أسرتي الجميلة

ابو مهند · 13-07-2004, 04:05 PM

ممكن لحظه .. توفي حرام عليك انا ماعقدتها من الزواج بالعكس

اتمنى تتزوج وتريحنا من تفحيطها .. هي والديوك حقينها ..

شكلها بتجي تمشي مليووون .. بس انتبهي لطقم السنون لا يطيح

amm@r · 13-07-2004, 04:07 PM

سوسه

يعني اذا أجا صاحب النصيب ... وكان حبوب و مهضوم و ابن نعمة ...

بترفضي ؟؟

7

7

7

7

بتعرفي بسمع كتير كلمات بتترد بين الصبايا .... بقولو بعد العمر الطويل ... امك وأبوك مش دايمين

و الاخوة الشباب المجوزين .... مارح يكون فاضيني لطلباتك و دلالاك ...

لهيك الله يبعت النصيب .. و يارب يكون صاحب النصيب ... أمور و حبيب ...

اللهم آمين ...

sosah · 13-07-2004, 07:13 PM

بنت نجد..

مشكوره على مرورك ومداخلتك والنصيب أكيد ما ممنه مفر

توفي..

انتظرك..

خالي جوهر..

فعلاً انا اتكلم بجديه تامه وما فيه مجال للمزح,,

بس استغرب من البعض انهم اخذوا الموضوع على انه طرائف

عموماً..انت تقول انه واضح من ردودي ان لي في الحياة الكثير.. ما انكر..

لكن هالشي اللي اخذته من الحياة ساءني اكثر مما اسعدني..

شاكره لك مرورك وتعقيبك..

ابو مهند,,

لو اتزوج انت الخسران منتب لاقي احد يناقرك في الطرائف

عمار..

كلامك حلو..وفكرت فيه كثير..اعرف ان الاب والام ما راح يستمرون لي في

حياتي عشان كذا دايم ادعي ربي اني اموت بدري وقبلهم..

toofy · 13-07-2004, 10:41 PM

اقتباس

الكاتب : sosah


	كلامك حلو..وفكرت فيه كثير..اعرف ان الاب والام ما راح يستمرون لي في حياتي عشان كذا دايم ادعي ربي اني اموت بدري وقبلهم..

بسم الله عليك
والله يحفظك ويخليك لأهلك ويخليهم لك ..

حبيبتي اللي بيجعل الخوف بطريقه .. مارح يتقدم ولا خطوة ..

ومن يتهيب صعود الجبال .... يعش أبد الدهر بين الحفر

الواحد يعمل باالأسباب ويخلي اتكاله على الله ..
ومثل مافي نماذج سيئة من الشباب

فيه نماذج مشرفه ورائعه ..

اسأل الله لكِ التوفيق والحياة السعيدة

فوضوية · 14-07-2004, 11:16 AM

اختي سوسه

لماذا التشاؤم ياعزيزتي..لماذا كل هذا القلق والنظرة السوداء للزواج..لماذا لا تصدقين الثقة بالله..

الم تفكري يوما ان تدعيه مخلصة له الدعاء..وتساليه من واسع رحمته ان يرزقك الزوج الصالح..

الم تنظري الى الازواج السعداء كما نظرت الى من لم يسعدوا في حياتهم..والم تفكري يوما

ان ما يحصل لهذه الزوجات اللاتي يعانين في حياتهن الزوجية ان هذا ابتلاء لهن من عند الله

او تكفير لبعض ذنوبهن وانه رحمة عظيمة من الله..لماذا نظرت الى ان مايحصل لهن عقاب وعذاب..

وهل فكرت يوما ان ببقائك دون زواج يسبب الما لوالديك اللذين يتمنيان ان يروك معززة مكرمة

في بيت زوجك..صدقيني يا اختي اني اقول هذا من قلب لك في الله..واحسني الثقة بالله

وستنالي ما ترضينه باذن الله

Bandar · 14-07-2004, 11:58 AM

سلام عليكم

بصراحه ياسوسه موضوعك يخلي الواحد ضغطه يطق من جد

لكن الطرح رائع وتشكرين عليه

اقتباس

الكاتب : sosah


	طال النقاش بيني وبين احد الاشخاص في مسألة الزواج.. لأن النظرة العامه لدي الآن هي الرفض التام لهذا المبدأ رغم انه سنة الحياة..

اذا طق عمرك الثلاثين او الاربعين جلستي تكشين ذبان

والله لو تقدم لك ابو ثمانين سنه وانتي فوق الاربعين

او تحتها بشوي راح تاخذينه وانتي ما صدقتي على الله

وعلى فكره ترى كثرة رد الخطاب طفشهم يعني افلقيني ان طق بابكم احد

اقتباس

الكاتب : sosah


	مأخذي على هذا الشيء انه لم يعد هناك رجال يشعرون بقدر كبير من المسؤوليه كما في الاجيال السابقه..

والله لو جينا للواقع وتكلمنا بالعقل

ان البنت وبكل اسف تجي لبيت رجلها ما تعرف وش واجباتها

طالعه من بيت ابوها مخققه مدلعه وهذي اسباب الطلاق

الزوج يطلع من عمله ملعن ابو خامسه والاخت في سريرها سابع نومه

طلع الزوج يدور غداء الزوجه والله مامداني اطبخ او تتصل عليه والله ما قمت الامتاخره

مر لك اقرب مثلوثه يابنت الحلال وربي البيت ان الولد انشاء الله ما عليه بس

تكون البنت قد المسؤليه وتكون قد كلمة ربة بيت

اقتباس

الكاتب : sosah


	لا ابالغ اذا قلت ان اغلب النماذج التي اراها في المجتمع هي نماذج تؤدي الى التشاؤم الشديد من الزواج..نعم اعلم ان اصابع اليد الواحده ليست سواسيه لكني ارى الاشخاص قد تشابهوا الى حد بعيد

طيب عطينا نماذجكم يالبنات بالله انا اودي اهلي للأسواق

واروح لكل مكان وش اشوف مخصر نقاب والعيون مكحله باحلى كحل ؟؟

بالله هذا وولا بنات وش الي حادني اخذ لي وحده ما ادري كيف عايشه

كيف حشمتها هل هيه صاينه نفسها ما خانت ابوها وكانت على علاقه مع احد

اذا شفت البنات الي برى اقول هذولا بنات ديرتنا الي بناخذ منهم

وليه اخذ وحده كانت اذا طلعت في الشارع صارت فرجه للي يسوى والي ما يسوى

وانتي قلتي الاصابع مو سوى

و يابنت الحلال الكلام يشمل الجميع

وياليت توضحين اكثر وش ها النماذج الي انتي شايفتها ؟؟

اقتباس


	فلماذا ازج بنفسي في تجربةغير مأمونة العواقب

ما لك الا هي طال الزمن او قصر

وبعدين وش الي غير مامونه العواقب

والله لو كلام كل بنت زيك كان ما تزوج احد

ولكن فيه اشياء كثير تثبت ان تكون التجربه ناجحه

مظهر الشخص خلي ابوك يسال عنه

يسال امام المسجد اذا كان راعي طاعه او لا يسال الجيران

اذا كان كفووو ورديته فاقول ضعيتي فرصه العمر

اقتباس

الكاتب : sosah


	لا القي اللوم كاملاً على الرجل..المرأه لها دور في تدمير حياتها الزوجيه كذلك لكني القي بجزء كبير من الخطأ على الرجل ..لأنه هو ربان السفينه والقادر على ادارة دفتها

والله ربان السفينه اذا كان يدوام من 6.30 الى 4.00 او 2 ولا فيه تعاون من البنت

اذا كانت مدلعه في بيت ابوها طلبتها اوامر بالله كيف الرجال بيسطر

وبيغير حياة وحده عايشه طول عمرها كذا الا ان يشاء الله

واذا تصرف الرجل بحكمه ومنطق طبعا البنت على طول تلفون على امها

وتعطيها الاخبار كلها وشوي الا هي طالعه

هذولا بنات ها الوقت للاسف واصابعك مو سوى

اقتباس

الكاتب : sosah


	تمعنت في تجربة بسيطه لأرى مدى صدق تصوري.. تعاملت احداهن مع عدد من الافراد وفكرت في استثارتهم انفعاليا لترى النتيجه التاليه.. ان الرجل اصبح لا يحتمل ادنى موقف يزعجه ويسعى لتدمير علاقاته بسهولة شديده..سواء بالقول او بالفعل

انتي قلتي مو كل الناس سواء وبعدين ما فيه احد بيهدم بيته بيده

الا كانه راعي لخبطه ولا الانسان الفاهم العاقل ماراح يهدم علاقته مهما كان

ولو كان الحب الصادق بينهم مراح يهدم

اقتباس


	هل هذا اعلان صريح من الرجل بأن تخضع المرأه لرغباته كاملة دون معارضة او نقاش وكأنها قطعة مهملة في البيت لا حق لها باظهار صوتها..

ليه اقرب قريبه لك الي هي امك

تخضع لطلبات والدك كلها بدون معارضه ما اتوقع لابد اختلاف في وجهات النظر

ياختي الحياة فيها مشاكل كثير واراى كثيره

وبالعكس والله فيه ازواج عايشين احلى عيشه

وبينهم تبادل واحترام بوجهات النظر

اقتباس


	ترسخ في الفكر ان الرجل بطبيعته اناني.. يحب كل شيء لنفسه ويرفض كل شيء على نفسه..ولا يهمه ان كان ذلك على حساب الغير ام لا..

كل واحد يفكر زي ما يبغى ويفسر الامور بكيفه

ولو ها الفكر ترسخ كذا كان ما تزوجو البنات ولا توفقوو

والمراءه لو ما توفرت حاجتها لعدم توفر الماده لدى زوجها

ما كلمته شهر وزعلت وللاسف ما فيه احد يقدر الحين

هم البنات كل وحده انا زوجي ما يردلي طلب يسافر بي لدول العالم

للاسف نقص في العقول

اقتباس


	المرأه لا تخلو من الانانيه لكن بحكم العاطفه التي جبلت عليها قد تضحي بأشياء كثيره لأجل هذا الرجل..لكنه لا يقابل فعلها بفعل مماثل لأنه قد يرى ان هذا الشيء حق له لا مجال للتقصير فيه..

اتحداك اذا فيه بنات يضحون

يكون فيه بنات يضحون ويكون فيه رجال يعملون على اسعاد زوجاتهم

لانهم يستاهلون قايمين بطلبات ازوجهم ويسمعون كلامه ويحترمون ارائهم

وعايشين احلى عيشه

اقتباس


	كثيرات قلن لي ان الزوج يختلف عن الاب او الاخ..الزوج سكن ورحمه واستقرار للنفس.. قلت واذا اصبح سبباً في دمار النفس؟

ما اتوقع انك بتاخذين واحد من الشارع على ساس يكون دمار للنفس

ولو الواحد صار كذا تفكيره ما عشنا

ليه مراح تسالين عنه وعن اهله ؟؟

ومجاله التعليمي والوظيفي ؟؟

كل هذه اسباب تريح النفس

استغرب تفكيرك بصراحه

اقتباس


	كل شيء وارد وكل شيء يسير بمشيئة الله وليس لنا حكم في ذلك.. لا انكر اني تشوقت في فترة من فترات حياتي لتجربة هذا الاستقرار والسكن كما ذكروا لي

واتوقع راح تكون ناجحه وبكل المقايس اذا استخرتي الله

وكان الولد كفووو والانسان مكتووب له كل شي

اقتباس


	لكني عدت لأتراجع..لأني تذكرت اني اسير في منزل ابي والكل يبتسم في وجهي ويعاملني بمحبة وود.. كيف اهجر هذا النعيم لأذهب لمكان مجهول لا علم لي به

ابوك مو دايم لك

ويمكن يكون بيت زوجك جنه من جنان الدنيا ونعيمها

اقتباس


	لن أحتمل ان يستقبلني زوجي غداً بتقطيبة على الجبين في دخولي وخروجي..لن أحتمل ان أسمع الكلام الجارح أو السخيف ممن سيكون سكناً لي كما يقولون..ألست محقه.. ؟؟

لا معصي منتي محقه انتي وش فيك ؟؟

ذكرتيني راويه كان تعرفينها (عبير احمد في مسلس الحريم)

كلام سخيف وكلام جارح

اختك كذا يستقبلها زوجها ؟؟

امك كذا يستقبلها ابوك ؟؟

اقتباس


	عجباً كيف نترك الامن لنذهب للزعزعة ..؟؟

انتي تكلمتي عن نعيم ابوك

وابوك واحد من الرجال الي تكلمتي عنهم

وفي النهايه

اشكرك جزيل الشكر على ما تقدمتي به

كما اتمنى انت تعذريني على اسلوبي اذا كان مو مره

تحياتي

ابو مهند · 14-07-2004, 12:17 PM

8
8
8

عين العقل فوضويه .. تسلم يمينك .. ياليتها تقرأ ردك الاخت متشائمه ..

أسرتي الجميلة

كل مايختص بالاسرة والمجتمع وشئون المرأة والطفل

نعم اريد السكن.. لكن هل سيحتويني..؟؟

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

14-07-2004, 12:21 PM	#18
أشكي كبار الشخصيات ذكرى وذاكرة