أسرتي الجميلة

أجـهـلـك ؟؟ · 28-02-2004, 01:24 PM

بعض الأسباب صحيحه ونعايشها

لاكن هناك بعض الرجال جزاهم الله خير

مشرف على احدى الجمعيات الخيريه

وما يطلع من العمل الا الساعه 4 ونص العصر ويروح سيده للعماره اللي يبنيها

وما يرجع للبيت الا بعد المغرب يتقهوا يصلي العشا

يروح للجمعيه وما يطلع منها الا الساعه عشر

يروحلبيت ابوه ويقعد عنهم ويتعشا وما يطلع منهم الا الساعه 12

من وين تبغين عساله يشوفونه ولا يقعدون معه

والويكند

الأربعاء عند اهله

الخميس عند اهل الأم

الجمعه عند ابوه

ولكن يعوض اطفاله يوديهم للثمامه ويمشيهم و...

وهذا

نعايشه حقيقه وواقع

تحياتي

أجــلــهــلك ؟؟

أجّودي · 28-02-2004, 04:31 PM

السلام عليكم ورحمة الله وبركاته

موضوعك يتحدث عن خروج الرجال عن منازلهم بسبب وبدون سبب اختي بنت النور وهذا شيء طبيعي ..

صحيح فيه طلعات مالها داعي ولو نجلس بالبيت ونقابل أهلنا أصرف منها بس ليتنا نطبق اللي نقوله

بعضهم متزوج ومواعد على قولتك سواءً قليل أو كثير من المتزوجين يسوي الشيء هذا وهذا ماهو نقص بأهله أو عيب فيهم لا ..

بس الحكمه تقول [ من شّب على شيء شاب عليه ] وأتوقع إنه تعود على الأمور هذي قبل زواجه وإعتاد عليها بعد الزواج وبكبره وصعب إنه يتأقلم مع الوضع الحالي إلا بتضحيات كثيره ويمكن مايبي يضحي لأجل أهله

الإستراحات وشقق العزاب : ماهي قليله ويمكن أكثر من البيوت بالوقت الحاظر لأنها المتنفس الوحيد للشباب .. ولأنهم تعقدوا من كلمة ممنوع دخول العزاب وكلمة للعوائل فقط .
ولو إنك تعرف صاحب المحل دخلت وأنت عزوبي وليتهم يطبقون مايكتبونه باللوحات الإرشاديه .

وبعض العزاب والشباب ماعنده مكان بالبيت يعزم أو يجتمع فيه هو وأصدقائه ويمكن مايكون فيه مجال يعزمهم لأن في البيت تشدد شوي من التجمعات والسهر .

وهذا سبب لجوء الشباب العزاب للإستراحات والشقق والسهر فيها والطلعات وغيرها

صحيح فيه أمور للعوائل بس يعطونا مجال شوي لو يخصصون يوم واحد بس لدخول العزاب يبي يلاقون إقبال أكثر من العوائل وهدوء كبير بالنسبه لإزعاج العوائل وأطفالهم

ويمكن يقلبوها ممنوع دخول العوائل للعزاب فقط

وإستراحات المتزوجين كلهم يبي يلاقي زملائه بالعمل أو زملائه الخاصين ومايبي أحتكاك مع الناس الباقين مثل إنه مايكونون مرتبطين ببيت أحد زملائهم مثلاً . والكثير مايبي تجمعات بالبيت عنده ويبي راحة البال وهو متزوج وإذا أحتاجوا أهله شيء [ التلفون موجود يبلغونه فيه ] .

وإذا الدعوه على [ القطه ] كلها ماتتعدا 400 ريال ويمكن تكون أقل من كذا وتصل إلى 200 وماهي شيء لو أدفعها وأصير عضو دائم بلجنة الأستراحه المثبته رسمياً للحضور والإنصراف ولي حق التصرف كما لغيري

واللي يبي يقصر على عياله بشيء ولا أهله من إحتياجاتهم الله يعافيه ولا يبتلينا هذا اللي أقدر أقوله له

وبعدين الحرمه وش مطلعها يعني حلى هي الطلعه كل ماصار شيء ببيت أختها ودني بيت أختي وكل ماتجمعن أخواتها تنقز بحلق رجالها أخواتي متجمعات وإذا صار معها فلوس ولا مع زوجها فلوس تميلح عنده وتقول ودني السوق

وليتها مسألة يوم ولا يومين بالإسبوع حالة تتكرر بكل الأيام توقع صاروخ مفاجئ من زوجتك وتفجير قنبلة عزيمة عندها بالبيت وتبي منك 5000 ريال . علشان إنك قلت لها ورى ماتعزمينهم عندك طيب ليه كل يوم رايحه لهم [ ماتصدق خبر وقتها ]

ووقت رجوع الحريم للبيت الساعة 12 وش مطلعها من الأساس ولا الرجال لازم يمسك مكانها بترتيب البيت وترضيع الأطفال وطبخ العشاء لهم ويغير روتينه شوي علشان عيونها

واللي تقولين انه يجي من الدوام وينام ويصحى ويتقهوى شوي ويطلع ويرجع بوقت متأخر وينام وعلى هالحال كل يوم يبي يجي الوقت القريب اللي يتعدل حاله ومافيه شخص يستمر على وضعه مهما طال به الزمن ولا قصر

وبدال ما أنتم يا الحريم تقولون ورى مايجلس الرجال شوفوا وش متطلباته يامال العافيه وش يبي وش مايبي وش يحب وش مايحب ماهو كل ماصار شيء طفيتوا به كل ماطلع شيء جديد قلتوا بكم واذا عطوكم سعر غالي تقولون رخيص والضحيه الزوج هو اللي يدفع

وبعض الزوجات ماشاء الله عليها من حين يدخل زوجها وهي ماجابت له خبر ماهو هو اللي ماجاب لها خبر تلاقونها ماسكه التلفون وساعة تتكلم مع أختها ولا زميلتها ولا قريبتها ولا جارتها ومستلمه خليقة الله حش وتقطيع .

وإذا طلب الغداء يلاقيه صحن فول وبيض وتقول والله توني صاحيه من النوم ولا توني راجعه من المدرسه لو إنها مدرسه

وتشتكون مننا .. لكم مطالبكم ولنا مطالبنا وكل مطالب الزوج إنه يلاقي شخص يهتم فيه ويتقرب منه ماهو كل ماشافت زوجها يبي يطلع تبي فرقاه ولا كل ماصار شيء بينها وبينه تقول ودني أهلي وتقول طلقني وتحسبها موضه كلمة طلقني

أشكرك أختي بنت النور لطرحك هذا الموضوع وكلا الطرفين مظلوم في هذه القضيه

وتقبلي مني تحياتي وتقديري

أجّودي

بنت النور · 29-02-2004, 03:15 AM

اقتباس

الكاتب : أجـهـلـك ؟؟


	بعض الأسباب صحيحه ونعايشها لاكن هناك بعض الرجال جزاهم الله خير مشرف على احدى الجمعيات الخيريه وما يطلع من العمل الا الساعه 4 ونص العصر ويروح سيده للعماره اللي يبنيها وما يرجع للبيت الا بعد المغرب يتقهوا يصلي العشا يروح للجمعيه وما يطلع منها الا الساعه عشر يروحلبيت ابوه ويقعد عنهم ويتعشا وما يطلع منهم الا الساعه 12 من وين تبغين عساله يشوفونه ولا يقعدون معه والويكند الأربعاء عند اهله الخميس عند اهل الأم الجمعه عند ابوه ولكن يعوض اطفاله يوديهم للثمامه ويمشيهم و... وهذا نعايشه حقيقه وواقع تحياتي أجــلــهــلك ؟؟

الله يعيينا وياه ان شالله

وان شالله بيوفقه الله لانه بار بوالديه جزاه الله خير

واذا على العمار الله يعيينه والله بيتعب بس كلها سنه ان شالله ويرتاح

عاد يطلع منهم 12 قويه

ماشالله عياله ماخذين وقتهم منه ولا يخلونه

ماتوقع بيخليهم ولا بيتركهم الا ااذا صار مشغول

ومشكور اخوي جهلك والله يعطيك العافيه

بنت النور · 29-02-2004, 03:40 AM

اقتباس

الكاتب : أجّودي


	السلام عليكم ورحمة الله وبركاته وعليكم السلام والرحمة حيا الله صاحب القلم المبدع والطرح البناء موضوعك يتحدث عن خروج الرجال عن منازلهم بسبب وبدون سبب اختي بنت النور وهذا شيء طبيعي .. ليش شي طبيعي ؟؟ صحيح فيه طلعات مالها داعي ولو نجلس بالبيت ونقابل أهلنا أصرف منها بس ليتنا نطبق اللي نقوله بعضهم متزوج ومواعد على قولتك سواءً قليل أو كثير من المتزوجين يسوي الشيء هذا وهذا ماهو نقص بأهله أو عيب فيهم لا .. بس الحكمه تقول [ من شّب على شيء شاب عليه ] وأتوقع إنه تعود على الأمور هذي قبل زواجه وإعتاد عليها بعد الزواج وبكبره وصعب إنه يتأقلم مع الوضع الحالي إلا بتضحيات كثيره ويمكن مايبي يضحي لأجل أهله الإستراحات وشقق العزاب : ماهي قليله ويمكن أكثر من البيوت بالوقت الحاظر لأنها المتنفس الوحيد للشباب .. ولأنهم تعقدوا من كلمة ممنوع دخول العزاب وكلمة للعوائل فقط . ولو إنك تعرف صاحب المحل دخلت وأنت عزوبي وليتهم يطبقون مايكتبونه باللوحات الإرشاديه . وبعض العزاب والشباب ماعنده مكان بالبيت يعزم أو يجتمع فيه هو وأصدقائه ويمكن مايكون فيه مجال يعزمهم لأن في البيت تشدد شوي من التجمعات والسهر . طيب وشوله السهر على قل سنع مو يروح لبيته اصرف له وهذا سبب لجوء الشباب العزاب للإستراحات والشقق والسهر فيها والطلعات وغيرها صحيح فيه أمور للعوائل بس يعطونا مجال شوي لو يخصصون يوم واحد بس لدخول العزاب يبي يلاقون إقبال أكثر من العوائل وهدوء كبير بالنسبه لإزعاج العوائل وأطفالهم ويمكن يقلبوها ممنوع دخول العوائل للعزاب فقط وإستراحات المتزوجين كلهم يبي يلاقي زملائه بالعمل أو زملائه الخاصين ومايبي أحتكاك مع الناس الباقين مثل إنه مايكونون مرتبطين ببيت أحد زملائهم مثلاً . والكثير مايبي تجمعات بالبيت عنده ويبي راحة البال وهو متزوج وإذا أحتاجوا أهله شيء [ التلفون موجود يبلغونه فيه ] . وإذا الدعوه على [ القطه ] كلها ماتتعدا 400 ريال ويمكن تكون أقل من كذا وتصل إلى 200 وماهي شيء لو أدفعها وأصير عضو دائم بلجنة الأستراحه المثبته رسمياً للحضور والإنصراف ولي حق التصرف كما لغيري ماعليك القطه منتشره بين العالم كلهم عوائل وعزاب يعني مافيه فرق والله يعافيه من اخترع شي اسمه قطه واللي يبي يقصر على عياله بشيء ولا أهله من إحتياجاتهم الله يعافيه ولا يبتلينا هذا اللي أقدر أقوله له وبعدين الحرمه وش مطلعها يعني حلى هي الطلعه كل ماصار شيء ببيت أختها ودني بيت أختي وكل ماتجمعن أخواتها تنقز بحلق رجالها أخواتي متجمعات وإذا صار معها فلوس ولا مع زوجها فلوس تميلح عنده وتقول ودني السوق ياسلام يعني يحق لكم ولا يحق لنا ليش الانانيه على الاقل هي بتروح لبيت اختها مو مكان اصدقاء وخرابيط ياعمري مالها الا بيت اهلها وخواتها المجتمعات مومعقوله تروح للسوق من دون غرض اكيد فيه مناسبه ولا شي ولا تخفيضات عشان تريحه ماتشتري غالي بعد وليتها مسألة يوم ولا يومين بالإسبوع حالة تتكرر بكل الأيام توقع صاروخ مفاجئ من زوجتك وتفجير قنبلة عزيمة عندها بالبيت وتبي منك 5000 ريال . علشان إنك قلت لها ورى ماتعزمينهم عندك طيب ليه كل يوم رايحه لهم [ ماتصدق خبر وقتها ] ووقت رجوع الحريم للبيت الساعة 12 وش مطلعها من الأساس ولا الرجال لازم يمسك مكانها بترتيب البيت وترضيع الأطفال وطبخ العشاء لهم ويغير روتينه شوي علشان عيونها واللي تقولين انه يجي من الدوام وينام ويصحى ويتقهوى شوي ويطلع ويرجع بوقت متأخر وينام وعلى هالحال كل يوم يبي يجي الوقت القريب اللي يتعدل حاله ومافيه شخص يستمر على وضعه مهما طال به الزمن ولا قصر والله ماتغير خلاص شي تعود عليه لايمكن يغيره وبدال ما أنتم يا الحريم تقولون ورى مايجلس الرجال شوفوا وش متطلباته يامال العافيه وش يبي وش مايبي وش يحب وش مايحب ماهو كل ماصار شيء طفيتوا به كل ماطلع شيء جديد قلتوا بكم واذا عطوكم سعر غالي تقولون رخيص والضحيه الزوج هو اللي يدفع عجزنا ونا نشوف هالمتطلبات ذبحتونا بها الطلبات وبعض الزوجات ماشاء الله عليها من حين يدخل زوجها وهي ماجابت له خبر ماهو هو اللي ماجاب لها خبر تلاقونها ماسكه التلفون وساعة تتكلم مع أختها ولا زميلتها ولا قريبتها ولا جارتها ومستلمه خليقة الله حش وتقطيع . لاتعليق وإذا طلب الغداء يلاقيه صحن فول وبيض وتقول والله توني صاحيه من النوم ولا توني راجعه من المدرسه لو إنها مدرسه مافيه امل تخليه يتغدا فول وينا فيه حرام عليك ظلمت الحرمه مستحيل تغديه فطور وتشتكون مننا .. لكم مطالبكم ولنا مطالبنا وكل مطالب الزوج إنه يلاقي شخص يهتم فيه ويتقرب منه ماهو كل ماشافت زوجها يبي يطلع تبي فرقاه ولا كل ماصار شيء بينها وبينه تقول ودني أهلي وتقول طلقني وتحسبها موضه كلمة طلقني أشكرك أختي بنت النور لطرحك هذا الموضوع وكلا الطرفين مظلوم في هذه القضيه وتقبلي مني تحياتي وتقديري أجّودي

الدعوه لعبه

طلقني

ودني لاهلي

لا ماهي بهالطريقه تنحل الامور

ولابتدخل الاهل

لابد تنحل مشاكلهم بينهم

بس مايصير مطفوق ويطلع

واشكرك اجودي على تعليقك الي اغلبه ماقدرت اعلق عليه

وتحياتي

بنت النور · 29-02-2004, 05:17 AM

اقتباس

الكاتب : ابومهند


	والله يابنت النور احس انك تقصدين سطحنا يعني علشان ماعندكم سطح غايرين منا ؟؟ ويه ياثقل دمي ندش في صلب الموضوع شوفي وانا اخوك ,, الكلام اللي قلتيه ماعليه غبار وانتقادك في محله ,, وانا اعرف لك كم واحد يتعشى بأفضل المطاعم كل يوم واذا راح للبيت المسكينه حانه عليه : ماتبي عشا يابو فلان ؟؟ يرد عليها : لا ودي انام خفيف !!! لكن لو جينا ندرس الحاله هذي ,, لابد ان نحمل الطرفين المسؤليه ؟؟ يمكن الرجل ما وجد الجو المناسب في البيت وهذا تحت مسؤلية الزوجه ,, اعني تنظيم نوم الاولاد ,, موب تجي الساعه وحده في الليل والعيال متركزين تقول جن وكذلك نظافة البيت , وترتيبه ,, والتنوع في الاكل خاصة وجبة العشا ومن جهة الزوج ,, يجب عليه التخلي عن فكرة سي السيد والرجل الحمش وان يكون بمنزلة الصديق لاولاده ويتقي الله في زوجته واولاده وسلامتك واشكرك يابنت النور على هذا الموضوع الهام

انا ماتكلمت عن سطوح اي والله نسيت

ياهلا فيك واشكرك على تشريفك لموضوعي

امحق تخفيف يابعير زمانك

انا اقولك

الزوج نادر يتعشى في البيت وهذا بحكم الواقع الي حوالينا

اما بالنسبه للبيت وترتيبه مستحيل تقعد الحرمه في بيت حوسه لها الدرجه فوضويه

والله يسلمك

واشكرك على تعليق الي يوحي بما هو مفيد ولك مني اجمل تحيه

فتاة الاسلام · 01-03-2004, 06:53 PM

السلام عليكم

يا هلا فيك بنت النور وهالموضوع الحلو

بصرااحه كل واااحد ولازم انه يرفه عن نفسه

من ناحية الحرمة تطلع وتروووح وتجي ولا تقوول من يقعد عند رجلها او شي زي كذا هو في المقابل لازم يطلع مع اصدقائه

بس كل شي بحدوووووود يعني الحرمة غالبا الاربعاء والخميس ولازم من زيارات الاهل ولا لا مو كل يوم ولا احيانا ما يطيق جلسة البيت من كثر روحاته لاصدقائه

ولكم تحياتي
فتاة الاسلام

بنت النور · 02-03-2004, 05:34 AM

اقتباس

الكاتب : فتاة الاسلام


	السلام عليكم يا هلا فيك بنت النور وهالموضوع الحلو بصرااحه كل واااحد ولازم انه يرفه عن نفسه من ناحية الحرمة تطلع وتروووح وتجي ولا تقوول من يقعد عند رجلها او شي زي كذا هو في المقابل لازم يطلع مع اصدقائه بس كل شي بحدوووووود يعني الحرمة غالبا الاربعاء والخميس ولازم من زيارات الاهل ولا لا مو كل يوم ولا احيانا ما يطيق جلسة البيت من كثر روحاته لاصدقائه ولكم تحياتي فتاة الاسلام

شرفتينا يافتاة الاسلام

انا ماقلت انها تكتمه عشان تقولين لازم يرفه عن نفسه

وطلعات الحرمه تعدعلى الاصابع مو مثله كل مابغى دق سلف ومشى

ياختي يطلع بس في حدووووود على قولتك
انا قصدي هالحدود

ولا عاد هو الي جالس يعد الجدران الاربعاء والخميس في بيته

صدقيني لو جلستي في بيتنك مستحيل يجلس كثري لي منهاااااااااااا

عزيزتي اشكرك على مرورك

صرتي في صفهم

أميرة الرياض · 02-03-2004, 06:45 PM

بطبيعة الحال لا بود من حدود في خروج الرجل وأنا مع أختي الغاليه فتاة الإسلام و لابد في حدود طلعت كل منها

وطلعت روح العدوا ليش ما يجلس معها مسيكينه وش ذنبها

هي متزوجه عشان تعد الجدران ولا عشان يقعد معاها ويسمع سويليفاتها :D

وأشكرك على الموضوع

يا الحبيبه

بنت النور

تحياتي لكي

** أميرة الكون **

بنت النور · 03-03-2004, 02:53 AM

اقتباس

الكاتب : أميرة الكون


	بطبيعة الحال لا بود من حدود في خروج الرجل وأنا مع أختي الغاليه فتاة الإسلام و لابد في حدود طلعت كل منها وطلعت روح العدوا ليش ما يجلس معها مسيكينه وش ذنبها هي متزوجه عشان تعد الجدران ولا عشان يقعد معاها ويسمع سويليفاتها :D وأشكرك على الموضوع يا الحبيبه بنت النور تحياتي لكي أميرة الكون

اموره

اول شي تقولين لابووووودا ولابووووووووودا ثمن النهايه تقولين

وطلعة روح العدو

ماعرفنالك

واشكرك على ردك الغريب ههههههههههههههههه

فتاة الاسلام · 04-03-2004, 12:49 AM

لا والله لا في صفهم ولا في صفنا

انا مع الوسط يعني في طلعات الحريم وطلعاات الرجال وكل شي اذا كثر سمج

اما رد امورة غريب شكله منقل
نص هي ونص وحده ثانيه هههههههههه

تحياتي
فتاة الاسلام

مواضيع ذات صلة
الموضوع	الكاتب	المجلس	المشاركات	المشاركة الأخيرة
رابطة زعيم آسيا نادي الهلال السعودي	هلالي ودمي ازرق	عالم الرياضة	1689	15-11-2007 07:13 PM
¤ô§ô¤~¤ô§ô¤~رابطة اليثـ شيخ الأنديــه~¤ô§ô¤~¤ô§ô¤*~	عاشق الليث	عالم الرياضة	296	07-09-2007 04:27 AM
قصة//،،،عــــــيـــــــد الـــحــــــــــب Valentine Day	الــســــيــف	المجلس الإسلامي	6	17-02-2007 09:54 PM
((===الـــتـــغـــطـــيـــه الـــمــبــاشــره لــخـــلـــيـــجــــ18ـــي===))	المجهول	عالم الرياضة	57	31-01-2007 09:05 AM
تغطيه للأخضر في دورة الخليج	رومنصي مشاكص	عالم الرياضة	68	27-01-2007 06:56 AM

أسرتي الجميلة

كل مايختص بالاسرة والمجتمع وشئون المرأة والطفل

تراني معزوم ؟؟؟؟ وهو من جنبها والله !! لأنه معزوم على جيبه

~[..مفـــارش نــــ بنـات ــــوم..]~

^&^ لكِ غاليتـــــي بمناسبه قرب العيد ^&^

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق