السلام عليكم ورحمة الله

أخواني وأخواتي الله يحييكم
وبدخل في الموضوع علطووول

يمكن تكون التربية السلوكية من أمتع المسؤليات وأكثرها عائدا بالنسبه للانسان على مدى حياته
( ام - أب - أخ - أخت - صديق - صديقه .. الخ )

لا تقولون محد يربي الا الام والاب
لان وبكل بساطه مدام انت تتاثر بمن حولك اذن انت تمر بتربية سلوكيه او فكريه الخ سواء مباشره او لا

المهم مسالة انكك تعالج سلوك غيرك أعتقد انها مساله صعبه ومعقده نوعا ما ومرهقه للاعصاب

لكن لا داعي للقلق
فيه قواعد مهمه لازم تحطها بين عيونك لما تفكر انك تعالج خطا لاي شخص كان

1- اللوم للمخطيء لا يأتي بخير غالبا
اياك ثم اياك ثم اياك من اللوم على ما حصل , واللي فات مات

2- أبعد الحاجز الضبابي عن عين المخطيء
مو كل من غلط يدري انه غلطان , فاللي عليك انك تفتح عيونه على الغلط طبعا باسلوب ذكي ولطيف

3- استخدام العبارات اللطيفة في اصلاح الخطأ
وكلنا نعرف ان من الكلام ما هو سحر واسالوا زرقاوي
ولا اقروا موضوعه ===> تسوي دعايه
المهم اللي اقصده انك ما تقعد تسب في الغلطان وتبيه يسمع منك
لانك راح تبعث في نفسه العناد وتزيد الطين بله

4- ترك الجدال أكثر إقناعا من الجدال
قال الرسول عليه الصلاة والسلام: ( أنا زعيم ببيت في ربض الجنه لمن ترك المراء ولو كان محقا)

5- ضع نفسك موضع المخطيء ثم ابحث عن الحل
تخيل انك أنت الشخص الغلطان وبنفس عمره وطريقة تفكيره وشخصيته و .. الخ

6- ما كان الرفق في شيء الا زانه

7- دع الآخرين يتوصلون لفكرتك
بمعني حاول تخلي الغلطان يكتشف ويعالج خطأه بنفسه لأنه أدعى لقبول النصيحه

8- عندما تنتقد اذكر جوانب الصواب لدى المخطيء
فمن الاحسن انك تثبتله انك منصف تشوف الصح وتشوف الغلط فيه وتذكر الصح أول وتثني على الشخص بعدين
طب في الخطأ وحاول تعدله

9- لاتفتش عن الأخطاء الخفية

10- استفسر عن الخطأ مع إحسان الظن والتثبت
اعطيكم مثال: تجي بنت النور وتقولي ترى الوافي ما يفرش اسنانه وانه اذا حكى خيسنا, واروح انا للوافي واقوله
تصدق ياالوافي يقولون انك ما تفرش اسنانك , بس ما صدقتهم لان شكلك من النوع اللي تفرش وتحب النظافه
عاد وقتها بتحمر خدود الوافي ويستحي خخخخخخخخخخ
ويصير يفرش اسنانه في اليوم ثلاث مرات وبنفس الوقت اعطيته ثقه في نفسه
لاني حسسته باني احترمه واعتبره نظيف

11- امدح على قليل الصواب , يكثر من الممدوح الصواب
فدايما يا احبائي التشجيع حلو حتى لو مجامله

12- تذكر أن الكلمة القاسية في العتاب يقابلها كلمة طيبه مرادفه تؤدي المعنى نفسه
وفعلا هذا شي واقع دايما تاثر فينا الكلمه الطيبه أكثر من القاسيه اللي تحرك فينا الكبرياء والعناد
اللي ينصحني بأدب اتقبله
واللي ينصحني بقلة أدب اشوته ===> خربت الاخلاق

13- اجعل الخطأ هينا ويسيرا وابن الثقه في النفس لاصلاحه

14- تذكر أن الناس يتعاملون بعواطفهم أكثر من عقولهم

واللي عنده نصايح ثانيه ياليت يفيدنا

واسفه على الاطاله في الموضوع

*اختي بنت النور , اخوي الوافي , بعد اذنكم استعرت الاسماء للمثال فقط