أسرتي الجميلة

نعناعه · 15-05-2006, 01:11 PM

برد عليك بحكم اني نوع من انواع شخصيات البنات

اعتقد لو بتزوج ويبيني زوجي اغير عبايتي

واخرب شكلي علشان راييه كذا

بعاند وما راح اقبل منه

ولا راح اعطيه فرصه يتدخل او يمشي كلامه

حتى لو كلفني الكثير

الا في حاله وحده بسسس

اذا نجح في انه يخليني احبه ساعتها اكييد بسوي اي شي علشانه

وبالنسبه لراي اسحار مرره حلو

بس اضيف عليه انك تدعي ربك انها تحبك

لانها ممكن تستلطفك بس ما تحبك

وصدقني اي وحده لما تحب زوجها بتسوي اي شي علشان ترضيه

تحياتي

toofy · 15-05-2006, 01:31 PM

مرحبا

حياك الله أخي ..في مجلس الاسره
طرحك أخي الكريم .. قضيه اصبحت مألوفه .. ومتكرره
ونصيحتي لك ... أن لاتفرض رأيك عليها .. اكسبها باللطف والمحبه
وبين لها ماذا تحب ... وماذا تكره .. وستسعى بإذن الله لترضيك..
أصعب الامور تنحل بكلمه طيبه

اعجبني رأي عازف الروح
7
7

اقتباس

الكاتب : عازف الروح


	السلام عليكم ورحمة الله وبركاتـــه .. هلا بك اخوي .. وحياك الله بمنتدى الرياض احســك متنرفــز وانت كاتب الموضوع .. روووق وترا الرواقه زينــه اخي الكريم / وكأنه لاتوجد مشكــله في هذه الدنيا سوا مشكلة عباية الكتــفـ اخوي / سؤال هل اخلاق البنت عاليه .. انا متاكد من الاجابه .. لانك ما خطبت البنت الا واخلاقها عالــيه ممكن عادات بعض العوائل .. وانا اراها انهم يلبسون عبايه على الكتــفـ .. لكن اخلاقهم ارفع واكبر مما يتصوره شخــصـ او اخــر هذي مهيــب مشكــله ولا تحط الشي هذا في راسك انه مشكله كبيـــره بالعكــس هذا شـــي بســيــط .. انت تقدر تعدله باسلوبــك وانت توك بايام الملكه .. ترا اياما الملكه البنت ما تنتظر اوامــر .. تبغى كلام حلــو عطها كلمه حلوه ورا الثانــيــه .. وعلمها انـــكــ انتــ من الناس اللي ما يحــب الا العبايه اللي على الراسـ .. وانك تتمنى تشوفها لابسه عبايتها على راســها... باسلوب حلو .. وبطريقــه لبــقه جدا لان الاسلوب غالبا له دور في فهم الشخص الاخر للسؤال .. والانفس تختلف وانا اخــوك اختر الوقت المناســب .. اهــمــ شــي .. الكلام الحلو .. واسلوب الامر ابعد عنه ايام الملكه .. لان البنت حساسه جدا .. وعندها فراغ عاطفـي .. تبي حنان اكثر مما تبي ليش تلبسين كذا وليش تحطين كذا .. بها الوقــتـ .. الكلمه الحلوه . هي اللي تغير الشخــصــ .. صدقــنــي حبــه حبــه راح تاكل العنب زي العســل .. وراح تعيش حياتك مستــقــر انظر للاهــم .. الدين والاخلاق .. اذا شفت صفات الكمال ولا كامل الا وجهه .. من صفاتها فتوكــل على الله .. بعد كذا باسلوبــكـ .. وبطريقــكـ كزوج .. تقدر تغيـــر حتى طباعها اجملــ التحايا وهذا راي شخصي لا يمثل الا راي عازفــ .. ان عجبـكـ كلامـي ولا كبه في البحــر / \ / \ عازفــــ ،

amss · 16-05-2006, 08:48 AM

السلام عليكم ورحمة الله وبركاته

شكرا اخوتي على الردود ولكن اريد ان اسال اذا لم تنفع الكلمة الطيبة ومحاولة جعلها تحبني واحسسها اني احبها وظلت مصرة على رايها وتحرقلي اعصابي ايش تتوقعون تصرفي الطبيعي وقتها صراحة كل ماطلبت انها تطلع من البيت ماراح اطلعها الى ان تلبس العباية اللي انا ابيها تلبسها انا وقتها تصرفي حيكون طبيعي ولكن هي اللي راح تعصب بعد كذا مرة تطلب تطلع وارفض بس بتطنيش من دون ما اقول لا وحتبداء تبكي وانا اتوقع هذا الشي وحتدخل معي بنقاش طويييل جدا طبعا حسب ما ذكرتم انه لو حبتني البنت حتنفذ طلبي اللي انا لمحته لها طيب هل هذه القاعدة بتمشي على جميع الحالات طيب كيف لو حصل وعاندت ايش الحل الاسلم ؟؟؟ صراحة انا وقتها حدخل اسلوب الامر الحازم بدون نقاش صراحة

على فكرة قد يظنني البعض من البنات المعارضات لموضوعي بتغيير عباءة زوجتي الى عباءة راس تخلفا واني متخلف ولكن البنات لايعلمون مانعلمه احنا الشباب انه العباءات الجديدة تثير غرائز الشهوة لدينا بسهولة والهدف من العباءة هو ستر المرأة لاكشف جزء او كل معالم جسدها
قد يظنني البعض من اصحاب الجيل القديم وهم فيهم صراحة الخير والبركة ونعتز فيهم صراحة ولكني من الجيل الجديد الحمدلله متخرج من الجامعة وماخذ الترتيب الثاني على الدفعة والحمدلله وعرضت اعمال لي بقناة تلفزيونية شهيرة وما ذكرته ليس غرورا ابدا ولكن فقط لتوضيح شي ان الجيل الحالي هناك من يحاول التاثير عليهم من الخارج بان اللبس والتعري المباشر والغير مباشر هو مقياس التطور والتقدم لكي يلهونا عن العلوم والمعرفة والتقنيات الحديثة بجميع المجالات

وما اقول الا الله يرحم هيئة الامر بالمعروف والنهي عن المنكر مالها وجود بتاتا وللا كان منعت بائعين العبايات الخايسة مع احتراماتي للي مو عاجبه كلامي

اسف على الاطالة

amss · 16-05-2006, 11:20 AM

السلام عليكم ورحمة الله وبركاته

وين ردودكم يا اخواني واخواتي في الله منتظر ردودكم على اخر رد كتبته انا عارف اني ثقلت عليكم تحملوني

ريم2006 · 16-05-2006, 12:29 PM

عزيزي

انا هذي اول مشاركه لي ولكن موضوعك حساس وخصوصا لفئه معينه من السعوديين

بمعنى اللي مو عايشين بالغربيه او ببعض المناطق المنفتحه

اللي فهمته انك متحفظ وهاذا الاصل انك تتحفظ انا معك انا وحده متزوجه عمري مالبست عبايه الكتف عند اهلي خواني رافضينها مره بعد ماتزوجت ورحت الرياض لبستها وصراحه هي مريحه لكن زوجي عادي عنده البسها ولا البس الراس بس تاثير المقربين له هو اللي اثر عليه انا عرفت بدون مايقول لي بالرغم انه حسسني مثل ماقالوا لك الاخوان انك تروح معها وتشتري لها او انك تلمح انك تبي عبايه الراس

انا بقول وجهة نظري اذا اعجبتك او قطها بحر مثل مايقولون

الاساس عندك منين يجي هل هو الغيره

اذا كان من الغيره فانت لابد تصارح زوجتك وانا اقولك ان البنت اي كلمه عاطفيه تذوبها قل لها حبيبتي انا اغار عليك وان العبايه اللي على الكتف ترسم الجسم ولازم تغيرينها وطبعا انت فاهم مغزى كلامي

واشرح لها ان هذا مايرضيك واليوم قبل بكره اعطها وجهة نظرك ولا تتردد بعد العرس لانك ترى والله رايح تندم لانها رايحه تنصدم بك والحين اذا فيه مشكله تقدر تحلها مو الى منك طلعت لمطعم او منتزه واحد تلفظ عليك تتكلم وانا ادري وقتها بتعصب مره وراح تتكلم عليها كلام انتم بغنى عنه ارجوك صارحها الحين برفضك هذي العبايه

اما اذا كانت وجهة نظرك دينيه فهذا مفروغ منه رغم انه فيه خلاف على حسب نوع العبايه

ولعلمك ترى ماراح ترتاح اذا انك غيور وعصبي من المشاكل انا مجربه موقف بسيط صار معي

تخيل وشو انا حامل باخر ايامي انتظر الولاده وامشي على مدينه الملك فهد الطبيه ومعي اختي

اختي بنت ماتزوجت ولابسه عباه الراس وانا الكتف المهم تسلطوا علي اثنين وبالنهايه انا شلت حجر عليهم

والاخوان عادي عندهم جاء زوجي وانا اصارح زوجي بكل شيء الحمد لله المهم قلت له شقت السياره الفلانيه وحكيت له المهم حصلهم عند الاشاره وفتح الشباك وقام ينصحهم باسلوب ديني لانه ملتزم والحمد لله تدري وش ردوا عليه انا معه بالسياره وقالوها وانا اسمع تخيل قالوا طيب هي اللي جراتنا عليها قال وشلون قالوا لابسه كتف وقال ماتشوفون بطنها تخيل ياخوي ان فكر شبابنا الى الان مو راضي يفرق بين الصاح والطالح وان فيه من يلبس حتى القفازات وهي من افسد الناس لازم تصارح وتحط الثقه فيها لانها زوجتك وام عيالك

واي خدمات انا حاضره اخوي

الله يوفقك ويتمم عليك يارب

amss · 16-05-2006, 05:29 PM

السلام عليكم ورحمة الله وبركاته

اشكرك اخت ريم على الرد

بالنسبة لما ذكرتيه

اقتباس


	اذا كان من الغيره فانت لابد تصارح زوجتك وانا اقولك ان البنت اي كلمه عاطفيه تذوبها قل لها حبيبتي انا اغار عليك وان العبايه اللي على الكتف ترسم الجسم ولازم تغيرينها وطبعا انت فاهم مغزى كلامي

نعم الغييييرة هي مشكلتي وانا انسان عصبي والله العظيم والله العظيم لويعرفون البنات الكلام اللي يقولونه الشباب بينهم البين لما يشوفون بنات لابسات عبايات على الكتف .................. الخ كان كل بنت محترمة بطلت تلبس عباة الكتف ولكن مشكلة النساء عموما مو كلهم يعرفون بما يدور بنفسية الشباب من افكار وكلام يقولونه وانا لا ولا ولا ولن ارضا لزوجتي بعد حفل الزواج بمدة بسيطة ان تلبس عباة الكتف

وقسما بالله اخت ريم اني قلت لزوجتي على موضوع اني اغار عليها وما ابيها تلبس العباة لكن انا عارف صعب البنت تفهمني او تنفذ رغبتي وهي مو عندي الان والزواج قرب احنا ملكنا والحمدلله من كم شهر
المهم انا ذكرتلها اني احبها واغار عليها وان العباية اللي لابستها تخليها تحت انظار الشباب

طيب سوال انا عارف انه اللي بقوله مضحك بس لو زوجة تمشي مع زوجها بالسوق وكل بنات السوق يطالعون بزوجها ايش راح يحصل لها ماراح تزعل ؟؟!!!

انا فيه شي ما ذكرته من تعليق على رفضي للعباءة دينيا على فكرة دينيا وشخصيا ماتفرق عن بعض ليه لانه كلها يرفض هذه العباءة او النوع من عباءات الكتف وذلك لانها تكشف جزء او اجزاء من تشكيل جسد المراءة وهذا السبب

وعلى فكرة انا كنت طلعت من مستشفى انا وواحد من اصحابي ورايحين للسيارة وحانا رايحين كان في بنت ممكن عمرها بالعشرينات بدايتها لابسة عباية كتف مخصصصصصصرة والله حسيتها لابسه فستان واني تاثرت بمنظرها وزاااااد الألممممممممم بداخلي ليييه بناتنا يبون هذي العبايات عشان ترتاح وهي تمشي فيها ؟؟؟؟!!!!!!!!!! والله مو حجة ابدا

والله اني محتار بهالامر بس اشكر اخواني واخواتي بمنتديات منطقة الرياض على الردود لانها هدت اعصابي صراحة وحاس اني بحل الموضوع برواقة

بسسسسسس

اذا مارضت

احس اني حرفض كثير من طلباتها بدعوى انه ماعندي فلوس واتوقع هي تفهم خاصة لما اشتري لنفسي وهي ما اشتريلها شي

تدرون انها لو تنفذ امنيتي اني راح استعد لها بمفاجاة من كل قلبي بقدمها لها

ادعووولي بالله

ريم2006 · 17-05-2006, 01:10 AM

اقتباس


	احس اني حرفض كثير من طلباتها بدعوى انه ماعندي فلوس واتوقع هي تفهم خاصة لما اشتري لنفسي وهي ما اشتريلها شي تدرون انها لو تنفذ امنيتي اني راح استعد لها بمفاجاة من كل قلبي بقدمها لها

انت تحل المشكله بمشكله انت عصبي هي ماادري عنها بس اللي احب اقول لك عليه ان البنات معظمهن

يحبن يثبتن شخصياتهن بلبس هذي العبايه حتى لو من غير اقتنا ع فيها

انا اتكلم مو من فراغ لاني انثى احس بهذا الشيء الامر بايدك لاتتركه بعد الزواج اللي اوله نور اخره نور

وهذي نصيحتي لك

الله يوفقك مره ثانيه

توتة · 17-05-2006, 01:47 PM

السلام عليكم ورحمة الله وبركاته

حياك الله اخوي
amss
وإن شاء تكون حياتك اساسها التفاهم والتوفيق من الله
واتمنى ان اراء اللي قالوها الاعضاء تفيدك خيو

تمنياتي لك بالسعاده
دمت بخير

amss · 18-05-2006, 11:00 AM

السلام عليكم ورحمة الله وبركاته

اسف اخواني واخواتي طولتها عليكم

اخت بالنسبة لما ذكرتيه

اقتباس


	انا اتكلم مو من فراغ لاني انثى احس بهذا الشيء الامر بايدك لاتتركه بعد الزواج اللي اوله نور اخره نور وهذي نصيحتي لك

هل تقصدين اني احزم بهاالموضوع من اول اسبوع انا مافهمتك بنقطة (الامر بيدك لالاتتركه بعد الزواج ) هل اكلمها مرة ثانية الان الردود الاولى للاخوان مانصحوني اني اكلمها مرة ثانية بالموضوع لاني انا كلمتها اصلا من مدة وذكرت هذا بالاعلى باول الموضوع طيب هل تنصحوني افتح معاها الموضوع بحزم بس بالطريقة اللي ذكرت من احد الاخوات اني اقدم لها هدية من بينها عباة الراس بعد ثلاث ايام من الزواج يعني وانا طالع معها من الفندق الى شقتنا على فكرة البنت فيها عصبية وهذي بتصير مشكلة

لاني انا بحاول اجيب الموضوع ان شاء الله

بهدوء من دون

وان شاء الله تتحقق امنيتي

واسف على الازعااااج تحملوني

amss · 18-05-2006, 11:03 AM

شكرا اخت توتة على المرور
والله يسمعك منك امين ومن الاخوة والاخوات الاعضاء وتنحل مشكلتي ان شاء الله واكون سعيد مع زوجتي ونهتم بامور اخرى بكيفية بناء اسرة صالحة ان شاء الله

أسرتي الجميلة

كل مايختص بالاسرة والمجتمع وشئون المرأة والطفل

ابتليت فيها كيف اغيرها ؟؟؟انا في حيرة ساعدوني رجاءا

ارجو الدخول

طريقــــــ لتـــدليع ــــ زوجكـــ ــــة

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق