أحاسيس ماطرة

فراشة الثلج · #1

((صرخااااااااااااااات حــــــــــــب))

التعريف على الأشخاص اللي في القصة :
عائلة ابو خالد:
ابوخالد:لأن اكبر عيالة خالد سمو ابو خالد وهو يملك فندق في الدمام وله افراع عديده في انحاء المملكة..
ام خالد: عجوز وربت بيت..
خالد: الاكبر عمره 22 اخر سنة في جامعة البترول..
ندى و هدى: توأم (والتوأم وراثة في العيلة) عمرهم 19 في اول جامعة تمريض..
تركي: عمره 17 في ثاني ثانوي علمي (لعاااااااااااااااااااااب)..
سلمان وسليمان: توأم عمرهم 16 في اول ثانوي
وعد: عمرها 15 ثالث متوسط
لؤي: عمره 10 في رابع ابتدائي
------------------------------
عائلة ابو عبيد:
ابو عبيد: لأن بكره 4 توائم (ماشاء الله) كلهم ب(عبد..) سمى ابو عبيد وهو تاجر له محلات كبيرة في انحاء الخليج..
ام عبيد: نفس اختها ام خالد عجوز وربت بيت..(وهي حامل بالأشهر الأخيرة وزي ما يقولون حملت بالغلط يعني مو قصدها تحمل بس احملت)
عبد المجيد وعبد الله وعبد العزيز وعبد الحمن: توائم عمرهم 20 في ثاني جامعة...:
عبد المجيد: جامعة البترول واللي يفرقه عن اخوانه التوائم هو انه غامض وضعيف حيـيـيل ..
عبد الله: جامعة الهندسة واللي يفرقة انه قاسي شوي وفي اثر جراحة في يدة من اولها الى الكوع (ولها قصة)..
عبد العزيز: جامعة الدكتوراه واللي يفرقة انه مفجوع ما غير ياكل (ماشاء الله) ومتين بس مو مره ..
عبد الرحمن: جامعة العلوم واللي يفرقة انه محبووووووب مرررررة وطوييييل مرة(الله يتم عليه)..
نوف: عمرها 19 في اول جامعة تمريض..
سطام: عمره 17 في ثاني ثانوي علمي (لعااااااااااااااااااااب)..
نور ونورة وانوار:توائم عمرهم 15 في ثالث متوسط ..
--------------------------------------------
____________________ بـــــدأت ___________________
كانوا البنات طالعين كورنيش الدمام مع الحريم تمشيه لهم بس .. كانوا الحريم جالسين على بساط في الأرض والبنات مفترفين عنهم كل وحدة في جهه .. وعد مع صديقتينها الروح بالروح وبنات خالتها وبنات عمها نورة ونور ..
نوف وندى مع بعض لأنهم اصدقاء في الجامعة وبرى الجامعة مررررررررره مع بعض .. هدى وانوار صديقااااااااااااااااات مره مره بس طبعا هدى اكبر من انوار بأربع سنوات .. لما كانت وعد تمشي نور و
نورة قالت نورة:وعد وشرايك تجين تنام عندنا انتي من زمان ما جيتي بيتنا لو اعد اتعب يمكن من عمرك 4 سنوات ما طبيتي بيتنا
وعد:وانتي الصادق من عمري 6 سنوات ما طبيت بيتكم
نور:اللي هو هاه وش رايك تجين بيتنا تنامين عندنا؟
وعد:افكر
نورة:ما يبيلها تفكير يا بنت الحلال تكفيييين تعالي
وعد:ما ادري بشوف
نورة:انا بكلم خالتي ام خالد وبقنعها
وعد:السالفة مو كذا انتي تعرفين ان جت فترة ماكنت اطلع فيها برى البيت وبعدين لما اكبر وفجأة تبين اجي بيتكم صعبة شوي وبعدين ما اعرف اعيال عمي مرة وما شفتهم يمكن حوالي 9 سنوات وهم ما شافوني كيف تبين
يكون اللقاء بينا صدقيني صعبة شوي علي
نور:لا صعبة ولا صعبة بس انتي تصعبينها تكفين وعد تعالي عندنا تكفين
وعد:خلاص خلاص بجي بس على شرط انتي تكلمين امي
نورة:ان شاااااااء الله من عيوني
___:ياحلو يا غزال كلمني
التفتت نورة تشوف وش السالفة اثر في واحد كان يغازلهم قالت وعد:وش يبي ذا؟
نورة:ما تعرفين يعني حركات الشباب الماصخه
قرب الولد منهم هو واثنين من اخوياه وقال:ياحلو نبي بس نظرة عطنا وجه
مشو وعد ونورة ونور والدم يفور في راس وعد قال:طيب خذي الرقمي وكلميني بس
عاد ما تحملت وعد اللي يصير وكانت ماسكة يد نورة وتضغط عليها بقوووة قرب الولد منها وطق كتفه بكتفها وقال:ليه ما ترد ين مستحية يا حلوة
قالت و عد بصوت عالي:اووووووووووووه الوضع ما ينسكـتله
قالت نورة بهمس:لاتفضحينا ما لنا خلق مشاكل
وعد:ما اقدر اصبر واشوف هالشيء قدامي
قال الولد:يحلو صوتك
لفت وعد على الولد ومن غير شعور عطته كف عصب الولد مرررررره ومن القهر شد عباتها طاحت عبات وعد الراس على كتفها فرفعتها وعد وهجمت على الرجال ومشعت شعرة واعفسته وقالت:هذا جزائك وتستحق اكثر
طبعا الولد ما راح يسكت ع الموضوع فمد يده عشان يشد عباتها ونقابها لكن جاء واحد من وراه ومسك يده ودزه على خويينه التفت الولد معصب وشاف ان اللي وراه ثلاث رجاجيل فنحاش هو وخويينه قال الرجال اللي ساعدهم
:لاعاد تعيدينها هل مرة نجاك ربي الله يعلم في المرة الجايه وش راح يصير ؟
وعد:شكرا اخوي
وجت بتمشي لكن الرجال قال لها:وين وين رايحه؟
وعد:وش تبي ؟
تكلم الرجال اللي كان ورا وقال:وعد الطريق من هنا
شافت وعد اللي تكلم وقالت:خالد وش تسوي هنا ؟
خالد:جايين ناخذكم
وعد:وهاذيلي معك؟
خالد:احلفي والله ما تعرفينهم؟
وعد:لا
خالد اشر على الرجال اللي دز الولد وقال:هذا ولد عمي ابوعبيد اسمه عبد الرحمن (واشر على اللي ورا)وهذا سطام
وعد:السلام عليكم
عبد الرحمن:مو كنها جايه متأخر شوي
خالد ونورة ونور ووعد وسطام:ههههههههههههههههههههههههههه
خالد:تأخرت على عبد المجيد يالله تراه ينتظرنا امشو نضف الاغراض
بعد ضف الاغراض واركبو السيارة وتقسمو على سيارة خالد وعبد الرحمن :
ام خالد وهدى وندى ونوف في سيارة خالد..
ام عبيد ووعد ونورة وانوار ونور في سيارة عبد الرحمن..
كلمة نورة ام خالد وطلبت منها ان وعد تنام عندهم وطبعا افرحت ام خالد وقالت عادي لأنها من زمان ما راحت بيت عمها ابو عبيد وناموا انوار ونوف في بيت ابو خالد عشان هناك صديقاتهم ندى وهدى وبعدين لما وصلو
البيت رقو الغرفة على طول وسولفو شوي بعدين انزلوا عشان يسوين لهم شوي سندويشات وعصير وهم نازلين من الدرج شافت وعد عبد الرحمن وقالت:عبد الرحمن نسيت اشكرك على اللي سويته اليوم
كان يطالعها بنظرات استغراب وكانوا نور و نورة ماسكه ضحكتهم التفت عبد الرحمن على ورا وقال:عبد الرحمن في وحدة هينا تبي تشكرك
قالت وعد:يعني انت مش عبد الرحمن؟
قال:لا
شوي وجاء عبد الرحمن وقال:وش مين اللي يبي يشكرني ؟
طالعت وعد الولدين وهي مش مصدقة اللي تشوفة قدام عينها شوي وجاء ولدين واحد منهم يقول:وش فيكم تأخرتو وش صاير
طالعت وعد الأربع الأولاد وهي مش مصدقة روحهه طارت تنقل النظرات بين الأربعة وبالأخير قالت:نسخه طبق الاصل
وطاحت على الدرج مغمى عليها قام عبد الرحمن ونورة انقلوها للصالة ونور ونورة فاقعين ضحك وجاب عبد الرحمن شوي ماي وكبه على وجهها قطرات قطرات حتى قامت قال عبد الرحمن:الحمد الله على السلامه
وعد:الله يسلمك
طالعت وعد الاولاد الاربعة وقالت:معقولة يكون الأخوان متشابهين لهذي الدرجة طيب ليه سطام ما تشبكم الا شوي شوي
عبد الرحمن:احنا توائم
وعد:ليه ما قلتيلي ان عندك اخوان توأم
نورة:حسبتك تعرفين
وعد:ايه اعرف توأمين اولاد توأمين بنات ثلاث توائم بنات بس مو اربع توائم اولاد
عبد العزيز:قولي ما شاء الله
وعد:ماشاء الله تبارك الله
عبد الرحمن:على العموم ليش انتو مو نايمين الحين ؟
نورة:حبينا نسهر شوي وناكل سندويش
عبد الرحمن:زين اجل مالا اي داعي لأن احنا بسهر على مسرحية خليجيه لطارق العلي وبعدين بنشوف فلم لمصطفى قمر اسمة (اصحاب ولابزنس)تحبون تجلسون معنا ترانا شارين بطاطس كثير وشوكلاتة وعصيرات بعد جلسوا تسلو معنا شوي
وفرصة بعد نتعرف على بنت العم القاطعة
نزل شوي حجاب وعد فعدلته بسرعة وقالت:موقبل ماتقولي كيف افرق بينكم ؟
عبد الرحمن:ليه ماتكتشفين بنفسك
وعد:مالي خلق
قالت نورة وبكل بساطة الفروق اللي بينهم (وهي مذكورة فوق في التعريف)وقالت بعد:اما اذا حابه تعرفين قصة الجراحة اللي اثرها لزال موجود لحد الحين فسألي عبد الله يمكن متشوق يقولك
عبد العزيز:بدت المسرحية
الكل اسرع واخذلة مكان في الصالة وكانت وعد صدفة بين نورة وعبد الرحمن جلست وعد تطالع الجراحة اللي في يد عبد الله وهي مصره الى بتعرف القصة ومن عبد الله بالذات وسطام ماكان معهم ..الضحك مافارق فم الكل كان طارق العلي
وزي ما يعرف الكل فنان بمعنا الكلمة ضحكوا وضحكوا حتى انهد حيلهم وبعد ما انتهت المسرحية بدى الكل يشوف الفلم المصري الي لمصطفى قمر (أصحاب ولا بزنس)كان في الفلم لقطات حزينة تقطع القلب كان الكل متأثر معبس الوجه ماعاد
وعد ونورة ونورجلسوا يبكون وشاهقون حتى خلصت الدموع وبعد ما انتهى الفلم راح الكل الى غرفته ماعاد عبد الله راح المطبخ قالت نورة:يالله مشينا نروح الغرفة
وعد:اسبقوني انتم عندي شيء اسويه
نور:كيفك اذا خلصتي تعالي فوق ..باااااااااااي الى حين
وعد:بااااااااااااي
رقوا نور ونورة فوق واتجهت وعد للمطبخ اول ما اوصلت قال عبد الله:اعرف وش تبين مالا داعي تتعبين نفسك لأني ماراح اعطيك ولا شيء ولا حتى اشارة واو دليل خلي نورة تقولك
وعد:وانا ما ابي اسمعها الا منك
عبد الله:قلتلك لا تتعبين نفسك لأني ماراح اقولها
وعد:وانا قلتلك ما راح اسمعها الا منك
عبد الله:اذا ماراح تعرفين ولا شيء
وعد:راح اعرف
عبد الله:صدقيني ماراح تعرفين
وعد:وانا راح اعرفها منك انت ولا تتحداني لأن كل من تحداني خسر
عبد الله:اذا اعرفي ان هناك من بيغلبك وبفوز عليك وهو انا يا مغرورة
وعد:انا مش مغرورة يا قاسي
عبد الله:بس ماراح اكون بقساوتك
وعد:انا مش قاسية
عبد الله:اجل انا القاسي ...يامغرورة
وطلع من المطبخ مدت وعد لسانها بغيض قال عبد الله:بزره ما منك فايدة
وعد:ياكبيييييييييييييييييييييييييييييييييييييييييي ير
ضحك بستهزاء وراح يرقى الدرج وكانت وعد ورا راح هو غرفتة وهي راحت غرفة نورة لما ادخلت قالت لها نور:مو كنك متأخرة شوي
وعد:خليها على الله وش نسوي الحين؟
نورة:انام
وعد:فكرة حلووووووووووة
وناموا وعد ونورة على السرير وحلمت وعد حلم غريب كان فيه هي وامها ونورة وسالم
______________________________________

أعجبتكم؟؟؟؟؟؟؟؟؟؟؟؟؟؟

فراشة الثلج · 16-07-2006, 09:54 PM

اكملها ولا لا ... ابي اشوف ردود

][المـؤيـد الهـادي][ · 16-07-2006, 10:13 PM

بارك الله فيك اختي ..
ونخلص قرايه ونرد ..
أنت كملي وحنا مو مقصرين بالردود ..

تحيتي

فراشة الثلج · 18-07-2006, 02:58 AM

مشكووووووووووووووووور يا ( المؤيد الهادي ) على الرد ولعيونك بكملها

التكمله:::::::::::::::

وناموا وعد ونورة على السرير وحلمت وعد حلم غريب كان فيه هي وامها ونورة وسالم (ولد خالتها ام سالم الله يرحمها ويرحم سالم ماتوا في حادث وكان سالم ولدها الوحيد وماكان عندها غيره)وشخص غريب ما اعرفتة كانت وعد جالسة
على كرسي وتطالع نفسها لما كانت صغيرة تقريب كان عمرها 6 سنوات ونفس الشيء نورة وكان سالم عمرة 11سنة وكان الغريب في مثل عمر سالم وشافت في الحلم ان الولد الغريب يلعب مع نورة بينما كان سالم يركض باتجاه وعد وهو يقول:
وعد وعد تعالي شوف هذا الولد اسمه (.....) وعد هذا هو الولد الي راح يتزوجك وانتي ابتنسيني لأنك راح تتزوجينه بعد ماأموت .. ما أموت .. ما أموت .. ما أموت .. ما أموت .. ما أموت .. ما أموت..
صرخت وعد:ماراح تموت .. ماراح تموت .. ماراح تموت
نور:بسم الله الرحمن الرحيم عليك وش فيك يا وعد عسى ماشر وعد قومي قومي
قامت وعد من النوم مفزوعة ولفت الى نورة اللي كانت جالسة بجنبها وقالت وعد لها:ماراح يموت صح ؟ قولي صح؟
نورة:أعوذ بالله من الشيطان الرجيم بسم الله عليك بسم الله عليك
وعد:انا ويني؟
نورة:أنتي هنا في بيتنا انا نورة يا وعد
وعد:ايه نورة شفته شفته
نور:بسم الله الرحمن الرحيم من شفتي يا وعد من؟
وعد:سالم يا نورة سالم
نورة:لاحول ولا قوة الا بالله العلي العظيم انا لله وانا اليه لراجعون وعد انتي ليش مو قادة تنسينه انسيه ياوعد انسيه خلاص سالم راح سالم مات ياوعد مات
ارفعت وعد يدها من دون شعور واصفقت نورة كف وهي تقول:انتي كذابة ..انتي كذابة
وجلست تبكي وتبكي اسرعت نورة وضمتها وهي تقول:انا اسفة ياوعد اسفة حقك علي ما كان قصدي ازيد همك بس لازم ترضين بالواقع اللي انت تعيشينه
سكتت نورة شوي بعدين قالت:وعد؟...سالم مات يا وعد
ضمت وعد نورة بقوة كبيرة وهي تقول:مات مات
نورة:يالله قوم صلي اذن الفجر
وعد:ان شاء الله
قامت وعد وهي مو قادره تشيل نفسها ودخلة دورة المياة توضت وصلت الفجر وبعدين اجلست شوي لأن ماجاها نوم وطبعا عز على نور ونورة انهم يتركها لحالها فجلسوا معها وقالت وعد لنورة ونور الحلم وقالتها نورة:ومين هذا الغريب اللي كان يلعب معي؟
وعد:والله ما ادري قال لي سالم اسمه بس نسيته وما اتذكر شكل هالولد ابدا ابدا
نورة:الله يستر منه والله يعين
وبعد ما سولفو لين تعبوا ناموا .............
---------------------------------------
كان اليوم هو يوم الخميس ولما جات الساعة 10 الصبح الكل قام وراحت وعد تحب راس خالتها ام عبيد وراس عمها ابو عبيد وبعيد جلس الكل على طاولة الفطور كان الكل في مكانه وبما ان نوف وانوار مش موجودين جلست جنب نورة في
مكان انوار وكان قدامها عبد الرحمن وسمو وبعدين كلو قال عبد الله:الا صحيح متى بتفارقين يا وعد؟
الكل استغرب من السؤال البايخ الي قاله عبد الله بس وعد استقبلت الموضوع بصدر رحب وقالت:ان شاء الله اليوم بيجي احد من اخواني وياخذني العصر؟
عبد الله:اووووووه يعني بنشوفك على الطاولة وقت الغد
وعد:ايه وانت متى بتنقلع من هنا؟
عبد الله:هذا بيتنا مو بيتك عشان تطرديني
وعد:لا بس حبيت اعرف عشان اخذ راحتي لأن بصراحة بوجودك في البيت احس بخنقه فضيعة فضيعة لا تطاق
بعدين قامت من على الطاولة وهي تقول:خنقه خنقه
وراحت بسرعة متجهه الى الباب عشان تروح الحوش وسمعت وهي طالعة صوت ضحك وعرفة انها هزأته عدل بعد تقريبا 5دقايق جاى عبد الله وهو يقول:وعد اليوم الفجر سمعتك تصارخين وسمعتك تتكلمين عن سالم ممكن تقولين لي وش القصة؟
وعد:انت ما قلت لي قصة الجراحة عشان أنا اقول قصة سـ..سالـ..سالم
عبد الله:خلاص بقول قصة الجراحة بس على شرط تقولين لي قصة سالم؟
وعد:لا ماراح اقول قصة سالم لأي احد في الدنيا غير نور ونورة ووعدوني ما يقولون حق احد
عبد الله:مصيري بعرف السالفة بعرفها ومنك بعد
وعد:انت واثق مرة بروحك
عبد الله:الثقة زينة وعدم الثقة خيبة
وعد:لا تتفلسف كثير يا ولد
عبد الله:لي اسم
وعد:والخيبة
عبد الله:تخيب أملك
وعد: ول ول وش هالدعوة وجع
عبد الله:يوجعك انا طالع
وعد:اذلف
عبد الله:باي
وعد باي
طلع عبد الله من البيت بينما جو نور ونورة و تقول نورة:اعجبتك الجلسة في الحوش مو من حلاتها كلها بلاط مافي الا حبتين ورود عند الشجرة الخبلة اللي هناك ماهي مثل حدايق العالم زرع يهبل ويفتح النفس اااااااخ بس
وعد:حمدي ربك غيرك ما عندهم بيت
نورة:الحمد الله على كل حال
وعد:تصدقين والله حوشكم خااااااايس
نور:توك تدرين؟
وعد:امشي ندخل بس
نور ونورة:يالله
دخوا نورة ونور ووعد البيت وراحوا الغرفة ....بعد الغدا قال عبد الرحمن:ياالجميع ياهوووووووووووووه طالعوني
التفت الكل يشوف وش يبي عبد الرحمن قال:دق علي خالد وقول لازم نجي بيتهم عشان نجلس مع بعض والكلام موجه للكل وقال اجيب البنات معي وتحديدن وعد يالله خلنا نروح ونجلس من زمان ما لعبة وهو واعدنا بلعبة حلوة مرررررة يقول
ان وعد تعرفها
وعد:والله ؟..ما ادري بصراحة بس اكيد راح تطلع جلسة حلوة وبعدين هذي اول مرة اشوفكم فيها بعد 9سنوات غيبة فرصة عشان اعرف طبعكم اكثر
عبد الرحمن:يالله عبياتكم يا بنات
اسرع سطام يركب سيارة عبد العزيز بينما اركبوا البنات في سيارة عبد الرحمن ..لما اوصوا كان خالد في الأستقبال وهو متحمس مرة والله يعلم ليه ..في داخل البيت الكل كان جالس قسم عبد العزيز الجميع البنات فرقة والأولاد فرقة
بدو عبد العزيز وسليمان ولؤي ويكتبون الأسماء ومهمة كل واحد وبعدين اتفقوا ان لؤي يعطي المهمات وعبد العزيز وسليمان يقيمون على من احلى واكثر استجابة للجميع ..بدى لؤي يعطي المهمات كان اولها لفريق البنات الـ7 وكانت الأولى هي
ندى قالها لؤي:ندى قومي وقوليلنا الشعر؟
ندى:اا..اممم لحظة شوي افكر ..لقيتها:
تعاهدنا نضل اثنين .. انا الرمش وانت العين
فداك العمر واحلامي .. وكل لحظة من ايامي
الكل:اوووووووووووووووووووووووووووه ياحركات ياحركات (وصفروا)..
لؤي:دورك يا عبد المجيد قول شعر؟
عبد المجيد:أرتاح يوم اعرف انك بخير وسلامة .. ولو يغيب الصوت تبقى معزتك ليوم القيامة
الكل:اوووووووووووووووووووووووه يا عيني ياسلام (وصفروا طبعا)
لؤي:دورك يا نوف قولي شعر؟
نوف:فجأة وبدون احساس ..بين صمت واندهاش ..نطق قلبي وقال:..احبك مووووت يا اعز الناس
الكل:اووووووووووووووووووه مانتيب سهل (وصفروا اكيد وطبعا)
لؤي:دورك يا خالد قول شعر؟
خالد:تصدق اشتقت لك ..انا اعترف
بعدك حياتي تختلف ..اصيح باسمك وارتجف
ومهما تغيب عندي امل ..بكرة تجي وبكل شوق
(استقبلك)
الكل:اوووووووووووووووه كفو والله قدها وقدود (وصفروا)
لؤي:دورك يا نورة قولي نكتة؟
نورة:واحد يحط جنبة سطل ماي لما ينام ليش؟ عشان يغرق في الاحلام
الكل ضحك وفقع من الضحك ..لؤي:دورك يا سطام قول نكتة؟
سطام:في واحد نام متأخر فاته الحلم
الكل فطس من الضحك ..لؤي:هدى قولي نكتة؟
هدى:في حمار شاف حصان قال:اااخ بس لو اني مخلص ثانوية
الكل ضحك وقام يفرفر في الى بيت من كثر الضحك ..لؤي:تركي قول نكتة؟
تركي:في اربعة راحوا البر رجعو ثلاثة ليش؟ تركوا واحد ذكريات
الكل:قدييييييييييييييييييييمة قدييييييييييييييييمة ..عدا نورة اللي جلست تضحك حتى انهد حيلها
تركي:صوت واحد يغلب جماعة
خالد:هذا في معتقداتك
تركي:متقداتي وانا حر كيفي
لؤي:خلاص كفايه خلونا نكمل وعد قولي مثل؟
وعد:الصديق وقت الضيق
لؤي:عبد الرحمن قول مثل؟
عبد الرحمن:جيت للأقرع يونسني..كشف عن قرعته وجنني
لؤي:انوار مثل؟
انوار:سلام على الدنيا اذا لم يكن بها..صديق صدوق صادق الوعد منصفا
لؤي:عبد الله مثل؟
عبد الله:الزين زين حتى لو قام من نومة
لؤي:نور قولي قصيدة؟
نور:قصيدة مرة وحدة ..طيب خلني اشوف وش حافظة .اممممم اه جبتها:
في عينيك اقداري واحلامي واسراري ..في عينيك ماهمست به للناس اوتاري
وما اخفيه في صدري ولم تنشده اشعاري ..وفي عينيك يا لهما تجلت قدرة الباري
وفي عينيك اعماق وافاق وشطآن ..وامواج وعاصفة وانسام والحان
فانت اليوم معجزة لم يعر فها انسان ..وفي عينيك سلطان وفي عينيك اذعان

وفي عينيك ياحبي للعشاق اوطان ..وفي عينيك غابات وآيات من السحر
تنادي العاشق المفتون للأغلال والأسر .. وفي عينيك الهامي وسر الشوق والعطر
وما ولي من الماضي وما يأتي من الدهر ..فكن لي النجم الحائر يهديه الى الدرب
وكن لي الجنة الفيحاء يا حبيب للقلب ..ففي عينيك وفي وجهك انظر قدرة الرب
فلا تعتب ولا تأسَ فانت اليوم في القلب
الكل:كشخة كشخة من ماكل قلبك ان شاء الله يتهنى فيه اثر الاخت تحب قووووووية مانتيب سهلة الله يستر منك
ضحكة نور وقال لؤي:سلمان قول قصيدة؟
سلمان:وش ذا الحظ يعني ما الا انا؟
لؤي:خلصوا البنات الـ7 والاوالد خلصوا 6 وباقي انت عشان تكلم ويصير 7 و7 يالله عاد
سلمان:طيب بشوف شيء حافظة عطوني مهله اتذكر ..ااااااه وانا ابو خالد جبتها:
اعذلتني ظروفي وانهكتني عزوم ..والوجيه احزنت لي والقلوب افرحت
اشهد ان الليالي ما تعرف السلوم ..قلب جافي لقاه ووجه صافي بحت
راهنتني تبلل بالدموع الكموم ..ويشهد الله عليها راهنت واربحت
احرمت نور عيني من ريم قوم ..بذرة وارتوتني واثمرت واطرحت
جادل دوم ماهي مثلها كل يوم ..استضاحت غموض وبالغموض وضحت
دورت بين قلبي والهدب درب نوم ..وامرحت وين مدري المهم امرحت
تنحت اسمي بقلب جيت فيه امعزوم ..واسمها بين جلدي والعظام انحت
مثل جفني لعيني بالنعاس امحكوم ..كل مانمت نامت كل ما اصحى صحت
ماتعارض كلامي غير عند اللزوم ..بس لا قمت اسولف واندمجت اسرحت
دايم ازعل عليها بس قلبي رحوم ..وهي تموت بعذابي من تحت لي تحت
الكل:اووووووووووووووووووووووووووووووووووووووووووه والله حركات وش قصتكم اليوم يا جماعة ؟!
لؤي:أنتهينا ..عبد العزيز وسليمان استعدوا .. هيه اليوم بنشوف من ربح في هذي المسابقة الحلوة والفريق الفائز جائزته بتكون من الفريق الثاني وهي تمشية من الساعة هذي الى الساعة 1 الليل والله يعين الجميع على الفائز
عبد العزيز وسليمان جهزوا النتائج ..
الكل:اسرع ياشيخ اسرع
لؤي:انتم مستعدين؟
تركي:والله ياخي تنفع نحطك في ستار اكادمي بدل هيلدا
ضحك لؤي وقال:النتاج هي ..فاز فريق البنات
نطوا البنات من اماكنهم وكل وحدة تضم الثانية وهم يصارخون ..عبد الرحمن:فايز محمد الدوسري على غفلة
ضحكوا الشباب بعدين قال عبد الرحمن:هدووووووووء هدووووووء اسمعوا وش راح اقول ؟
هجد الكل يبي يعرف وش السالفة قال عبد الرحمن:بما ان السالفة فيها انا احنا نعزم البنات على طلعه من الحين الى1الليل اقدر اقدر اقول ...استعدووووو ، تأهبوووووو ، انطلقووووووووووو الى السيارة .
راحوا البنات يلبسون عبياتهم وراحوا السيارة ..وتقسموا:
في سيارة عبد العزيز :تركي وسطام وسليمان وسلمان
في سيارة عبد الله:عبد الرحمن وعد ونورة ولؤي ونور
في سيارة خالد:عبد المجيد ونوف وندى وهدى وانوار
وتركوا عبد المجيد وعبد الرحمن سياراتهم في بيت ابو خالد وانطلقوا الى مجمع الظهران وتواعد الجميع على القاء عند الباب الرئيسي عند اذان المغرب وتفرقوا كل واحد طس في مكان كانت وعد مع نورة ونور ولؤي وعبد الله وعبد الرحمن راحوا
جهة الملاهي ولعبوا لؤي وبعدين طلب منهم لؤي انهم يروحون لأنه رجال ويعرف يلعب لحالة راحوا وعد ونورة ونور وعبد الله وعبد الرحمن يتمشون في المجمع شوي ..كان خالد وعبد المجيد وندى ونوف مع بعض يتمشون في المجمع .. كانوا
هدى وانوار وسليمان وسلمان رايحين مع بعض يلعبون الالعاب الي برى ..وكان عبد العزيز رايح مع احد اصدقاءه الي طلب منه عبد العزيز انه يجي المجمع ..وكان سطام وتركي رايحين يغازلون البنات كالعادة ويعطونهم ارقام (والله ناس)
كان عبد الرحمن يشوف فستان وسرح قالت وعد:عبد الرحمن أعجبك الفستان؟
عبد الرحمن:اه ايه يجننننننن
وعد:لهذي الدرجة تعالوا ندخل المحل اجل
تقدمت وعد شوي فمسك عبد الرحمن يد ها لفت وعد تشوفة وسحبت يدها بسرعة بس من تحت عشان ما يشوفون نورة ونور وعبد الله الحركة البايخة اللي سواها عبد الرحمن ..قال عبد الرحمن:وعد..؟
وعد:نعم؟
عبد الرحمن:كنت ابي اقول..اقول ..لا لا مش لازم الحين بعدين اقولك
نورة:ليه ما تقول الحين ..قول قول يالله
عبد الرحمن:انا قلت وعد مو نورة..عذروني بروح شوي بعدين برجع
عبد الله:انقلع
عبد الرحمن:باي
عبد الله ونورة ونور وعد:باي
--------------------------------------

][المـؤيـد الهـادي][ · 19-07-2006, 04:58 PM

يسلموووو أختي ..

وتسلم يداك على القصة الجميلة جداً ..

وهل هناك من تكلمه اخرى ..

تحيتي ..

قلم حر · 20-07-2006, 02:35 PM

سلمت أناملك .............. عزوحم

أحاسيس ماطرة

للخواطر والقصة القصيرة

((صرخااااااااااااااااااااااااااااااااااااااااااااا ت حب))<<قصة من تأليفي

أأأهـــداااء ... لكم من .. (( خارج الحدود )) ....!!!

من بين المجداف والصاري ،،

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق