أسرتي الجميلة

سندرلا · #1

سلام بنوتات

هنا بإذن الله لو اقتنعتوا بالموضوع
بتكون صفحه خاصه
عن هموم البنات بس بشرط لو كل وحده منا برغبتها
تحب تشارك في الموضوع وتعتبرنفسها
هي اللي كتبت الموضوع لما تكون مستعده تساهم فيه
انا راح ابدء معكم الخطوة الأولى وانتم بعد كذا لو عجبتكم الفكره
وان شاء الله تعجبكم .......كملوا وتابعو معي

واهم شئ والهدف من جد هو الاستفاده المتبادله فيما بين البنات وبعضهن
لانه اكيد كل وحده فينا راح يزيد وعيها
لما تعرف اكثر عن تجارب وخبرات غيرها من البنات
هنا نبي نفضفض ونسولف لبعضنا عن كل شي يخطر في بالنا
وقدرالامكان مانحس بأي حرج ونتكلم عادي بكل صراحه
ونكون صريحين وواضحين مع اللي يقرئونا
مهما كان جنسه وجنسيته المهم انه انسان مثلنا ويفهمنا
وممكن يشاركنا برأي منه ويستفيد هو بعد من الكلام اللي نقوله

هنا اي وحده عندها الفرصه تقول اللي بخاطرها
مثلا عن موقف صعب مرت فيه وتعاني منه

مو شرط تكون مشكله حساسه مره وخصوصية
حتى لو مشكله عاديه بس تشغل بالها
واهتمامها وتدور لها عن حل او تطلب رأي
..أوعن مشكله تهمها وتمسها كبنت
يعني الموضوع مخصص بس عن هموم البنات بالذات
ومقتصر على ان كل بنت تحب ترد وتكتب تعليق هنا في الموضوع او مشاركه
تكتب لنا هنا عن اي هم يشغلها وودها تعبر عنه بطريقتها
باسلوبها الخاص المهم يكون واضح ومفيد

ومهما كانت بساطة المشكله لا يجي في بالك انه احد بيستسخفها ويضحك منها
بالعكس تفائلي وتوقعي انه اي وحده ممكن تعلق على مشكلتك وتعطيك رأي يفيدك
واحنا البنات محتاجين مثل هالمساحه نفضفض فيها للجميع
عن مشاكل البنات مهما كان نوعها
اسريه اجتماعيه عامه شخصيه او بخصوص الدراسه

عادي اختي خذي راحتك بالتعبير عنها لنا باسلوبك
وغير فايدتنا المتبادله بينا والتنفيس لبعض
فيه فايده مهمه وهي
عشان يتعرفون الاخرين على عالمنا اكثر ويفهمونا اكثر
ويحسون فينا ويساعدونا ويوقفون جنبنا
بس هذا هو باختصارفكرة وهدف الموضوع هذا

......
يالله شرايكم؟؟ اتمنا الموضوع ناسبكم وفكرته راقت لكم

وبالنسبه لي ابي ابدء الان معكم بالكتابه عن هم شخصي
يشغل بالي مرات
ودي اكلمكم عنه
وهو انه في الجامعه بعض الاستاذات
مدري ليش لله يهديهن يتعمدون يسوون حاجز نفسي وكلفه بيننا وبينهم
ولما نحتاج احيانا نتواصل معهم لو بخصوص الدراسه
يتعاملون بتعالي علينا؟؟
هذا يضايقني صراحه واكثر شي عند الاستاذات السعوديات<<< خربتها

يالله يابنوتات
خذوا راحتكم بالفضفضه

برايفت /
الموضوع هذا من بنات افكاري زي مايقولون >>> لا منقول ولا شئ

وحتى لو حبيتو نبشو بالياهو وجوجل والمسن كلها... خذو رااحتكم لاتخلون شي ماراح تحصلونه

ورب ضارة نافعه............

توتة · 29-04-2008, 07:59 PM

موضوع حلوو سندرلا

بانتظار فضفضات البنات وهمومهم

الله يعطيك العافيه خيتوو

دمتي بخير

نجديه وكلي فخر · 29-04-2008, 08:01 PM

يعطيك الف عافيه
موضووع رااائه كروعتك ياقمرر

مزووون k.s.a · 30-04-2008, 04:41 AM

موضووع حلو

بس انا احب اساعد الغيييييييييير

اما اني افضفض نادرا او ما تعودت

بس يمكن اتعود معك

وبالنسبة للي مضايقك ما عليك ادعي ربك واذا كلمتي الاستاذة تحمليها لان انتي اللي محتاجة لها وحطي ببالك انك تتحملينها لطلب العلم لا اكثر ولا اقل ولك الاجر

واذا هم رافعين انفسهن حاولوا تنظمون كلمة من خلال المحاضرات اللي تقام بالجامعة عن اهمية التعامل مع الطالبات وحسن التصرف معهن

ربي يوفقك...

المبهمه · 30-04-2008, 08:41 AM

فكره حلوه

مشكوره اختي سندريلا

نعناعه · 30-04-2008, 03:14 PM

مرحبا

يسعدني اشارك في موضوعك

اقتباس


	وهو انه في الجامعه بعض الاستاذات مدري ليش لله يهديهن يتعمدون يسوون حاجز نفسي وكلفه بيننا وبينهم ولما نحتاج احيانا نتواصل معهم لو بخصوص الدراسه يتعاملون بتعالي علينا؟؟ هذا يضايقني صراحه واكثر شي عند الاستاذات السعوديات<<< خربتها

امممم

انا برد عليك بحكم اني استاذه في الجامعه

يمكن تشوفين منهم رسميه شوي

بس لو يوم حطيتي نفسك في مكانهم بتعرفين ليه

الاستاذه تحتك بطالبات كثييييييير

ومختلفات في شخصياتهم

وواضح من الطالبات انهم يجاملون والبعض يتمصلح والخ وقليل الجاد اللي بيستفيد

يمكن البعض يتعالي والبعض بالعكس طيب

بس صدقيني متى ما كنتي جاده فعلا وجديتك هذي واضحه في المحاضره راح تتجاوب معاك الاستاذه

اما البنت اللي تلعب على نفسها وتعتقد انها بكثره روحاتها للاستاذه راح يجيها درجات ولا نعتبرها مجتهده فهي غلطانه

الحين اخر كل محاضره وانا حلقي نشف وتعبانه اخر تعب من كثر الحكي

اسال البنات فيه اي سؤال

والجميع يهز راسه لا

ومن اطلع وهم وراي ويجون بين المحاضرات

فلييه ما تسال وتقول اللي تبي و سط المحاضره علشان تستفيد ويستفيد غيرها

اشياء زي كذا تضايق الاستاذات وتخليهم ما يتجاوبون مع البنات في اي وقت

عموما انا اجاوبك وانا نصي نوم

ان شا الله تستفيدين من كلامي

وبالنسه لفضفضتي

امممممم عندي هموم اكيد بس ما على بالي شي الحين الا النووووم

تصبحين على خير

الجــــــــــود · 01-05-2008, 04:58 AM

..

.. ياحلو البنات وافكارهم

يالله لاتخليني بس

شوفوا كيف الافكار والحركات

ماشاء الله

GOOD LUCK

..

بنت الاديب · 01-05-2008, 10:27 PM

موضوع روعه من احلا سندرلا

ذكرتيني بايام دراستي بالجامعه

كانت الاستاذه الي تعطينا الانجليزي باكستانية الجنسيه تمزح معنا وتضحك وكنا نحب محاضرتها

استاذة الثقافه الاسلاميه سودانيه نفس الاسلوب وكنا نحبها بالرغم من صعوبة اسئلتها والنجاح عندها كان نادر

استاذات التخصص كانوا مصريات قمه في الروعه ضحك ووناسه حبينا موادهم وجبنا معهم اعلى الدرجات

لكن للاسف الاستاذات السعوديات قمه في الغرور والكبر مع احترامي الشديد لبنات ديرتي

وكانهم الوحيدات بالدنيا الي استاذات الا من رحم الله

الحين انا معلمه واحاول كثير اتقرب من بناتي علشان يحبون مادتي وقبل هذا كله يحبون المدرسه

لان حب البيئه والتكيف معها من اهم اسباب النجاح للطلاب والطالبات

فضفضتي ..

ليش وقت المصلحه تخرب الصداقه

وليش صارت المصلحه فوق كل العلاقات الانسانيه

تقبلي ودي