أسرتي الجميلة

yasser20 · #1

بسم الله الرحمن الرحيم

كيف الحال اخباركم وش مسووووين ...؟؟

قبل ابداء تراني مااحب الرسميات ولا احب اتكلم لغه عربيه يعني ادخل عربي شوي اصير عامي
لا تدققون ...

سمعت وشفت في بنات يتمنووون يصيرون عيال ...؟؟؟

وسمعت انهم يقووولون حياة الولد احسن وانه يطلع ويستانس ويطلع على كيفه ....؟؟؟ كلامي صح والا لا ...

لكن انا انقل وجهة نظري لكم من ناحيتي انا كشااااب

حياتي او حياتنا تبداء اتصال مع صديقك : الو هلا وينك يالله مرني

يجي ونروووح او هو يدق علي ويقوولي نفس الكلام

نركب ونمشي شوفوو معاناتنا

اول شئ نفكر وين نرووح وين نرووح مافي مكان نرووح يالله خلنا ندور اجل

ندور ندور توقفنا شرطه (دوريه) وش عندكم تدورون يالله بطاقاتكم (تطير عيونا الا ناسي بطاقته والا مامعاه ) نبداء نصرف نصرف نعطيه بطاقاتنا يجلس الشرطي بالسياره نص ساعه الى ساعه

^
يضيع وقت دوامه علينا

يعطينا البطاقات ويقوول لا عاد اشووفكم طبعا نبغى نقوول انشاء الله

نروح نتعشى ونرجع <<<< بالله هذي حياة احد يتمناها

^
خلصنا من قصة حياتنا

نجي لمشاااوير الشباب

1: مقهى انترنت طبعا الكل الا من رحم ربي عنده انترنت بالبيت يعني تضيع وقت
2: مقهى شيشه وهذي الا مايشيش يمل وبعدين مرض الشيشه
3: دوران بالشارع وهذي فيها مخالفات وش كثرها يعني تصرف فلوسك على المخالفات
4: كافيه .... وهذي لرايقين والحبيبين
5: الثمامه ... انا ابغى اتكلم عن هذي النقطه :
نروح لثمامه نجلس قهوه شاهي ووناسه وضحك شوي يجيك واحد سكران يحوس الدنيا عليك
واذا جبت عود معك << اذا انت خالد عبد الرحمن
تجي الهئيه وتأخذه منك يعني ماادري وين نمارس هواياتنا فيه

وبعدين البر حلاته اذا فيه مطر يعني قليل الا يرووحون له

هذي حياة الاولاد (الرجال)

حياة البنات <<<شووفو كيف حياتهم وناسه وفله

1: منتزهات
2: خالتهم عماتهم يروحون لهم يدخلون على كيفهم <<< متأثر من هذي النقطه
3: اسواق
4: تركب مع سواقها وتتمشى على كيفها بالشوارع مافي ولا شرطي يوقفها
5: تجلس بالبيت وناسه وسواليف مع صديقاتها
6: تدخل نادي وتتمشى فيه مافي احد يتحكم فيها
7: ديجيهات واعراااس تروح ترقص على كيفها مافي هيئه تقوولها لا ترقصين << ياحظها
8: بالعربي كل شئ للبنات ليه

هذي حياة الاولاد وهذي حياة البنات شوفو من فيهم الوناسه والفله

انا قلت الا عندي ابي اشوف وش عندكم ....

ســـــواح · 18-11-2007, 03:05 PM

مساؤكـ جنات

راائع عرضك للموضوع يا ياسر

أسلوب شيّق وجذاب وسلس وبسيط وفكاهي

أما بالنسبة فلا أتمنى تغيير وضعي برغم ماذكرتَه أعلاه

أعذب التحايا

yasser20 · 18-11-2007, 03:09 PM

يسلمو رد ولا اروع

عود اذان · 18-11-2007, 03:11 PM

والله عاد كل حياة فيها سلبيات وإجابيات

والحمدلله اني بنت..

yasser20 · 18-11-2007, 03:17 PM

هلا والله بعود اذان

نورتي الموضوع بردك

بنت الاديب · 18-11-2007, 05:18 PM

اخوي ياسر

موضوع رائع وسرد حلو ..

طيب ياخوي خل نشوف مع بعض بعض سلبيات حياة البنات ..

1- الي ماعندها سواق تتمشى معه وابوها واخوها موب فاضين يطلعونها من البيت <<< من الشركات ورؤس الاموال

2- فيه بنات محرم عليهم النت والجوال ولها وقت معين تكلم صديقاتها وتحت الملاحظه بعد

3- فيه بنات ممنوع تزور صديقاتها نهائيا خوفا عليها من اشياء كثيره

4- العروس في فتره معينه من السنه يعني شهرين الصيفيه ممكن تطلع البنت بخمس عروس الى عشره والاكيد انها ماراح تحضرها كلها وباقي السنه تجهز لعروس الصيف الجاي

5- الاسواق المتنفس الوحيد للبنات وموب الكل يطلعون للسوق وقت مايبون .

بالعربي المتنفس الوحيد للبنت الدراسه هي الي تطلع من البيت كل يوم علشانها ..
والتلفزيون

والصديقات وغيره هي فتره وميب كل يوم

ولكن من جد احمد الله كثيرا اني بنت ولا يمكن افكر هالتفكير نهائيا والاكيد انهم قله جداااااااا الي ودهم يكونون اولاد

تقبل احترامي

توتة · 18-11-2007, 05:51 PM

الحمد لله اني بنت

بالرغم من وجود السلبيات في حياتنا

والله لايغير علينا

دمت بخير

**ليـــن** · 18-11-2007, 06:31 PM

الحمد لله كلنا بصحه وسلامه اخوي ياسر

والله صح احياناً امل .. واحيانا اقول ليتني ولد كان الحين عند صديقاتي

بس مو للدرجه يعني

الحمد لله لو كانت لنا سلبيات انتم لكم سلبيات ..

والله جل وعلا ليس بظلام للعبيد

يعني لو كانت هناك سلبيات فيه ايجابيات بعد

وكثير احمد ربي اني بنت .. مو محمله مسؤلييه كبيره مثلكم

موضوع رائع اخوي ياسر

لاتحرمنا جديدك

اابوعمر العتيبي · 18-11-2007, 07:30 PM

أهلا بأخي الفاضل
الغالبيه ما أحد راضي بحاله
يعني البنات يبغن يصيرن اولاد ((حتى بنتي الصغير دايم تقولها))
تقول بابا ابغى اطلع على كيفي واجي على كيفي
وعندي واحد من زمايلي معلم
يقول ليتني مدام علشان ما ادوم وزوجي يصرف علي((يكره الدوام))

وسأنقل لك بعض مميزات الرجال تدعيما لموضوعك هع هع

24 سببا يجعلك مرتاحا لكونك رجلا

1- المكالمة التليفونيّة تنتهي خلال 30 ثانية .

2- تستحم و تكون جاهزا للخروج في 10 دقائق .

3- رحلة لخمسة أيام تحتاج حقيبة واحدة فقط .

4- الأصدقاء لا يهتمّون اذا ازداد وزنك أو نقص .

5- الحلاّقين و الكوافيرية لا يستطيعون سرقتك " عينك عينك ".

6- عند تقليب المحطات على التلفاز لا داعي للوقوف عند كل لقطة فيها واحد يبكي .

7- ليس هناك من داع لأن تحمل حقيبة ممتلئة ب" أشياء ضروريّة " كلّما خرجت .

8- تستطيع الذهاب إلى الحمّامات العامّة دون فرقة دعم أو مرافقة !!!

9- الكنية (اسم العيلة) يبقى نفسه مدى الحياة .

10- تستطيع ترك غرفة الفندق دون الحاجة لترتيبها .

11- لا داعي للحلاقة تحت الذقن .

12- إذا نسي أحد اصدقائك دعوتك لمناسبة ما ,لن يتسبب ذلك في تدمير صداقتكما .

13- الأزهار تحلّ جميع المشاكل !!!!!

14- ثلاث أزواج من الأحذية هي أكثر من اللاّزم .

15- ما بينهزّ بدنك إذا ما حدا لاحظ قصّة شعرك الجديدة .

16- مزاج واحد في جميع الأوقات !!!!

17- الشعر الأشيب : هيبة و جمال .

18- لا تهتمّ إذا كان في حدا وراك عم يحكي .

19- الريموت كونترول إلك , و إلك لوحدك .

20- اذا مضى وقت طويل و لم تحكي بالهاتف مع رفيقك , لن يقول هذا الأخير بين أصدقائك : إنّ "فلان " متغيّر .

21- إذا كنت في حفلة و ظهر أحدهم بنفس ملابسك , يمكن أن تصبحوا من أعزّ الأصدقاء .

22- لديك الحريّة المطلقة في أن تربّي شارب أو لا ...!!!

23- نفس قصّة الشعر قد تستمرّ لسنين , ربّما عقود .

24- أنت في الرابعة و الثلاثين وغير متزوّج ... إيو عاديي ؟؟

وبالنهاية
أعطيك رأيي الشخصي
أحمد الله أني رجلاً
واغبط النساء على حاجة واحده ((أنها لا تجب عليها صلاة الجماعة))
فتصلي في أول الوقت أو في آخره
عندما اعود من العمل متعباً احيانا انام الساعه 2 ظهرا
اقوم بتوقيت المنبه على الثالثه و اجاهد نفسي لكي استيقض بعناء
اما زوجتي فتصلي في الرابعه او الرابعة والنصف

ربما يتفوق الرجل على النساء بوضع الزواج في مجتمعنا
فالرجال متى ماتوفرة الامكانيات استطاع ان يتزوج
اما المرأة فقد تكون راغبة ..وتمر السنوات حتى ان بعضهن وصلت لحد العنوسه ..ولا تستطيع ان تتكلم او تفعل شيئا
فقط الدعاء وانتنظار الفرج
يتحسر قلبي على من ارادة لنفسها العفاف ..وليس لديها الا الانتظار

يعطيك الف عافيه يالغالي
على هيك موضوع

منآقيش يـ/قلب العنا · 18-11-2007, 07:58 PM

ههههههههههههه..

والله كأنك تحكي معنــاتي..

تصدق اني أقسم بالله وخصوصا في الأيام اللي راحت كل يوم مقهى كل يوم مقهى وثلاثه من اخوياي..وطقّت نفسي منهم..

والله لدرجة اننا نقعد مع بعض مانلقى سواليف .

وانواع الحالات المأسويه..

تصدق اني حفظت كم شعره بسكسوكة خويي؟ !!

من كثــر ماشفتــه "ماشاء الله"

والله من جد.

تصدق احس اني مكبووووووووووت الى ابعد درجه وخصوصا اني لي سنتين اداوم فالجامعه من دون اجازه صيفيه يعني دراسه تهد الحيّل.

ومن الهم اللي فينا نفتح مواضيع الزواج..ثم الف على واحد من اخوياي أمنيته بالحيــاة انه يتزوج. ههههههه

ثم يبدى يشكي معناته اللي حفظتها حفظ من كل ماقالها.

وبعدين نطلع من المقهى "قافله الأخلاق" واروح لغرفتي يا أقرى رواية أو أقعد على النت.

خلّها على ربك وانا اخوك..

أسرتي الجميلة

كل مايختص بالاسرة والمجتمع وشئون المرأة والطفل

حياة شاب سعودي .... هاه يابنات تبغون تصيرون اولاد

..زواج الــقصـاص.. آخــر الـزواجــات الــمستـحدثة

لمــا لا تــهــدي زوجــتك ورده ؟؟

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق