| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
أسرتي الجميلةكل مايختص بالاسرة والمجتمع وشئون المرأة والطفل |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
|
طفولتنا واطفالنا بين الحاظر والماضي
بدخل في الموضوع على طول طفولتنا حنا ياهـ الجيل وطفولت الجيل التالي <--- يعني كبير ترى  الشاهد ياجماعة الخير حنا جيل ماتمتعنا بطفولتنا صح كانت ذكريات جميله لكن مقارنه بطفولت الجيل الحاظر قسم بالله الواحد ينقهر ماكان فيه ترفيه زي الترفيه الحالي اذكر ايام الوروره من قده الي يكون عنده اتاري ؟ الله يحس انه ولد شيوخ المصيبه الاتاري شريطين كوره والبنت ام شعر اصفر لكن الجيل التالي بلاستيشن وحركات قسم بالله ذاك اليوم شفت شريط سيارات قبل السباق تطلع قدامك بنت كنه حقيقيه تغمز لك بعينها ولابسه تنوره ياعيني تفتح النفس للعب تخليك تتحمس موب مثل الاتاري شعرها اصفر ووجها مربع  وفيه الملاهي او المدينه الترفيهيه حقتنا ايام زمان يالله حسن الخاتمه زحليقه او بالاصح زحليطه والثانيه الي تدور تجلس تبترم فيك لين ترجع الي في بطنك والزحليقه مصديه ملعون ابو جده تسحلق عليها يجيك مشق واحمرار في المؤخره عاد كله كوم وقمة الوناسه العصريه كوووووووووووووووم بيبسي ابو نص بكيس وبسكوت مثلث الله الله قمة السعاده والجو كنه يشرب شمبانيا موب ببسي عاد يرجع لبيتهم الثوب اصصصصصصصصصصصفر والطاقيه متنتفه من كثر ماجرجروها وهم يلعبون طاق طاقيه والسروال من عند الركبه مشقوق اما الجيل التالي الموضه يلبسون بنطلون مشقوق من الركبه ومكان ثاني اتحفظ عن ذكره الجيل التالي انواع الفله سيارات على كهرب ودبابات بقي وغيرها وكل واحد معه السواق والخدامه او المربيه وحنا يالله الجنه من قده الي مع سيكل كفرين بلاستك لا من زود العربجه يحط قوطي مويه صحه على الكفر الي ورى عشان يطلع صوته كنه دباب <-- قسم بالله ينرحم عاد العربجي والي سيكله توب في الحاره يكون ملزقه بشطرطون ومركب اناتل هذا كنه راكب لمبرجيني ماحد يتكلم عليه من قده عاد اذا مكمل السيكل بنسافت ددسن او تريله ياعيني فيااااااقر سبشل  عاد اختمها باهم شي واروع شي في ايام الطفوله القديمه وهي سيارت الايسكريم ولا بالاصح العسكريم ماذكر كنا نشتري منها لا والله مافيه امل نشتري كنا نطاردها هيه هيه هااهاه سيارت الايسكريم يالله وراها الي يتعلق والي يطيح وتنشق رجله ولا يده وعادي يقاوم متعلق قمة الاثاره والمغامره تتعلق في سيارة الايسكريم اترك الباقي لكم ولطفولتكم
آخر تعديل م ـحـمـد يوم 08-07-2005 في 01:03 AM
|
08-07-2005, 01:25 AM
|
#2 | |
|
بنت الكويت
 
 |
رد : طفولتنا واطفالنا بين الحاظر والماضي
أنا اخالفكم الراي طفولتنا علبساطتها الا انها كانت افضل من الآن أطفال الآن مايعرفون يوجودون السعاده لأنفسهم مايعرفون يسللون أنفسهم مايعرفون ينبسطون الا بفلوس يعني اذا ذاك اليوم صار في البيت ازمه ماليه فكوا حلوجهم صراخ ضيقة صدر نبي نلعب نبي نستانس طيب من رادكم انتوا ماتودونا ولا طلعونا (يوم واحد ماطلعوا ) صار ماتطلعونا طيب اليوم مارحتوا ملاهي عندكم العاب ترس البيت العبو فيها اووه ملينا منها طيب انتو لعبو كره لعبو صيده مصيده لعبوا خطوا حيله في الأرض وجيبوا الربازه ولعبوا يازينا قبل طردي بالسكه حفاي نلعب اي لعبه نبتكرها في مخنا
|
|
|
|
08-07-2005, 05:55 AM
|
#3 | |
|
كبار الشخصيات
 
 |
رد : طفولتنا واطفالنا بين الحاظر والماضي
من جد انواع الراحه ناهيك عن اطفالنا بسم الله كل شي يدري عنه ومتفتح لدرجه ماتتوقعها اما اول والله على وجيهنا ماندري وشالسالفه ناكل ونشرب وننوم ونصحى  الاتاري الي عندي ذاك الاسود اموت في شي اسمه طيارات وباتمان ياشيخ ادخل جو ثاني والله لين الحين عندي ههههههههههههههههههههه مشكور ياااشكال على هالموضوع والله يعطيك الف الف عاااااااااااااافيه اعطر التحايا بنت النور
|
|
|
|
|
08-07-2005, 09:41 PM
|
#4 | ||||||||||||||||||||
|
وفي رواية [أشكال]
|
رد : طفولتنا واطفالنا بين الحاظر والماضي
هلابك عزيزتي معك حق في بعض ماقلتي الطفوله الحاليه جميله من ناحية الترفيه فقط اما من ناحية التربيه ماعندك احد من جد في الكويت اجمل ترفيه عندكم قرقيعان قسم بالله قمة الوناسه مع هـ المبزره شي من جد بنت النور هلابك شيختنا معك حق مبزرتنا هـ الوقت يعرفون الكفت من جد ويردون يالله حسن الخاتمه ذاك اليوم بزر عندنا في البيت قلت لك بعفويه ياورع وخر والله على نياتي قالي ورع جابته امك  بصراحه استحيت اصفقه خفت من امه تجي تفرشني قدام الباب
الله يقطع شيطانك اما الطيارات شي خيالي طياره ماتتحرك بس تروح يمين ويسار بس هههههههههههههههههه قسم بالله اننا مساكين نفلعها على اتفه شي لا لو تقارنين بعد بالشروخ والالعاب الناريه هـ الوقت وايام زمان قسم بالله فرق السماء عن الارض ايام زمان شروخنا بوجي سياره خربان نلف عليه ريشت حمامه ونحط داخله فتات الكبريت ونحط عليه مسمار وونطله فووق هذا اخطر شي عندنا ، عاد كيف الحين انواع المتفجرات موب شروخ |
||||||||||||||||||||
|
|
|
09-07-2005, 12:33 AM
|
#5 | |
|
عضو فعال
 |
رد : طفولتنا واطفالنا بين الحاظر والماضي
ذكرتني بالاتاري والله كانت حلوووووووه الحين لما اقارنها بالبلي ستيشن والاكس بوكس اضحك اقول لو شافونا عيال الحين كان قالوا اشلون عايشين من الترف اليه هم فيه وجيل باجر بيضحك على جيل اليوم كل واحد ياخذ دوره بس كانت ايام حلوه وفيها فعلا برائة الطفوله الحين ماعاد في الطفوله برائة صاروا يخلون الواحد عينه بوسط راسه من شده الخوف عليهم بسبب التطور والتكنولوجيا اليه العبت بحسبتنا فعلا التطور حلو بس مو مثل اليه الحين يخوف وعندنا احنا بالذات يخوف العرب قالبين كل شيء كل مفيد صار عندنا مخيف بس الله يرحم الحال بس ارجع واقول طفولتنا احنا اجمل بكثيييييير واليه قبلنا يقولون ايامنا احلا واحلا يعني كل ما رجعنا ورا بلاقي الاحسن وكل ما جينا قدام قلنا الله يعينا عليهم ويعطيك العافية
|
|
|
|
|
09-07-2005, 11:37 PM
|
#6 | |
|
وفي رواية [أشكال]
|
رد : طفولتنا واطفالنا بين الحاظر والماضي
ايوالله صادقه من ناحية البرئه قمه في البرائه حنا اما هم ماشاء الله عليهم ماعاد فيه برائه غير كذا فيه جرئه زايده بقوووه  واهم شي في طفولتنا الاتاري لا عدمنا هـ الطله عزيزتي |
|
|
|
|
10-07-2005, 01:01 AM
|
#7 | ||||||||||||||||||||
|
عضو لجنة التطوير
   |
رد : طفولتنا واطفالنا بين الحاظر والماضي
لا والله صياعة ومدشرة ووساخة هههههههههههه في ايام مرت علينا شفت حلوها يوم كنت صغير .. وزي ماقلت فيها بساطة ..واحسن شي اذا كان وقت عيد الفطر ولا الاضحى ذولي ايام بالسنة انبسط فيهم بس الحين لا اذا سمعت العيد بيجي يضيق صدري ...احس بملل قوي ماادري انا تغيرت ولا الليالي غيرتنا تسلم شكول على الموضوع الحلو وياليت كل واحد يضيف معنا تحس الموضوع بيقلب مبزره هههههههههههههههههه
|
||||||||||||||||||||
|
|
|
14-07-2005, 04:10 PM
|
#8 | |
|
عصـفورة الجـنة
 |
[اشكال] ياهلا وسهلا وعليكم السلام ورحمة الله وبركاته موضوع يثير الذكريات وذكريات الطفولة أحلى وأمتع الأيـام احلى شيء في الدنيا ... وأروع مراحل العمر وامتعها أحلامنا بسيطه ... وهمومنا بسيطه .. أيـــام عذبه تميزت بالطهر والبراءة والعفويه أكبر همومنا ..الواجبات المدرسية كنا نحلم نصير كبار .. وكبرنا ... ونتمنى الآن ترجع أيام الطفولة ... أطفال اليوم مساكين ... مسلوبه منهم طفولتهم البلاي ستيشن و التفككات الاسرية والفضائيات سرقت برائتهم اصبحوا اكثر عدوانيه ... واقل براءة .. ولايمنع هذا انهم أكثر فهما ووعيا شكراً اشكال يسعدني دوماً تشريفك لمجلس الاسرة
|
|
|
|
|
18-07-2005, 10:41 AM
|
#9 | |
|
وفي رواية [أشكال]
|
رد : طفولتنا واطفالنا بين الحاظر والماضي
ايوالله انك صادق ياخوك بذات ايام العيد خخخخخخخخخ قمة السعاده والله لا عدمنا هـ الطله يالغالي toofy ايوالله صادقه عزيزتي همومنا بسيطه وطموحنا ابسط نزل على شان بسكوت ونرضاء بعلبة عصير سنتوب يالله المستعان واطفالنا اليوم يزعلون عشان سفر ولا يرضون إلا بدباب ولا بجوال الطفوله شي والحياة شي اخر الطفوله مرحله في حياتنا لن تتكرر ابداً ويالها من ذكريات شاكر لك مرورك الكريم وتعطيرك الصفحه |
|
|
|
|
24-07-2005, 05:59 AM
|
#10 | |
|
عضو فعال
|
رد : طفولتنا واطفالنا بين الحاظر والماضي
وربي انك موووتني من الظحك يااخوي اشكال والله اول انوااااع الفللللللله والوناااسه والبرائه مو زي الحين وربي اني ارحمهم اذا شفتهم بس قاعدين يسمعون سواليف الكبار واللا يسمعون الاخبار وتفجيرات وارهابيين..وبعدين الحين مافيه ترابط بين الصغار مع بعظ كل واحد بلحاله مو زينا نصير كلنا يالاخوان شله وحده ونلعب كمبيوتر صخر دور دور..ونلعب حريم مع بعظ >>>>تمووووت فلعبة الحريم...واللا نروح نشتري صواريخ من نوير اللي تبيعها فسوق الحمام..والحين والله انهم مسااكــين اشكرك على الموظوع الحلو 
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| رابطة زعيم آسيا نادي الهلال السعودي | هلالي ودمي ازرق | عالم الرياضة | 1689 | 15-11-2007 07:13 PM |
| ((===الـــتـــغـــطـــيـــه الـــمــبــاشــره لــخـــلـــيـــجــــ18ـــي===)) | المجهول | عالم الرياضة | 57 | 31-01-2007 09:05 AM |
| تغطيه للأخضر في دورة الخليج | رومنصي مشاكص | عالم الرياضة | 68 | 27-01-2007 06:56 AM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
يكفي حضوري
