| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
أسرتي الجميلةكل مايختص بالاسرة والمجتمع وشئون المرأة والطفل |
إعلانات منتديات منطقة الرياض
|
|||||||
|
|||||||
 |
|
|
LinkBack | أدوات الموضوع |
|
#1
|
||||
|
||||
صفحات من مذكراتي (( من زين هالمذكرات ))
صفحات من مذكراتي (( من زين هالمذكرات )) بسم الله الرحمن الرحيم مساء الخير جميعاً .... بصراحه من زمان ما سولفت بقسم الاسره واحس ودي اسولف الحين ((  سولف من رادك )) .اللي متابع بعض الافلام الاجنبيه او افلام الكرتون الخاصه بالسفن والقراصنه او الهكرز (( النت لاعب لعبته براسي )) يحصل بكل قمرة سفينه غارقه دفتر مذكرات لقائد السفينه اللي مات من 200 سنه او اكثر ،، وهالقائد عارف ان العالم ماراح تقرا مذكراته الا بعد سنين طويله بيكون وقتها مات عشان كذا يكذب على كيفه عارف ان محد بيقول له شي واحد منهم يقول شفت حورية بحر والثاني يقول شفت حورية بر والثالث يقول رحت لجزيره وحصلت كنز من بطاقات الانترنت (( قايل لكم كذابين )) ومن هالكلام اللي لك عليه وزبدة الموضوع انه يقول ماراح يسألني احد يعني ان صدقوني والا بكيفهم  انا اليوم مسوي قرصان (( بدون رز )) وناوي انشر مذكراتي ...فبالأمس القريب كنت انظف حديقة المنزل وبعد تنظيف الحديقه صعدت للعليّه لتنظيفها ايضاً (( اما العليّه هذي تالية متابعة هايدي  )) ،، واثناء تجولي في العليّه وقع في يدي دفتر مذكراتي واللي كنت فاقده من سنوات طويله حتى اني اعلنت عنه بجريدة الرياض وفي هذا الموضوع بقرا عليكم بعض الصفحات من دفتر مذكراتي مع الأخذ بعين الاعتبار اني بقرا عليكم الباقي بعد التنقيح .... @@@@@@@@@@@@@@@@@@@@ صفحة الإعلام / الإعلام وماادراك ما الاعلام !!  قبل مده قريت موضوع للكاتبه الكبيره استاذتي (( القمر الحزين  )) وكان تطرق في بعض نقاط موضوعها للاعلام وجابت طاري المذيعين ،، وللاستزاده دوروا الموضوع بالعام ولا يفوتكم واسمه (( اين الرجال )) موب عاقل محمود عبدالعزيز ،، الحاصل ان القمر الحزين تكلمت في اشياء مره واقعيه وهي السبب الرئيسي في تراجع اعلامنا الى الخلف مع انه من المفروض وفي خضم المعركه الفضائيه بين القنوات (( وش رايك في خضم يا عاشق نجد ؟؟ )) اقول المفروض ان تلفزيوننا العزيز او اعلامنا بشكل عام يحاول يكون الافضل بدل ما يتراجع كل يوم اكثر من اللي قبله والسبب انهم ماشين على طريق واحد الا بالعكس اول كان احسن من الحين وخصوصاً قبل القنوات الفضائيه ايام تيلي ماتش بصراحه يوم كنت صغير كنت اشوف سليمان العيسى يقرا الاخبار وكنت اسمع اهلي يقولون هذا سليمان العيسى ،، وبعد ما تخلص الاخبار كان يجي برنامج سعودي وفيه لقطات عن مجلس الوزراء وغيرها من الامور وفي كل لقطه كان سليمان العيسى موجود وكنت اسمع اهلي يقولون هذا سليمان العيسى ... وبعد برنامج سعودي كان يجي مذيع يقرا البرامج واسمه سليمان العيسى وكنت اسمع اهلي يقولون هذا سليمان العيسى ... وبعد البرامج والمسلسل اليومي كان يجي ويوم الاحد بالذات برنامج (( مع الناس )) وكنت اسمع اهلي يقولون ان اللي يقدم البرنامج سليمان العيسى ... وحتى يوم أزمة الكويت كان يطلع في التلفزيون يقول لقد اطلق الدفاع المدني صفارات الانذار وكنت اسمع اهلي يقولون هذا سليمان العيسى .... وفي اشرطة مباريات قديمه عندي وماكنت اعرف من يعلق عليها وبالاخير اكتشفت ان المعلق سليمان العيسى ... والنتيجه ؟؟؟ كان طموحي يوم كنت صغير اني اصير مذيع عشان منى  بنت جيراننا تشوفني بالتلفزيون وانا لابس الشماغ  ... ويوم ان المدرس يسألنا انا وزملائي بالفصل كل واحد وش بيصير اذا كبر اللي يقول مدرس واللي يقول طيار او دكتور ويوم سألني قلت ابي اصير سليمان العيسى على بالي معنى كلمة سليمان العيسى (( مذيع في التلفزيون )) القصد من كلامي هذا ان اعلامنا من طلع وهو بعيد عن التخصص او التخصيص ،، يعني مذيع السياسه والكوره والبرامج والاقتصاد وحتى برامج الاطفال احياناً مذيع واحد وياليته ذاك المذيع المميز بعد ... يعني الثقافه لك عليها والكلمه اللي ما يعرفها يطمرها  والنتيجه مكانك سر أذكر اول مافتحوا القناة الرياضيه واعدونا خير وانهم بينقلون الدوري الاسباني والفرنسي ومدري ايش قلت بس ماباقي الا دوري المشتري ينقلونه ... ويوم اني لاحظت ان معنى النقل بيكون اعادة للمباراة بعد عرضها بـ 48 ساعه قلت ليتنا من حجنا سالمين  .... بس اهم شي انهم بدو بالخصخصه .بعد ما فتحت القناة الرياضيه باسبوعين تقريباً كنت جالس عند واحد من الشباب باستراحتهم وكان مافيها دش وكانوا حاطين القناة الرياضيه وفيها مباراة من الدوري الايطالي وكنت شايفها من ثلاثه ايام وعارفه نتيجتها بس قلت دام مافيه الا هي نتفرج عادي ... الحاصل ان فريق سجل هدف وانا اذكر في المباراة ان الفريق الثاني بيجيب التعادل لأنها منتهيه 1/1 وكان المعلق على المباراة عبدالله العدوان والمحلل اللي جالس جنبه سعد السبيعي ... السبيعي مسوي ذيب ويقول (( اتوقع الحين يجي هدف التعادل )) .. وفعلاً بعد دقايق جا هدف التعادل والعدوان يصارخ ويقول (( ماشاء الله عليك يا سعد توقعك بمحله )) هههههههههههههه يلعبون على انفسهم يعني بالعقل فيه ناس تتوقع لشي صاير من ثلاثه ايام ؟؟ من جد رحمتهم ورحمت اعلامنا اللي يبي يتطور ومايدري وشلون @@@@@@@@@@@@@@@@@@@ صفحة المصريين / إذا جيت تتكلم في المصريين فحدث ولا حرج ... بصراحه ما خلاني احط لهم قسم بدفتر مذكراتي الا موقف صار لي مع مصري ماانساه ما حييت (( عاشق نجد  سجل ما حييت جنب في خضم )) ... مره من المرات كان الدينمو متعطل بالبيت والوقت متأخر وطبيعي مو معقول البيت يجلس بدون مويه حتى بكره ... طلعت ادور سباك وحصلتهم كلهم مقفلين الا واحد توه يقفل ومن حسن حظي اني لحقت عليه ومن سوء حظي انه مصري أخذته معي وراح يكشف على الدينمو وقال (( خلاص ماتشيلش هم انا عرفت المشكله )) وبدا يصلح الدينمو وانا وهو نسولف والمصري خبركم يحب السواليف ... واحنا نسولف جا طاري ان المصريين منتشرين بكل مكان وبكثره بعد وسألته ليه ما تشتغلون بديرتكم احسن لكم ؟؟ قال : احنا عاوزين نشتغل بمصر ولكن علينا طلبات كثيره لأن المصري بيعرف بعمل كل حاقه (( حاجه )) ... طالعته وودي اضحك وقلت له كمل شغلك بس ويوم خلص اخذ فلوسه وراح ومن بكره رجعت له واخذت فلوسي منه لأن الدينمو احترقت ولازم تتغير خلاص .. يعني هذي تالية اللي يعرف يسوي كل شي ## على طاري المصريين اذكر مره من المرات كنت اتفرج على برنامج في وحده من القنوات المصريه وكان برنامج على الهواء وفيه مقابله مع الممثله المعتزله سهير البابلي .... وكان المذيع يسألها ويقولها انك قلتي بتعتزلين وتلبسين الحجاب قبل فتره وبعد كلامك شفناك تمثلين بمسلسل وش المعنى ؟  قالت انها يوم نوت تلبس الحجاب كانت مرتبطه بعقد انها تمثل هالمسلسل وانها سألت شيخ مشهور بمصر انها تبي تلبس الحجاب وبينها وبين الشركه عقد انه تمثل المسلسل وش الحل ؟ تقول ان الشيخ قال لها : ما دمتي مرتبطه بعقد فأكلمي المسلسل اولاً ثم ارتدي الحجاب !!!! من جد لا تعليق @@@@@@@@@@@@@@@@@@@@ صفحة الخواطر / هذي الصفحه بالذات كنت بشقها قبل اقراها عليكم بس قلت مافيه مانع تشاركوني جوي الرومانسي  ... وانا هنا بنقل لكم وش كنت كاتب فيها نصاً بدون مرور مقص الرقيب (( بصراحه ماكنت بيوم من الايام اتوقع ان هالشي بيصير لي ولكنه حصل فعلاً ... واعدت البنت وهذي اول مره اواعد وحده تطلع معي ... ورحت لها بالمكان المتفق عليه وجلست انتظرها شوي وبعد دقايق وصلت ... والصدفه بالموضوع ان فيه اكثر من شخص مواعد له وحده وفي نفس المكان عشان كذا حسيت ان هالمكان رومانسي من جد ... أخذت البنت وركبنا السياره وتذكرت اني جيت قبلها بشوي عشان كذا شغلت لها محمد عبده (( قبل الوعد جيت بدقايق ... وبعد الوعد جت بدقايق )) وسمعتها اغنية في الجو غيم كلها والبنت بس تبتسم ماقالت حرف واحد وعرفت انها مستحيه ... المشوار كان طويل حتى بيتنا ولاحظوا اني جايبها لبيتنا مره وحده !!! نزلت انا وهي .... فتحت باب البيت .... دخلت انا وياها .... شوي الا واسمع امي تنادي بصوت عالي مره ..... 7 7 7 7 7 7 7 7 7 7 7 7 بدر جبت الخدامه من المطار ؟؟؟؟؟ )) من جد امي خربت الجو @@@@@@@@@@@@@@@@@@@@ صفحة السياسه / لقيتها مشقوقه @@@@@@@@@@@@@@@@@@@@ صفحة الأغاني / أذكر قبل كم سنه ويوم كنا صغار كانت تجي بالتليفزيون اغاني وطنيه اكثر من الحين ... وكان من ضمنها اغنية (( ازرع واحصد ارض بلادك )) واللي الا يومكم ماادري من يغنيها للأسف ... واللي جاب طاري الاغاني الوطنيه اغنية ابوبكر سالم (( يا بلادي واصلي )) لأنها كلمات والحان وآداء ابوبكر سالم ماادري ليه احس انه فاضي ذاك اليوم وشكل زوجته زعلانه عند اهلها وقال دام ما عندي شغل اكتب والحن واغني ولو يبوني كورس بعد مو مشكله على فكره اول كنت من النوع اللي يصدق كل شي .... بس لا تشرهون كنت صغير اجل اذكر الصباح بدري والناس تروح للمدرسه كان في مطبخنا رادو ودايم يشتغل على اذاعة البرنامج الثاني (( مالحقوا عليها حقين الاف ام يا ابو مهند  )) وكنت كل ماجيت اروح الصباح للمدرسه اسمعهم جايبين اغنية هيام يونس (( يا من يسلم لي على الغالي )) واللي الى يومكم ما حصلت بينها وبين الدراسه اي ارتباط بس ماادري ليه  يجيبونها ... ومن كثر ماكنت اصدق كل شي اذكر فيه اغنيه لطلال مداح وهي في سلم الطائره وكان فيها كوبليه (( وقلت بالله يااهل الطائره نزلوني )) وانا كل ما سمعته اقول معقول السواق يرجع عشان ينزل طلال مداح ؟؟ عموماً راح الفن السابق (( وش يقرب للفن السابع ؟ )) وماباقي الا جواد واحلام اللهم لا شماته وعلى طاري احلام وش صار على المواضيع الماصله ؟؟ @@@@@@@@@@@@@@@@@@@@ صفحة الأماني / هالصفحه بالذات ماكان خطها واضح لأني ماكنت اعرف اكتب كاتبها قبل ادرس  ... يوم كنت صغير كنت اتمنى اشياء كثيره والحين اذا تذكرتها اضحك على نفسي ويمكن اهمها اني اشتغل سليمان العيسى عشان تشوفني منى  ... لكن تبقى غيرها من الاماني اللي مدري وش تبي .. فمثلاً كنت معجب بميمي اللي تطلع بمجلة ميكي واعتقد انها صديقة ميكي وكنت احبها وناوي اتزوجها اذا كبرت .. وكنت احقد على ميكي اذا راح لها ببيتها وشلون هو يعرف بيتها وانا لا هههههههههههههههههههه ... ويوم كبرت شوي اقتنعت اني كنت احب (( فاره )) وعلى طاري الاماني كنت كل ماراح ابوي لسوق الخضره اوصيه على السبانخ لأن ودي اطير مثل بباي .. ولازم اطلع بالحوش اول واشوف الوضع هو انا اطير من المظله والا من السطح على طول ؟؟  قررت اطير من المظله اول كتجربه والمره الثانيه من السطح ولكن رحمه من ربي ان ابوي ماجاب سبانخ ولا مره ... والحين اقول قاتل الله افلام الكارتون فقد كادت ان تودي بحياتي !! @@@@@@@@@@@@@@@@@@@@ صفحة ماحولك أحد / هذي القصه صايره حقيقه والله .. وهي اني مره رايح مع ابوي لرجال يعرفه وماابي اقول وش ديرة هالرجال لا يحقدون علي 50% من اهل المنتدى (( ماكنك قلتها ؟  )) .. طقينا الباب وطلع ولده وقال ان ابوه يصلي بالمجلس ويقول اذا جو الرجاجيل قلطهم .... قلطنا وفعلاً الرجال كان يصلي وتونا جالسين ورن التليفون ومافيه الا انا وابوي وراعي البيت يصلي والظاهر انه ينتظر مكالمه مهمه ... رفع السماعه وهو في التشهد الاخير ورفع صوته وقال (( التحيات لله والصلوات والطيبات .. )) يعني ياللي تتصل تراي اصلي اتصل بعد شوي @@@@@@@@@@@@@@@@@@@@ غلاف الدفتر من الخلف / جـــــدول الضــــــــرب  @@@@@@@@@@@@@@@@@@@@ عموماً المذكرات مره كثيره بس الدفتر يبي له تنظيف من الغبار ووعد إذا نظفته انشر كل اللي فيه الا الشيء الممنوع اعلامياً طبعاً ..... ع الهامش .. هالموضوع .. كيبوردي .. والله مدري وش معنى كيبوردي .. بس الظاهر انهم يقصدون أن الكتابه تمت بواسطه الكيبورد ..  أجل تتم بواسطة النيه يالثور اللي اقصده انها خمتني وكتبته بسرعه .. واعذرونا على مصالته وعلى أي خطأ فيه .. كل الحروف العربيه واللي ميب عربيه .. لاتكفي لأن أعتذر منكم على " مصالتي " .. هذي الـ  لقيتها في طريقي وأنا جاي هنا .. ياليت اذا جا صاحبها ترجعونها له .. وأذا ماجا فأعتبروها هديه مني لكم __________________
|
12-09-2004, 06:26 PM
|
#2 | |
|
متميـزه
   |
رد : صفحات من مذكراتي (( من زين هالمذكرات ))
************************************************** تعقيبي حول الموضوع أولا .... الحمد لله على سلامه قلمك في قسم الأسره بعد ما كنا ننتظر وصول فكرك و حبرك في هذا القسم ... ثانيا ... . مع صفحات مذكراتك التي تحمل كل المذكرات حملت ذاكرتي إلى الوراء لتذكيرها بكل مذكراتها المختزنه مع مرور الأيام في ادراج الزمان .... وخصوصا أيام الطفوله لمجرد قراءتي لكل ما كتبت عبر مذكراتي أرتسمت البسمه على شفاتي مذكرات إنسان بكل طبيعته وصفاته ....ثالثا .... أجمل أيام الطفوله تعلقها بعالم الكرتون العالم الخيالي ليتم تزويدنا بالخيال الواسع أقرا وأبتسم كل مغامراتك في حصاد المذكرات رابعا .... بالنسبه للإعلام حلو ان يكون للإنسان طموح ولكن !!! الأحلى ان يسعى لتحقيقه وطموحك انك تصير مذيع إعلامي يالله عشان نقول لمنى تشوفك خامسا .... بالنسبه لخواطر فعلا بدأت بقراءتها وان أعلم ان الموضوع فيه نوع من الدعابه و الفكاهه فيما يخص الخاطره الرومانسيه .... والجو الرومانسي ... سادسا ..... صفحه السياسه مالنا نصيب في قراءتها رغم تشوقي لقراءه كل شي سياسي وفما بالك ان يكون الكاتب البدر لكن !!!! ننتظر هطول السياسه من مطر البدر سابعا ..... صفحه الأغاني ذكرتني انا أيضا بأغنيه كنت أرددها وهي أغنيه وطنيه تحمل أغنيه لبلادي وموطني ثامنا .... صفحه الأماني (( أعشق في الأنقياء نقاءهم ولا أكره في الحاسدين الا حسدهم )) لا تحقد على ميكي ولا تحسده وما أوصيك بكثر أكل السبانج ويمكن يوم من الأيام تصير عباس بن فرناس ويتحقق حلم الطفوله !!! وتطير وتصير مثل باباي لا تصدق أمزح<<<<<<<<< تحسبك صغير تصدق كل شي تاسعا ..... (( صفحه ما حولك أحد )) فيني فضول أعرف أي الديار كنت تتكلم عنها ومحد راح يحقد عليك  عاشرا ..... أحلى غلاف لدفتر يحتوى على جدول الضرب يكفى انه دفتر للمذكرات فيكون بذلك أحلى دفتر وأخـــيـــرا وليس أخــــرا أعلمني بأسم صاحب الورده الرائعه لأحظى بتوصيل تلك الورده الرائعه بالتوفيق يارب أخوي البدر في كل كتاباتك وإلى الأمام مع مزيد من الإبداع والتألق الذي نشهده لك دوما  تقبل مني صادق الود وأرق التحايا ،،، أســــــــ قلب ــــــــيره ؟؟؟
آخر تعديل أسيره قلب ؟؟؟ يوم 12-09-2004 في 06:41 PM
|
|
|
|
13-09-2004, 02:28 AM
|
#3 | |
|
عضو مشارك
 |
رد : صفحات من مذكراتي (( من زين هالمذكرات ))
يازين هالمذكرات اللي ان دلت على شي فإنما تدل على قدر لايستهان به من السباهه التي تتمتع بها لافض فوك <--- اجحدها عاد لكن بما انك كتبت مذكراتك فخلني اعلق بعض الشي على مذكراتك (( عاشق نجد سجل بعض الشئ جنب ما حييت وفي خضم)) @@@@@@@@@@@@@@@@@@@@ صفحة الإعلام / اول شي لا تغلط على الاعلام السعودي رح دور بجميع الدول دوله تحط لك اربع قنوات في قناتين بالله احد يقول لي وش الاخباريه هذي؟؟ << يحق لك تستغربولا القناة الرياضيه والقناه الثانيه << والله تحتار ما تدري وش تشووف @@@@@@@@@@@@@@@@@@@@ صفحة المصريين / خخخخخخخخخخخخخخخخخخخ الله يرجكم يا ابو مصير تلقاه يشتغل سباك العصر بعد المغرب يدرس انقليزي (دروس خصوصيه)  @@@@@@@@@@@@@@@@@@@@ صفحة الخواطر /  @@@@@@@@@@@@@@@@@@@@ صفحة السياسه / الا وش صار في انتخابات امريكا صدق بينقلع بوش  <<< سكتوها لا تجيب العيد @@@@@@@@@@@@@@@@@@@@ صفحة الأغاني / حذرتك الف مره من المساس بابوبكر سالم ترا بالسكروب وعلى امعاءك الدقيقه هههههههه << داريه انك ماهناش امعاء غليظه  ياخي اول شي ليش دايم الرادو في المطبخ تصدق حتى انا وانا صغيره كل ماغبت عن المدرسه اسمع امي مشغله برنامج البيت السعيد .. الى درجة اني كنت احسبه السلام الملكي وكان طموحي اصير زي مريم الغامدي هههههههه @@@@@@@@@@@@@@@@@@@@ صفحة الأماني / خخخخخخخخخخخخخخ اجل ميني والله العظيم اني اشترك معك بها الامنيه هذي واكيد السبانخ حقت باباي اخبر اني كنت متهاوشه مع وحده من بنات جيرانا المهم اني رجعت البيت واكلت سبانخ وطلعت لها بسرعه قلت قبل ما يروح المفعول وطلعت وانا مفسره ابلعن جدفها بس المشكله اني تصفقت .. اكيد قضى مفعول السبانخ<< عاشت مصرفه@@@@@@@@@@@@@@@@@@@@ غلاف الدفتر من الخلف / جـــــدول الضــــــــرب الله من الدفاره فيك  ياقدمك بعد الناس يستعملون دفاتر ام سست  @@@@@@@@@@@@@@@@@@@@ صفحة ماحولك أحد / هههههههههههههههههههههههههههههههههههههههههههههههههه هههههههههههههههههههههه لاتعليق  @@@@@@@@@@@@@@@@@@@@ مذكرات ولا احلاااااااا اخوي بدر وتشكر عليهااا ليتك ماحط بالباقي لانه بيكون روعه زي سابقه... طحياتي.. 
|
|
|
|
|
13-09-2004, 04:26 AM
|
#4 | |
|
كبار الشخصيات
|
رد : صفحات من مذكراتي (( من زين هالمذكرات ))
والله لايخلينا من هالمذكرات الرائعه [/color]************************************************** ********** اما بالنسبه للاعلام فانت قلت الكلام الصح والله العظيم الله يذكره بالخيره مع الناااااااااس شوي ويخطف عين المخرج حتى في الفروسيه يجي ..هههه ما شاء الله بس فيه ناس والله طلعوا عليه مثل يمدحونه وربي عكوز بكوز في كل بلاد مركوز ؟! *************************************** اما اخوانا المصرين فا حدث ولا حرج في الارانب والبربره الي على قل سنع .. ************************************** خخخخخخخخخخخخخخخ حلوه صفحة الخواطر الله يرج سموكم الكريم خخخخخخخخخخخخخخخ والخدامه مالها رب ولا مهيب حرمه ..؟ ياما ناس حبوها ************************************ الصفحه السياسيه خيره انها مشقووقه ابرك لك .. ********************************* الاغاني الله يحلل احلام عند اصيل ابو بكر بصراحه احلام وش حليلها والله .. ارحم من جوووواد .. خخخخخخخخ منيب احبها بس بصراحه اهون بكثير من ابو بكره ************************************* ياليت من يصير هالايام مثل كونان سنع خخخخخخخخخخخخخ الله يرجك ************************************** ههههههههههههه رفع الصوت في الصلاة شي طبيعي خخخخخخخخخ ولا بس اهون من الصفقه .. طيب هالرجال ورا ماصلى في المسجد ؟ ***************************************** ياقدمك جدول الضرب ورا الدفتر الله ذكرياااااااات ****************** يعطيك العافيه على هالذكرياااااات الرائعه الف شكر تحياتي بنت النور ************************************************** ***********************************
آخر تعديل بنت النور يوم 13-09-2004 في 04:36 AM
|
|
|
|
|
13-09-2004, 05:31 PM
|
#5 | |
|
كبار الشخصيات
 |
رد : صفحات من مذكراتي (( من زين هالمذكرات ))
مذكرات طويله تحتاج تفصفص لي عوده ع الموضوع
|
|
|
|
|
14-09-2004, 12:55 AM
|
#6 | |
|
عضو مؤسس
 |
رد : صفحات من مذكراتي (( من زين هالمذكرات ))
إضاءه / بما ان الموضوع فيه الكثير من الرومانسيه فكان لابد من خاطره تضيف للموضوع بعض الرتوش المهمه ... كنت أعيش في ظلام حالك ... بحثت عن النور فلم أجد له طريق ... ماذا يفعل الذي هو في مثل حالتي ؟؟ هل يستمر غارقاً في الظلام ؟؟ هل يبحث عن طريقه للخروج إلى النور ؟؟ أم يبحث سبب الظلام اللذي وقع أسير له ؟؟ وجدت انه من الأسهل البحث عن سبب ما أنا فيه !! فبحثت ... وبحثت ... وبحثت .... ووصلت إلى نتيجة حتمية ... هي اني ماسددت فاتورة الكهرب البـــدر ذات رومانسيه  مساءالخير للجميع دون استثناء .... بصراحه ودي اشكركم على طلتكم الحلوه واللي أهدت الموضوع الشي الكثير من الانبساط والجماليه ... وان الله عطاني عمر بنشر باقي المذكرات ... وان شاء الله مااكون انا ومذكراتي ثقيلين دم عليكم . .. .. .. .. أسيره قلب ؟؟؟ هلا وغلا بــ المميزه والله لكِ وحشه تنوء بحملها المملكه والفيصليه ،،، ولا تقولين لي وش معنى تنوء لأني سارقها من كتاب القواعد حق اخوي الصغير من زمان ..... بصراحه كلامك من جد تسلمين اختي وكان الموضوع مميز فتراك درستيني اكيد والكل يشهد لك مشكوره على الطله .... .. .. .. فتوون هلا والله بفتوون <---- يحس انك تشبهين لفتوون اخت مانع ودواس بس سالفة القناه الرياضيه والاخباريه ان الله اراد بينزل موضوع مستقل عن قناتهم بالمنتدىويا انا ياهــ القناه <--- لا تحمس الله يجزاك خير بس والله انك صادقه ليه داايم الراديو يكون الصبح في المطبخ  ومشكور على كلامك الحلو وهذا بس من ذوقك ... .. .. .. .. .. .. .. بنت النور هلا والله بمشرفتنا الغاليه اجل حتى الفروسيه ماسلمت منه الظاهر ان اقدم اثنين في اعلامنا هم سليمان العيسى وحسن كراني وعلى طاري حسن كراني مره كنت داخل محل فيه تلفزيون يشتغل وفيه النشره الجويه وكان فيه حسن كراني مثل العاده  وكان معي واحد من اخوياي قلت له تصدق لو يتقاعد حسن كراني يلغون النشره الجويه وبصراحه ضحكوا كل اللي بالمحل وطاح وجهي ههههههههههههههه الظاهر اني متحمس وانا اتكلم وكلهم سمعوني تحياتي لك وشرفتي الموضوع والله بطلتك .. .. .. .. .. .. .. الــمهــا حي الله مشرفتنا الجديده اجل الموضوع يبي يتفصفص اجل لا اوصيك با الشاهي انتظر رجعتك يا الغاليه ..........
|
|
|
|
|
15-09-2004, 01:15 PM
|
#7 | |
|
مراقبة سابقة
|
رد : صفحات من مذكراتي (( من زين هالمذكرات ))
على اني كنت هاديه في طفولتي المجيده الا اني احياناً كنت قلق بشكل مخيف يستحق الدراسه.. صفحة المصريين.. من يوم قريت كلمة مصريين تذكرت موقف صار لي مع مصريه في الحرم بس الموقف طويل وانا زوله وما فيني حيل اكتب بس من بعدها حرمت افزع مع مصريه..تفزع وتبلش.. صفحة الخواطر.. لا تحب ولا تعشق.. الحب هوان والعشق عذاب وما حدك الله على الاثنين... صفحة الاعلام.. صباحية كل يوم دراسي نسمع ازرع واحصد ارض بلادك<< منيب من ربع الاف ام.. بس لما اسمعها اتذكر صبحكم بالخير يالعمال العماليه كلها مراد.. الله يذكر الهزاع بالخير( وسع صدرك) <<< شفت اني متابعه.. البدر.. موضوع رائع وعادة تكون روعة الموضوع بروعة المضمون.. لكن معك دايم سر الجمال يكون بروعة الكاتب... تحياتي لك.. 
|
|
|
|
|
15-09-2004, 01:39 PM
|
#8 | |
|
كبار الشخصيات
ذكرى وذاكرة   |
رد : صفحات من مذكراتي (( من زين هالمذكرات ))
السلام عليكم .. الله يوفقك ياولدي حيالله البدر لو بقول انك بطل ومخرج وكاتب " أفلام في فيلم بكامله " شوي ومادار في الكواليس بعد ماانتهيت من ردوود من أسيره قلب .. فتون .. بنت النور .. سوسه .. تخليني أسجل عقد زواج اقصد عقد قراءه لمواضيعك بس لاتقولى كم تدفع .. ماعندى الا سندوشتات ..
آخر تعديل أشكي يوم 15-09-2004 في 01:45 PM
|
|
|
|
|
15-09-2004, 03:32 PM
|
#9 | |
|
كبار الشخصيات
|
رد : صفحات من مذكراتي (( من زين هالمذكرات ))
وربي مذكرات حلوه ذكرتني بايام الطفوله بما انك ادرجت مذكراتك هون باعلق عليها _____________ صفحة الإعلام / صدقت فيها والله ولو تلاحظ التراجع في الاعلام بشكل عام سواء كانت اذاعه أو تلفزيون أو صحف .. اغلبها صارت تشير الى فراغات انا من محبي قراءة الصحف أو بالاصح التصفح فيها لان بصراحه وربي من أول صفحه الىآخرها ما تحصل شي مفيد (الا ما ندر)!! كلها أخبار سياسية هي هي اللي تطلع في التلفزيون وهي هي اللي في الاذاعه وثمانين بالميه منها اعلانات ولا المواضيع الفنيه حدث بلا حرج.. _____________ صفحة المصريين / قال لها : ما دمتي مرتبطه بعقد فأكلمي المسلسل اولاً ثم ارتدي الحجاب !!!! _____________ صفحة الخواطر / وتذكرت اني جيت قبلها بشوي عشان كذا شغلت لها محمد عبده (( قبل الوعد جيت بدقايق ... وبعد الوعد جت بدقايق )) ________________ صفحة السياسه / من صالحك____________ صفحة الأغاني / هي بس جواد واحلام!!.. لو تشوف المحطات الفضائيه استغفر الله بس عن جد شي مقرف كل يوم تشوف وجه جديد او ثنين او ثلاثه والمشكله لا صوت ولا مظهر ولا هدف لا والي يقهر البركه اللي سارو يدخلونها في كل فيديو كليب كان احد حالف عليهم ما ينجح الفيديو كليب الا وفيه مويه اللهم لا شماته.. ____________ صفحة الأماني / ههههههههههههههههههه الله يرجك أجل بباي هاه ذكرتني باخوي ههههههههه الله يرجه كان عمره 7 سنوات اذا ما كنت غلطانه وكنا فاتحين التلفزيون على سوبرمان شوي الا اخوي يوقف ويقول :: تتحدوني ادفع الجدار احنا >>>  و يركض بقوه للجدار  خخخخخخخخخخخخخ الحمد لله يا رب ما صار فيه ارتجاج ولا فقد الذاكرهدقايق الا ويطيح ع الارض هههههههههه ويبكي يا عمري عليه و احنا انصدمنا من الموقف قسم بلله ما قدرت اوقف ضحك واذكر كم حادثه مؤسفه غيرها سمعناها عن اطفال يحاولو يقلدو ابطالهم في افلام الكرتون يعني احمد ربك اللي ابوك ما كان يجيب لك سبانخ  _____________ صفحة ماحولك أحد / هذي القصه صايره حقيقه والله << يعني القصص اللي قبلها كانت فصفص  ____________ غلاف الدفتر من الخلف / جـــــدول الضــــــــرب << يوووه يا كثر ما كنا نغش منه ____________ البدر اسعدنا بمشاركتك هذه المذكرات الجميله لك كل الشكر والتقديرفي انتظار بقية المذكرات تقبل تحياتي.. |
|
|
|
|
19-09-2004, 02:28 AM
|
#10 | |||||||||||||||||||||||||||||||||||||||||||||||
|
عضو مؤسس
|
رد : صفحات من مذكراتي (( من زين هالمذكرات ))
sosah . . . حي الله خالتي سوسه
ههههههههههه اجل لحقتي عليهم يااا الجـــده
ولكن بوجود اسمك في الموضوع اصبح الموضوع مميزا" مشكوره اخت سوسه على تواجدك والله يعطيك طولة العمر يا الجـــده
|
يكفي حضوري
