ذكرتك ياحبيب القلب وفاضت دمعة المحزون =تمنيت الزمن يرجع واصحح كل غلطاتي
تمنيتك لحلمي تزور واشوفك شوفة المفتون =لكن الأماني تصيب وفي مرات خايباتي
طعنت القلب بسهامك وكنت أصرخ واقول لاتخون =لكن صرختي ضاعت وسط ضجّة مسافاتي
رجيتك وزدت بالرجوى وظنيت الأمر بيهون =وخابت كلها ظنوني لقيتها تزيد شدّاتي
عِشِق والا نبض القلب مدري وش بعيني تكون =بس اني أدري انك لي تمثّل كل غاياتي
أقولك شي انت اللي وحيد بداخلي ومضمون =ومكانك لو تركته بيوم تظل حيّ بخيالاتي
وتدري إنه أصعب شي لجل عينك بعيني يهون =ولو تطلب مني الشّهد من جوف النحل ياتي
شفت وشلون مغليتك وحبي لك سند مرهون =وأبد لاترجّعه رهني إذا الأثمان آهاتي
ملامات الملا لو جت على لسانك تراك مجنون =ليه لحبنا تقتل لجل عابر وشاياتي
وليه تخلي للدنيا طعم حامض كما الليمون =وتقلّب جروحي اللي تسيّل فيض دمعاتي

وسلامتكم..