أسرتي الجميلة

سندرلا · #1

سلالالام ياحلوين

صراحه موضوع اليوم مدري كيف خطر في بالي وكتبته الحين
بس من جد حسيت انه يستحق الكتابه عنه
لاني صدف اليوم لما رحت لواحد الأسواق بدون تحديد اسم المكان
وطبعا وانا كنت اتجول وادخل محلات مختلفه هناك
عشان احصل على حاجتي اللي رحت للسوق عشانها
لاحظت شي صراحه يعني
اثار استغرابي وانا اشوفه ومبققه عيوني زي مايقولون
وانا اتفرج واسمع اللي يحصل قدامي انا وقريبتي اللي معي

منظر مجموعة بنات في واحد
من المحلات مع البائع وهم قاطات الميانه بزياده
ويساومونه بمزح وبعض التهريج وشايلات الكلافه بدرجه ملفته
صراحه هذا بنظري موقف مزعج لي اتوقع يحرج غيري بعد لو يشوفه
بس الاهم من هذا هواني متأكده ان البائع يحتقر البنت
اللي زي كذا حتى لو سمح لنفسه يضحك معها
شرايكم انتم؟؟؟

مصرقـــع مـآركــــه · 06-05-2008, 10:24 PM

سندرلا آسف على التطفل واسمحي لي اجاوب ..

والله ما ادري وش اقول ،، هالمنظر مخزي ومحزن جداً للأسف ،، ومن تفعل مثل هذه الاشياء فهي قد تخلت عن شرفها

ولم تستر على نفسهــا للأسف ..

يقولون ذات حكايه بأن هناك شاباً سعودياً قد تحرش بفتاه في إحدى المجمعات ،، صرخت وولولت واجتمع الناس عليه

واقتادوه للهيئه ،، كان الشاب يضحك طوال مسافة الطريق للهيئه ..

استغربوا منه فسألوه هل تضحك وأنت ذاهب للهيئه بقضية معاكسه وتحرش ؟؟

لم يجبهم وظل يضحك حتى وصلوا لمركز الهيئه .. وبعد أن ادخلوه على احد الشيوخ في المركز قالوا له يا شيخ

هالشاب تحرش بفتاه في مجمع لكن الغريب يا شيخ إنه يضحك من مسكناه بالمجمع لين ما وصلنا للمركز !!

سأله الشيخ : يا ولدي انت تعرف انك متهم بالتحرش بفتاه ؟؟

جاوبه الولد ايه نعم ،، قال طيب ليش تضحك ؟؟

قال يا شيخ : بقولك السالفه وانت احكم ،، هذي البنت كانت بالمحل تشتري اغراض مكياج واللي يشتغل بالمحل

لبناني ،، وكانت جالسه عنده على كرسي وهو يجيب لها اغراض ويحط بنفسه على يدها من الكريمات عشان تجربهن

ويضحكون سوى حتى لدرجة انه يقول لها كل شوي : ولو يا ألبي وتسلمي يا عمري وهي تضحك ومستانسه

ولما طلعت من المحل جيت وقربت لها وتعرف يا شيخ وش قلت لها ؟؟

قال وش قلت ؟؟

قال يا شيخ قربت لها وقلت : ما تخافين الله اللي يشوفك وانتي تسوين كذا ؟؟

وطبعاً يا شيخ كالعاده كل ما صرخت فتاه يطلع الشاب هو الحقير والسافل واللي ما عنده شرف ويشيلونه قدام الناس

ويفضحونه والبنت يسترون عليها !!

والله يا شيخ اني اضحك لأن ما احد يدري وش قلت للبنت ولا احد سألني اصلاً ،، كلهم جتهم النخوه والكرامه

لمجرد انهم سمعوا صراخ فتاه كلمة " حقيره " تعتبر قليله في وصفها ..

عرفت ليش اضحك يا شيخ ؟؟

هذي حكاية نموذج للحال الواقع الآن .. الله يرحمنا برحمته ويستر علينا ياارب ..

شكراً أختي سندرلا .. وتقبلي التحيه ..

رماد أنثى · 07-05-2008, 12:02 AM

أهلا بك عزيزتي سندرلا..
طروحاتك دوما رائعة..
الفتاة حينما تتحدث مع البائع بلا حياء وكأنه أحد محارمها بلا أدنى شك يستحقرها وإن جاراها بكلامه العذب..
حقيقة تؤلمني مشاهد تلك الفتيات حجاب منهن يحتج لحجاب..
خضوع في القول ولين وكأنه أقرب المقربين لها..
لا أدري هل لا زالت تلك الفتيات مغيبات عن أحاديث الباعة والشباب واستحقارهم لمثل هذه النوعيات!!
أم هو نوع من الخداع لأنفسهن بأن الأدب والاحتشام ضرب من التعقيد!!
أم هو غفلة عن قوله تعالى :"ولا تخضعن بالقول فيطمع الذي في قلبه مرض"
أسأل الله الهداية والستر لبنات المسلمين..
ولك مني كل الشكر..

مملوح بس مجروح · 07-05-2008, 12:08 AM

سندرلا

تعتقد انك

عرفتي طريقتي في الرد

كلمات بسيطة فقط تدل على المعنى الذي بداخلي

التربية التربية التربية

نكرر ونعيد ونزيد ولغيرنا نتحدث ونفيد

هؤلاء بنيات لم يتربين على الحياء وقد نزع منهن ذلك

واعتقد ان لبسهن ايضاً دل عى منظر من يرافقهن داخل غريفات المنزل

كل الشكر لك ودمت بود

المبهمه · 07-05-2008, 01:01 AM

غاليتي مشكوره على طرحك

حبيبتي اذا قل الدين ... قل الحياء .... ماذا تتوقعين

من لا تخاف الله ولا تضعه نصب عينيها في كل امورها توقعي منها اكثر من ذلك

الله المستعان

توتة · 07-05-2008, 01:20 AM

مرحبا عزيزتي

لن ازيد على كلام اللي سبقوني الا انو البنت اللي تحترم نفسها اكيد غيرها بحترمها واكثر

دمتي بخير

.. فلاسـ[جميرا]ـي .. · 07-05-2008, 04:53 AM

مشكوووووووور اختيهـ ع الموضع المحزن والله

اهم شي التربيهـ والي اولها جيهـ تاليها خرابـ الله يحفظ بناتنا من كل مكروه ويستر عليهن ويهديهن ياربـ

واهم شي مخافة الله ورضاه

ومازيد عن حجي اخواني

احترامي لج ..