وجرب حظك والله ابي رايك من عنده خبره في هذه الاشياء ولازلت اعاني من لقب ولد السورية(حسبي الله على من كان السبب) واحد دب في الجامعه مره قابلته كنا صبح في عز الصيف المهم سواليف وكيف حالك المهم قال امك سورية وبعدها راح اللقب علي ولد السورية قلت يبن الحلال والله امي سعودية وامي معها نفس المشكله بس امي حرمه عادي مكياج طبيعي وانا ولد يعني فشيله ادق لطمه في عز الصيف... المهم وش رايكم في حالتي بغض النظر عن قصة الدكتور المصري حق الامراض النفسية لانها طرفه بس باقي القصه والله.. ابي حل يناس وش رايكم.. مع تحياتي اخوكم ولد السورية..
|
07-03-2005, 04:11 PM
|
#2 | |
|
عضو مؤسس
  |
رد : ولد السورية يريد حلا
أخوي ولد السوريه بعيداً عن مصداقية القصه من عدمه أنت تمتلك خيال من المفترض إنك تسخره في كتابة القصص والرواية وتثري مجالس القصص والطرائف بتلك القصص المسليَّه والمضحكه لتقوم بالترويح عن أنفس أعضاء مجالس الرياض ولكن بعد ما تأخذ دورة في الإملاء لأن أخطائك الإملائية كثيره وتلغى جمال القصة قالوا في الأمثال 7 7 7 صديقك لا من صدَّقك بل من صَدَقك 7 7 وقالوا كذلك 7 7 رحم الله إمرء أهدى إلى عيوبي
آخر تعديل أمير البشائر يوم 07-03-2005 في 04:18 PM
|
|
|
|
07-03-2005, 08:33 PM
|
#3 | |
|
مراقب سابق
 |
رد : ولد السورية يريد حلا
والله ياخوك سهـله شفت منفـوحه اشتر لك يت هناك وداايم اطلع العب معهم فوت بول سيم سيم كورهـ انتا في معلووم خخخ عادي ياخوك بتحصل انواع الفله طق وطقيق والبع من دن حذاء < اروح يا هوهـ خخخخخخخخخ شفت شلون ,, وإلا اقولك شــف مهــاجر يمكن عنــدهـ الحـل خخخخخخخخخخخخخخخخخخخخخخخخخخخخخخخخخخخخخخخ والله مـا اقول إلا الله يكون في عونك اقول يا ولد وراك ماتعطيني شوي ,, 
|
|
|
|
|
07-03-2005, 10:26 PM
|
#4 | |
|
عضو مؤسس
|
رد : ولد السورية يريد حلا
والله يا امير مشكور على هذ الكلام الحلو وانشاء الله راح انفذ ماقلته اما القصه في مقطعها الثاني صحيحه 100% اما انت يا رياح الشوق والله تخوف احس اننك من السويدي وبالاصح شبرا ولكن ابي النصائح والله ماكذبت عليكم اما يا رياح الشوق |
|
|
|
|
08-03-2005, 12:01 AM
|
#5 | |
|
عضو مؤسس
|
رد : ولد السورية يريد حلا
أشكرك على خفت دمك وسعة صدرك وأهنيك على روحك العاليه وتقبلك لكلامي رغم قسوته فالمعتاد على هذه الشبكة العنكبوتيه أن الأعضاء نفوسهم شينه وكل واحد يحس إن نفسه هو أحسن واحد وما يتقبل النقد تقبل تحياتي أخوك / أمير البشائر |
|
|
|
|
08-03-2005, 03:18 AM
|
#6 | |
|
كبار الشخصيات
|
رد : ولد السورية يريد حلا
وما شاء الله عليك الله لايضرك عسى ماتنظل في هالمنتدى ياللبناني احمد ربك يااااااااااااخي والله هذولا غيرانيين منك وهذي ضريبة الحلا والله يعاااااااااااافيك من كل شر
|
|
|
|
|
08-03-2005, 05:31 AM
|
#7 | |
|
عضو مؤسس
|
رد : ولد السورية يريد حلا
اشكرك من كل قلبي اخوي امير البشائر على هذه الكلمات المعطره بلحب والود والله صدقني كتب القصة وتوني ماكل سلطة وراجع من البنك الامريكي ابي اساهم في بنك البلاد لقيت الدعوه زحمه قلت ياولد من اصبح افلح.. والله يخليك ولو يا امير اهم شيء الاخلاق والله لايجيب شوفة النفس كلنا اخوان في الله هههههههههههههههههههههههههههه بصراحة بنت النور كأنها مدير فريق كرة قدم مهزوم ب8 وتقول يلا ياشباب معاليكم يمديكم تعوضون والناس يلعبون في الدقيقة 89 هههههههه اشكرك اختي بنت النور على هذه المعنويات العالية وبعد لبناني ههههههههههههههه ولد السورية وتخب بس يناس والله جد المسأله جد ابي استخدم مسمر ودي اخذ رايكم فيه لاني بصراحه تعبت كثرة الادوية اتعبتني ومو كل مره القاها بلموت بلموت احصلها واسعارها غاليه وعلىالفاضي بس انا انسان ما امل واملي في الله كبير فياليت تشاركوني برايكم وتعطوني نصيحتكم |
|
|
|
|
08-03-2005, 05:32 AM
|
#8 | |
|
عضو مؤسس
|
رد : ولد السورية يريد حلا
اشكرك من كل قلبي اخوي امير البشائر على هذه الكلمات المعطره بلحب والود والله صدقني كتب القصة وتوني ماكل سلطة وراجع من البنك الامريكي ابي اساهم في بنك البلاد لقيت الدعوه زحمه قلت ياولد من اصبح افلح.. والله يخليك ولو يا امير اهم شيء الاخلاق والله لايجيب شوفة النفس كلنا اخوان في الله هههههههههههههههههههههههههههه بصراحة بنت النور كأنها مدير فريق كرة قدم مهزوم ب8 وتقول يلا ياشباب معاليكم يمديكم تعوضون والناس يلعبون في الدقيقة 89 هههههههه اشكرك اختي بنت النور على هذه المعنويات العالية وبعد لبناني ههههههههههههههه ولد السورية وتخب بس يناس والله جد المسأله جد ابي استخدم مسمر ودي اخذ رايكم فيه لاني بصراحه تعبت كثرة الادوية اتعبتني ومو كل مره القاها بلموت بلموت احصلها واسعارها غاليه وعلىالفاضي بس انا انسان ما امل واملي في الله كبير فياليت تشاركوني برايكم وتعطوني نصيحتكم |
|
|
|
|
08-03-2005, 05:58 AM
|
#9 | |
|
عضو مؤسس
|
رد : ولد السورية يريد حلا
وبعدين اي ضريبة حل يا بنت النور توني اركز في ردك هههههههههههههههه الله يرجك هههههههههههههههههههههههههه والله اني عصل مافيه الا الحمره تقولين حاط حمره ههههههههههههه واذا كانت عندي محاضرةالساعه 1 الظهر انواع التعليق في القاعة ... بس شكلي بستخدم المسمر واسمر نفسي وافتك ..بس هل احد جربه؟؟ وجزاك الله الف خير على هذا الرد وانت يا رياح الشوق.. توني اركز اي منفوحه انت ناوي نية قشرا علي الله يرجك (لك مأرب اخرى ) يا التعبان وياحبيبي امير البشائر شكلك دكتور ولاتبي تقول لاتخاف عيوني بارده ابشركم منعوني من الشكولاطه والايس كريم يعني بلشت اذا كلتها حمرت الخدود وتحسس الوجه تقولون واحد راشينه بويه الله يرجه رجل خالتي يقول بالله ناوي تدخل عسكرية اجل دجوا العالم.. والله مره في شكرة الاتصالات في الرمضان رحت وكانت شمس ملتهبه المهم فتح الشباك لي وانا مفهي اتفرج على لوحة فيها شجره قال الموظف خيو يا خيو تعال هون جيت قلت السلام عليكم قال وعليكم السلام قلت تراني سعودي قال ايه الاقامه قلت والله سعودي وارمي البطاقه المهم الرجال تغير وجهه وخويه كان بطيح من الكرسي قالاعذر والسموحه وانااخوك ماقصدت قلت والله مو اول واحد انت يلا لازم الواحد يتعلم حتى الثانوية المدير يذب علي يقول متى بتجيب صورة الجواز.... وحق المختبر يضحك قال متأكد انك سعودي هههههههههههههههههههههههههههههههههههههههههههههه ابي حل استخدم المسمر او لا؟؟ وبصراحه اشوفهم في الافلام الوانهم حلوه شكلي بسويه.؟ |
|
|
|
|
08-03-2005, 01:57 PM
|
#10 | |
|
عضو مؤسس
|
رد : ولد السورية يريد حلا
في احدى المرات حضرت زواج اخت نسيبي المهم ارسم واطق ذاك الشماغ الي مخلص عليه علبيت مريتو وغرشة طيب انما ايه واطق الترسيمة واروح مع اخوي عزيوي المهم واقلط على الرجاجيل وانواع السلامات المهم وانا داخل المجلس الا فيه المعرس الا اشوف ابوي يلمح بيده الكريمه لي مع اخوي ونسيبي الثاني قالت الله يستر لايكون فيه شيء المهم قلت سلم على الرجال وتعال لهم اعرف ابوي راعي مقالب واسلم على المعرس اتحداكم اذا عرفني المهم واجي عند ابوي واخوي ونسيبي واقول وش فيكم المهم حسيت ان فيني شيء يعين تلميحات وش في وجهي محمر المهم قلطوا علىالعشاء انا دزيت بحركة اختلاس بس صادني اخو نسيبي بلكاميره وصورني قال على وين قلت بدز قال تعش قلت مالي في المفطح قال براحتك المهم وانا طالع وامر خويي في مركز رياضي يلعب جيم(حديد) من يوم انه في اولى متوسط تقولون كانه ارلوند ايام العز والعضلات المفتوله المهم واقلط في الصالة ومااسمع الا اه ياه وطق طقت حديد سلمت عليه لاني مبطي عنه واطلع اتصل علي بعد فترة من الزمن يعني برهات زمنية قال وشلونك قلت تمام من يوم كنت عندك سلامات قال يا اخي ياليتك مادخلت الصالة قلت ليش قال يا اخي معنا ناس زعلت منهم قال افا افا ياذا العلم وش الي زعلك منهم قال يوم دخلت وسلمت علي وطلعت قالوا بعد ماطلعت وش ذا الاحمر الي تعرفه من وين عرفته يقول اقولهم هذا سعودي قال يقطع ام الفله سعودي احمر قال عقولهم وتفكيرهم كذا ماعليك منهم وانا مالاحظت الشيء هذا علي خلوها عل ربكم معاناة يناس  |
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| رابطة زعيم آسيا نادي الهلال السعودي | هلالي ودمي ازرق | عالم الرياضة | 1689 | 15-11-2007 07:13 PM |
| حلا خطيييير وقنبلة دمار شامل ,,,,,, حلا الميني سويتز واكيد بالصور | شــهد | حلويات | 44 | 16-04-2007 10:23 PM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
يكفي حضوري
