أسرتي الجميلة

توتة · #1

السلام عليكم ورحمة الله وبركاته
في البدايه محتاره و حبيت اخذ رأيكم ...
للي عندهم ذوق في أختيار الالوان ..فأنا بصراحه ودي أأثث مجلس للنساء وإلى وقتكم ,وأنا مادري وش اللون المناسب عطوني رأيكم وش أختار !!!!!!!

ودمتم بخير ........

بنت النور · 18-11-2005, 06:30 AM

طيب وش الالوان السابقه لمجلس النساء

عشان نحدد لك وش تبين من الوان

عندك حاليا مثلا الموضه للمجالس عموما

لون بني ودرجاته

وشكرا لك

نعناعه · 18-11-2005, 07:45 AM

حبيبتي علميني طيب

الوان الجدران مثلا

الوان الباب اذا فيه والشباك

حجم المجلس , مفتوح على شي او لا , واذا كان مفتوح على صاله او شي ايش الوان الصاله
لانه يحتاج لون فخم يبرزه

الاضاءه كيف توزيعها ولونها

استخدامكم للمجلس كثير ولالا

حجم الشباك كبير ولا صغير الاضاءه الطبيعه كيف جايه

اشياء كثير تحكم

وابشري باللي يساعدك

انتظر ردك

تحياتي

توتة · 18-11-2005, 01:51 PM

اقتباس

الكاتب : بنت النور


	طيب وش الالوان السابقه لمجلس النساء عشان نحدد لك وش تبين من الوان عندك حاليا مثلا الموضه للمجالس عموما لون بني ودرجاته وشكرا لك

هلا بك اختي بنت النور
انا ساكنه جديد ولسا ما اثثت
عموما كان ودي بلون بني لكن قلت اخذ رايكم
ومشكوره عيوني على المساعده

توتة · 18-11-2005, 01:55 PM

اقتباس

الكاتب : نعناعه


	حبيبتي علميني طيب الوان الجدران مثلا الوان الباب اذا فيه والشباك حجم المجلس , مفتوح على شي او لا , واذا كان مفتوح على صاله او شي ايش الوان الصاله لانه يحتاج لون فخم يبرزه الاضاءه كيف توزيعها ولونها استخدامكم للمجلس كثير ولالا حجم الشباك كبير ولا صغير الاضاءه الطبيعه كيف جايه اشياء كثير تحكم وابشري باللي يساعدك انتظر ردك تحياتي

الجدران لونها لؤلؤي
الباب لونه بني غامق
المساحه 6في 4متر
استخدامي للمجلس قليل
الشباك حجمه متوسط
الاضاءه موزعه بنظام
في انتظار ردك
ومشكور عيوني على المساعده

shooq · 19-11-2005, 09:41 PM

صراحه المجلس وااااسع ويحتاج شي يناسبه
أحس يالغاليه ان اللون الأنسب هو البني ودراجاته
لأن الباب بني حتى يكون اللون متناسق
والبني لون حلو ويعيش مع الزمن

عاد انتي وذوقك وانتي معروفه بالذوق الرفيع

تحياتي يالغلى

توتة · 19-11-2005, 09:43 PM

اقتباس

الكاتب : شوق وحنين


	صراحه المجلس وااااسع ويحتاج شي يناسبه أحس يالغاليه ان اللون الأنسب هو البني ودراجاته لأن الباب بني حتى يكون اللون متناسق والبني لون حلو ويعيش مع الزمن عاد انتي وذوقك وانتي معروفه بالذوق الرفيع تحياتي يالغلى

مشكوره ياعيوني على رايك وماننحرم منك يالغاليه
والذوق اللي عندي من بعض مالديك الله يسلمك من الذوق كله

نعناعه · 19-11-2005, 11:30 PM

اول شي انصحك ما تدخلين الوان كثير

يعني استخدمي لون ودرجاته في الكنب
مثلا ثلاث درجات من البيج اذا تحبين الفواتح

او لون واحد مثل العنابي الغامق اذا تحبين الغوامق

طبعا في كل الحالتين حاولي تدمجين نوعيات اقمشه مختلفه متناسبه مع بعض
او تدمجين اقمشه مختلفه في تصميم زخارفها سواء مشجر او لا
المهم راح تلقين خيارات كثير حسب نوع القماش او تصميمه اذا بتفصلين
اما اذا جاهز انتي وحظك عاد

والتحف خليها بلون غير تبرز اكثر مثلا نحاسي وبرضو تحف زجاجيه
وممكن تضيفين تحف من الفخار الصيني

وبالنسبه للطاولات اعتقد افضل تخلينها بني غامق مثل الباب
سواء اخترتي درجات البيج او العنابي الغامق

الزبده : ما عليك من الموضه الموضه بتروح واثاثك بيقعد كم سنه
فكري بدرجات البيج او العنابي

توتة · 19-11-2005, 11:42 PM

اقتباس

الكاتب : نعناعه


	اول شي انصحك ما تدخلين الوان كثير يعني استخدمي لون ودرجاته في الكنب مثلا ثلاث درجات من البيج اذا تحبين الفواتح او لون واحد مثل العنابي الغامق اذا تحبين الغوامق طبعا في كل الحالتين حاولي تدمجين نوعيات اقمشه مختلفه متناسبه مع بعض او تدمجين اقمشه مختلفه في تصميم زخارفها سواء مشجر او لا المهم راح تلقين خيارات كثير حسب نوع القماش او تصميمه اذا بتفصلين اما اذا جاهز انتي وحظك عاد والتحف خليها بلون غير تبرز اكثر مثلا نحاسي وبرضو تحف زجاجيه وممكن تضيفين تحف من الفخار الصيني وبالنسبه للطاولات اعتقد افضل تخلينها بني غامق مثل الباب سواء اخترتي درجات البيج او العنابي الغامق الزبده : ما عليك من الموضه الموضه بتروح واثاثك بيقعد كم سنه فكري بدرجات البيج او العنابي

فعلا ماخاب من استشار
والله يجزاكي خير اختي نعناعه
على هذا الرأي ولا ننحرم منك يالغاليه
تقبلي فائق تقديري واحترامي
وردك جاء في وقته لاني في هاليومين راح افصل مجلس للنساء
وردك اسعدني كثيرا
مشكووووووووووووووووووره

الجووهرة · 20-11-2005, 11:59 PM

هلا بك توته ..
والله تحمست معك .. ودي يطلع مجلسك أحلى مما تتصورين .. وان شاء الله يكون كذا ..

مثل ما قالوا البنات استخدمي اللون البني .. خصوصا انه الدارج هالأيام .. استخدمي الاقمشه من انواع التفته الامعه وادمجي معه اقمشة من الشامواه .. اعتمدي اعتماد كبير على التعتيق في التعتيق في الكنب زانصح مادام الوانك بتكون بني بالتعتيق النحاسي .. او البني اللي فيه شوي لمعة ذهبية .. ولاتنسين الكنب يكون مكون من خداديات (مخدات مربعه) منثورة على الكنبة .. الطاوله اللي في النص حلو لما تكون كبيره ومستواها نازل .. وانثري فوقها تحف والأقمشة المخصصه للطاولات وطبعا تكون بنيات او نحاسيات ..
اعتقد ان الإضاءة بما انها منتظمه هي اضاءة (سبوت لايت) Spotlight لذا انصحك تحت كل مساحه مضاءة بالإضاءه تضعين لوحات سواء كانت نرسومه او مثل الأعمال مثل اللي تكون حجريه او معتمده على الخرز والأحجار .. انصحك بمحل اسمه(بيت اللمسه) طريق العروبه ... والفرع الثاني بطريق الملك فهد .. وبعد انصحك تروحين للبيدق طريق الملك عبدالزيز .. ومتأكده انه راح تلاقين اللي يرضيك هناك ..

بالتوفيق

أسرتي الجميلة

كل مايختص بالاسرة والمجتمع وشئون المرأة والطفل

محتاره وأبـــــــــي رأيكم!!!!!!!.......

مميزات عقل المرأه؟!!!

..ملابس الشتاء من ماركة برمود بصور..

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق