أحاسيس ماطرة

V I P · #1




السلام عليكم ورحمة الله وبركاته
كيف حال الاخوان / الاخوات
يسرني ان انقل لكم قصيده
كتبها شخص ما بعدما شاهد برنامج ( ستار اكادمي )
بما فيه من مناظر تخجل النفس
اتركم مع القصيده :-


جيت أنـا الدنيـا عـام تسعـه وسبعيـن وأدري يـا نـاس خبرتـي فيهـا شويّـه
أقضـي اسنيـن وتتلـي سنينـي اسنيـن *** وكم غرايـب أو عجايـب يمـرّن عليّـه
ربّونـي أهلـي من الصغـر أتبـع الـديـن *** وعلموني أحكّـم عقلـي فـي أي قضيـه
قالوا يـا شويعـر اقسـى واتـرك الليـن *** ووصـف لنـا شعـرك تجـاه لكادميّـه
أخجـل أنـا وأحـط هالـراس فالطـيـن *** قنـاة(ن) للعـرب هـاذي ولا أجنبـيّـه
قلـت يـا عـرب شوفـوا ذرفـة العيـن *** للي يتابع هالبرامـج هـو أكبـر ضحيّـه
أبكـي ونـا أرثـي حــال المسلمـيـن *** ماتـت مشاعرنـا رغـم قلوبنـا حـيّـه
ياعـزة النفـس ليـه عـنّـا تغيبـيـن؟ *** وحثالة القوم صـاروا الأسيـاد فالدنيـا!!
شبعنـا مهـازل نشربهـا مـن اسنـيـن *** ومن الغـزو الفكـري كـم شفنـا الأذيّــه
فقدنـا الـذوق؟؟ ولاّ عنصـر الديـن ؟؟ *** حـد(ن) يشاركـنـي فــي هالقضـيّـه
لاني بضد الفـن والطـرب والتلاحيـن! *** ولاني ضد "برونو" أو " محمـد عطيّـه"
أنـا شويعـر وزادي شــوق وحنيـن *** أعشـق أنـا بـلادي وحتـرم لبجديّـه
بالله خبروني: هـل يجـوز فـي الديـن؟ *** خلوة(ن) فيها " خلاوي " يعانـق إبنيّـه؟؟
حيـاه.. منهـم أكثـر فيهـا الشياطيـن!! *** بوس .. أحضان.. والله يستر فـي الخفيّـه
صوّروهم في الأكل حتـى غسـل اليديـن! *** يـا ليـت شفناهـم ركّـع فـي العشيّـه!
خيّروني في ثلاثـة واللـي يتمّـون ثنيـن *** ولنهـا جميلـة اختارهـا غصبـن عليّـه
سمّـوه " سوبـر " حشا تقول بنزيـن *** والحينه لهم دار(ن) هـي وكـر الخطيّه
( هزل .. طرب .. عزف) سمّوها تمارين! *** هاذي حياة(ن) ميتـه ولافيها أهميّـه
وحنّـا خضنـا بالعقـل مـر القوانـين *** ومرّينا فـي أقسـى الظروف الجامعيّه
فينا .. علماء.. أدباء.. حتـى مهندسيـن *** مـا حيـد حطوهـم فـي فقرة دعائيّه
حــرام نـصـرف آلاف ومـلايـيـن *** لجـل نصنـع مطـرب حـك أغنـيّـه!!
بس أنـا أدري وأنـت يا بنـت تدريـن *** بنـي يهـود هـم ورا اللعبة الدنـيّه‎


[MARQ=LEFT]مع تحياتي للجميع
V I P[/MARQ]

أجـهـلـك ؟؟ · 29-02-2004, 10:16 AM

صح لسانك

يا شويعر

عز الله انه صدق

والله مناظر مخزيه

ومشكور يا

V I P

V I P · 29-02-2004, 10:21 AM

اخوي اجهلك

مشكور اخوي على الرد

والله انك صدقت مناظر ما ادري وشلون هناك بشر يتفرجون على

اشياء سخيفه جدا

تحياتي لك

منسدح في طريق العليا · 29-02-2004, 10:39 AM

صح لسان شاعرنا شويعر

وتسلم يمين من خطتها عندنا vip

والله يستر على شبابنا وبناتنا من هالغزو الفكري

>>> ومبروووك فوز الخلاوي >>> يؤيؤيؤ

تراه مايتابع

وتحياااااااااتووووو لك ...

V I P · 29-02-2004, 10:43 AM

8
8
8
علينا يابو شباب

اجل ماتابعها ايه طيب

ومشكور يالغالي على الرد

وانشاء الله ان القصيده اعجبتك

تحياتي لك

بنت النور · 01-03-2004, 03:08 AM

صحححححححححححححح لسااااااااااانك

وسلمني على شوووووووويعر

وربي صااااااادق بكل كلمه

ومانقول الا حسبي الله ونعم الوكيل

المجروح · 01-03-2004, 06:33 AM

صح لسانك

الحقيقه القصيده قويه مره ......... ورهيبه بنفس الوقت ويعطيك العافيه يا رب

V I P · 01-03-2004, 09:34 AM

مشكورين على الردود

الاكثر من رائع والي تبشر بالخير

وفعلا ياليت كل الي يشعرون يطلعون قصيده

مثل قصيدة شويعر

الملــــح كلــــه · 03-03-2004, 08:33 PM

صححححححححححح لسانك اخوي vip على هالقصيده
( اشوا اني جاي للمقهى ومعي دسك بحطها بس سبقني الدب وه بس ) على العموم اي والله مناظر مخزيه والله يكفينا شرهم

V I P · 05-03-2004, 03:06 AM

اخوي الملح كله

مشكور يالغالي على الرد

والله لو ني داري كان انتظرتك <<< كثرلي منها

تحياتي لك

أحاسيس ماطرة

للخواطر والقصة القصيرة

&* ~ ( ستار اكادمي ) ~ *&

هجاء خالد المريخي لنبيل شعيل

قـال الشايب ..

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق