أسرتي الجميلة

المبهمه · #1

---
[عزيزي الزائر يتوجب عليك التسجيل لمشاهدة الرابط للتسجيل اضغط هنا]

كيفكم اخواني واخواتي في هذا المنتدى الراقي

ابوجه سؤال للكل .... وللفتيات خصوصاً ...

لو يوم دخلتي للمنتدى ولقيتي رساله خاصه من هذا النوع .... وش بتسوون بليز ردو على بكل صدق وأمانه

اقرو الرساله

-----------------------------------------------------------------------------

السلام عليكمـ ورحمة الله ..

صباح الخير مبهمه واسعد الله صباحك بكل خير ..

مدري وش اقولك حقيقه انا عندي طلب ومدري بصراحه وش ردت فعلك ::

حبيت يكون بيني وبينك تواصل وعطاء

وتمنى اسمع ردك برساله ..

ويخوفي احصل تحت اسمي موقووف من قبل الاداره ..؟

وهاذا ايميلي . .

--------------------------------------------------------------------------------

يعني بالله وش راح يكون تصرفي مع شخص بنضري انه سخيف .... والمشكله انو مو اول مره تجيني رساله

على نفس الموال .....ومن شخص اخر ...سؤال للشباب ليه كذا وش تستفيدون ..احنا في المنتدى

نحاول نرتقي بأفكارنا ونزيد من ثقافتنا واطلاعنا ماجينا للتعارف والتراسل ... الامور هذي لها اماكنها ومواقعها

للي يبيها احنا في منتدانا نبحث عن الرقي مو الانحطاط

قبل فتره كنت انا وزوجي على النت ولما فتحت المنتدى لقيت رساله خاصه على نفس محتوى الي قبل

بااالله عليكم وش ردة فعل زوجي ... ردة فعل اي رجل عنده غيره ... احمد ربي ان زوجي انسان واعي

ومتفهم ولا كان الله يعلم ايش راح تكون ردة فعله ... بس ثقته فيني اكبر من رساله تافهه

سؤاااااال لكل الشباب ترضون انو واحد منكم اخته او زوجته يحصل معها الي حصل هذا .... ليش

اوجه كلامي الي يبي غزل وتعارف ومراسلات ترا هذا مو موقعها ..دورو عليها بعيد لو سمحتوا

تقبلو ودي واحترامي واعذروني بس بجد حز في نفسي الي قاعد يصير والتصرفات هذي ماتعجبني ....

اسمحولي على الاطاله .

فــــــــــــــــــــــــي أمــــــــــــــــــــــــــان الــــــــــــــــــلـــــــــــــــــه

توتة · 06-05-2008, 04:09 PM

السلام عليكم ورحمة الله وبركاته

حياك عزيزتي المبهمه

منوره الاسره

وصدقتي عزيزتي ان مثل هالرسايل توقع الفتاة في حرج امام اهلها او زوجها ..

وحلو ان زوجك واعي وفاهم ..

سبق وجتني مثل هالرسايل والحل انه الحقران افضل وسيله لتجنبهم

لكن احيانا ماينفع السكوت اذا تكرر مثل هالنوع من الرسايل فالافضل ابلاغ المسؤلين بالمنتدى لتفادي هالموقف

يسلموو قلبووو لطرح الموضوع

وان شاء الله نشووف اعضاء عاقلين واعين

دمت بخير

.. فلاسـ[جميرا]ـي .. · 06-05-2008, 04:24 PM

هلا بكـ اختيـ المبهمهـ موضوع رائع بالفعل اجدتي فيهـ بمعنى الكلمهـ

انا من وجهة نظري لني شابـ ماحبـ ها الأسلوبـ الا اذا كنتـ محتاج مساعده وها البنتـ عندها خبرهـ

اما توصل اني ارسل اميلي لها لا والله ..

في بعض الشبابـ ماقصد اليميع ومع احترامي لهم يمكن يحسبون المنتدى مكان تعارف شرات ماقلتي ..

لاكن الواحد لازم يعرف انهـ ياي لم ها المنتدى لثقافهـ مو يايين نلعبـ ..

والرسالهـ هذي راح تزعج كل بنتـ اكيد وتحرجها وايد ..

والسموحهـ اذا ابدر مني شي ..

مودتي ..

ذوق وفن · 06-05-2008, 04:36 PM

وعليكم السلام ورحمة الله وبركاته

.
.

كثير من لايحترم المكان ومن فيه
وأي تجاوز منه فإنما هو عدم احترام ذاته لنفسه
قبل تقليل احترامه للآخرين
.
.
برأيي ان الرد الاول على هؤلاء
هو برساله توضح خطأ ماعمله
لعله يعي مايفعل
ويكون أعذر من أنذر

ولكن إن تمادى فمامن سبيل
غير تبليغ الاداره عنه
ليقف عند حده ويعرف ان للناس حرمات
عليه الوقوف عندها واحترامها

.
.

الله يعطيك العافيه المبهمه
على مواضيعك الرائعه والهادفه

دمت بكل الود والمحبه

مع أجمل تحياتي

&فيووو& · 06-05-2008, 09:35 PM

وعليكم السلام

اختي المبهمه كيفك

يعطيك العافيه على طرحك لهذه القضيه وفعلاً مثل هذي الرسايل تسبب احراجات للبنت سواعند اهلها او

زوجها والله يعينك بس لو انا بمكانك وتجيني مثل هذي الرساله بصراحه اول شي اسويه ارسل رساله

خاصه للاداره وهم يقومون بالاجرات الازمه معه.....ومشكوره اختي على موضوعك الرائع

وتقبلي تحياتي

مملوح بس مجروح · 06-05-2008, 11:00 PM

المبهمة

لاتؤخذيني ولكن لدي سؤال

ماشعور الشاب لو حصل مثل هذه

ويحصل كثيراً وسأضرب لك قصة واقعية

كنت قبل ثلاث سنوات تقريباً مشترك في منتدى المهم

كانت والدتي دوماص بجانبي لأنها حاول حرصاً منها على إكتشاف ماهو النت

واذا برسالة خاصة من اسم مؤنث فسألتني ماهذا قلت لها رسالة خاصة فاصرت على معرفتها وبحكم أنها والدتي

وللصراحة بيني وبينها أخبرتها عن مضمونها وكانت رسالة إعجاب وتطلب التواصل فما كان مني الا ان نزلت إلى أسفل الصفحة

ووضعت علامة حذف وحذفت الرسالة لأنها بالحقيقة أول رسالة من شخص أجهله لو كنت اعرفها او هناك مصلحة في التواصل

لكان هناك حديث آخر ولكن ليس بيني وبينها شئ ماذا تريد

عموما أنا شاب واضع الحذف فما هو شعور الفتاة لابد أن تضعه في قائمة التجاهل

كل الشكر لصراحتك ولاتعتقدي أن المنتديات طاهرة ففيها الخير والشر

تقبلي مروري ودمت بود

المبهمه · 07-05-2008, 12:58 AM

اشكر كم اخواني على تفاعلكم ...

توته يالغاليه مشكوره ياقلبي وانا معك انو الحقران حل اكيد بس مو دايم ولا في كل المواقف...

اهلين اخوي .... فلاسـ[جميرا]ـي ..اشكرك يااخوي

ذوق وفن هلا وغلا حبيبتي انا ماحبيت اني ارد برساله ولا غيره انا نزلت الرساله وكتبت الموضوع علشان انهي اي محاولات اخرى... على قولت اخواننا المصريين اقطع عرق وسيح دم ..ولا حبيت اشتكي للاداره لانو الموضوع انا قادره اتصرف فيه بنفسي ولا حابه احرج اصحاب الرساله المرسله ...الستر زين ...ههههه

وحبيت الي يرسل مثل هاالرسايل يستصغر نفسه ويشوف كيف رد الكل عليه وعلى تصرفه

بس انا متأكده انو بعد كلامي هذا مااراح اشوف اي رساله ...انشاالله

فيو هلا بك يالغاليه ....

اخوي القدير مملوح بس مجروح اشكرك على مرورك.. هذا وانت شاب احرجتك الرساله فما بالك انا وقدام زوجي بجد شي يضيق ... اشكرك اخوي
تقبلوا ودي ودمتم بخير

مذهلـــــــــــــــــة · 07-05-2008, 01:25 AM

طبعا العرض بهذا الشكل مرفوض حتى من الذائقة ....

الرسائل بين العضاء هي من باب التواصل .... ما لم تتجاوز الحد إلى شيء آخر ..

وطبعا وكلنا يعرف أن الرسائل في المنتديات ليست بسرية ويمكن أن يطلع عليها من قبل الإدارة

ولا أعتقد أنها هي من تقيد حرية الإنسان ما لم يقديه خلقه ورقي فكره ... وحسن النية في التواصل

أما الاستضافات وبهذا الشكل فكثيرا ما تصل ... وليس بعجز أن نقابلها بالرفض المؤدب ...

النت .... لا حرمة له ... للأسف ... والسبب هو أن أكثر من يكتب يختبأون خلف أقنعة الاسماء ..

أتمنى أن اكون قد وفقت في الرد ....

أرق الشكر ...

الضامي · 07-05-2008, 01:28 AM

اختي المبهمة ...
على فكرة الأدارة لهم صلاحية الأطلاع على مرسالة الاعضاء بينهم البين ومعرفة ما يدور خلف الكواليس ... وانا اتمنى من كل عضوه تدخل هنا ان تحرج مثل هؤلا الأعضاء الذين يتجاوزن مثل تلك الحدود ان يشهر بهم كي لا يتكرر منهم مثل تلك الحركات السخيفة التي لا ترقى بالفكر ولا بالمنتدى ... فمنتدانا منتدى يسمو عن مثل هؤلاء والجميع هنا اخوات لنا لانرضا عليهن مثل تلك التصرفات التي لاتكون الا من اشخاص قلة ولا يمثلون هذا المنتدى الراقي ... فياحبذا لو يتم التشهير بهؤلاء كي لا يتجراء احد منهم على عمل مثل فعلته تلك .... صادق التحايا لكي وللجميع

السبع الاربع · 07-05-2008, 01:46 AM

الف شكر يالمبهمة على الطرح ..

بالفعل كلامك في محله .. إحراج ما بعده إحراج للبنت ..

واذا تبين الصراحة .. سبق ومريت بمشكلة خاصة فيني .. تتعلق بخطبة ومن هالأمور ..

صدقيني خواتي ما قدرت استفيد منهن !! لأني أبي اشياء معينة وما تعودت أناقش خواتي في هالأمور ..

لجأت إلى وحده أثق فيها وفي رجاحة عقلها .. بعد لجوئي لله عز وجل .. والحمد لله أفادتني كثير يعلم الله ..

أيضاً أمر ثاني خلصتني منه فتاة كانت معنا في المنتدى !! يعني بعد الله عز وجل لها فضل كبير علي .. قدمت لي نصيحة والله سبحانه طرح في نصيحتها القبول .. الله يذكرها بالخير ..

يعني بالعربي استفدت الكثير من الرسايل الخاصة ..

فادتني في ديني وفي تعاملي مع الناس حتى ..

لكن اللي يستعمل الرسايل الخاصة للترقيم وقلة الحيا .. فهذا أنسب حل له إنك تبلغين الإدارة وبس .. لانه موب كفو تلغين الرسايل الخاصة عشان واحد ( تافه ) مثله ..

الف شكر يالمبهمة ..

مواضيع ذات صلة
الموضوع	الكاتب	المجلس	المشاركات	المشاركة الأخيرة
رساله الى مدير الامن العام	المضلوم	المجلس العام	47	07-04-2008 03:48 AM

أسرتي الجميلة

كل مايختص بالاسرة والمجتمع وشئون المرأة والطفل

رساله خاصه وارده ؟؟؟؟؟؟وعجبي..

الرجل اللي تحلم فيه البنااااااات.........

... ذكريات يتيم

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق