أسرتي الجميلة

نجديه وكلي فخر · 25-02-2007, 11:03 PM

اقتباس

الكاتب : توتة [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	مرحبا عزيزتي نجده وكلي فخر اخيتي التفحيط في مرحلة المراهقه امر مخيف لكن ربما ان الشباب في هذا السن لديهم مخزون طاقه كبيره يود ان يفرغها باي شكل من الاشكال ولكن لم تتوفر له الوسائل المعينه على ذلك والمسؤل الاول..الدوله..لماذا لاتحتوي هؤلاء المراهقين في الاستفاده من طاقات العاليه..فيما يعود بالنفع على الامه وايضا ترفيه لهم في الدرجه الاولى المنزل..الاهل اعتقد ان اكبر همهم التربيه لكن في هذه المرحله يكون الابناء في حاله نشاط وقوه ...احيانا لاتنفع معهم كلمات التشجيع يريدون ان يقلدوا غيرهم ليثبتوا مدى قوتهم .. وبالنسبه للحكم فعلمه عند الشرع.. دمتي بخير

توتة منورة يالغلا
بس قبل ما اعلق على ردك قربي مني بقولك شئ

(( وش نجده هاذي.....

طالعي في اسمي اللي كتبتيه متأثرة بالسفتي

نجي للتعليق..
بالفعل كلامك رائع في أن الشباب لديهم طاقات وانهم لايعرفون اين يفرغونها
لذلك يتخذوا من التفحيط مجالا لافراغها..
طبعا مثل ماذكرتي التربية اساسا تنبع من المنزل.. من الاهل..
يعطيك الف عافيه لمداخلتك الرائعه..

فتـــــــMـــــــو · 26-02-2007, 05:12 PM

هههههههههههاي حلوه يوم شغلت السفتي كنها تقول يمديكم تنحاشون

بس وش تتوقعين من شباب عندهم طاقات مكبوته مو لاقين فرص وظيفيه يعني باطلين عاطين

وش تتوقيعن من دوله عجزانه توفر ميدان خاص بهالشيء دامه تدري ان عيالها تحب التفحيط

وصدقيني مهما كانت تربية الاسره صح في هالامور بالذات وفي سن المراهقه الشله لهم

المكانه والسلطه العليا

التفحيط رغبه غامضه من الشخص

بس تصدقين احسها فللللللله

المشتاقه · 28-02-2007, 03:02 AM

يعطيج العافية على طرحج ..

تعقيبا على قول الاخت فتمو من إن الدولة ما توفر ميادين للتفحيط .. فإحنا بالكويت كان في فترة وفرت ميادين خاصة للتفحيط عشان ما تصير حوادث للأبرياء وبالعكس زادت المشكلة زاد التفحيط في الطرق الشباب يحبون يخالفون القوانين !!
بصراحة مشكلة التقحيص أو التفحيط مثل ما تقولون خطييييييرة راح ضحيتها العديد من الأبرياء .. والشيخ نبيل العوضي عرض الموضوع وقال بأنه المفحط إذا توفى واهو يستعرض حضرته فيعتبر منتحر وكلنا يعلم ما جزاء المنتحر ؟! وذكر موقف عن شباب الله يهديهم قاعدين يقحصون عند تقاطع إشارتين وموقفين كل العالم عشان تشوف اللي يبي واللي ما يبي وكان من بينهم رجل ومرته في حالة ولادة!! تخيلوا حال المسكينة بتولد وهم موقفين الطريج عشان تفاهاتهم .. المشكلة إن مهما تتكلمين وتوعين ما يسمعون النصيحة ..
لقد أسمعت لو ناديت حيا .. ولكن لا حياة لمن تنادي
ونارا لو نفخت بها أضاءت .. ولكن تنفخ في رمادي

برايي اللوم على أولياء الأمور والمفحط نفسه لازم يستوعب إن حياة الناس مو لعبة و(( حريتك تنتهي عند حرية الآخرين ))

شاكرتلج طرحج عزيزتي والله يهدي الشباب ويستر عليهم وعلى هواياتهم اللي مادري من وين إييبونها؟؟؟!!!!

مع تحيااتي

كتكوتة الرياض · 28-02-2007, 03:22 AM

نجديهـ و كليـ فخـر

هلآ بكـ يالغاليهـ

موضوعـ آكثر من رآئعـ

بالنسبهـ للشبآبـ و اهدآفهمـ بالتفحيط

نتيجـة الكبتـ و العطآلهـ

و لا فيـ متنفسـ يروّحونـ عنـ آنفسهمـ فيهـ

<<< رآحمتهمـ

حقيقـة هوآيهـ استمتعـ بالنظر اليهآ

( إذآ كآنـ المفحّط حرّييفـ )

بسـ المشكلهـ اذا جآكـ وآحد يفحط و الجمآهير على قفآ من يشيـل

هنآ تصير حوآدثـ بالهبـل

مثل المفحط ) آبو كآبـ ( بــوبـو )

و غيرهمـ كثيرينـ

اللهـ يهديـ الجميعـ

بالنسبهـ للعقوبهـ هذآ شيـ رآجعـ للحكومهـ

<< مآتحبـ تدخل بالسيآسهـ

مشكورهـ يالغاليهـ

على الموضوعـ الجميل

يسعدكـ ربيـ

تحيآتيـ

الطامح · 28-02-2007, 01:00 PM

بأختصار شديد يأخت نجديه ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, وو

أن من يفحط يعتبر منتحر وهل يعلم كل مفحط ان عقاب المنتحر النار

وشكر على الطرح المميز

نجديه وكلي فخر · 28-02-2007, 06:19 PM

اقتباس

الكاتب : &شمـ(الراسية)ـوخ& [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	توعية المفحط ونصحة والأخذ بيدة واستغلال طاقته فيما ينفع بإذن الله يجدي فيه ولو يفكر المفحط أن أمّــه اللي تعبت عليــه وأبــوه واللي مايتمنّــون له إلا كل الخير والعافية... وهو رايح يودي نفسه للهلاك ويحزن أمّــه وأبــوه وأهــله عليه,, ويتذكر قول الله تعالى: "وَأَنفِقُواْ فِي سَبِيلِ اللّهِ وَلاَ تُلْقُواْ بِأَيْدِيكُمْ إِلَى التَّهْلُكَةِ وَأَحْسِنُوَاْ إِنَّ اللّهَ يُحِبُّ الْمُحْسِنِينَ (195)" ويتذكر أن الله تـّواب رحــيم وأن باب التوبة مفتــــــــوح مالم تطلع الشمس من مغربها.. وأن يتدارك الوقت قبل أن يتنـــدّم على فعلـه ... وعند رؤية المفحط وتلقي الأذى منه أنصح بالدعاء له بالهدايـــة لأنه يحتاج ذلك.. يعطيك العافية نجدية ...

كلامك كله درر ياشموخ
نصائح رائعه واستدلال مؤثر
الله يجزاك خير يالغلا..

نجديه وكلي فخر · 28-02-2007, 06:21 PM

اقتباس

الكاتب : ســـــواح [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	طاقات .. لم تجد من يستغلها أكاد لا ألقي اللوم على المفحطين بقدر ما ألقيه على الجهات المختصة الشباب .. محرومون من كثير من الأشياء .. داخلهم طاقات هائلة لم نحسن توجيهها للمفيد .. فبالتالي .. سيفرغونها في مجالات أخرى كالتفحيط ومعاكسة الآخرين .. لابد للمسألة من حل جذري .. أما نتركهم يصولون في شوارعنا دونما توجيه جيد لطاقاتهم .. ثم نحكم بالقصاص على أحدهم فهذا عين الخطأ وعني فأويد وبشدة العقوبة الصارمة على المفحط .. مجرد رأي .. سيداتي سادتي

سواح
سرني مرورك العذب
بالفعل اخي اللائمة يقع جزء كبير منها على الجهات المختصه
كما ان الشاب عليه يقع اللوم بعدم استغلال طاقته بمايفيد..
المجالات الترفيهيه متعدده لو طلبها لوجدها..
يعطيك العافيه

نجديه وكلي فخر · 28-02-2007, 06:24 PM

اقتباس

الكاتب : الجووهرة [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	هلا بك نجديه .. تدرين من المسؤول ؟؟؟ صاحب السفتي المتهاون !!! الاهل اللي يعرفون ان اولادهم يفحطون وعندهم هالهوايه .. البعض يشجعهم والبعض الآخر يقول((مصيره يكبر ويعقل)) يا عزيزتي .. الآن اصبح المفحطين قوة .. لهم شبكاتهم واتصالاتهم الخاصه .. وطريقه اجتماعاتهم .. لكل مفحط جمهور .. ومدير اعمال .. وشخص يجهز له السياره والجو والمكان وكل شيء وكأنه عمل تجاري يتعاونون على انجاحه .. ايعقل ان المجتمع بكوادره غير قادر على التقليل من حجم هذه الظاهره .. قادرون ولكن لم تعطى لهم اشارة البدء بالمكافحه .. نعم مكافحه لأن التفحيط مرض .. وكم من شخص ذهب ضحية هذا المرض .. ارى ان اول العلاج .. الحبس الطويل الأمد .. وليس فقط الغرامات الماليه وان لا تتدخل الواسطه في تخفيف العقوبه مهما كانت ... الله يكفينا واباكم شر التفحيط بالتوفيق للجميع

نعم اتفق معك في كل كلمة قلتيها وان المسؤول بدءا من صاحب السفتي
مرورا بالاهل والجهات المختصه انتهاء بتقبل الشاب ..
وللاسف الشديد ان كان الحال مثل ماذكرتي...
الف شكر لاثراء الموضوع بردك..
انتهاء

نجديه وكلي فخر · 28-02-2007, 06:27 PM

اقتباس

الكاتب : toofy [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	مرحبا نجديه طرح جديد لم يسبق تطرق احد اليه .. أولاً : بالنسبه للقصاص .. القاتل يقتل وكثير ينتج عن التفحيط حوادث واصابات ... اضافتي لما ذكره الاخوه والاخوات .. واجب الدوله حماية المفحطين حتى من انفسهم .. فلو حددت اماكن خاصه للمفحطيين .. يشرف عليها مسؤوولين بكافة الاحتياطات يمارس فيها المفحطيين هوايتهم لقل نسبة الاصابات ولاستفادنا من هؤلاء لانهم يملكون طاقه عاليه وحب للمغامره يعطيك العافيه نجديه ..

مرورك اسعدني يالغلا
ولكن هل تعتقدين تقبل الشااب بذلك ؟؟
اعتقد انه لن يرضى الا بالتفحيط العشوائي وفي اي مكاان يعجبه..
وانا لا ارى في التفحيط هوايه يجب من اجلها وضع اماكن مخصصه ليمارسون هوايتهم
التفحيط ضرب من ضروب الجنون..
ولاننسى ان اغلب المفحطين وليس كلهم مدمنين

كفانا الله واياكم شرهم
الف شكرر لاثرائك الموضوع ...

نجديه وكلي فخر · 28-02-2007, 06:31 PM

اقتباس

الكاتب : فتـــــــMـــــــو [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	هههههههههههاي حلوه يوم شغلت السفتي كنها تقول يمديكم تنحاشون بس وش تتوقعين من شباب عندهم طاقات مكبوته مو لاقين فرص وظيفيه يعني باطلين عاطين وش تتوقيعن من دوله عجزانه توفر ميدان خاص بهالشيء دامه تدري ان عيالها تحب التفحيط وصدقيني مهما كانت تربية الاسره صح في هالامور بالذات وفي سن المراهقه الشله لهم المكانه والسلطه العليا التفحيط رغبه غامضه من الشخص بس تصدقين احسها فللللللله

شايفه اللي حصل يافتوو

بصراحه اتوقع كل شئ

بس للاسف الشديد الشاب يضر نفسه بنفسه
ليس التفحيط المخرج لتلك الطاقه الكامنه
لو اراد لاستغلها في شئ يعود عليه بالنفع ولكن
شلة السوء وحب المظااهر والتفاخر والشهرة تدفع الشاب الى ذلك الطريق المحفوف بالمخاطر..
يعطيك العافيه لابداء رأيك ..

أسرتي الجميلة

كل مايختص بالاسرة والمجتمع وشئون المرأة والطفل

جنون التفحيط ...ياقاهرهم...

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور