أم فهد عازمه حريم الفريج على العشا ..........وماشاالله مافي وحده ماعزمتها .الحريم قعدوا في الميلس وبدوا الكلام .............

أم فهد (وي امس رحت عرس بيت جيرانا تصدقون مسوين العرس في البيت والله فشله!!!ولا العروس تلوع الجبد وشضعفها كأنها عود أسنان وتارسه ويها بالمكياج كانها مهرج (والحريم يضحكون) .......
(ترى أم فهد محتره لأنه ماخذوا بنتها ) ::

وفي زاوية الميلس هناك مريم ومها بنات جامعيات ......

مريم تقول لمها :يله باسمعج اغاني روعه حق راشد الماجد و محمد عبده ....

مها : عندج هالاغاني الحلوه .يله طرشيه على البلوتوث وانا باطرش لج صور حلوه حق توم كرووز وشاروخان شوفي وشحلاته يجنن.......

وبعد شوي تدخل هنادي وتسلم على الحريم وتقعد ........

أم أحمد تقول لرفيجتها شوفي شعرها حارقته بالاستشوار اصلا شعرها كانه ليفه (ويضحكون) وتدرين انها اطلقت بعد 6شهور من الزواج يقولون أن زوجها صادها مع واحد: .......أنا ماحش بس اقول الي سمعته الله يستر علينا ........
(هنادي زوجها مسافر للدراسه لمدة سنه ولا مطلقه ولاشي)


الحين جا وقت العشا حياكم الله ............وبعد العشا

لولوه تقول حق نورة والله الاكل يلوع الجبد واللحم فيه ريحه والتبوله متروسه ليمون وملح والعيش موب منطبخ .وووووووو............
(لاحمدا ولا شكورا)..........



للاسف :

هذا واقع مجالس النساء فلا يكاد يخلو مجلس نساء من الغيبه والنميمه والهمز واللمز فهي فاكهة مجالس الحريم وحلاوتها .........


دعوة صادقه :

ادعو نفسي وجميع بنات حواء أن نجعل ذكر الله والاستغفار هي فاكهة مجالسنا وسيرة الرسول والصحابه هي عطرها ...........


اخير :

اذكركم بكفارة المجلس ( سبحانك اللهم وبحمدك أشهد أن لاإله إلا أنت استغفرك وأتوب إليك)

والله مو بس الحريم حتى الرجال حالياً فيه الي ذكرتيه

وسعي صدرك ..

يعطيــك العافيــة ..

شكرا للجميع على المتابعه الطيبة:



الدبدوب الحبوب



الشموووووخ الراسيه


ملييييييييييييت