والله يا غرشة اللي راتبه 1500 ريال راح يصرفها كلها ..

واللي راتبه 25000 ايضاً راح يصرفها كلها ..

لكن اللي أوضاعه المادية ممتازة راح يبحر كثيراً في عالم الكماليات ..

بعكس اللي راتبه ضعيف .. اللي يالله بالله يوفر الضروريات لبيته ..

أما مسألة التخطيط المسبق .. والدراسة الإقتصادية لمصروف العائلة .. فأعتقد إن هالأمر يغيب (( إن لم ينعدم )) عند العائلة السعودية .. لأننا شعب فوضوي في الغالب .. لا نرتب للأمور .. بل نعيش حياتنا كيفما اتت ..

لكن الأمر اللذي لا يطاق هو غلاء الأسعار الملاحظ ..

يوم الخميس كنت مودي أهلي وخواتي الصغار للرياض عشان يتسوقون .. طبعاً مرينا حياة مول ومكتبة جرير بس .. طبعا المكتبة قريبة جداً من المجمع .. بل هي داخل محيطه ..

والله العظيم أسعار نااااااار !!

الجزم الله يكرمكم على 300 ريال .. للأمانة بـ 299 ريال .. ريال حق البيبسي طبعاً عند أولدو ..

الشنط كذلك .. رحنا لمحل اكسسواريز وحاجات خفيفة وبمبلغ كبير جداً !!

رحنا لـ جرير وحدثي ولا حرج ..

مزيونة تشتري دفاتر على 19 ريال الواحد وهي توها بابتدائي

أقلام على 8 ريال وطالع !!

بصراحة والله الوضع كذا صعب جداً ..

هذي حاجات بسيطه دفاتر وشنط وجزم الله يكرمكم .. طيب بكرة رمضان الله يلحقناه على خير .. والجميع ملاحظ ارتفاع أسعار المواد التموينية والغذائية .. وبعده العيد .. عاد العيد سالفه ثانية

بصراحة يا غرشة حتى اللي يسوي دراسة إقتصادية ويحط له ميزانية محددة لمصروف بيته صدقيني ما راح تفيده .. لأن الوضع خارج سيطرته .. طبعا هالكلام في الوقت الراهن فقط .. هالكلام في عصر يماني ووزارته ..

لكن عسى الله ييسر الأمور ..

شاكر لكِ طرحك الجميل ..

ولكِ عاطر التحايا ..