والله لو تحصل لي والله لا اقول موافق..موافق..موافق,مثل بشير سواق الشيوخ



الســــــــــــــــــــلام عليــــــكم



يسعدلي يومكم سوائن نامين ولاقايمين ولا متبطحين ولا متدروخين ولا اي وضعيه تعجبكم از يو لايك




""""""""""انترودكشن """"""""""


ترى القصة كاتبة من زمان ولا سويت فيه اي تعديل يعني من الجوف الى الجوف :D




هالموقف صار بالرياض قبل سنة ونص او سنتين وصاير لواحد اعرفة شخصيا


اوبقولكم الموقف



ابراهيم هو اللي حاصل له الموقف ذا, وهو طبعا وسيم <<ترى مهوب اسمة ابراهيم بس للتشويش
طبعا يدرس بجامعة الملك سعود بالرياض واهلة ساكنين بالقصيم ولهم بيت بالرياض بحكم ابوة له تجارتة بالرياض وبالقصيم .

ابو ابراهيم
ابو ناصر: ابو البنت
والبنية



فايقول مرة من المرات جو اهلي مع ابوي للرياض ,فايوم من الايام امي واختي طلبو مني اوديهم للسوق وديتهم لسوق الاندلس اللي بطريق العليا المهم يوم نزلو اتفقنا اول مايخصلو يدوقون علي .

يقول ابراهيم :
دقو اهلي بحدود الساعة 11 ومار اروح انتظرهم بالسوق ,ولا تعرفون الحريم يطولن بالسوق pb131 المهم وانطق حدود نص ساعة وانا احتريهم .

وانا بالسيارة كل شوي تمر من عندي بنت مزيونة , بس اني مزلبها بعدها جت البنت وطقت الدريشة علي
وقالت لي على طول :اعتبرني مثل اختك الله يخليك وباين من صوتها انها مرتبكة بالحيل ,تكفى فية اثنين يلاحقوني فكني منهم.


ف يقول :ومار التفت ورى ولاهم انثنين
مار اروح لمهم واتكلم انا وايهاهم واحد منهم حليل والثاني اقشر ,اول ما جيتهم سلمت عليهم وتكلمت معهم عادي ,الاول استحى من نفسة شوي والثاني بدأ يهايط
ويقول :يوم جتك البنت ومار تجي لك الحمية ,المهم تكلمنا وبدا يرتفع الصوت لمين اجتمعو الناس ما يدرون وش السالفة ومار يجي شايب الله يجزاه خير ومار يفكنا ويقولنا تعوذو من الشيطان المهم كل واحد وراح لدرب ,انا ركبت سيارتي وهذولاك راحو بعدها بفترة جتلمي البنت مرة ثانية

وقالت لي :ممكن اطلب طلب قلت بنفسي والله الي ما تستحي

قلت :وش بغيتي بنفساً شينة شوي

قالت ابي جوالك !!!
ايششششش جوالي ,,,

قالت :ايه والله جوالي طفى والسواق انتظرة من زمان ولا جاء وابدق على هلي ,عطيتها جوالي وكلمت على اهلها مار تعطيني ايها وراحت


جو اهلي وانا مقفلة معي وشافو وجهي متغير عليهم ركبو معي ولا حركتٌ قعت انتظر لمين يجي اللي يبي ياخذها

وامي تقولي وش فيك يابراهيم وانا اساكت ..

بعدها يمكن بربع ساعة جاء ابوها معة كراون فكتوريا رصاصي وركبت معه

يقول عاد يوم مشو ومار امشي وكلن راح لطريقة .



بعدها بومين اهلي رجعو للقصيم وانا جلست بحكم دراستي , وبعدها باسبوع من اللي حدث بالسوق اتصل على رقم غريب

ورديت عليه ولا الصوت صوت واحد كبير بالعمر



سلمت عليه وسأل عن الحال

ومار يعرفني عن نفسة ولاه ابو ناصر ابو البنت اللي صار لها الموقف .
.................................................. ........


لحظة:

يمكن تقولون لي وشلون الابو جاب رقم ابراهيم ,ابقولكم البنت اتصلت على ابوة والابو خزن رقم ابراهيم .


طلب مني طلب واحد انه يعزمني ببيتة على العشى اول شي قعد اصرف اني مشغول وكذا من التصريفات المعروفة بس انه اصر علي بالحيل وتواعدة انا وايه يوم الخميس .



..يوم الخميس ..


موعد الساعة ثمان < فاصل غنائي

تولمت وحلقت وزبطت وضعي وكلش يوم صليت العشاء ومار اروح لمة , وصلت لمة ومار يهلي ويرحب بي ويشكرني على اللي سويته لبنتة ثمن بدأنا نسولف مواضيع مختلفة ونزرط من الحلويات والقهاوي والشواهي
بعدها ضربنا من هالرز واللحم

واستاااااذنت منة ورحت للبيت.


بعدها يومين اتصل على ابو ناصر نفسة وقالي عشى,وانا وايه واعطيه تصريفه <<والله النشبة لا الابو ولا البنت , بس طلب من طلب غريب بالحيل
اللي هو يبي رقم ابوي ويلح مرة يبة ضروري حاولت اتخلص واخر شي عطيتة رقم الوالد ودق علية ومدري وش قالة ,,,,,,

.................................................. ........

طولت عليكم بالقصة بس ميخالف اعذروني



نكمل
.................................................. ..................



بعد هالحوسة بشهر


جاء ابوي عندي ولاله متفق مع ابو ناصر اذا جاء للرياض يزورة


رحنا لم ابو ناصر وسلمنا علية بعد ها
قال :يبو براهيم ,ابراهيم ما شالله علية ولد شهم وقوي وبطل وووو ومن هالكلام الترييش
عاد الله يسلمك هذي 30 الف ريال عشان الولد فك بنتا من الاثنين اللي يبون بنتي
ابراهيم يقول يوم سمعت هالكلام اندهشت تقل انصب علي ماء بارد احسبهم يبي يرقمونها اثر السالفة كذا

قعدنا نتناقش بالدراهم ابوي يرفض وابو ناصر ملزم الا ناخذها
قال:خلاص اجل اللي يريحكم الدراهم وما تبونهن اجل شوي


دخل ابوناصر جوا البيت بعدها جا لمنا وقعد يهلي مرة ثانية ويرحب , ولا ابراهيم مهوب مرتاح من الوضع شوي حاس ان فيه شي

فجاءة دخلت علينا البنت معها اكواب عصير حطت العصير وجلست بعيد عنا

ابراهيم يوم شاف البنت انهبل عليها ضاعت علومة

وابوابراهيم اول ما شف البنت صد على طووول

قال ابو ناصر اجل يبو براهيم

ادامك ما تبي الدراهم اجل البنت نبيه تصير زوجة ابراهيم وتصير بنتك بعد:

ولا وش اللي صااااااير ؟؟


البنت وحيدة مالها الا ابوها ماعندها اخوان وامها متوفية وهي صغيرة <<ياعين امتس انتي




اخذنا وقت طوووووووووووووووويل والسكوت بيننا ما كن فيه بالمجلس احد


عاد يقول ابراهيم انا انهبلت يوم سمعت الكلام وانه يبيني اخذ البنت



عقب هالكلام والسكوت بفترة التفت على ابوي

ومار يقول ابوي: على خير يبو ناصر نشاور ونستخير ونرد لك


طلعنا من عندهم ,وحنا بالسيارة قالي ابوي وش تقول وليدي على العرس البنية وشفتة انت

قلت والله مدري .

قالي عاد ابوي :ان كانها عن امك ولا اختك فتراهم ودهم انك تعرس اليوم قبل باكر ,وانا ماعندي اشكالية بالفلوس <<<يعني تحجيير

قلت اشوف وارد لك .

ابراهيم قعد فترة ماينام زين تلعب به الهواجيس <<يحقلك ماتنام زين ياااا :D
مرة يقول البنت والدراهم جاهزات وش تبي احسن من كذا , ومرة يقول لا توني صغير العمر قدامي ولاحقين على الغثى.





بعدها بفترة بسيطة



دقيت على ابوي وقلت خلاص دق علية وقلة خلاص بس بشرط اني اخلص الدراسة



عاد ابو ابراهيم دق على ابو ناصر وقالة الشرط واتفقو على كذااا



والحين هم مخطوبين لبعض وكل يوم تليفونات وحركات اخر الليل


الله يخليكم لبعض يارب


تمت ,,,,

السيد ليبتون


اتمنى انه عجبتكم
وسلامي لكم