يابنت النور ياعقد من الفضايح منثور

اسيتس بالخير يام النور ،،

لك حرية التعبير وطرح الراي وتقبل الراي الاخر او رفضه بسلامتك ،، لكن واضح من موضوعك التحامل على
العنصر الرجالي بقوه ،، يعني لازم تدققين حتى على صغائر الامور

في البداية ،، اصابع يدينك مهيب مثل بعض ومتساويه ،، والتفكير لدى الرجال يختلف عن بعض
فيه ناس تقدر المسؤوليات وفيه ناس لا ولا همها اهم شي انه يبسط نفسه ويكيف على حساب الاخرين
حتى اقرب الناس له اهله وزوجته وعياله ..

وجود استراحه او شقه لي كمتزوج او عزوبي اعتقد انه ابسط حق لي مثل ما الحرمه لها صديقات
وقريبات تروح تزورهم بين الفينه والاخرى ..

والمشكله ماقدرنا نفهم لكم يالحريم ،، اذا جلس الرجال في البيت وصار بيتوتي نقدتوا عليه وضايقتوه لين يطلع
واذا طلع مع الباب احميتوا تسبده علشان يرجع ،،

من بعض حرمات الحريم مع ازواجهن او الامهات مع ابنائهن كالتالي :-

1
تتصل عليه وينك فيه ؟؟ يرد عليها قريب وش بغيتوا ؟؟
طيب وينك فيه بعدها يرتفع الضغط عندي ودي اقفل السماعه عليهم

اوكي مالك شغل انا وين فيه المهم اذا عندك شي تبينه ابشري اجيبه لك وانا جاي او
اذا كان شي ضروري وحاله طارئ ممكن اني اطلع من الاستراحه واجيكم لانه مهوب طاريه الاستراحه
كل اوقات فراغي اقضيها هناك يعني وقت فراغ والحين عندي شغل

2
اذا رجع الرجال للبيت تعال شف التحقيقات المفصله .. وين كنت ،، من معكم ،، ومن جاكم ،، وش قلتو
وش اكلتو ..
ومن الطرائف اللي يذكرونها واحد عنده مره حقنه هذي اسئلته المهم انه مل من كثر هالاسئلة عليه
عاد في احد الايام وهو راجع وكالعاده شغلت الاسطوانه قالت له وش اكلتو .. الرجال قام واستفرغ الله يكرمكم
وقال اكلنا هذا كله

3
اذا الرجال تعطر وكشخ قالوا وين انت رايح اذا هو متزوج قالت اكيد ناوي تخطب واذا هو عزوبي
قالوا اكيد انك رايك تغازل ،، واذا ماتكشخ وتضبط وصار مهمل ،، قالوا ليه انت طمل ووسخ


يعني مافهمنالكم ياحواء .. وش المطلوب منا طيب