| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
أسرتي الجميلةكل مايختص بالاسرة والمجتمع وشئون المرأة والطفل |
إعلانات منتديات منطقة الرياض
|
|||||||||||
|
|||||||||||
 |
|
|
LinkBack | أدوات الموضوع |
22-04-2007, 01:16 PM
|
#11 | |
|
عضو فعال
    |
رد : زوجتي لا تتزين لي
أخوي (صدى الكلمة) أشكرك على طرحك الرائع.. تعليقي على الموضوع.. احنا بشر ولا يمكن انك تلقى وحده كاملة وبكل لحظة تشوفها بكامل زينتها! يعني ممكن انها تتزين وتتشيك مرة في الشهر أما كل يوم صعبة!! ومدري ليه نطالبها تتزين وحنا ما نتزين!! (ترى الموضوع للنقاش لا يجيني احد ويقول تعمم وتخصص انا عارف انه مهوب الكل :-)) الحمد لله اللي خلقني رجل ثوب وشماغ وخلصنا :-) بس لازم نعرف انه مثل ما نطالبها انها تتزين لازم حنا بعد نتزين ونتكشخ ونحافظ على اجسامنا بأحسن صورة ونفرش هالاسنان اللي بخششنا (توايس أدي).. فيه عندي ملاحظة تهم الزوج والزوجة وهي الاهتمام برائحة الفم.. (معليش طلعت عن الموضوع بس ما طلعت بعيد :-)) الكثيييييييييير ما يدري عن ريحة خشته لأنه هو نفسه ما يشم شي.. شي طبيعي انك ما تشم ريحة فمك لأنك تعودت عليها.. لذلك لازم تهتم بنظافة أسنانك واللسان بعد.. كثير من الزوجات تتشكى وتقول ان زوجها أول ما يشوفها يجيها ويضمها وبعد شوي يبتعد عنها وكأنه فيه شي خلاه يبتعد عنها لكن ما تدري وش اللي صار.. اللي صار باختصار انه ريحة فمك ما اعجبته والمشكلة ان الزوج ما يصارح زوجته بهالشي يخاف انه يضايقها (خطأ) لازم تصارحها وتعلمها بأي مشكلة تلاحظها وهي بعد تعلمك بأي مشكلة علشان تتصلح المشاكل وتعيشون حياتكم :-)
|
|
|
|
22-04-2007, 02:11 PM
|
#12 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
ع ـشق مجنونـ ,,}~
مشرفة مجالس عالم الإبداع  |
رد : زوجتي لا تتزين لي
بداية السلام عليكم ورحمة الله وبركاته .. يعطيك ألف ألف ألف عاااافيه أخوي صدى الكلمه عالموضوع الحساس والمهم واللي يلامس الواقع كثييير ونشوفه كثييير .. ماراح أطول بكلامي عليك بجاوب على أسئلتك على طول .. :
للأسف ماتناوله الهليل يحكي واقع كثييير من النساء عندنا .. يعني تلقى الحرمه ما تتزين الا لاجات تطلع عرس ولا عزيمه وان جيت للأسباب فالأسباب ماترجع للحرمه بس ( عشان ما أكون ظالمتها ) السبب قد يكون في الرجل نفسه وهو مو داري .. يعني أبضرب لك مثال من واقعي أنا .. وحده قريبتي متزوجه هي وهي اساسا على قد حالها باللبس يعني ما أقول لكم تكشخ ذيك الكشخه لا هي وحده ذوقها بسيط يعني .. لاجات تلبس وتكشخ سواء بالبيت أو لعرس أو عزيمه .. زوجها عمره ماجا وقال لها والله حلو اللي لابسته .. يعني دومه يكسّر بمجاديفها لاهو اللي بينتقدها أو يعطيها رايه في اللي لابسته ولا هو اللي بيمدحها .. يعني اذا موعاجبك قول وهي بتلبس اللي يعجبك .. ولاصارت مناسبه ولا عيد وراحو بيت اهله يجلس يمدح بملابس فلانه وعلاّنه وبنات اخوه وبنات أخته ويقول لهم ان فلانه أحلى لبس فيكم اليوم .. وزوجته هالمسكينه وربي ما تكرّم عليها بكلمه يقول لها طالعه حلوه اليوم .. يعني أسألكم بالله الوحده من وين يجيها نفس تلبس ان كان الحال سواء لبست حلو أو مو حلو ماراح يأثر بزوجها ؟ ومع ذلك يجون الرجال ويقولون ( أنتو ماتتزينون الا للزواجات وبس )  ..
أنا بالمثال اللي قلته قبل شوي ما أحط اللوم على الرجال بس .. لا والله أنا أقول لك ان الأزواج والزوجات هم المتسببين بالموضوع هذا .. يعني لو كان هالموضوع حاصل بيكون السبب يا من الزوج وانه ما يعطي زوجته رايه باللي لابسته عشان كذا تحطّمت وماعادت تهتم بشكلها أو من الزوجه نفسها وعاد هذي أدهى وأمرّ من اللي قبلها ..
هههههههههه بدري عليه هالسؤال توي مابعد جا تعيس الحظّين .. بس أنا عن نفسي .. ( ومو مدحا في نفسي والله ) أنا أهتم بشكلي كثير كثير وأكره الروتين بشكلي يعني أحب أغير بعيداً عن الصبغات والحوسه ..
أكييييييد .. نفس ماقلت قبل لو هو ماقال رايه بالشي اللي لابسته زوجته وربي بيجيها تحطيم .. يمكن الزوج يحس أن رايه سواء عطاه أو ما عطاه زوجته ماراح يفرق بالعكس والله يفرق ونص .. يعني يعطيها رايه .. لو كانت لابسه ألوان ماتعجبه يقول لها عشان هي تلبس اللي يعجبه .. لأنها بالأول والأخير هي ماشرت هاللبس الا عشان يشوفه عليها ويعجبه ..
لااااا طبعا .. المثل اللي يقول ( الجمال جمال الروح ) أنا معه مو ضده بس حتى لو كنت أنا متوسطة الجمال فيه شي أسمه اهتم بمظهري عشان أطلع بصورة حلوه .. يعني اللي جمالها متوسط لو ما أهتمت بشكلها بينزل جمالها الى ( الشيانه ) يعني بدل ماتكحلها عمتها .. يعني المفروض اني اهتم بشكلي عشان يكون الجمال مكتمل فيني والكامل وجه الله .. وآخر كلامي للبنوتات اللي ينطبق عليهم صلب الموضوع هذا .. ترى وربي ماراح تخسرين شي لو لبستي لزوجك اللبس اللي يحب يشوفه عليك .. وماظن ان الحريم اللي بتروحين لهم يعنون لك أكثر من ما هو يعني لك .. وماظن ان الحريم اللي بتروحين لهم لو ماتت وحده منهم وهي راضيه عليك بتدخلين الجنه زي ماهو الحال مع زوجك .. وخلك بسيطه في لبسك ومكياجك ( يعني لا تسوين بروحتس الهوايل وتصيرين كنتس مهرّج  ) ترى البساطه عنوان الجمال ..وكلمة لأخواني الرجال .. لاتقصر بكلمه حلوه تقولها لزوجتك .. ترى وربي لو كنت تشوف هالكلمه ولا شي بالنسبه لك تراها تعني الكثييير بالنسبه لها .. يعني كلمتين ماراح يكلّفونك شي لاتبخل بها عليها ... : بالنهايه أحب أشكرك أخوي صدى الكلمه عالموضوع الأكثر من رائع وربي .. والكلام اللي بالموضوع هو يعبّر عن رايي أنا شخصيا وان كنت غلطانه بشي السموحه من الجميع .. وان شاءالله ان هالموضوع مايكون حقيقه لواحد بالمنتدى .. والله ياربي يهدي الجميع ويوفق الجميع ياااااااارب بانتظار جديدك أخوي صدى ... سلااااااااااااااامي للجميع ... .+. ـيخون الود .+. 
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
22-04-2007, 02:23 PM
|
#13 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مراقبة سابقة
 |
رد : زوجتي لا تتزين لي
موضوع راااائع ..
لا ننكر ذلك وجود في بعض النساء.. من ترى ان الالتجمل والتزين فقط للأغراب وللمناسبات .. وانها في بيتها (البساط أحمدي) لا يهم ان تتزين .. وهو امر لا يعمم على الجميع .. لأني اره طبع .. اعتادت عليه الفتيات .. من اعتادت ان تتزين في بيتها وتتجمل قبل زواجها .. ستكون كذلك بعد زواجها ..
موجود نعم . المتسبب قد تكون الزوجه .. لانها لم تعي اهمية التجمل للزوج .. وانها لابد ان يكون هذا التجمل من اعمالها اليوميه .. وضروره حتميه عليها ما دخل المجتمع في بيتها وتعاملها مع زوجها .. لو انها زوجة ذكيه لعرف منهم الأشخاص الذين لابد لن تتجمل عندهم ومن بينهم بالطبع زوجها !!!
 اذا جاء المحروس ان شاء الله أجاوبك ... بس ليه لا فكره حلوة .. (ومهمه) جدا .. لأنه يستاهل .. والتجمل هذا له نتيجه ..
بالطبع له دوور .. ومن وجهة نظري ان الرجل يحمل 70% من اسباب عدك تجمل المرأة لزوجها .. لأن بعض الرجال .. حين تتجمل له زوجته ... من لبس ومكياج وعطورات .. لا يهتم لذك .. ولدجة عدم اهتمامه لا يلاحظ التغيير .. وكأنها لم تفعل شيئا .. فمن الطبيعي ان تصاب الزوجه بإحباط .. بعض الرجال يرى ان تجمل المرأة له نوع من المبالغه .. حيث يرون ان تظل المرأة بطبيعتها افضل .. مطبقين مبدأ .. لا يصلح العطار ما افسده الدهر .. يعني لا تلومون الحرمة بس !!!! 
قلت لك اذا جاء المحروس جاوبتك  بس اتوقع هالشيء ما يكفي .. صحيح ضرووووووري ومهم .. لكن ما يكفي .. لازم من التجمل خارجي .. العين تعشق قبل القلب احيانا !!!! اخوي .. احيانا المرأة لما يكون زوجها قليل الإهتمام بنفسه .. تستكثر عليه تجملها له .. وهو امر طبيعي .. حين لا يتجمل لها لن تتجمل له !!!! معادله متعادله .. اليس كذلك ؟؟؟؟؟ الا ترون ان الرجال احيانا يطالبون المرأة بما لا يفعلونه هم !!!!! اشكرك اخوي على موضوعك المميز دمت مبدع كما عهدناك
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
22-04-2007, 02:26 PM
|
#14 | |||
|
مراقبة مجلس أسرتي الجميلة
العــــــــــــالميه |
رد : زوجتي لا تتزين لي
صدى الكلمه مبدع كعادتك في الطرح والتقديم والهليل دائما مايصدق في توقعاته في الكاركاتير مع ان فيه ناس تلاقيهم قمه في السعاده اذا شفته خارج بيته ويمزح ويضحك وفالها من جد لكن اذا جاء لزوجته قلب كشرته وحالته حاله وماله خلق شيء ووشلون يطالب زوجته بانها تهتم له اذا كان هو كذا مع ان الزوجه بطبعها حنونه وتعديها له بس القهر اذا كانت الزوجه مهتمه له ومتزينه ولابسه وكاشخه ترا مااقصد بالكشخه تلبس فستان او تحط ميك اب يكون لبس رائق وناعم ونظيف ويكون الزوج يحب هالنوع من اللبس والشعر مرتب ومتعطره له..لكن هو الله يخلف اما راح ينام او قال وين الغداء اذا جاء من الدوام بسرعه في راسي نووم وتعباااااان طيب هذا مايمنعك ايه الرجل انك تبتسم وتجامل زوجتك لو بضع دقائق ويكفي منك ابتسامه ونظره رومانسيه وان لم تفصح بكلامك يكفي ان تشوفك زوجتك باحلى بسمه انا لااتهم الجميع من الرجال. وان كان هناك من النساء ماتصحى من النوم الا بعد ماتجهز الشغاله الغداء وهي يالله تفتح عيونها ومايمديها تتزين لزوجها هذي اسمح لي اقول انها غير مباليه فعلا مع ان عندها شغاله في هالحاله يحق لزوجها مايهتم فيها او ينظر لها وينزعج منها..لكن اين رجولتك ايه الرجل ونصحك لزوجتك ام انك اعتدت هذا الكسل من زوجتك ايضا وفي المقابل هناك اناس ماشاء الله تبارك الله مبدعين في كل شيء وتحس انهم مهتمين بانفسهم صح والرجل السعودي يملك حس رومانسي فعلا ومن يقول غير ذلك فاقول له اصابعك مو سواالمظهر الخارجي مع ابتسامه من كلا الطرفين اجمل واجمل بقلووب صافيه رقيقه اخوي صدى المعذره على طول الكلام  دمت بخير 
|
|||
|
|
22-04-2007, 02:54 PM
|
#15 | |
|
مراقب سابق
|
رد : زوجتي لا تتزين لي
ومهم في غاية الاهميه وخاصه في الحيات الاسريه فالتجمل والتزين عامل كبير في استمرار ترابط الاسره لان الزوجه تحافظ على زوجها وزوجها يكون سعيد بالتقرب منها فأنصح جميع اخواتي ان بيت هو الاحق والاولى في تميزك جمالك واناقتك واسلوبك وتنظيمك وترتيبك ...... والخ ====================================== ويكفيكم شر العدوه الدوده ((الجاره)) دعيه يراك اجمل نساء الكون لا ينظر سواك يشاهد التلفاز لا يقف اما اغنية البرتقاله مثلها مثل الاخبار اتمنى للجميع السعاده في حياتهم وتميزهم في تربية ابنائهم تقبلوا تحياتي
|
|
|
|
|
22-04-2007, 03:03 PM
|
#16 | |
|
روح محلقة
 |
رد : زوجتي لا تتزين لي
المسئولية تقع على الزوجين بعض الأزواج يسخر من زوجته عندما تحاول أن تتزين أو تسوي نيو لوك و يحطمها بألفاظ قاسية فكيف تتزين لزوج مثل هذا ؟ و من النساء من تصرف كل اهتمامها للناس و ما يراه الناس وتنسى أقرب الناس يقولون إن أقرب الناس هو الزوج .. يمكن !! مشكور أخي صدى الكلمة على إثارة هذه الأسئلة سعدنا بالتعرف على آراء الجميع أزواج و زوجات
|
|
|
|
|
22-04-2007, 03:07 PM
|
#17 | |
|
عضو مؤسس
|
رد : زوجتي لا تتزين لي
وجميع الزوجات تهتم بزينتها في الحفلات والمناسبات أكثر من اهتمامها بزينتها عند زوجها لماذا تتزين المرأة أو لا تتزين اليس كل ذلك لإسعاد زوجها..نعم فعلى المرأة أن تعرف ماذا يحب زوجها وماذا يكره فإذا كان زوجها مولعا بهذه الاشياء ومن النوع الرمنسي فلتكثر من الزينه واما إن كان من النوع الآخر ممن لا يحب المكياج والمساحيق المفترض أنها تبتعد عن المكياج وغيره مما يضايق الزوج وتخرج امكتنياتها في الحفلات والمناسبات واعرف امرأة ابتليت في زوج لا يحب المكياج نهائيا وكلما تزينت وبخها اقولك ألف مره وجهك بدون مكياج احسن الخلاصة.. يكون عيبا في المرأة أن تتزين للمناسبات أكثر من زينتها لزوجها إن كان زوجها من النوع اللذي يحب الزينة ولا يكون يكون عيبا أن تتزين في المناسبات أكثر اذا كان زوجها من النوع اللذي لا يحب المكياج ويحب أن يرى زوجته على طبيعتها .. ((فالأنثى كالوردة الجميلة رائحة ولون ..وبعضهن لا رائحة ولا لون)) لك شكري أخي على هذا الموضوع لا حرمك الله الفردوس الأعلى
|
|
|
|
|
22-04-2007, 03:25 PM
|
#18 |
|
شموخ الحرف
 |
رد : زوجتي لا تتزين لي
موضوع أكثر من رائع ـ تحياتي صدى الكلمة ،، لدي أبعاد أخرى للموضوع : زوجه مهتمة دائما وتجد التقريع والسبب لاداعي لذلك رجل غير موجود دائما رجل لايجيد الحديث والنقاش لتتحول الأيام مللا قاتلا رجل لايعرف كيف يتعامل مع كينونة المرأة رجل يجد أن المرأة تتكيف بطبع زوجها زوج لايعي واجباته الزوجيه فالترويح والترفيه لاداعي لهما زوج يلقي كل أعباء الأسرة على زوجته وعليها أن تكون واحد × ستة ولربما أكثر زوج لايعرف معنى المشاركة الروحية وتقاسم المشاعر زوج يسخر من إبداع الزوجة ويتسبب في إحباطها زوج تجد الرجولة موقف لديه خارج المنزل وبمجرد دخوله يخلع الرجولة مع غطاء رأسه زوج لايعرف من العطاء إلا بعض |
