عندما تعجز دموع...!

كان الحزن مرمي على شاطئ غروب=غموض هالقصة المخيفة يدِينه
يثمل ولا رادع يفيقه من ذنوب=الناس ترفض رجعته للمدينه
يمكن رماه فلان وفلان مطلوب=يلطخ بدم الجريمة يدينه
قالوا : انتحر ..! فيه ناس قالوا : من عذوب ؟!=والبحر قال انه نهاية حزينة
مجهول ياازرق بطبعك ومحبوب=انت البحر لو تغرق احلى سفينة
ياما نقش بيده على صخرك قلوب=وياما على رملك رسم لك جبينه
ياما جلس وياك والعالم حروب=ينسى معك جرح الزمان وسنينه
ياما اخذ من طعم ملحك ومشحوب=وجهه..! وترك نفس الملامح رهينة
لكن صبر يارب ولا هو بايوب=استغفرك كن الصلاة بانينه
ماكان دمعه ثلج لكنه يذوب=على وقاحة هالنهاية بعينه
ونام بجوار البحر يتلحف هبوب=مايوقظه حلمك يا ياسمينه
لو نور هذا البدر عن ليل محجوب=كم شمع ..؟ مايفضح ظلام المدينة