أسرتي الجميلة

فهد المهوس · #1

هذا الله يسلمكم ذاك اليوم وانامسافر عندي دورة

مليت ماعندي احد جالسن لحالي

وكل شوي اتخيل واحدن طاب علي ويقول والله لو ماتركد يالدب لا افرش خشتك حصى

والمصيبه ودي اقول واتوطاهـ بس تخبرون حلم كيف الزخه

وانزل للمطعم قلت مالك يافهد إلا إنك تطس وتجيب لك شي تآكله ابرك لك من هالخنمبقه بالمنتدى

وانزل والله مالقيت مطعمفاتح قريب

وقلت واللهالنشبه شلون انا ماتغديت ولا تعشيت والساعه الحين 2 بالليل

وش الدبره ..؟؟

والله واحوس واقعد افكر

واقلب هالكور اللي براسي نوبتن لفت ونوبتن رايت

لحد ماولعت لمبتن صفرا فوق راسي فعرفت حينها <- حلوة حينها

إنها فكرتن خاثره وتهبل

والله واجيب المقادير

خبز توست
جبنة كرافت تشيدر
جبنة كرافت سايل
حبتين خيار
حبه فلفل بارد
تفاحه ومشمش <-- علشان آكلها وأنا أعد الطبخه

حبتين بيض
وكوب شاهي

علشان امخمخ بهالبربسه

وإليكم طريقة حوستي لها

اول شي قمت ياطويلين العمر وأخذت التوست وقطعت اطرافه
ووزعته على صينيه على اساس يكون مكان العجين

وبعدين قمت وجبت جبن كرافت سايل ونثرته عليه

وبعدين غطيت الطبقة بخبز توست
وعقبها اجيبالبيض وشوي جبن كرافت سايل واخلطهم مع بعض واصبهم فوق الطبقه الثانية

وبعدها اجيب التشيدر واوزعه فوووقه بعد

وبعدين اضبط الشكل النهائي اوزع الخيار والفلفل عليه علشان يطلع حركتات

والله واقوم واجحرووه بالفرن يعني دخلتووه داخل الفرن

وشبيت النار <-- ابوك يالحايلي

ولعت على الفرن وخليته مدة عشر دقايق او اقل والله ماظبت الوضع اهم شي لحد مايصير لونه ذهبي

وطلعته من الفرن والله واجيب لي علبتين حمضيات واظبط الجلسه وارفع طرف قميصي علشان أعرف آكل

واطب فيها لحد ماقلت بس

وسميتها بيتزا هجووور

بس لاتحطون خس إلا بعد ماينتهي إن بغيتوا تزينونها

ونتمنى لكم بلعاً هنيئاً مع الشيف هجوووور

<------------------- الله يعينكم على التراغ

وانصحكم تجربونها تراها روووعه

خيكوون

هجووور

M S L M · 02-07-2004, 02:37 PM

اقتباس


	وشوي جبن كرافت سايل واخلطهم مع بعض واصبهم فوق الطبقه الثانية

يالقروي احد يحط سايل خخخخخ موزريلا يالهيس

<---- متعشي من بيتزا هت

بالتوفيق ومطرح مايسري يمري

فهد المهوس · 02-07-2004, 02:43 PM

اقتباس


	يالقروي احد يحط سايل خخخخخ موزريلا يالهيس

^
^
^

إنطقه زين وتعال إحتس معي

بعدين وش مدريك إنت حدك بيتزا هت ياخوي تطور

الناس طاحو بالشاورما

وبعدين الله واكبر نسينااللي يآكل جبنه سايله مع ميرندا بالظهر

يلعن ام الذووووووووووووووق

يسلم حبيبي ولا تشوفك عيني

هههههههههههه

المراهقه · 03-07-2004, 12:25 AM

بصراحه طبخة ولا ارررروع

والله يعطيك العافيه

والك الف شكر

تحياتي
فراشة الرياض

فهد المهوس · 03-07-2004, 02:52 AM

^
^
^

شفتي عاد يافراشه الرياض

اصلاً حنا خبراء بس ماحولك احد

يسلموو خيتوووو

ابو مهند · 03-07-2004, 12:18 PM

من جدك مهاجر حاط جبن سايل ؟

جرب بيتزا بالزبادي كذا

<<< وقابلني عند اسعاف الشميسي .

المراهقه · 03-07-2004, 06:17 PM

ههههههههههه

فعلا فعلا مهاجر انا خبراء بس ما خلوا لنا فرصة نطللع المواهب

هههههه لا بس المرة الثانيه لا تحط سايل خخخ

تحياتو
فرفوشة

بنت النور · 04-07-2004, 03:22 AM

الله يرجك يامهاجر

والله مادرو عنك كودو والله ان يخمونك وتحط لهم كلوب مهاجر بيطلع شي ولا تنسى بعد تغز عود اسنان على خبز التوست يطلع حركه وبوسطها زيتونه خضرا

بس والله قمت اتخيل شكلها واحس انها بتطلع شي

يالشيف مهاجر

الف شكر والله يعطيك العافيه

الريم · 04-07-2004, 03:44 AM

عاد انا مو عاجبني الا هالسايل

شكلها لذيذه

فهد المهوس · 04-07-2004, 05:37 AM

اقتباس


	جرب بيتزا بالزبادي كذا <<< وقابلني عند اسعاف الشميسي .

ياخوي غسلوا معدتي ولا شفتك آبو هالحلايا اثاريك إنت اللي جنبمي وتبكي

خخخخخخخخخخخخخخخ

يسلموو حبيبي

أسرتي الجميلة

كل مايختص بالاسرة والمجتمع وشئون المرأة والطفل

سالفتي مع الطبخه وكيف طلعت بطبختن سنعه

أب يفعل الفاحشة بإبنته !!!!!!!!...

لكل حبة خال معنى

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق