قالت ابعد ماني حلوة وادعت نقص الجمال
واني لو شفته بعيني عشرتي بس شهرين

وانها تدعي لي ربي بالصلاح وبالعدال
فيها من حب الطفولة بس عيبه نقص زين

والتفت اصد عنها خايف دمعي همال
كنت احسب انها بجنبي واحسب انها شوف عين

قلت يا بنت اسمعيني بس لله الكمال
وش بلاك اليوم صرتي في كلامك تجرحين

كل شخص فيه خصله وتنقصة باقي الخصال
كملك ربي بخصلة الوفا للمخلصين

يا بنيه اسمعيني لو صعدت اعلى الجبال
مالقيت بمثل حبك في الهوا والا الحنين

انتي اكبر في عيوني من حلا بكره بيزال
المحبه في فؤادي ما تزول ولا تهين

قد هوى مجنون ليلى واعطى من كل الدلال
والجمال الحين زال وانتي عرف العارفين

باقي منهم محبه ينضرب فيها المثال
للهوى رمز كبير للقلوب العاشقين

قالت اسكت يا حياتي يا بعد كل الرجال
الحلا فيني يفوق وصف كل الواصفين

كان قصدي بس اشوف كيف صبرك والاحتمال
في وصف عينك لعيني لو هو وصفي كان شين

هي سنه بيني وبينك والوله فيني هبال
خفت اقول اني احبك ثم اندم بعد حين

قلت يا بنت اسمعين لو يطول الانفصال
والله اني ما اخونك لو بعد كل السنين

اقربي يمي وتعالي نهدم جبال ثقال
ننسى هموما كثيره ما تفرح عاذلين

واحذري مره تقولي ان نقصك بالجمال
لان في حبك جمالا فاق وصف الواصفين