السلام عليكم و رحمة الله و بركاته

اليوم الجو عندنا فى الكويت جميل جدا غائم الى ممطر احيانا و مشمس احيانا أخرى
الجو الذى بهذا الشكل بالنسبة لى احب ان استغله
ما اغبى عليكم سرا يعني الواحد خاصة بمجتمعاتنا الخليجية مايصدق تحصل مثل هذي الاجــــــــــواء
وهذي الاجـــــــــــــــواء لهـــــــــا خصوصيتها عندنا ولها تاريخها وذكــــرياتها الحلوة
فكنت وانا صغيرة على طـــــــــول بعد ما اوصل من المدرسة ركضه لابوي ويطلعنــــــــــا للمخـــــــــــيم
ودائمــــــــــــا لهذه الرحـــــــــــــلا ت اشياء طــــــــــريفة وجميلة , ليمــــــا الحين اذكـــــــــــر لما كانت
جدتي الله يرحمهــــــــــا تقعد عند (( الدوة ))و بداخلها الفحم وابريق الشاى بقرب الفحم
حيث الشاى المخدر على الفحمو احنـــــــــــــا من حولهـــــــــــا
نـــــــــزعجهــــــــــا احيانا و
واذا انزعجت منــــــــــا اطـــــــــردتنــــــــــا
لكنا ماكو( 5 ) دقايق
( جك بم ) الا احنـــــــــــا عندها مرة ثانية
جايين نتهــــــــــامس ونتمضحك و جنا مو امسوين شى .


الان و انا قاعده اكتب هذا الكلام المطر يتساقط
ما اجمله من صوت
اسأل الله تعالى كما اغاث البلاد و العباد بهذه الامطار
أن يغيث قلوبنا بالايمان اللهم آمين
احنـــــــــــا الحين بهالايــــــــــــام مانقدر نطلع المخيمـ بسببب
الامتحـــــــانات عشان جذي نصبنـــــا خيمه
بحوش البيت يعنى هناك مساحة فاضية غير مستغلة
و انا و عائلتى نجلس فى الخيمة , عشانا فيها
و حتى ايام العطل نتريق فيها
قبل المغرب انشب الفحم و بعد ذلك يجلس الوالد و الوالدة
جلسة عائلية تسوى و تستوى عندى
خلاص انا من بعد المغرب اشطب على كل شى
هالمجلس هذا مثل ما قلت يسوى و يستوى عندى
اجلس امام الدوة ما بين الشاى و القهوة
ما بين سوالف عائلية أو استغلال الوقت
واخـــــــــــواني يبدون بالتسدح وتحذف الكتب <<يقال لهم يدرسون
وتخــــــــرب القعدة من حنة اخواني ومدارسهم وتقومين راسج مفتر تدورين بنادووووول << وتردين للنت
ان الجو هالايام و الايام المقبلة مال فحم و اخيام الى عنده حوش فى بيته مثلنـــــــــا يشترى له خيمة و ينصبها
و يعيش اجواء البر فى بيته و فى المستقبل سوف يتذكرون هذه اللحظات الجميلة
التى عاشوها لحظات جميلة لن تنسى ابدا

موضوع حبيت اشارك فيه فى محاولة منى للتنويع
فى المواضيع التى اطرحها هنا فى هذا المنتدى

تقبلوا اعطـــــــــــــــر امنياتي

هلا وغلا اختي الجادل
موضوع جميل جدا
ياحلو قعدة الخيمه الجوالدافيء والجاي المخدر والقهوه والرهش والحلوى
الجادل تذكرين طلعة البر السنه اللي فاتت وربي وناسه ماوراها وناسه
لا والجرابيع وريميه تبي تصيد الجربوع ونروح ونخليهـــــــا بالبر سوينا فيهـــا مغلب
هههههههههههههههههه
لا كلش ولا ضبي العزيز والله مجرمه انا ماني مصدقه اطلع ضب من جحره
والبغيات وسباق البنشيات والجراخيات تذكرين اغنية الجهال لووووووووووووووووووول
تصدقين احنا مجنن ولا حوالي ست بنات راكبين السياره ونقحص وجدامنه الدبايه ونسرع ونقول خلنا نسوي مغامره قطار الموت
هههههههههههههههههههه والله الله كتبلنا عمر جديد

وانشالله تكرر الوناسه السنه هذي
وتسلمين
وعسى الوناسه دوم علينا وعلى المؤمنين والمؤمينات
تحياتي
سحايب شوق

الله علييييييييييييكم

مثل ماقال الغالي ابو مهند

لازم بكل بيت بيت شعر

هع بس اكره ماعندي ريحت الحطب ماحبهااش



بس الجلسه تكون هيك

يالله يادبيه عازمتك اليوم لعندنا



ننتظر سواليفك ياقمر

تحيه ازفها لك