اقتباس الكاتب : ورده ذبلانه [عزيزي الزائر يتوجب عليك التسجيل لمشاهدة الرابط للتسجيل اضغط هنا] بكون صريحه معكم صرت اعاني من انهيارات عصبيه واشرب ادويه منومه عشان بس انسى رغم اني بكون دكتوره وعارفه كثر مضار غلطتي بس والله بجن.....

يعني تدرسين طب <<<< ذكي صح

أول شي ياختي الكريمه أول لك :

الله يطهر قلبك , ويحصن فرجك , ويفتح لك أبواب الرزق والسعادة في الدنيا والآخرة

وثاني شي أحيي فيك صفة ياليتنا نحصلها عند الجميع .. وهي طلب المشورة والرأي ..

للأسف البعض تأخذه العزة بالإثم وراسه يابس وما يثق بأحد وما عنده اسعداد يتقبل النصيحة من أحد .. وهالنوعيه تعتبر صيد سهل لكل طامع ..

لكن انتي تحركت ودخلتي بنك ثاني وغيرتي من اسلوب كلامك كله في سبيل الحصول على حل .. على هالخطوة بالذات تستاهلين كل تقدير واحترام ..


نرجع لمشكلتك .. والله ما عندي ولا زيادة عن كلام الإخوان .. لكن يالغاليه أنتي عايشة بسعادة وهمية .. الحب والعلاقات العاطفية فيها سعادة وهمية .. وقتيه .. لمستفيد منها غالباً طرف واحد فقط .. وهو الشاب .. لأنه سيبحث عن ثانية وثالثه وعاشرة .. بينما انتي الخاسرة الوحيدة .. وبعدين لا تستعجلين على رزقك .. توك صغيرة وبالجامعه .. بكرة بيجيك الشخص اللي يسعدك وتقضين معه أجمل أيامك .. وراح يجيك بالطرق المشروعه لأنه إنسان صادق ..

لكن اللي يحاول يتقرب منك عن بالطرق لملتوية فتأكدي مليون بالمية إنه لعاب .. وبعدين لو صاروا اخوانه متوفين انتي وشيهمك بالموضوع ؟؟ كل الناس تصرف على قرايبهم .. يعني موب أول واحد ولا آخر واحد .. يعني لا تنخدعين فيه وتعطينه أكبر من حجمه .. وأنتي مثل ما ذكرتي بنت حمايل .. وتعرفين مجتمعنا زين .. ما يرحم ابد .. لا تلطخين سمعة أهلك من أجل شخص ما يعرف الأصول .. لو يعرف الأصول أرسل أمهلكم وشافتك وخطبتك له .. كل الناس كذا .. لكن يكلمك بالدس وتكلمينه بالدس فهذا الغلط ..

ياليت يالغاليه تقعدين مع نفسك شوي .. وتنسين اللي صار كله .. وكوني حازمه وخلي لك كلمه .. لا تصدقين أي كلمه تسمعينها .. ترى الشباب عليهم كلام يدوخ .. يقوله لك ولغيرك .. والبنت تصدق المسكينه ..


ردي أطول من اللام لكن صدقيني مصلحتك تهمنا يالغاليه .. لأننا نشوف مؤشرات تدل على نية هذا الشخص لإرتكاب عمل سيء ..

ون باب حرصنا عليك قلنالك هالكلام ..

تحياتي يا أحلى وردة بالدنيا <<< ما يقولك كذا