| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
أسرتي الجميلةكل مايختص بالاسرة والمجتمع وشئون المرأة والطفل |
إعلانات منتديات منطقة الرياض
|
||||||||||||
|
||||||||||||
 |
|
|
LinkBack | أدوات الموضوع |
|
#1
|
||||
|
||||
حواركن
حواركن منى : عبير تذكرين ذيك الاستاذه اللي فرقتنا في الفصل يوم تهاو شنا . عبير: من هي... متى ما أذكر ... منى : يا بنت... أول ما تعارفنا، يوم ناديتك " تعبير" تذكرين عبير : هههههه هههههه هههههها... الله المستعان... بغيت اكسر راسك ذاك اليوم ... ههههههه من أول يوم نتعارف يهوشه منى : هههههه كم سنة مرت ... الله زماااااااان عبير: كان أول أسبوع لنا في ثاني متوسط... يعني قبل سبع سنوات منى : يــــــالله عمر.... بكره نتخرج ونتفارق كل وحدة منا في طريق. عبير : ليه ناويه تقاطعيني بعد التخرج؟؟؟ منى: أختي أماني كان لها صديقه طوال سنوات الدراسة... وبعد التخرج ما عاد تقابلوا وكل وحده انشغلت في حياتها. عبير: عندي حل جنان !! هههههه منى: والله... وش هو الحل اللي عندك؟؟ عبير: أزوجك على اخوي. منى: والله لو انك ولي أمري "أزوجك" عبير: لا صحيح... اخوي سعود يفكر يعرس ليش ما تتزوجينه اخوي اكبر مني بأربع سنوات معاه شهادة المعهد المهني، ويشتغل حر من يوم ما توفى أبوي الله يرحمه وهو يعرف معنى المسؤولية.. عنده ورشة صيانة سيارات من أكثر من خمس سنوات.... و محل بنشر من أيام الدراسة منى : محل بنشر هههههه ... قومي نلحق المحاضرة بس... بنشري هههههه عبير: منى أنا أتكلم من جد... اخوي وأنا اعرفه زين مثل ما أعرفك... وانتووا الاثنين ليقين على بعضكم أحس فيكم كثير أشياء متقاربة ومنسجمة،يصلي وعاقل ويحب القراءة ويطور نفسه داين مرح وما هو راعي سفرات. ومكون نفسه بنفسه وحكاية بنشري هو ماعاد يشتغل فيه بس يمتلكه. منى: بنت أنا ما أحب هذي السوالف عبير : خلاص بنجيكم اليوم أنا وأمي واخوي سعود الساعة ثمان منى: مجنونة أنتي وش تجوون تسوون عبير : نجي نخطبكي يا حلوه منى : هين ... ممكن تقومين عشان ما ننطرد من ا لمحاضرة ،،،،،،،،،،،،،،، ،،،،،،،،، ،،،، منى: الو هلا عبير... عبير: حنا طلعنا من البيت ساعة ونكون عندكم منى : وش "عندنا" من صدقك أنت عبير : والله أنا ما علمتك إننا جايين اليوم الساعة ثمان منى: صحيح... بس أنا احسب الموضوع مزح ، وما اهتميت... ولا علمت أمي و أبوي عبير: أي مزح هذا...أقولك حنا بالسيارة... كلمي أمي كلميها أم عبير : هلا يا بنيتي ودك نأجلها ليوم ثاني ... نرجع يعني. منى : هلا ياخالتي الله يحيكم وش دعوه البيت بيتكم أتفضلوا. منى: يمه عندي موضوع مستعجل ولا يحتمل نقاش أم منى: خير يا بنيتي منى : صديقتي وأمها وأخوها جايين في الطريق لبيتنا يخطبون... وأنا اتفاجئت بالزيارة وقلت لهم الله يحيكم أم منى : بس الله يحيهم الف من هي صديقتك منى : صديقتي عبير أم منى: والنعم... روحي تفقدي المجالس وأنا أبعلم ابوكي سعود: ....... أبو منى: ...... أم سعود: ...... أم منى : ....... ...... : ....... ...... : ....... أرجو أن تكملوا الحوار كل منكن حسب وجهة نظرها.
|
05-03-2007, 11:45 AM
|
#2 | |
|
مشرفة مجالس الأسرة والمجتمع
لـمـعـة الـمـاس    |
رد : حواركن
اخوي سكن فكره روعه جديده ولي شرف اكون اول الحاضرين طبعا بعد ماجا المعرس وامه وشربو قهوتهم ابو منى .... ياهلا والله فيك حياك سعود: ....... يشرفني اني اطلب بنتكم لي وكلي فخر اني اناسبكم ..... انا حاصل على شهادة المعهد المهني والحمد لله مكون نفسي بنفسي والله فاتح لي ابواب رزقه وعندي ورشة صيانة سيارات ومحل بنشر من سنين وحالتي ولله الحمد ممتازه أبو منى: ...... ماشاء الله عليك والنعم فيك طيب باولدي انت ماقصرت كفيت ووفيت تعرف لازم ناخذ براي البنت ونشوف وش تقول وعطنا فرصه نفكر ونسال يابوك ونرد لك وخير ان شاء الله أم سعود: ...... والله ياام منى ان ولدي مافيه مثله بالعيال من البيت للمسجد ومن المسجد لشغله مو راعي سهر ولا سفر ولا ختات لا وبعد مايدخن ويقدر الاستقرار والحياة الزوجيه ورضي الله يرضى عليه وحنون ومن صغره يكافح بهالدنيا الين وقف على رجلينه ..  وبحط بنتك بعيوني الثنتين وماراح ينقصها اي شي وكل الي تامرون فيه من عيونا تستاهلون أم منى : ....... .الله يحفظه لك ويخليه ان شاء الله والنعم فيه والله ماراح نلقا احسن منكم وبنتي منى دايم تشكر ببنتك عبير وتشكر فيكم . بس تعرفين لازم ابوها يسال وناخذ براي البنت ونرد عليكم والله يجيب الخير ان شاء الله اكون كملتها صح  اذا فيه شي ناقص نتقبل الاراء .......  كون بود وعافيه
|
|
|
|
05-03-2007, 05:57 PM
|
#3 | |
|
مراقبة المجلس الإسلامي
 |
رد : حواركن
وبنت الاديب تقريبا كتبت اللي كنت بكتبه مشاابه له كثير يعطيك العافيه سكككن ويعطيك العافيه بنت الاديب.........
|
|
|
|
|
05-03-2007, 07:49 PM
|
#4 | |
|
مراقبة سابقة
 |
رد : حواركن
سعود : يما والله اني خايف ؟؟   أم سعود: من وشو يا ولدي ترا هذي مشاعر طبيعية انك تخاف وانك تشيل هم..  عبير : لا تخاف يا سعود وربي البنت بنت حلال وحليلة وبسيطة وأهلها ناس طيبين..  سعود : تدرين وش مخوفني؟؟؟؟؟ عبير : وشوو؟؟ سعود : أخاف تطلع شينة مثلتس !!!! هههههههههههههههههههههههههههههه   عبير : من زينك عاد يالدب الحين الشرهه علي اني أدورلك عن بنت الحلال!!!!!   خخخخخخخخخخخخخخخخخخخخخ سعود : عبير هاتي العطر ناوليني اياه ترانا وصلنا..  عبير : بس قبلك تتعطر خلاص ريحتك تهبل انزل بس انت وخشتك..   أم سعود : ههههههههههههههههه الله يصلحكم بس يالله توكلنا على الله... في منزل أهل العروس... أم منى : هلا وغلا يالله حيهم  أم سعود : الله يسعدك يارب وشلونكم ووشلون عروسنا.. أم منى : بخير يامال العافيه نحمد الله ماغير مسيكينات بهالمذاكرة الله يعينهن.. أم سعود : ايه والله صدقتي الله يوفق كل الشباب والبنات.. المهم يالغالية أنا جايتك اليوم وأنا كلي أمل انك ما ترديني ووالله مارح نلقى أطيب ولا أبرك منكم والموضوع اني ودي والله إن منى تصير بنتي الثانية وعروس لولدي سعود ( ومن ثم ذكرت الأم مواصفات الإبن )  أم منى : ما شاء الله تبارك الله والله يام سعود يشرفن هالشي لكن عاد مثلس خابر لابد ما أبو البنت يسأل عن الولد ويشاور البنت وان شالله مالكم إلا طيبة الخاطر  أم سعود : الله يجزاتس خير والله يجمع الشمل ويقدم اللي فيه الخير وأبد كل اللي تامرون فيه حنا حاضرين منى بنيتي وتستاهل وأتمنى لها مثل اللي أتمناه لعبير..   وهنا طبعا طلبت أم سعود أن تدخل منى على ولدها لاجل يشوفها حتى يصير كل واحد فيهم على بينة وفعلا راحت أم منى لمنى وقالتلها تعالي يابنيتي العريس يبي يشوفتس   طبعا منى انهبلت و خافت وتنافضت ركيباتها وجاها كل أنواع المغص  ودخلت عليهم بالعصير وقدمتهلهم اياه وطبعا سعود مسوي ذاك الحياوي ويناظر من حت لتحت المهم انه تمقل بالبنت وشافها زين  وبعدين قال لأبو منى استكمالا للحوار والله يا عم إن يكون لي الشرف لو ما رديت طلبي وان شالله إنها بتكون بعيوني الثنتين وما لك إلا اللي يرضيك.. الى حد هنا انتهت الزيارة وتوادعت العائلتان ركبت عائلة المعرس السيارة ... وأول ما صكت منى الباب !!!!!!!! واااااااااااااااااو أول مره أروح أخطب وربي بطير من الوناسه  علمن وش قالك أبوها؟؟؟  سعود : اووووص اركدي خلنا نبعد عن البيت أول ..  منى : ليه يالذكي بيسمعونا هم؟؟؟    أم سعود : منى ترفقي بأخوتس تراه مبتلش بعمره وخايف ناظري دياته يابعدي مزرقات ومثلجه.. وضحك الجميع ههههههههههههههههههههههههه أم سعود : بشرن ياولدي وش قالك أبوها ؟؟؟ سعود : والله يما الرجال كريم بس شكله شديد ويخوف يعني ما حسسن إني جزتله الكل يضحك على سعود ههههههههههههه عبير : لا عاد تبيه يقولك تكفى تراي وافقت اعرس على بنيتي منب لاقين مثلك ؟؟   سعود :أقول يالشينة أنتي اسكتي بس أهم شي انها أحلى منتس..هع هع هع هع هع أم سعود : يعني أفهم من كذا إن البنت جازتلك ؟؟؟ سعود : والله ياميمتي إنها مملوحة وحليوه وما عليها والله يجعلها من نصيبي قولوا آمين..   قال الجميع ...آآآآآآآآآآآآآآآآآآمين.. وسارت السيارة في هدوء تام بعد هذا الحوار كلن يفكر باللي يهمه سعود بعروسه وعبير تفكر لو هي تعرضت لهالموقف وتتخيل نفسها وتفكر بفستان عرس أخوها وشلون موديله بيكون وأم سعود تهوجس بالترتيبات والمصاريف يا قلبي عليها في حال وافقوا على ولدها.. وطبعا هي كلها سعاده عشان فرحة وليدها .. عاد ترا أنا أحب النهايات السعيده وحصل المراد ووافق أبو منى على سعود وزوجوا وعاشوا بتبات ونبات وخلفوا صبيان وبنات........ ووالله يا سكككن رووووعه ويعطيك العافيه استمتعنا كثير..كثير... لكم أرق تحياااتي نجوووود
|
|
|
|
|
06-03-2007, 12:59 AM
|
#5 | |
|
مراقبة مجلس الرياض
العــــــــــــالميه |
رد : حواركن
حوار رائع ونهايه سعيده اختي نجووود فعلا الحوار هو مانعيشه في حياتنا اليوميه.. ولكي نحقق اهدافنا في امورنا الحياتيه اليوميه علينا بالحوار السليم البعيد عن التعصب .. شكرا لك اخي وشكرا لمن اضاف للحوار اسلوب الطرافه وروعه الكلام دمتم بخير 
آخر تعديل توتة يوم 06-03-2007 في 01:46 AM
|
|
|
|
|
06-03-2007, 07:20 PM
|
#6 | |
|
التلسكوب
|
رد : حواركن
احسنتي سيدتي بسرد حوار يشمل نقاط مهمة بموضوع التقدم للخطبة مثل السؤال عن اخلاق المتقدم وطباعه مسيرة حياته بشكل عام يبقى سيدتي ان تذكري لنا رأى الانسة منى من خلال منظورك الشخصي للخطيب وعائلته دمــــ بكل الخير ـــتي |
|
|
|
|
06-03-2007, 07:27 PM
|
#7 | |
|
التلسكوب
|
رد : حواركن
نـــــجـــــديـــــه اشكر لك مرورك العطر وان كنت اتمنى عليك ان تذكري رأيك في عريس بهذه المواصفات ولو بكلمة واحدة " اوافق/ لا اوافق" دمــــ بكل الخير ـــتي |
|
|
|
|
06-03-2007, 07:36 PM
|
#8 | |
|
التلسكوب
|
رد : حواركن
نجـــــوووود عندك موهبة لكتابة السيناريوهات والنهاية السعيدة تعني موافقة منى وموافقتك حطي في بالك ممكن يختارك سعود هههههه دمــــ بكل الخير ـــتي |
|
|
|
|
06-03-2007, 07:46 PM
|
#9 | |
|
التلسكوب
|
رد : حواركن
اختي توتة صدقتي في ان الحوار هو السبيل الوحيد للتواصل مع الاخرين والوصول معهم الى نتيجة مرضية للجميع في الغالب. ولكن ماهو رأيك في عريس بهذه المواصفات دمـــــ بكل الخير ــــتي |
|
|
|
|
06-03-2007, 11:43 PM
|
#10 | ||||||||||||||||||||||||
|
مراقبة المجلس الإسلامي
|
رد : حواركن
بكل صراحه عريس بهذه المواصفات يعجبني من عدة نواحي اولا انه عصامي كون نفسه بنفسه ثانيا العمل بحد ذااته ليس عيبا حتى لو كان يملك بنشر اهم شئ انه عمل شريف و مال حلال... وارى ان حالته الماديه ممتازة لذلك اوافق على عريس بهذه المواصفات.... اتمنى اكون اجبت على التساؤل |
||||||||||||||||||||||||
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
