أسرتي الجميلة

المجروح · #1

أسباب الزواج من اخرى... او البعد عن المنزل

اخواني واخواتي الاعزاء .......
لنبحث اليوم سوياً ظاهرة من اخطر الظواهر وهي اسباب عزوف الزوج عن زوجتة وهي من وجهة نظري تكمن في عدة نقاط اوجزها فيما يلي:-
1- عدم الاهتمام بالزوج من قبل الزوجة
2- عدم الاهتمام بمظهرها ونظافتها
3- الاهتمام بالاولاد وتجاهل الزوج كلياً
4- سماع كلام من يريد التفريق بين الاثنين
5- باستمرار ريحة البصل بثيابها واثمها (بالكراث)
6- عدم اعطاء الزوج حقوقة الزوجية كاملة(.....)
7- العصبية الزائدة من داعي وغير داعي
8- طلب اشياء فوق استطاعة الرجل (ضاربة في ميزانية الادمي عرض الحائط)
9- التزين الكامل في الطلعات والعروس ولبس احدث صرعات الموضةوبالبيت (مطنشة) وكان اللي جنبة مو رجلة.
-
-
وهذة بعض الاسباب التي تؤدي الى عزوف الرجال عن منازلهم وزوجاتهم ولا يوجد لديهم سوى حلين لا ثالث لهم
الاول الزواج من اخرى
الثاني السفر للخارج والتسدح في الاستراحات(للي طفرانين).

منقووول

amm@r · 26-02-2004, 10:53 AM

حسبي الله و نعم الوكيل ...

أظن يا المجروح انت ذكرت الاسباب من طرف واحد ... و ليس ما تقول الرجال عيونهم ديما لبرا ؟؟؟

شوف الحين صرلي نقطه عند الستات هي عم ساوي محامي الدفاع

بس للأمانه انه في كثير من الستات لما بتزوجوا و بجي أول ولد ... بروح الاهتمام بالرجل .. انتبهوا للنقطه هذه يا ستات

تمنياتي للجميع بالخير و السعادة

AMM@R

المجروح · 26-02-2004, 11:25 AM

الحقيقه انا ما قلت ان الرجال طاهر مطهر ولكن يجب ان الزوجه تهتم فيه اكثر من العاده عشان ما يلقى له حجه والا انا غلطاااان

V I P · 27-02-2004, 01:36 AM

اخوي المجروح

مشكور يالغالي على الموضوع

وعلى النقاط التي والله صدقت فيها وخصوصا

- طلب اشياء فوق استطاعة الرجل (ضاربة في ميزانية الادمي عرض الحائط)

تحياتي لك

Sweet · 27-02-2004, 02:14 AM

المجروح تسلم على الموضوووع وانا رايي نفس راي الاخ amm@r ان المشكله راح تقع ع الاثنين في تقصيرهم ... ممكن المراه تقصر في جانبها ف المنزل والرجل يقصر من جانب اخره في تاخره عن المنزل مثلا او عدم مساعدتها في تربيه الاطفال .. وهكذا تبدا المشاكل بالوقوع ويبدا الرجل بالتفكير والهروب الى الراحه والاستقرار في زوجه من الثانيه وما يدي انه راح يفتح على نفسه ابواب مسكره

تحياتي,,,

بنت النور · 27-02-2004, 03:56 AM

[اشكرك ياخ المجروح على طرحك لموضوع مثل هذا حتى ولو كان منقولا

وانت وضعت كل شي على عاتق المراه وانتم يالرجال نازلين من السماااا ملاائكه

1 طيب يمكن هو ماعطاها وجه بعد ولا لها مكانه بقلبه بتاتا بس صاير البيت للاكل والنوم وبس

وفي هالحاله كيف بتلقي له بال .

2 بالنسبه للنظافه والمظهر والله اعتقد مافيه احد ماتهتم بنفسها مو عشان زوجها على الاقل عشان نفسها بس

لان النساء تغيروا وصاروا يشوووووفون ويارون الفضائيات وغيرها يعني تمدنوا بمعنى اصح

3 معقوله كليا مره وحده عاد هذي نصبه !!!

وبعد لازم تهتم بالاطفال مهما كانوا اطفاله بعد لازم يتحمل بس كليا كبيره شوي انها معاد تهتم به

4 سماع الكلام من يريد بالتفريق بين اثنين انا فهمتها على حد علمي قصدك اهله ولا اهلها ولالا

لكن هذي الامور ماتحصل الا اذا كانت نفس الاسره الصغيره متزل الاستقرار عندهم وفي هالحاله يدخل ناس اخرون ويكثر الحكي ويكثر القيل والقال والله يعافهيم ولايبلانا

5 وين يالمجروح عصر الكراث ولا وينا فيه اغلب الحين هالبناااااااات مايحبونه واولهم انا

والبصل على قولتك معقوله بتبتل بثيابها ماغيرت اصلا هي بتستحي من نفسها قبل لاتستحي من زجها

6 لاتعليق

7 الله يفكنا منها والله انها شينه والحمدلله اني منيب عصبيه

8 عاد هذي على حسب عقلية المراه اللهم لاشمااااااااااته

9 اتخيل نفسي مرتكزه في الصاله لابسه فستااااااااان يدهر بالشك والفصوص والترتر والحركات حق عروس

هو بينهبل بيقول عسى ماشر

يعني حبيت اقول كل شي وله وقته وله مناسبته

وونفس الشي الطلعات الرسميه غير لما اكون في البيت

تبونا نصير رسميه في البيت

وبعدين البيت له لبسه طبعا اكيد بيصير شيك اهم شي بس مو معقوله اني اشتري من محل كبيررررررر وغالي بعض الشي

والبسه في البيت ا

اوكي اذا جيت بروح بلبسه العصر واروح المغرب يعني بصير لابسته

بس تبون تعذرون بالسفر انتم احرار

تبون تعذرون بالاستراحات انتم احرار

بس لاتحطووووووووووون اللوووووووووووووووووووووم على المرأأأأأأأأأأه

وهذا كل الي عندي بس

المجروح · 27-02-2004, 06:17 AM

وش ذا ؟؟؟؟
اكلتيني ..........
كل اللي كتبتيه مفهوم بس حاجه وحده ما فهمتها ( ترتر ) ..... انا اعرف(( در در)) بس ما لحقتي عليها حقة السياكل اللي نقول فيها سيكل در در خخخخخخخخخخخخخخ

انا اقصد في في الخطوه الرابعه بعض الصديقات اللي يسمونهم صديقات والحقيه هم عكس ذلك
بعدين وش اللي يخليها ما تلبس كشخه في البيت ؟؟؟
انا اقعد اكد عمري كله وبها الشموس مغير ادهر ......... طالع كأني ضب مره اسمر واذا جاء الخميس والجمعه صرت اصفر عشان ما تلبس لي ... وتلبس لغيري

بنت النور · 27-02-2004, 06:24 AM

ياخي المجروح

االترتر هو التنتر بس اختصرناه وسميناه الترتر

ههههههههههههههه

ثانيا يالمجروح هي بتلبس بس ماتخيل اني البس في البيت لبس رسمي وانامنيب طالعه بالله طيب انت في البيت شكلك مغير تحوس بثوب مقلم

واذا جيت تطلع طقيت الكوبرا والحركات والقلم بعد لاتنسى لازم يرتز

ونفس شي المراه هي بتلبس بس لبس البيت يعني طبيعي مو رسمي تخيل بهالبيت بجزمتهاااااااااا وانت بكرامه ولا بشنطتهااااااا !!!

ان شالله فهمت المعلومه

المجروح · 27-02-2004, 06:40 AM

االترتر هو التنتر بس اختصرناه وسميناه الترتر

ههههههههههههههه

انا ما فهمت الأولي عشان افهم الثانيه

من الضروري ان المرأه تلبس وتتكشخ قدام زوجها ......

اما تقولين مانيب لابسه لبس رسمي ... انا ما قلت البسي رسمي , قلت البس كشخه فقط

الرجال مطلوب منه ان برضو يهتم بمظهره امام زوجته ولكن وش عندنا الله يخلف ؟ ما فيه الا شماغ وعقال وقلم ... تبين يعني نلبس كذا با البيت ؟

يعني نلبس قميص والا ترنق رياضه هذا اللي فيه والا تبين نسوي زي المسلسلات البس روب مدري وش اسمه هذاك الأحمر .

بنت النور · 27-02-2004, 07:24 AM

هههههههههههههههههههههههههههههههه

اما رووووووووووب ياعماد حمدي

ولا تنسى الكرفته

انا بلبس لبس كشخه طيب و لا يهمك بس يصير خاص للبيت يعني لو بطلع طبعا مستحيل باطلع بكشخة البيت لان الطلعه لها كشختها من قالب خااااااااص

احلى شي الشماغ والعقال

ايه شفيها ماتلبس هماك تلبسها لربعك

وبعدين فيه لبس للبيت للرجال فيه اشياء كثيره انتم ابخص فيها انا ماراح اتكلم فيها لانها تخصكم

مواضيع ذات صلة
الموضوع	الكاتب	المجلس	المشاركات	المشاركة الأخيرة
رابطة زعيم آسيا نادي الهلال السعودي	هلالي ودمي ازرق	عالم الرياضة	1689	15-11-2007 07:13 PM
زواج المسيار أفضل بكثير من الزواج العادي !!!!!!	كمان	خارج السرب	1	15-02-2007 10:34 AM

أسرتي الجميلة

كل مايختص بالاسرة والمجتمع وشئون المرأة والطفل

اسباب الزواج من اخرى او البعد عن المنزل ....

..:: الصداقة بين الزوجين ::..

المرأه القصيره اكثر انوثه

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق