آآآآخ يا بنوتة .. وش قاعدة تقولين !!!

حبيبتي !! ليييييييتهم يربّون .. كان خير

الحييييين .. الوضع غيييييييير


بصراحة ؟؟
من تجربتي واللي قاعدة أشوفه حولي

أقووول للأسف الشدييييييد الآن الأم تتحمل مسؤولية التربية
وبالكامل بعد

يعني .. هي اللي تعلّم .. هي اللي توجّه .. هي اللي تنصح
هي اللي تشد وقت اللزوم .. هي اللي تحل .. وهي اللي تربط

(ناهيك عن دور الرجولة اللي يخص المشاوير وأغراض البيت
وغيره من البلاوي اللي يتحملونها بعض الحريم .. هذي خليها بعيد الحين)


وأغلب الآباء صار وش دوره ؟

يدلّع .. يونّس .. يسولف .. يضحك .. يموّل ..
وتمشي الحياة كذا
لا توجيه .. لا تقويم .. لا نصح ولا إصلاح

وبعدين وش يصير ؟؟

تصير الأم هي المكروهة عند الأبناء
هي الشديدة .. هي المعقدة ..
هي المزعجة ماعندها سالفة
وكل شي تدقق عليه

ويصير الأب هو الحبيب .. المطاوع ..
اللي يوسع الصدر وينحب وينحط عالراس


وبعدييييييين

لا جات مشكلة تربوية ولا خاس الولد

ميييين اللي تنرمي عليه اللائمات والويل والمصيبات ؟؟


الأم الضعيفة .. لييييه ؟؟

لأنها ماااااعرفت تربي


عوووذراً بنوتة ..
اليوووم بالذات توقيت موضوعك ماتوافق معي أبد

أعتذر حقيقة عن كلامي بهالشكل ..
بس يعلم الله إنه هذي الأغلبية اللي أشوفها حولي
وأنا أول من يعاني


لي عودة إن شاء الله لا رقت شوي واستعدت أعصابي


أعوذ بالله من الشيطان الرجيم




سلامي

دام هالسيرة انفتحت باكمل وأعطيك بعض أمثلة بسيطة
من اللي أشوفه من تصرفات مدمرة من بعض الآباء
(اللي بنظري أشوفهم أغلبية حولي)


يجيك مثلاً تصرف غلط من الولد خلينا نقول مثلاً
رد على التلفون وماكان مهذب
لا رد السلام ولا سأل عن الحال ولا شي
والأب شايف وساكت (هذا سلوك تربوي)


مثال آخر .. الأب يخرج للصلاة في المسجد
(هذا اللي ربي راضي عليه طبعاً)
ولا يكلف حاله ياخذ ابنه معه وهو قاعد قدامه وشايفه
لو ما تتكلم الأم وتوجه الولد للصلاة
يبقى الحال مثل مااااااااااااهو (هذا سلوك تربوي)


مثال آخر .. تطلب الأم غرض من الابن
ويقعد يماااااااطل وآخرتها دقي على البقالة يجيبون
طيب وش دورك يا ابني هنا ؟
الأب ياخذ التلفون ويدق بنفسه عالبقالة
(بزعمه يحل الإشكال وتنتهي المشكلة)
طيب الولد كيف راح يتعلم تحمل المسؤولية ؟


وغيره كثيييييير كله على نفس الشاكلة

والله الين اليوووم واحدة من صديقاتي تشكيلي
تقول زوجي جايته صحوة شوي ويتمنى
إنه أولادهم يقربون من الله شوي ويحافظون
عالصلاة وكذا .. فقالت له ياخي خذهم بنفسك
المسجد لزّم عليهم شوي شوي
تقول يعطيهم صوت واحد "يالله يا أولاد عالصلاة"
وطبعاً محد يجاوبه فيمشي ويتركهم
طيب ليه يا ناس ؟ ليه هالبرود ؟
والأم تغلي من التصرف وتاكل بقلبها
والنتيجة أولاد باردين عديمي المسؤولية
عديمي النفع .. لا ذوق لا أخلاق
من السبب بالله عليكم ؟

يعني سلوك مثل هذا .. من له التأثير الاقوى فيه ؟
مو لازم يصدر من الأب ؟ ولا شوو ؟


العجيب واللي يقهر أكثر يوم تصير مشكلة ولا يتحرك قلبه
ويبي إنه ولده يتحسن بشي
ولا زعلان منه بتصرف معين
يقوم يطلب منها هي إنها تكلّم الولد

قوليله يسوي كذا .. قوليله ليش ما سوى كذا ؟
خاصميه ليه مستواه تعبان بالدراسة ؟
اضربيه .. أدبيه .......... الخ
طيب هو وش دوره ؟؟ هو وييين ؟

مااااا أعرف

ويوم الولد يخربها ويجيب العيد
قال شفتي ولدك وش سوّى ؟ شفتي ولدك وش عامل؟

طيب ليييييييييه ما يشوووف هو ؟ هذا دوووور أب
وليس أم

ومصيبة أخيرة بعد .. يوم تقوم هي بالتربية
وتتابع تصرفات الابناء وتبدأ تشد عليهم ولا تعصب
ولا تعاقبهم بشغلة بهدف التأديب
يلوووومها .. ويكسر كلمتها .. وتطلع هي القاسية
وهي مصدر الشكاوي والعقوبات

يعني حتى يوم تتولى هي مهمة التربية عنه
مايتركها تؤديها صح إلا يخربها بعد



أعتذر للمرة الثانية ..
يالله ماعليه هي جات كذا معي هالمرة
أدري إني خربتها .. منكم السموحة


ألقاك على خيرات إن شاء الله




سلامي