| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
أسرتي الجميلةكل مايختص بالاسرة والمجتمع وشئون المرأة والطفل |
إعلانات منتديات منطقة الرياض
|
||||||||||||
|
||||||||||||
 |
|
|
LinkBack | أدوات الموضوع |
|
#1
|
||||
|
||||
|
صباح الخير والورد والنوير
جدتي منبهرة تقول وين الحيا وين قطة الراس بالارض؟؟....يا بعد قلبي قلبج يا يدتي صارت موضة قديمة الحيا احب سوالف جدتي..اهي حرمة كبيرة بس ماشاء الله فاهمة....احب سالفة يدتي اللي مليون مرة سمعتها اشلون تزوجت تقول تصدقين ماحد قالي انج بتتزوجين...يجون لي ملابس واجربها واذا سالت من لة كل هذا قالو حق مريم بنت عمج..ومن بساطة التفكير والبراءة ما سالت وليش ما تجربهم مريم دام انهم لها؟ قبل عرسها بيوم قالو لها ..تقول:كنت صغيرة فرحت باللبس اليديد والعرس ،زفوني وتحولت بيت الحموله ساكتة وراضية بنصيبي،اهو اسبوع بس تدللت وما مديت ايدي على شي وبعد الاسبوع ابتدى المشوار ودخلت بجدول الجناين ..كل يوم وحدة عليها الطبخ ووحدة عليها التنظيف ..لا شكينا لا تذمرنا ولا تحلطمنا..نزعل ونرضى ولا احد يدري عنا...حياتنا ماشية واذا ية ابونا معصب وتعبان،خيطت حلجي وسكتت ولا كلمة ارد علية لما يهدا..اذا شد رخيت واذا شديت انا رخى.....،تتنهد يدتي كل ما ذكرتة واشوف بعيونها دموع ، تدعي لة بكل كلمة عساااة بجنات النعيم،عزني ودللني عسى ربي يعزة..اييييية هذا الحب والوفا ولا بلاش يا جماعة انا ادري ان الدنيا تغبرت ومتطلبات الناس كثرت وتعقدت بس مو جنة اول احسن؟ الحين يقعدون وبكل شي يتفاهمون وبادق الامور يتناقشون وبعد الزواج اول صدمه..اول هوشة..ما يصبرون على طول واللة ماكو نصيب!! حريم اول غير:فيها صبر ومداراة.. ريلها راس مالها وكل شي بدنيتها والريال لا تزوج..بس خلاص حياتة ودنيتة اهم ما فيها هالمرة والعيال ما درسوا ولا تعلمو ولا دخلو دورات؟؟على البساطة والفطرة توجههم صراحة القعدة مع العيايز حلوة واستكانة الجاي يصير لها طعم ثاني اخر نصيحة سمعتها من رفيجة يدتي: اول يوصون البنت اذا تزوجت:اذا زعلج ريلج وزفج ونزرج وخذاج انتي واغراضج وقطج عند باااب البيت...شيلي اغراضج بسكات ودشي من الباب الثاني اهم شي لا تردين بيت اهلج عيب!! يا حسرتنا...هذي وايد قوية ما اظنتي نقدر عليها 
|
17-11-2005, 01:14 PM
|
#2 | ||||||||||||||||||||
|
الصريحة
  |
رد : صباح الخير والورد والنوير
حلوه حياة اول دايما امدح فيها واتمنى نرجع لها مع اني لا عشتها ولا شي مجرد سمعت عنها بس كل اللي عاشوها ناس طيبين غير عن ناس هالزمن يعني لازم اصدقهم
ما عااااد الا هذي الا ما عاد يشووووف وجهي خير ان شا لله قليل الادب انا حرمه يرميني في الشارع ويطردني ====> تخيلت وزعلت يعطيك الف عافيه اختي عالموضوع والله لا يجيب الزعل بين الازواج تحياتي
|
||||||||||||||||||||
|
|
17-11-2005, 04:59 PM
|
#3 | |
|
عصـفورة الجـنة
  |
هلا وغلا الجادل الأصيلة يسعد صباحك ومساك وكل لحظاتك عوداً حميداً فرحت كثير بشوفتك منورتنا من جديد.. طرح جميل .. يبعث كثير من ذكريات الأولين أذكر أحدى الأمهات كانت تقول أن اهلها ماخبرها حتى في يوم زواجها حمموها وجهزوها واهم يقولون اليوم زواج أخوك .. لحد مازفوها للـ عريس  لكل جيل ظروفه .. وحلاوته .. والحياة في الماضي كانت بسيطه يعطيك العافيه حبيبتي يسعدني أراكِ دوماً
|
|
|
|
|
17-11-2005, 07:05 PM
|
#4 | |
|
كاتبة قديرة
 |
رد : صباح الخير والورد والنوير
حياج الله نعناعه ... انا معاج انا حياة اول احسن بكثير.. اهي كانت صعبه معيشيا بس ابسط ومفتكين من هالفناتق اللي كل شوي طـــالعه ... كل شي عندهم بالعدال والهون واما عن نصيحه رفيجه جدتي والله حتى احنا مانقدر عليها  الله يعافيج ويسلمج .. تشرفت بمرورج ومعرفتج وتقبلي احلى تحياتي |
|
|
|
|
17-11-2005, 07:29 PM
|
#5 | |
|
كاتبة قديرة
|
رد : صباح الخير والورد والنوير
شالدنيا فيج ؟؟ حياج الله توماتبــــــــارك الموضوع عمري .. وسامحيني توفي شوي الموضوع كلامه كويتي بحت .. بس اشتقت للكتابه واول ماكتبت هذا اللي طرالي واتوقع خايجنا واحد وشعبنا واحد ههههههههه وان شاء الله كلامي مفهوم  وانتي صاجه لكل وقت ظروفه وناسه .. تشرفت وسعدت بمرورج الحلو وتقبلي احلى تحياتي |
|
|
|
|
18-11-2005, 06:29 AM
|
#6 | |
|
كبار الشخصيات
|
رد : صباح الخير والورد والنوير
عودا حميداااااا وشرفتينا بها الموضوع الرائع والله يخلي لك جدتك بصراحه حياة اول حلوووه بس اخر شي قويه بصراحه انه يرميني عند الباب وادخل مع الباب الثاني عشان عيب اروح لاهلي اعذريني في هالحاله انا ماعرف العيب اعطر التحايا بنت النور
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
يكفي حضوري
