السلسه الأولى من بنات أفكاري

( 1 )

صـ ـ ـدق مـ ـخـ ـطـ ـبـ ـو بـ ـه يـ ـا فـ ـلانـ ـه ..


قامت منال ( طالبه في ثالث ثانوي ) كعادتها كل يوم بالدخول لموقع الشات المعتاده على الدخول عليه

يوميا منذ 3 سنوات

بلاد هدف وكل ما يحويه عالم الإنترنت مواقع الدردشه بلا أدنى تفكير ولا حتى فضول بالبحث عما يحويه

من أشياء أخرى لا تعرف منتديات ولا تحب الدخول إليها ولا تعرف مواقع البحث !!

كانت في أول سنتين تحاول العبث والتسلي من خلال حديثها مع كل من هــب ودب في الشات

ولكن في السنه الأخيره يترد عليها مسمى ديوان الحب ( متخرج من معهد وموظف في شركه )

كأن أسلوبه مختلف جدا عن الأخرين بنظرها !!

كانت هي صاحب خفه الدم الأكثر وتحاول تأخذ الموضوع بأكثر قدره على اللعب بالكلام والإستهبال الدائم

وهو الوحيد الذي كان لا يعجبه أسلوبها !

وكان يتجنب الكلام معها فقط السلام والسؤال عن الأحوال لا أكثر ولا أقل

فحاولت التدخل وسؤاله عن تجنبه فحاورته على الخاص ..


صعبه المنال : ممكن أعرف وش فيك غير عن اللي بالتشات ؟

ديوان الحب : وممكن أنا أعرف وش يهمك فيه أختلافي ؟!! ( هنا : يعجبني )

صعبه المنال : تدري إنك تقهر !

ديوان الحب : في وشو قهرتك بالله عليك ؟

صعبه المنال : مدري شف نفسك وأنت تعرف !

ديوان الحب : رحم الله إمرئ عرف قدر نفسه عموما السموحه عن إذنك أنا طالع

وخرج !


تضايقت شوي منال من ردوده الجافه

وظلت منال تفكر وتقول صحيح كان يمزح بس مزحه غير !

مو بكل وقت يمزح وحتى المزح والضحك عنده حدود أحسه غامض والأهم بالنسبه لي غير

كنت لما أستهبل أحس يتنرفز يتضايق

هل يعني أسلوبي ما يعجبه !!

وظلت تفكر تفكر وتفكر وبــعـــمـــق !

سنتين وهو حاله حال غيره مجرد واحد أسولف وأضحك معاه وش كل هالإهتمام اللي طاري لي عليه

وليش أنزل نفسي وأكلمه بالخاص انا من دخلت ماعمري كلمت أحد خاص إلا اللي يطلبني

بعد 3 أيام وهم الويك إند مادخلت

ويوم السبت الساعه 3 عصرا

دخل مسمى صعبه المنال إلى الشات وكان ديوان الحب بإنتظارها وقام يرحب فيها ترحيب مو طبيعي ولا

قد رحب فيه أحد بالشات كلامات ترحيبه تطرح لأول مره وقصايد وكل شي يستدعي إلى الذهول والتعجب

وطانت هي بدورها ردوده أكثر ذهول وإستغراب .. والكل لاحظ الفرق ما هو منال اللي تضحك وتقوم الشات وتقعده وين حضورها القوي كأنت بلا منافس تتزعم الشات بطيبتها وحبها لأخواتها ولأخوانه
تخاف عليهم وتسأل عن أحوالهم

قام طلبها خاص وقال لها :


ديوان الحب : عسى ماشر يا يالغاليه فيكِ شي ؟

ولا مجيب ..

قام يكلمها بالخاص ويقول :

ديوان الحب : أشهد إنه له في قلبي غلا .. وقسم بالله لو ما رد علي عالخاص بطلع !

ومنال تقرأ وتبتسم

أنا ؟ أنا ؟ أنا ؟ معقوله ما كلم غيري بالهالحظه

ديوان الحب : 5 دقايق ياشيخ وبطلع !!!

وردت

صعبه المنال : وش فيك بالعامه اليوم أنت مره متغير إن شاء الله ردوا عليك ؟

ديوان الحب : لا والله ماكلمتني

منال صمت وحزن وخيبه أمل !

ديوان الحب : سألتها عسى ما شر يالغاليه فيكِ شي وماردت

منال قرأت أول ما كتب لها ديوان وإبتسمت

صعبه المنال : لا أبد سلامتك ليه وش فيني ؟

ديوان الحب : أنتي أكثر وحده عارفه نفسك وينك 3 أيام معقوله تمر 3 أيام ومانشوفك أيام إختباراتك

كنا نشوفك في شي شاغلك 3 أيام ؟

صعبه المنال : أتجنب كلامك الجارح !

ديوان الحب : كل مافي الأمر أني كنت مستعجل وصريح يمكن !

صعبه المنال : وصراحتك جت علي حتى سؤالك مارديته علي فاكره وإلا لا بعد ؟

ديوان الحب : طبعا فاكره ولو مو فاكره ما كان إنتظرتك 3 أيام عشان أشرح لك اللي أبي أقوله !

صعبه المنال : وش تبي تقول غرد نسمعك ؟

ديوان الحب : كل اللي أبي أقوله تجاهلي الكل لا تبدين إهتمامك ولا حتى أعجابك لأحد .. جد وربي

أخاف عليك انا أعرفك من زمان .. انا نفسي ماعطيت الفرصه لفضولك أني أرد عليك وربي إنهبلت

طول عمرك ما تكلمين أحد خاص فجأه تجين وتكلميني؟ ليه ؟

صعبه المنال: ديوان أن الشات عندي ولا شي مجرد تسليه وتضيع وقت ...

ديوان الحب : مجرد كلام في البدايه معقوله ما تأثرتي بأحد معقوله ما جذبك كلام وأسلوب أحد من المقنعين ؟

صعبه المنال : إلا إلا إلا إلا بـــس أنـــت .... !

ديوان الحب : ولأني أكن لك كل الكثير والمشاعر اللي بداخلي وما جذبها إلا أنتي من بد الشات كله

من سنتين ! حاولت قدر الإمكان أحاورك وأنتاقش معاك بعيدا عن الضحك والكلام اللي ماوراه فايده

صعبه المنال : بدون مبالغه أنت الوحيد بعمري اللي بشات يحاول يكلمني بعيدا عن التعرف والضحك واللعب

ديوان الحب : ولأني أشوفك غير مابي أحد يضحك عليك وأعرفك بسرعه تصدقين .. الله مكثر الكذب بالشات

وقصص وتأليفات لي رأسك .. ولأني واثق بصدقك ماعندك إيميل ولا مسنجر وماعمرك دخلتي خاص ..

صعبه المنال : إلا أستقبل خاص بس انا ما أدخل ... وأول مره قبل ثلاث أيام

ديوان الحب : يالغاليه أنا اللي بوضحه لك كثر الدق يفك اللحام ... يعني انا لو بحاول بوصل للي أبيه

بس معقوله تتنازلين عن وتكلميني خاص وانتي رافضه !

صعبه المنال : مادري لأني أشوفك مختلف يمكن ؟

ديوان الحب : كيف يعني ماني مخلوق من طين؟ ماني مخير على الخير والشر ؟ وش شايفتني ملااااك
كثير منا يتصنع وكثير منا يبدووو على طبيعته .. وانا أحب الصادق والصريح

صعبه المنال : وليش تشوفني غير كذا ؟ مادري بس غير وخلاص

ديوان الحب : الكلام سهل نقوله بس صعب نفهمه لي مدري ؟ مافي شي أسمه بس إحنا مو بسؤال صح وخطأ !! عموما يالغاليه انا مضطر أطلع الحين ..

صعبه المنال : لا وين بدري تو الناس .. مالي خلق اليوم أضحك وأكلم أحد

ديوان الحب : طيب ممكن أطلب طلب ..

صعبه المنال : تفضل أكيييييييييييييييييييييييييد

ديوان الحب : انا هالأسبوع مشغول مره مره مره بشوفك نهايه الأسبوع وانتي لا تدخلين الشات بالمره
أعتقد ماراح يضرك لو مادخلتي ذاكري أختي تقول بديتوا أختبارات مابي أسمع إلا إن شاء الله ماراح أدخل وش قلتي ؟

صعبه المنال : إن شاء الله مو بحاول ماراح تشوف رقعتي طول هالأسبوع وبشبك الأربعاء

ديوان الحب : الله يرضى عليك يالغاليه والله يوفقك وراح نشتاق لرقعتك إلى يوم ذلك اليوم

صعبه المنال : ههههههههههههههه طيب يالله ما أأخرك أشوفك على خير

ديوان الحب : لا مافي السيدات الحسناوات أولا تفضلي بالخروج يالله قدامي

صعبه المنال : طيب على السمع والطاعه مع السلااااامه


ظل الأسبوع غارق بالحيره والتساؤلات

كان حضور صعبه المنال طاغي في حياه ديوان وأكثر على حياه صعبه المنال

ومع مرور الأسبوع على الرغم من إنشغال ديوان إلا إنه يجعل من وقته دقائق والدخول والسؤال

في التشات عن تواجد صعبه المنال إلا يوم الثلاثا مساء كان يسأل وأثار فضول الجميع حول تكرار سؤال

أعجب بمدى قوه تأثيره على صعبه المنال ..

وهي بدورها قدر أن يسيطر على كامل تفكيرها .. وغير قادره على التركيز في دراستها

أخذ يستحوذ على فكرها شيئا فـ شيئا .. وقام تشعر بأن هو الوحيد الذي قدر على الوصول إلى المنطقه

المحظوره في نفسها ( قلبها )

إلتقيا يوم الأربعاء وأتفقا على دخولهما مساء كل يوم أربعا من العصر وحتى الليل وهكذا

ولقيت هي يوم الخميس لإنشغاله بزياراته العائليه ولم تسمح له بدخوله إلى الشات

كمثل ما هو سبقها برفضه لدخولها يوم الجمعه وذلك لزيارتها العائيله ظهر وإيضا لمواصله إستكمال دروسها

يومين بالإضافه إلى كامل أيام الأسبوع ...

وفرحت كثيرا وأهتمت بدروسها أكثر كونها في أخر السنوات الأخيره وبالإضافه إلى أنها طلبات بل أوامر من

ديوان الحب الذي تتمنى يوما أن يفصح لها أن هي من إستطاعك أن تكون أولى صفحات الحب في حياته

أو حتى أخر طفحات تطوى في هذا الديوان القلبي ..

إما بالنسبه له فكان الأكثر سعاده من وجود شخص يستطيع أن يحاكيه بصدق فكانت بالفعل يوما عن يوم

يزيد إعجابا بتلك الفتاه الذكيه التي كان هو الأول في حياتها الذي يستطيع معرفه أسمها منال

وعمرها 17 ونصف ومنطقتها الرياض وحيها وأهتماماتها وكل شي يخصها وأسرتها

وفوثقت به ثقه عميــــاء

ولاقتها ثقه أكبر فأكبر فأكبر ..

كل ما يخص ديوان الحب

محمد 22 سنه يعمل محاسب في شركه يسكن في الرياض وفي الربوه ووصف كامل إلى البيت

حتى إنها عرفت بيته وكان قريب جدا جدا جدا لبيت جدها ويوما عن يوم قام أعلمته عن بيت جدها

حتى إن أحد الأيام كانت هناك في جمعه الأهل وكان هو خارج البيت وتبادلا الرسائل عن طريق البلوتوث !

وأسمه في البلوتوث >>مجنونك للأبد<<

وهي نوكيا ... كان يرفض منها أن تضع أسماء حتى وإن كانت لا تفتحه ..

يوم أغاني ويوم صور ولا مره فكر يرسل لها صورته ...

يوم ودعته إنهم بيروحون بيتهم روايحه تذاكر ...

وكتب لها بالملاحظات :

الله معك يامن ملكتي قلب شخص لم يطرق باب قلبه الحب يوما ...

شكرا لا تهتمي بكلامي ذاكري والله يوفقك ..

بس بكره لو ما جبتي الدرجه الكامله راح أعرف إني ما أعني لك شي

أبي أكون بحياتك أساس مابي وجود عابر وبس

الله يحفظك ويخليك لي يارب ولا يحرمني منك ياغلاهم

فمان الله


ردت :

فمان الكريم

إن شاء الله انا من أمس الخميس وانا أذاكر اليوم مو بس مراجعه

اليوم يا أنا يا أنت !!

أشوفك بكتابي أقراك بحروفه وبتحداك

وصدقني لو ماجبت بكره الدرجه الكامله لا تكلمني 3 أيام

وأعرف انك تفوقت على وتحبني أكثر ...

أستودعك الله


طلعت من البيت وأول ماتلفت شافت واحد جالس بعيد شوي ولا إلتفت صوبهم أبد شاف ناس

طالعين قام من مكانه وإبتسم بأخر بلوتوث صل له وراح


وقام الكل منهم يستمع لأهداء اليوم منال رسلت له أغنيه لجل عينك لنوال الكويتيه

وهو أرسلها غضت عيونك لراشد الماجد

وصاروا يشوفون بعض الربوع عالتشات والجمعه في بيت جد منال

إلى ان أثبتت جدارتها وتفوقها بالدراسه وبحب قلبها الصادق !

زاد حبها في قلبه .. وعرف انها من اللواتي يحبون بصدق وليس مجرد حب والسلام !

بعدها بيومين وبيت الجد

قال لها أبي أرسل لك شي ولا ترسلين لي شي غير رد على كلامي طيب

رسل له كلااااااااااااااام طويل ظلت نص ساعه تقرأ فيه

وبالنهايه مرفق برقم هاتفه !

طيب رغم تفوقه عنها بالكلام لم تفهم المقصد من سؤاله ..!

ولم ترد عليها وخرجت إلى بيتها .. قتلته الحيره أراد لو يدخل إلى بيت الجد من شده

حيرته

لم تترد فهاتفته بعد ثلاثه أيام من عدم قدرتها على فهم كلامه

اليوم الأثنين
الساعه 4 عصرا

كانت في بيت خالتها وعند بنت خالتها كاتمه أسرارها مع العلم أن بنت خالتها رفضت مبدأها

إتصلت ..

يرن ويرن بعدها رد

محمد : الوووو

منال : ا ال الووو السلام عليكم

محمد : وعليكم السلام والرحمه من أنت ؟

منال : محمد

محمد : اي نعم أمر وش بغيت ؟؟؟

منال : ( لهالدرجه صوتي مبين صوت واحد ) محمد أنا منال

محمد : ( وهو جالس بالمجلس مع عيال عمه ) لحظه ..

محمد لم يصدق ما تسمعه أذناه ( محمد انا منال )

فرح وطار إلى برا البيت ركب السياره ومشي فيها وقبل لا يسوق شاف ساعته 4.13 عصرا

محمد : الووووووووو

منال : الوووو هلا معك

محمد : لا أحلفي منال انتي وينك ليه مارديتي على أخر بلوتوث لي

منال : أسفه بس ما فهمت كلامك

محمد : ياهلا ومرحبا وهذي الساعه المباركه اللي سمعنا فيها صوتك

منال : مشكور بس محمد فهمتني انا ما أقدر أطول أشرح لي ألغازك ؟

محمد : طيب طيب كل اللي أبي أقوله بإختصار منال انا ماني بواحد أحب ألعب

وأكلم بنات انا اللي أحبها وكتب لي القدر اني أسمع صوتها ما أحب أفرط فيها

قبل لا تصكرين الحين بس جد منال انا بخطبك ومن بيت الجد !!!

منال : انت وش تقول ..؟؟

محمد : اللي سمعتيه

منال : ( وهي مبعده السماعه ) شفتي ساره يقول يبي يتزوجني

محمد : فرحتك بهالكلام مثل فرحتي وأكثر بس إن شاء الله حلمي يصير حقيقه

منال : بس صعب صعب صعب إلا مستحيل

محمد : كل شي يهون والمستحيل يسهل عندك أنت حلمي الباقي لي من الدنيا

منال : ......................

محمد : منال انا لو تسوين فيني مره ثانيه كذا بحاول أزعل عليك

منال : مو بيدي ما فهمت كلامك محمد انا بصكر الحين أمسح رقمي الله يخيلك

محمد : لو فكرتي ماتردين على ثانيه مره بالبلوتوث بمووووت فاهمه وش قاعده أقول ؟؟

منال : بسم الله عليك طيب أوعدك خلاص ورقمي ؟

محمد : محفوظ عندي وياعسى تنقطع يدي لو فكرت أتصل عليك ...!

منال : وشفيك علي اليوم بدخل انا التشات يالله مع السلامه

محمد : لا لا لا انا ببيت عمي مقدر بكره بنفس اليوم وشكرا على المكالمه مع السلامه



محمد حفظ اليوم والساعه والتاريخ كتذكير له دائم بهاليوم الحلوو

وساره قامت الدنيا وقعدتها على رأس ..

ساره : على ما أعتقد إنك نسيتي ولد عمك هاااا

منال : وش جاب طاريه بعد ؟

ساره : وشلون تتزوجينه وفهد إن شاء الله من بيأخذ ؟

منال : رجاءا لا تعكرين مزاجي أتركيني ( وجلست تصيح )

ساره : منال وش فيك ؟

منال : محمد بالنسبه لي حلم يعني خيال يعني مستحيل أتزوجه رغم أني

أحبه وأتمنى أتزوجه بس لا لا لا وش بتكون نظرته لي


اليوم الثاني



شافته عالتشات وقلت له إنها راح تنقطع شهر فتره إستعدادها لإختبارات الفاينيل

وأعتذر لها ورفض إعتذارها ويذكرها كعادته إن الدراسه من الأولويات في حياتها ومن بعدها

هو ولن يسمح لأحد أن يأخذ مكانها وقبل لا تطلع قال إنه قال لأمه عنها

وشكرته !!!

قال انا اللي أشكرك وأحمد ربي اني عرفتك عمري بيوم ما أندم على معرفتي فيك والله !

يالله أشوفكم في مثل هذا اليوم بعد شهر وبنفس الوقت


بعد أسبوعين من حزن منال ... صارت خطبه رسميه

تقدم فهد وأبوه لخطبه بنت عمه منال بحيث انه أول ماتخصل دراستها تتم الملكه وبالصيف الزواج

وعشان يكمل ولد عمها ماجستير برا وهو تكمل دراسه جامعه بعد ...

وبعد ما مر الشهر وإحساس كره يجتاح منال


إتصلت عليه وطار من الفرحه

محمد : لا لا لا لا أنا بحلم أصبري على لا أروح فيها ناويه على موتي

منال : ليه وش فيك عسى ما شر ..

محمد : أحبك انا بالسياره أستنى بوقف

منال : ( ودمعه لا تفسير لها ) حبتك العافيه

محمد : الله يعافيك انتي اللي فيك شي ؟

منال : لا بس حبيت أقولك إن إني قطعت التشات وحلفت ما عاد أدخله

محمد : تعالي تعالي ليه ؟ وما تبين تشوفين ...

منال : لا برسلك إيميل بنت خالي وبشوفك هناك بالبيت مابي النت خلاص كرهته

محمد : فهميني وش فيك ؟ خلاص طيب من تخلصين أخر أختبار جاين نخطبك

منال : اللي يبينا عيت النفس تبغيه ,,, واللي نبي عجز البخت لايجيبه

محمد : ليه هالتشاؤم لا تخافين انا متفائل مره مره مره انك بتكونين من نصيبي

منال : طيب الله كريم بس محمد لا تنتظرني على الشات مثل ما قلت لك

محمد : طيب وبشوفك إن شاء الله بإيميل بنت خالتك

منال : على خير مع السلامه


وظلت على هالحاله لي نهايه الإختبارات ساره توصل لمنال أخباره وهي بدورها تنقل له أخبارها

تمت موافقه منال على فهد تحت ضغط من نفسها ..

خلصت الإختبارات

منال ... لأني أحبك رفضتك لأني أحبك كرهت نفسي وحبيتك ! مستحيل أكون لك !

مدري ليه ليه قتلت حيرتي وأحييت موافقتي لك يافهد الله يعينك على قلب إجتاحه الحب يوما !!!

بتهور ...

إتصلت على محمد


منال : الووووووو

محمد : يا هلا ويا غلا بأحلى منال ويا أحلى حقيقه بدنيتي

منال : محمد مدري كيف سمحت لنفسي أكره نفسي وانت مني وفيني وبداخي ( كلام مصاحب ببكاء )

محمد : ليه طيب وش فيك علميني لا تصيحين عورتي قلبي

منال : بس الله يخليك يامحمد لا تكرهني مدري ليش صار كذا ومدري ليه وافقت

محمد : وشووو خيررر ولو ما تكلمتي بصكر قوووووولي

منال : أوعدني ما تكرهني وتذكرني بالخير ؟؟؟

محمد : منال انا من عرفتك وانتي حبي كله مستحيل أكرهك قولي

منال : انا ملكت لولد عمي ( وتصيح )

محمد : ................ لا تعليق ...............

منال : رد قول أي شي بس لا تسكت الله يخليك

محمد : الله يوفقك يارب ويسعدك يامنال انتي أكبر من كذا !!!

منال : وش فيك ؟

محمد : انتي على ذمته .... !!!. ... خلاص انتي أكبر قفلي السماعه !!!!

منال : مابي ريحني الله يخليك

محمد : وش تبين أقول الله يوفقك الله يسعدك يا أحلى وأول حب في حياتي

لو تعزيني يالغاليه قفلي

منال : الله يسامحني مع السلامه يا أحلى حلم عشته ومادام

طوط طوط طوط طوط


بكى محمد من قلبه كما لو إنه فقد منال حبه إلى الأبد !!!

بكى على حب مات قبل لا يبدأ قبل لا يتزوج بالزواج !

مات ومات كل معاني الحب في داخله وقلبه ينزف من جراح بعد منال عنه

منال كيف أبي أطريك مره ثانيه قول إنك بترحيلن عني قولي أي شي إلا إنك تزوجتي

وإن صرت لواحد غيري ما أصدق ...

كيف أفكر فيك كيف أنتي على ذمه غيري نفسي ماتسمح لي وربي تركتي

شخص مات وهو حيا شخص شافت موته وعزى نفسه فيك !!!

((( مت بعدك .. وطولت ليله وفاتي .. وكل مني عزوني فيك .. مادروا إنك تجيني .. حلم يجتاح القبر

.. وطيف يمنحني الصبر .. وروح فالظمأ تعبر .. وإنبعث لك من جديد .. حب وإحساس وقصيد )))

أبي أمووووووووووووووت

لأول مره أرخص وجودي بهذي الدرجه ...

صدق مخطوبه يا فلانه صدق باجر بزفونك عسى الله ما يجي

حسبي الله ونعم الوكيل

هذا حظي من على الدنيا وعيت كل ماأضوي شمعه في دروبي طفت


نهايه مأساويه بحق الذي عاشتها منال سرق منها القدر فرحه أي فتاه تمر في مراحل الخطبه والملكه

ومن ثم ليله العمر !

وظل محمد على إتصال بساره والسؤال عن أحوال منال بصوره مو طبيعه ذهلت منها ساره !

يحب بلا تعب ولا ملل

أخر ماقاله محمد لساره عن منال :

أحبك لو تكون حاضر ... أحبك لو تكون هاجر

ومهما الهجر يحرقني راح أمشي معاك للأخر

أحبك لو تحب غيري وتنساني وتبقى بعيد

عشان قلبي بيتمنى يشوفك كل لحظه سعيد


ويطلب منها عدم إعلام منال ... وهي توصل لها كل شي ..


حتى أتي اليوم الذي قال محمد لساره

محمد : ساره شكرا من الأعماق أحب منال وقولي لها لو تحبني تحب زوجها وتنساني

والله يوفقها ويسعدها مضطره أقول لك اني ما راح أدخل بمسنجري هذا عشان لا توصلين شي

لـــمــــنــــال

ساره : جواب نهائي ؟ متأكد

محمد : اي نعم وبالفعل هي صعبه المنال كانت تعلم ذلك قبل لا نقع في فخ الحب .. وداعا


حزنت ساره على محمد ومنال وتمنت التوفيق أن يكون حليف لهم بالمستقبل بالإضافه

سعاده غامره لا يعكر صفوها ذكرى أليمه ونسيان ماضي جبار ...



إنتهت بحمد الله

الحلقه والسلسه الأولى

«®°·.¸.•°°·.¸¸.•°°·.¸.•°®».«®°·.¸.•°°·.¸¸.•°°·.¸.• °®»

بصراحـة مووضووع قوي جدآ

بالفعل هذا حالنا.. هالأيام ..

الأجوبه على الأسئلـة ..

1 . رأيك بالقصه رأيي شامل عن القصه الأولى ( صدق مخطوبه يا فلانه ) ؟

رووووعه والله .. بس قصت البلوتوث مأتوقع تصير.. لأأنها صعبة شووي

2 . هل الحب في هذه السلسله الأولى يسمى حب حقيقي ؟

يمكن يكون حب حقيقي ويمكن يكون مراهقـة بالنسبة للبنت ..
لكن الولد مأدري عنه . .

3 . هل الحب في هذه الحاله صعب بحيث لا ينسى ؟
ايه مأتوقع ينسى ..


4 . ماذا لو كنت مكان محمد ماذا ستفعل / ماذا لو كنتي مكان منال مذا ستفعلين ؟؟؟

رآح ادعي لـهـآ بالتوفيق بس المشكلة نسيان القصة حبنا بس بحاولاني انساها..


تحياتـوآ ـآ ـآ ـآ ـآ ـآ ..


«®°·.¸.•°°·.¸¸.•°°·.¸.•°®».«®°·.¸.•°°·.¸¸.•°°·.¸.• °®»

اولا احييك بتحية الأسلام واخواني واخواتي الأعضاء

السلام عليكم ورحمة الله وبركاته

بارك الله فيك اسيرة قلب ؟؟؟

موضوع رائع من بنات افكارك , سرد جميل للقصة وووصف لحقائق تقع , وايضا يقع ما هو اشد من هذه الحادثه...

مشاء اله تبارك الله , شدني طريقة التداخل في القصة والترابط بينها ..

لن اطيل عليك وسأدخل مباشرة في الأسئلة..

ذكرت ذلك انها ذات سرد رائع تداخل الفصحى والعامية بها, الترابط بين كل نقطة والاخرى والوصف الحقيقي..والمحتوى يكون واضح وليس مبهم.. قصة رائعة ومتميزة ..

2 . هل الحب في هذه السلسله الأولى يسمى حب حقيقي ؟

ابدا. هذا هو تبادل المشاعر, وهذه هي الفطرة, ولذلك عندما قال النبي صلى الله عليه وسلم (النظره سهم من سهام ابليس)..فبعد النظره يبداء التفكير والهواجيس.. فتنبع مشاعر حب كما يقال , فيها عاطفه وخجل وما الى ذلك ممن يتبعها من تغير في طبيعة الشخص.

هو الاخو غير الشقيق لتبادل المشاعر, فمن حب دون رغبة بالزواج عاش حياة تقلب الحلو مر والمر حلو. فاذا كان هذاالحب مقترن بزواج فأن الله يجعله لذه في قلب الحبيبين..

والحب الصادق , يعرف من اين يأتي وممن يصدر, وليس عيبا ان الفتاة تحب فهذا حق مشروع لها كما هو حق مشروع لنا, ولكن هنا نختلف وهنا نفترق مع النساء..

نحن لانملك تلك المشاعر الجياشه والعاطفه التي تتميز بها النساء.. لذلك يكون خطر عليها وعلى شرفها وسمعتها,وسمعة اهلها, فتكتمه في قلبها حتى يأتي الزوج ومع الوقت تنسى هذا الحب لان الله رزقها ماهو خير ممن احبت فتجدها تحب زوجها بكل معنى الكلمة وتخلص له..

والتربية الصالحه هي من تروض هذا الحب بالنسبة للفتاة ولـ الشاب ويكون الخوف من الله فوق كل شيء

قاله الله تعالى :

(ومن يتقى الله يجعل له مخرجا)

لن اطيل في سرد الجمل والكلمات, صديقي طلق زوجته بسبب هذاالحب كما يطلق عليه, لم يعد يطيق ان يرى زوجته تهمله وعندما اكتشف الامر لم يتردد البتة في ان يرمي عليها يمين الطلاق, ويفك نفسه من مأزق لربما تعذب به طوال حياته لو اتى له طفل او طفله.

نحن لا نقول ان بمجرد الزواج سوف تنسى كل الحب القديم..

لانه ليس نظام تحديث برنامج مثلا او تقنية جهاز الكتروني.. قد تزول هذه المعلومات او التقنية القديمة مع ظهور الاحدث وتحديث الأقدم..

نحن بشر نحس ولدينا عواطف ومشاعر. ولكن على النية الصادقه يكون التخلص منه اسرع ..

لان النية الصالحة وعد الله صاحبها بــ التوفيق والنجاح...

واذا لم تنسى او ان ننسى , نخلص في الحب الحقيقي.. فهو الدواء لهذا الداء.. ومصير الأيام تثبت صدق النية والحب..خصوصا مع وجود الأبناء..

وقبل كل شيء

لماذا نقع في المشلكه ومن ثم نبحث عن حل...مادام ان التشات وعالم المحادثات والنت عموما مليء بالغدر والشر والمشاكل وقد يكون فيه الحب يباع مثل بيع النعناع او كيلو البصل..

(من حام حول الحمى أوشك أن يقع فيه)

( وَالَّذِينَ هُمْ لِفُرُوجِهِمْ حَافِظُونَ (5) إِلا عَلَى أَزْوَاجِهِمْ أوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ (6) فَمَنْ ابْتَغَى وَرَاءَ ذَلِكَ فَأُوْلَئِكَ هُمْ الْعَادُونَ ) (7)

اللهم لاتجعلني في هذا الموقف , يا اخوان هذا هو عرض مسلم , لايحق لنا الاعتداء عليه وهو محرم علينا حرمة ابديه والعذاب الاليم والشديد لمن استهتر فيه او تلاعب به, وعقوبته غالبا ماتكون دنيويه اضافة اليى يوم الحساب, عرض المسلم يحل فيه الدم ,,وكما تدين تدان..

اتأسف اذا بدرت مني اي اطالة ..ولكن في الختام

(نسائكم حرث لكم)

(وقرن في بيوتكن ولاتتبرجن تبرج الجاهلية الأولى)

(فويل للذين ظلموا من مشهد يوم عظيم)

(مَنْ عَمِلَ صَالِحاً مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ)