أسرتي الجميلة

سندرلا · #1

بسم الله الرحمن الرحيم

السلام ياحلويييين

وحلواااات

ادري وقبل لا ابدء موضوعي انه اسئلتي كثيييره دايما ومصدعه روسكم فيها

بس مو مشكله

تعرفوني اتوقع لاني تعودت افكر معكم..بصوت عالي
والموضوع اليوم ودي اسأل فيه سؤال صررريح

من هوالمسئول عن شكل لبس البنات الحييين؟

اقصد بكل اشكاله والوانه وموضاته
من هو بالضبط؟؟
هل هم تجار الملابس؟ أومجلات الازياء؟
أو التأثر وتقليدنا للي في القنوات الفضائية
ابي أعرف من المسؤال الأول والأكبر عن هذا؟
عشان مايتوجه لوم اللائمين والمتزمتين
حسب وصف البعض (مو وصفي انا)

لأي بنت ولكن يوجه اللوم للمسؤل المتسبب في
رواج الملابس وتقليعاتها !!
بس الله يخليكم لو سمحتوا
مابي احد يفهم موضوعي هذا خطأ
ويقول وش تبي هذي؟ وين طالعه فيها ووين شاطحه ؟
اعتبروه سؤال جدي وبرئ والله

هل ان السوق لان هذي بضاعته
هو اللي يفرض علينا ذوقنا واختيارنا باللبس الماشي عالموضه
بشكله وتصميمه ؟
طيب واذا مالنا يد في هذا
ليه مطلوب من البنت تشذ عن كل البنات بسنها يعني؟
لانه يعني و بصراحه البنت تحب تحس انها مستقله وحره بذوقها
وانها غير مختلفه عن باقي البنات بشي بطريقه لبسها
بس البنات ينزعجون ويطفشون احيانا
من تعليقات و ملاحظات بعض اللي حواليها
على طريقة ونوع وشكل وموديل لبسها
مثلا بانه عيب عليك تلبسين عند محارمك الرجال مثل كذا
وانه مفروض ماتلبسينه بس الا مستقبلا مع زوجك !... يا سلام !!
واي بنت انشالله توها لحد متى تنتظر
لين ماتتزوج عشان تلبس اللي تبيه وعلى كيفها.
طيب ما دام الأم والاب راضين
وقابلينها على هذا الوضع وش هي المشكله
طيب انتم الحين لو سئلتكم وخاصه البنوتات
بتأيدون اي رأي ؟ مع او ضد؟

ومشكورين لقرائتكم وتعب عيونكم الحلوه

.. فلاسـ[جميرا]ـي .. · 27-04-2008, 04:22 PM

مرحبا السااااع

مشكووووره اختيهـ ع الموضوع القيم

بصراحهـ اختيهـ انا مع وضد انا مع ان الفتاة تلبس الي يعجبها وعلى ذوقها ..

وضد ان الفتاة تتشبة بالغرب في طريقة لبسها ومبالغتها فيهـ

يعني تلبس لاكن بحدود ..

اما اذا كانت البنت في البيت عندي عادي تاخذ حريتها بالبس الي تبيهـ

وبصراحهـ أنا اعترف ان القنوات خراب البيتـ لاكن الواحد يصون نفسهـ ومايضرة شي

موشكوره اختيهـ ع الموضوع

مودتي

نجديه وكلي فخر · 27-04-2008, 05:01 PM

وعليكم السلام ورحمة الله وبركاته
<< حلوة

موضوع راائع جدا
واعتقد انك اختصرتي كل الاسباب لنشوء هذه الملابس
فمن تقليد الى موضه مرورا بمجلات الازياء وانتهاء بتجار الملابس جميعها اسباب ادت الى ذلك
وانا معك ان السوق الان كله غريب عن عاداتنا وغصب علينا نلبس منه
وانا ضد المثل اللي يقول كل مايعجبك والبس اللي يعجب النااس
مع اني مع الابتعاااااد عن القصير جدا او العاري بزياده او اللبس الجرئ فانا شخصيا لا احبه الا بالبيت فقط
تسلمين لطرحك الرائع

&شمـ(الراسية)ـوخ& · 27-04-2008, 11:02 PM

و عليكم السلام يالحلوة..
بيني وبينك = وين بيني وبينك معه أن في السوق الكاسي والعاري بصراحة لكن أحيان يغري بعضنا أو بعضنا مايعجبه إلا العاري و"يتعلث" أن مافي السوق إلا هو "بصراحـــة يعني"..
صح إن الساتر أحيان "يتعبنا " عشان نلقى حلو..لكنه "موجــود"
أما الفساتين بصراحة مافي أحسن من التفصيل على كيفك لأنه ناادر أشوف اللي ينلبس.

يعطيك العافية ساندريلا على الموضوع.

بنت الاديب · 28-04-2008, 12:31 AM

هلا باحلا سندرلا

عادي يالغلا عوري روسنا معك >>> احلا عوار

وفكري بصوت عالي علشان نلقا مع بعض حلول

الاكيد المسؤليه يتشارك فيها مجموعة اطراف ..

الاول والاساسي ..

الاهل وشلون الوالدين يرضون على بنتهم تلبس بهالشكل

ثانيا البنت ..

وين خجلها وحياءها الي تربت عليها

ثالثا ..

التجار الي كل همهم المال وبس

طبعا انا مانيب ضد ان البنت تلبس الي يعجبها وبالعكس تماما اشجع البنات كثير انهم يتبعون الي يناسبهم من الموضه

لكن قبل ماتاخذ الي يناسبها بعد تشوف الي يناسب بيئتها ومجتمعها ودينها

مااقول ماتلبس قصير او بنطلون اواواواو لكن تراعي الحد المعقول وماتبالغ

موضوع اخر اكثر روعه من مواضيعك الخيال

الف شكر على روعة حضورك ونشاطك

تقبلي ودي

الجــــــــــود · 28-04-2008, 01:58 AM

..

..
مشكوره يالغلا على الموضوع الرائع هذا

انا بصراحة اشوف انك غطيتي كل الاسباب

وذكرتي كل المسئولين

بالفعل مثل ماقلتي هم كلهم مسئولين

ومجتمعين ايضا يخلقون هذه البمشكلة

لكن طبعا

الثقل الاكبر يقع على كاهل الاهل

فلو هم اقنعوا ابنتهم وارضوها وشدوا عليها

لما وصلنا لهذه المرحلة التي وصل فيها لباس البنات هذه الايام

اتلى الشي المخجل حقا

..

توتة · 28-04-2008, 03:04 AM

موضوع رائع يالغلا

وباختصار الاهل هم من سيحاسبون امام الله عن بناتهم

يعني على الجميع ان يتقوا الله في بناتهم

لان مانرى الان ولا حول ولا قوة الا بالله يشيب الراس من جد

بنات صغار في الاسواق نجد لبسهم التعري بكافة انواعه ولاحول ولا قوة الا بالله

يعني الاحتشام في اللباس وخاصه في الاماكن المفتووحه كالاسواق مطلب مهم

لنلبس مايناسبنا وندع التعري والموظه الجارفه بتياراتها التي تودي الى الضياع

دمتي بخير

المبهمه · 28-04-2008, 03:06 PM

مشكوره يالغاليه على طرحك ...
اعتقد انك سئلتي واجبتي ...والهم الاول يقع على عاتق الاهل

ولا تنسى الفتات ان الحياء ماكان في شي الا زانه ومانزع من شي الا شانه

الحياء يجمل الفتاة ..فلا داعي لمجارات الموضه بالعري ....

ودمتم بخير

فرحته من بسمتي · 29-04-2008, 11:24 PM

صدقيني ياأختي السبب هو التساهل الى ان يذهب الحياء الله المستعان00

فتجدين من حللت على نفسها لبس العاري امام النساء00اصبحت الآن تلبسه امام اخوانها أخوالها أعمامها بمنتهى الجرءه لان حيائها قد ذهب00
وانا رأيتهم بام عيني
يعني ماهذه السخافه تلبس عاري عند النساء ثم 00لودخل عليها خالها او عمها فجاءه هل تستأذنه وتجلب معها غيارا ساترا لتلبسه00حقا شر البلية ما يضحك00

م. ابو شكيم · 03-05-2008, 11:48 PM

المسؤل الاول والاساسي حنا يالرجال

اباء واخوان وازواج

الكثير من الامهات ماتقدر على بناتها لكن وين رقابتنا حنا عليهن

المسؤليه تقع على عاتقنا امام الله سبحانه وتعالى

اما البنت الي تسوي هالشي من ورا محرمها فهالشي بينها هي والله

يعطيك العافيه

مواضيع ذات صلة
الموضوع	الكاتب	المجلس	المشاركات	المشاركة الأخيرة
تخيل بنت تتصل عليك وتقولك ممكن قبله	مغروره بكيفي	خارج السرب	10	19-04-2008 02:06 AM
ياكرهي للي مسوين فيها دوافير وهم من جنبها	n0nah	مجلس الصرقعة	43	24-03-2008 09:43 PM
اليوم ومعي ممكن ان تحصل علي حساب بريميم علي مواقع الرابيد شير والميجا ابلود	homi	مجلس الكمبيوتر والإنترنت	1	18-03-2008 01:46 PM
ممكن أسأل ...ليه أحبك	مشكلتي قلبي كبير	حدائق الأدب	3	15-03-2008 07:11 PM

أسرتي الجميلة

كل مايختص بالاسرة والمجتمع وشئون المرأة والطفل

يعني من المسؤوول؟ ممكن جــواب؟!

انتِ متهمه كيف تدافعين عن نفسك ؟

عذراً يا معشر النساء ،، هل أنتـــن الســـبب ؟!

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق