أسرتي الجميلة

توتة · 15-04-2008, 12:22 AM

اقتباس

الكاتب : NAWAF [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	موووضوووع غااية في الروعه ومو غريب على الاستاذه تووته انا اللي قلقني اكثر شي بالموضوع يعني من بعد رفع غلا المهر وتصعيب الامور .. لو ما نجح الزواج هذا .. وش موقف المعرس ؟ اتوقع انه ما راح يتزوج مرة ثانية انا مابي انظر للموضوع بسلبية .. بس مهم اننا نحسب حساب لكل شي .. وبالنسبه للبنت .. اكيد غالبا مالها علاقة بالموضوع .. بس المفروض اذا كانت عارفه عن هالمهر الكبير انها تساعد في تخفيف الضغوط المادية والنفسيه على الزوج بالنسبه للزوج .. الدعوه مب بس مهر .. فيه اشيااء كثيرة من بعد المهر .. والغريب .. ان الكل عارف بوضعنا في تدهور .. بعد رفع اسعار كل شي .. كل شي .. يعني ان ما طفرت من مهر .. طفرت من فواتيري .. طفرت من الاغراض اللي لازم اوفرها لزوجتي طفرت من الاغراض اللي باوفرها لعيالي .. والله مثل ما البنات يعانون من العنوسة .. ما راح تكون فرق كبير عن مشاكل الشباب الله ييسر امورنا .. ويزوجنا انا وولد عمي في يوم واحد توته قولي امين ان شاء الله بعد خمسة وعشرين سنه عقب ما نطلع كل الي في روسنا من هبال << على كذا ما راح تتزوجون ابد الله يعطيك الف الف عااااافيه يا تووته على موووضووعك الراائع والمهم واتمنى .. من كل قلبي .. انه يوصل لكل الناس .. عسى ان شاء الله ربي يهدي اللي يصعب امور الزواج تحياتي

هلا والله نواف

الرووعه بتواجدك خيوو

نواف مع غلا الاسعار وكل شيء مانزلت اسعار المهور للاسف

والله اللي عنده ولد وبيزوجه بيتوهق معه

فعلا هي دعوه للفتيات بالصحووه من جهل الاباء لانه مصيرها في هالحياة ان ارادت الزواج فلتقف ضد تيار هالفكر اللي ندعو انه ينزاح من جد ..

كلام كثير والله حول المهر اللي يقول بنتي مب رخيصه واللي يبي يبز بمهر بنته واللي تتفاخر مع صاحباتها ترا هذا كله زائل واوهام المفرووض تقتلع من جذورها

ونرتقي للافضل ,,

سررت بمداخلتك نواف

والله يزوجك مع ولد عمك بليله <<< اخاف تركي مايبي معك

دمت بخير

توتة · 15-04-2008, 12:32 AM

اقتباس

الكاتب : منآقيش يـ/قلب العنا [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	. . [color="DarkSlateBlue"] أنا اعتقد ان المهور اصبحت تضغط عليها واقع الحياة الجديده...من سنتين تقريبا كانت جميع المهور المتقدمه من اولياء الأمور هي اما ان تكون مرتفعه بطلب ولي الأمر او ان تكون ميسره بطلب من ولي الأمر ايضا...ولكن في هذا الوقت أعتقد ان الضغط صار من ظروف الحياة اكبر من ضغط الأولياء على بناتهم..[/COLOR ]انا بصراحه ارى تغير جذري في كل شيء يدخل فيه توجه مادي ومنها المهور كون الحياة اصبحت تفرض طلباتها الأساسيه بسعر الترف في السنين ماقبل السنتين الماضيه..!! . . اما بالنسبه للجرأه في مسألة مصارحة الأباء في تيسير المهور...أنا اعتقد ان الحاله الأقتصاديه ايضا فرضت تغيرا جذريا فخضعت والزمت الشباب المعاصرين لمجريات الحياة بتفهم كل ذالك...وضلوا الأباء وخصوصا المتقاعدين وكبار السن بمنأى عن تغيرات الحياة في جميع التزاماتها...وانخلقت فجوه كبيره لايمكن ان نتجاهلها.. . . . اما بالنسبه للي بيتزوجون8_8 عندي لهم نصيحه وخصوصا للي أمورهم ماهي متهيأه: اقولهم ردد ياليــــــــــــــــــــــــــــــــــل ماطولـــــــــــــــك..!!

مرحبا بك اخوي مناقيش
منور باطلالتك الرائعه

وباذن الله نشوف عقول واعيه لاهميه الموضوع

وتيسر للزواجات باذن الله بيكون قريب
والله يزوجكم ببنت الحلال اللي تخاف الله

دمت بخير

توتة · 17-04-2008, 12:07 AM

اقتباس

الكاتب : جار القمر [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	المتألقة توتة طرح عصري ومتميِّز عليكم السلام ورحمة الله وبركاته : لحديث (( أبركهن أيسرهن مؤنة )) فإن من الواجب على كل من ولي أمر بنت أو أخت أو وليه فليتق الله فيها ولا يزيد في الطلب ... وهناك من يزيد حتى ينفر المتقدم للزواج ومنهم من يزيد للعضل فقط فهؤلاء نكاد نجزم بمرضهم النفسي الذي يحتاجون معه لتأهيل وعلاج ... إن من يسر المهر وقلله بحجم لا يقصر منه بحيث لا يكون بدعاً في الكثرة أو القلة و من احتسب في البنت وقلل مهرها فإنه مأجور عند الله سبحانه ومبارك له زواجها وحياتها .. ولو بحثنا عن القصص لامتلأت المحاجر دموعاً والصدور حشرجة من كثرة الآلام التي يشيب لها رأس الرضيع والسبب جشع وطمع وقلة توكل على الله ... ثلاث رسائل : إلى الآباء مع التحية : ثقوا أنكم مهما طلبتم من كثرة مال فلن تشبعوا رغباتكم ولكن الله الله بالقناعة فهي الكنز الذي لا يفنى .. إلى البنات : لا تغتري بكثرة مهر لان المراد ليس المهر إنما هو العيش الرغيد والحب المتكامل الذي من أسبابه الكبرى يسر المهر .. إلى المجتمع : لا تمجدوا كثرة المهور بل كونوا عوناً على المساعدة في نشر توعية تقليل المهور بنسب لا تضر (( لا ضرر ولا ضرار )) .. كل الشكر والتقدير جار القمر

حياك الله اخوي جار

منور والله بطلتك الحلووووه

صدقت اخوي بما قلت

وتسلم والله على رسايلك الحلووه

ومابعد ردك رد

دمت بخير

توتة · 17-04-2008, 12:09 AM

اقتباس

الكاتب : ســـــواح [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	لي عودة سيدتي توت

بانتظار عودتك

دمت بخير

توتة · 17-04-2008, 12:13 AM

اقتباس

الكاتب : غلا الدنيا [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	السلام عليكم .. مساء الخير للجميع .. توته دائمآ مبدعه فيما تطرحين .. بالنسبه لغلا المهور أعتقد أن البنت ليست هي السبب في تحديد المبلغ هذا من وجهة نظري اللي اعتقده ان المبالغه تكون من قبل الاب والام ولو جت على البنت أعتقد أنها بتقول مابي مهر ابي بس الستر لكن عندي سؤال وش السبب في رفع المهر لمبالغ خياليه من قبل الاهل او من قبل البنت ؟؟ الله يحنن قلوب اللي يرفعون مهور بناتهم .. كل الشكر لك يا الغاليه على الموضوع الجميل .. تمنياتي لك بالتوفيق..

وعليكم السلام والرحمه

منور خيوو بطلتك الحلوووه

وسعيده بردك خيووو

من جد فيه مبالغه كبيره لدى البعض من الاهل وتجاوزات كبيره في رفع الغلا

مايكفي غلا المعيشه اللي رفعوا ضغووطنا بها

الله يهدي الجميع يارب

دمت بخير

توتة · 17-04-2008, 12:17 AM

اقتباس

الكاتب : رفيع الشان [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	توته يعطيك ربي العافية موضوع متجدد بقدمه واثره المستمر بالنسبة لي شخصياً افضل افضل ان يكون مهر التي سأتقدم اليها قليلاً او بحدود المعقول لكن من سيتقدم الى خطبة واحدة من اخواتي لابد ان يدغع مهراً عالياً ( يغطي ويزيد ) عموماً الحديث عن ارتفاع المهور او خفظها ( كالحديث عن الهلال والنصر ) يعني ماحد راح يقتنع الشباب بفئتيهم لايستطيعون تغييراً والي بيديهم الحل ماعندهم استعداد يغيرون <<<< قلبها سوالف والمصيبة الكبرى اليوم ان امور الزواج اصبحت بيد النساء <<<< يعني ماهي كبرا مره وهنا يتربع دور التنافس وتنوع المشتريات وكيفية تغطيتها لكن يبدوا ان الأزمة الأقتصادية الفردية وتناميها قد تكون سبباً في تحقيق ماعجزنا عنه بالكتابة لسنين !!! فالأب يريد الخلاص وتخفيف الحمل بالتزويج ولو باليسير والأم قد تقدر خطر المغالاة في ظل هذه الأزمة توته اعرف اني اطلت وحولتها الى مسلسل رغم اني لم اقل الا القليل كل الشكر لكي مبدعتنا العالمية دمتم بود

هلا والله خيووو

منور بطلتك الحلووووووه

من جد كلامك في محله

مشكلة العقول المتحجره من جد يعني مدري متى بنزيد من ثقافة المجتمع

والعفوو خيوووو

اسعدني حضورك

دمتي بخير

توتة · 17-04-2008, 10:32 PM

اقتباس

الكاتب : منسدح في طريق العليا [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	. . متألقه كالعاده .. . . سأبتعد قليلاً عن موضوعك .. و سأذهب لأغلب الردود .. في من يصف تلك العقول بالمتحجره .. و من يصف ذلك بمغالاه بدون سنع .. و غيرهم الكثير .. . . لو اتاكم احد و خطب اختكم او بنتكم بتزوجونه بــ 20000 ريال ..!! ترى الكلام سهل و التعبير اسهل و لكن التطبيق من نفس الشخص و الأهل هو المهم .. فكثيراً سمعنا اباء و امهات يتكلمون عن غلاء المهور اذا كان الي بيتزوج ولدهم .. و نراء نفس هاؤلاء في أول الصف المغالين لو كانت الي بتتزوج بنتهم .. يعني ليش نلعب على انفسنا و ندور حول حلقه واحده .. و لا تنسين ان المعيشه و الاغراض هالايام ما فيه ارخص منها ..!! . . الحل من وجهه نظري .. * ان تجبر الحكومه سعراً محدداً للمهور السقف الأدني مفتوح و السقف الأعلى 60000 الف ريال . بحيث اذا اتى وقت الملكه لا يسمح الشيخ بعقد القران اذا كان المهر اكثر .. مثل ما طبقوا نظام الفحص قبل ازواج و الزموا العالم فيه .. . . تحيــــــــــــتي ،،

حياك اخوي

منور بطلتك الحلووه والله

وصدقت يالغالي مثل ماقلت ماتوقع احد بيزوج اخته بمثل هالمهر

بس لو جت له بيتمنى ان المهر اقل بكثير

شاكره مرورك وياليت نشووف وعي اكثر

دمت بخير

توتة · 17-04-2008, 10:39 PM

اقتباس

الكاتب : الهلالي [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	السلام عليكم الرائعه توته موضوع حساس ومتعب بنفس الوقت تكاليف الزواج في ضل الظروف الاقتصاديه الحاليه مرهقه جداً لدرجه ان الشخص يشيل الفكره من باله ويرتاح طبعا اذا كان غير مدعوم ماديا ويعتبر من الطبقه المتوسطه ومعتمد على دخل راتبه فقط فمن المستحيل انه يوفر بيت هادي ومريح ويكون اسره .. لما الشخص يتكل على الله ويفكر انه يتزوج ويكمل نصف دينه تواجهه ظروف الحياه .. لنضرب مثل . شاب بمرتب 5000 ريال << حلو جدا في السابق خطط انه يتزوج بعد ما الله رزقه بالوظيفه بعد طول عناء طبعاماعنده شي ومابعد جمع حاله والعمر يمشي تخرج من الجامعه اربع سنوات لين حصل الوظيفه يعني العمر بدأ يولي ولابد يلحق القطار بسرعه خطب ولقى البنت المناسبه في البدايه المهر نقول 40000 لو بيجمها ع الاقل يبيله سنتين اذا وفر كل شهر تقريبا نصف مرتبه .. طيب ماعنده سياره ويبي له سياره ترفع رجله مو معقوله انه بيقضي حياته كلها كعاابي وعلى رجوله ولا من تكسي لتكسي متوسط اسعار السيارات الي بتغنيه عن الورشات وخلافه 40000 يعني نص راتبه تقريبا لمده سنتين << منين بياكل من غير المصاريف الثانيه لبس فواتير الخ طيب ماعليه قدر خلال سنتين يمعجزه انه يسوي هالاشياء بتقشف واضح .. كله عشان يتزوج .. وصلنا للاجارات مو الكل مالكين بيوت ولا كل الشبااب موفر لهم المسكن متوسط اجارات الشقق حاليا بحدود 18000 سنويا بعد ماكانت اسعار هالشقق 8000 وعشر الااف ريال .. والدليل ان اغلب المستأجرين رفع عليهم الاجار عمدا او انك تطلع تدور لك مسكن وتدبلت الاسعار .. وهي راس مالها شقه يعني الي يسمعهم يقول ماخذ له دور ولا فله طيب انتهنا ودبرها من اهله ومساعداتهم واصدقاءه جينا للأثاث ياليل مطولك اجبارياً بيضطر انه ياخذ له سلفه عشان يأثث جينا للفرح والاحتفاليه وياالله اصرف ياحبيبي اصرف ورغم معرفه البنت اوهلها انه اذا لبى الرغبه بالفرح وقصر وعشى ومدري ايش بيكون كله دين مما سيؤثر اكيد على حياه بنتهم مستقبلا لانه بيسدد ومنين بيوفر لها احتياجاتها وفي الاخير لو صرف مليون ع الفرح ماراح يعجب الناس هذا اذا ماكان متدين عشان المهر والاثاث وخلافه لنبتعد عن نظره ان اب البنت ما خذ مهر كثير وبالاخير البنت تطلقت هذي قضاء وقدر يعني الطلاق بعلم الغيب او ان الرجل صرف بزواجه مايقارب 200000 الف وبالاخير ماتوفق كلها بعلم الغيب ؟ لكن المنطق في ظل ارتفاع الاسعار ان اباء البنات ييسرون الامور لبناتهم لنكن منطقيين العنوسه بلغت درجات ومستويات غيرطبيعيه عندنا بشكل كبيروكل يوم تزود اكيد\ فيه اسبااب مو معقوله انهم يقولون الشباب عزفو عن الزواج مين مايبغي يتزوج ويكون اسره بعد ماكان الشباب السعودي يتزوج بأعمار صغيره يعني مايكمل الواحد 25 سنه الا الله رازقه بطفل الان يبلغ الثلاثين ماقدر يتزوج كله من ضغط الحياه وكذلك الفتيات اصبح الاقبال على الموظفات اكبر تحصل اب البنت او البنت نفسها تقول ابغى اتوظف عشان اتزوج ؟؟ وصلنا لهذه المرحله ماحد يجي يقول متزوج موظفه طمعان فيها لا الحياه وظروفها هي الي اجبرت على هالشي لابد من التكاتف ولاننسى انه هالشي لما تكون موظفه والاب موظف بيأثر على تربيه الاطفال مستقبلا مين يربيهم الخدامات ..؟ مع وين بنفلح اجل مابغى اخذ منحنى اخر لكن الموضوع يتفرع بأشكال كبيره عده عوامل من اهمها المهور والتيسير في الاجارات من الواجب ان يكون للدوله وقفه صارمه امام تحديد اسعار المهور ..؟ تحديد اسعار المباني والاجارات من قبل لجان مخصصه ..؟ خصوصا بعد الارتفاع الجنوني الي شهدته الاجارات في الفترات الماضيه اسف للأطاله تحيتي

وعليكم السلام والرحمه

سعيده بتواجدك الحلووو اخوووي الهلالي

والله يزوجك باللي ترضى فيها يارب

ومن جد كلامك في محله

المفرووض يكون للدوله نظره ثاقبه لمستقبل شباب الامه علشان محد ينحرف ويزيد عطاهم من جد

اسعدني مداخلتك اخوي ومن جد احصائيه تضيق الصدر اذا هي على كذا

دمت بخير

أسرتي الجميلة

كل مايختص بالاسرة والمجتمع وشئون المرأة والطفل

وجهـــــــــــــــــا لوجه [غلا المهور ]

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور