أحاسيس ماطرة

فهد المهوس · #1

للانسان ذكريات جميله وعسيره ...وماأكثرها في اذهاننا فمثلا اعسرها هو هجرتي عن منطقتي الجميله حائل ........

ومن ذكرياتي الجميله في موطني ا ديرتي الاصليه عروس الشمال,وأكثر ماجرحني هو ان أحداً من الشباب وكنا في مجلس((والبلوت شغلها جامد)) فجبت طاري حايل
وللاسف اخذ يستهزي فيها وبأهلها..اييييييه وضاق صدري وقمت وتركتهم , وانا جالس تذكرت الذكريات آآآآآآآآه يابرانهاوأهلها هواها

$ قد تكون هذه القصيده رد أم هويه==ام فخر واعتزاز==ولكــــن ربما كانت للرد اقرب... مذكرات حايلي

هلابك يابعد حي جيت لشـــــوفتك شفقـــــــان
وروحي من لوعتي تشكي جروحي من يداويها

من حايل جيتك يابنت أسمي مــهــاجر الخـــلان
الدنيا معاشر بعمري بافــــراحها وشقــــــــــاويــها

من حايل جيتك شوقاً لودك الغضــــــــــى ولهــــــــان
كتيتك في هوا حايـــــــــل ورسمتـــــك في ليــــاليها

حايلي من قرى حايل جدودي من روضـــــة رمـــان
ربي يرحـــــم نفوساً زكيــــه ميــــته فيـــــــــها

حايلي والكرم طبعي تسولف بصيـــــــتي الاوطان
أسمَي بفعلتي نفسي ودروب المـجــــــــد باغيها

إذا بعدك اضمى احساسي بقراح شعبـــانها رويان
ولا ضيق صدري غيباتك أغني النسمــــه أخاويها

تسامر نجومها دمعي لاهمَت بجـــــوفي الأحــــزان
وتوسع خاطري قمـــــراء تنــــــور في صحـــــاريها

شمايل لامنها هبت يصـــــرخ الصخــــــر بــــــــــــردان
وينشب الحطـــــــب جمـــره تــــدفي مـــــن يــــدفيـها

ولاربَـــع الربيـــع أنــــظم قصـــــيدي والهٍ هيمـــــــان
"الخزامى" منبــــــع حروفــــي والخضــــره هي قوافيها

سمــــاها تطرق الهـــــامي لاخـــــاوت ديمــــه الامزان
ولا قامت ترقــــص العشبـــه بهواهــــــا في نواحيهـا

وثراها بنظرتي ثريا ويبــــاسها بنظرتـــي ســــلوان
لاعاش من انتشل غمـــــــده وجــــرح بطـــواريـــها

تعرفني هبة النسناس وتخـــبرني حـــدرة الضــلعان
حايلي والفخر يابنت نفـســـــي العزه كاسيــــها

**** مع التحيه للجميع***

مــهــاجــر

بنت النور · 04-03-2004, 06:40 AM

معااااااااااااااش من يهزأ في الشمااااااااال

ينقص لساااااااااانه

قلبي قام يغلي هالي منيب قايله وقام يتفلسف على حايل واهلها وهو مايدري وش السالفه اشك انه يغار منك يمكن ماله ديره ولاموطن

وربي قصيده رائعه

من حايل جيتك يابنت أسمي مــهــاجر الخـــلان
الدنيا معاشر بعمري بافــــراحها وشقــــــــــاويــها

ابداع

المجروح · 04-03-2004, 07:15 AM

السلام عليكم ورحمة الله وبركاته

اخي الكريم ...... حائل واهلها معروفين
وهم اهللا الكرم والجود
ولا تشيل في بالك
الناس مهيب سواء

واسمع المقطع هذا هديه مني لك وعساه يشتغل

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

فهد المهوس · 04-03-2004, 08:02 PM

بنت النور

ياغلاهم لك مني الف شكر على تعليقك الجميل ولاهنتِ على مرورك وتواصلك المتميز

======
المجروح

يابعد حيي ماقصرت على طلتك وشاكر لك إطرائك وهذا من طيبك

والف شكر على الإهداء

ولاهنت يانسل الأجواد

مهاجر

المجروح · 04-03-2004, 09:04 PM

الله يخليك يا المهاجر
هذا اقل شي نسويه عشان نوسع صدرك ..... اخبرك قافله معاك بس معليش هونها وتهون

Nasser · 07-03-2004, 10:43 AM

اخوي مهاجر

مشكور وما تقصر

والله كلمات جميله

كلمات عذبه

ولمن ؟

لحايل ( عروس الشمال )

الله يعطيك العافية

تحياتي

فهد المهوس · 07-03-2004, 08:58 PM

ناصر

هلا وغلا ياغلاهم

منورني يالغالي ولاهنت على مرورك وشاكر لك على تواصلك المميز

مهاجر

فهد المهوس · 07-03-2004, 09:03 PM

مجروح

ياحبني لك والله

تسلم

ابو مهند · 09-03-2004, 09:21 AM

وش نوحك معصب يابعد حيي .. اقول يكفي حايل انها انجبت ثلاثه

1- حاتم الطائي
2- محمد الدعيع
3- مهاجر

لك مني اجمل تحيه يابعد حيي

فهد المهوس · 09-03-2004, 01:48 PM

ياخلفهم ياب مهند

<--------- ياناس شوفوا كيف المعنويات تبي ترتفع

الله يجزاك الجنه يارب

اشكرك ياجدي هالزوووووووووول

مهاجر

مواضيع ذات صلة
الموضوع	الكاتب	المجلس	المشاركات	المشاركة الأخيرة
سلسلة مذكرات من ملكات جمال العالم للمثقفين فقط !!!!!	كمان	المجلس العام	2	07-02-2007 08:05 PM
من مذكرات همسة حق !!	همسة حق	عطر القوافي	16	05-02-2007 04:51 AM

أحاسيس ماطرة

للخواطر والقصة القصيرة

مذكرات حايلي

آآآه ياحروفي

[ .. ,,,, كلـــمات رائعــة ,,,, .. ]

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق

أحاسيس ماطرة

للخواطر والقصة القصيرة

مذكرات حايلي

آآآه ياحروفي

[ .. ,,**,, كلـــمات رائعــة ,,**,, .. ]

»

[ .. ,,,, كلـــمات رائعــة ,,,, .. ]