بسم الله الرحمن الرحيم

نقطة ((مثيرة)) أثرته وممكن يثور المنتدى وتصير ثورات على نقطتك المثيرة هذي
((لك ربع ريال اذ قلته 10 مرات بسرعة))

--------

نقطه بسيطه قبل لا اعلق (( راح اعتبر الانترنت هو المنتدى يعني راح اجاوب على سؤالك

بمفهومي (( انا )) له .... يعني بدل ماهو / هل تقبل بالزواج من فتاة تدخل النت ؟ راح اقول / هل تقبل الزواج من فتاه تدخل المنتدى ؟

---

مقدمة

اولا" خلنا نحدد إيطار النقاش
نحن لا نتكلم عن المنتدى كفكرة
نحن نتكلم عن منتدى ومدى تأثيره على ارتباط اثنان بالحلال ((الزواج))

مدخل

الحين خلنا نناقش مسألة الأولوية
منتدى , أم زوجي ؟
منتدى , أم زوجتي؟
أظن أن هذا هو مربط الفرس

نحن نناقش ((أهمية)) أو ((حقيقة)) المنتدى في (الزواج) إذا كان هناك إشكال بوجوده

الآن

هل المنتدى ((يستحق)) ترك زواج لأجله ؟
أم هل الزواج ((يستحق)) ترك المنتدى لأجله؟

هذا هو السؤال برأيي

الظاهرة

هذي الظاهرة موجودة , ولا أستغرب وجودها
بل وأتقبّلها
لأن الموضوع من أساسه فيه اختلاف , يعني ما أقدر أقول رأيي وأعطي أسبابي وخصوصا في هالموضوع وأتوقع ان الناس تتقبّله
يعني ممكن ناس يقولون انه وسيلة
وانه طريق ممكن يأدي لخراب
وان ممكن الواحد يظهر بشخصية مثالية ويفتن فيها أحد
فمن باب اننا نسد الذريعة وندرء المفسدة نمنع هالشي

وممكن ناس يقولون
لا المسألة مسألة تربية
وأصابع اليد ما هي سوا
والمسألة مسألة استخدام
ولازم ثقة بين الناس مو شك
وحسن الظن هو المفروض يكون أساس التعامل

وبعدين يرد عليك المجموعة الأولى وتقول
ما يصير نعلق التربية بكل شي ؟
يعني اذا الإنسان مربّى مب يعني نرميه لمكان فيه شبهات بعذر انه انسان مسؤول و متربي
والنفس أمّارة بالسوء
وما نقدر نخلي مسألة التربية والثقة (شماعة) لكل شي

وترد المجموعة الأولى و تقول
لا هذا المنتدى على مرآى من الجميع
وكلن يشوف الكلام
وان كان في قلبك شي تقدر انت بنفسك تشوف وش منكتب
يعني المسألة مو من تحت لتحت

ويجي الثاني يقول
ما بقى الا ولد الجيران والواحد لحجي يجي ينكت مع "زوجتي" ويستهبل واياها
لا والا يجي ويقولها نا معجب فيكي وفكتاباتك ومن قلّة الحية ذي
وبعدين انا ماراح أرتاح نفسيا

ويحي الأول يقول
هذا الكلام مو بكل المواقع
هذا الكلام مو بكل المنتديات
ومنتدى عن منتدى يفرق
وما تقدر تعمم

يجي الثاني يقول
وانا بقعد أشوف وش المنتديات الزينة وبشوف أعضاءها وبسوي جرد وتقييم عشان أرتاح
وشوله عوار الراس ؟
وبعدين ياخي المسألة مسألة كتابات وسواليف
يعني مب شي كبير يستاهل
خلاص لا تشترك
وشوله عوار الراس
تروح وتقرى اللي يعجبها وتستفيد
لازم يعني تروح وتقول لفلان رائع والثاني انا معجب في إسلوبك وقلّة الحيا؟

ويحي الأول يقول
ما يصير سوء الظن ودام المسألة صغيرة على قولتك خليها تستانس

يقوم الثاني يقول زقفت الوناسة على منتدى ؟

الــــــخ

فكما ترون

المسألة ماهيب بسيطة لهالدرجة
والموضوع قابل لتعدد الآراء بشكل قوي
والموضوع نفسه ممكن يتحوّر الى أمور ثانية زي ما صار في النقاش اللي تو
شوي عن ((نوعية الناس)) و ((تربيتهم)) و (نوعية المنتدى)) الــخ
يعني الموضوع يحتمل النقاش بشكل كبير وماله أرض واحدة للحكي ,,
ممكن أناقز أنا وواحد من هنا الـــى بكرة على هالسالفة ولا نوصل لحل

الآراء

كلها ناتجة عن (حب)
لا احد يجي يقول تخلّف ومدري وشو
المسألة تحتمل حلول عديدة
والأمور نسبية
واحد من حبه يغار على الطرف الآخر
واحد من حبه يبي الطرف الآخر يستمتع بكل طريقة ممكنة
واحد من حبه يخاف على الطرف الآخر
واحد من حبه يشوف ان فيه فائدة أكثر من مضرّة



--------

هل يسوي أضيع زواج علشان منتدى ؟

ويبقى السؤال بحاجة الى جواب

تحياتي لك

<---- ماودك انه يجي ويعلق على موضوع ويتفلسف فيه

...............

الاقتصادي

المعذره على التأخير يــ الغالي