أحاسيس ماطرة

THE DARK SIDE · #1

السلام عليكم

هاذي القصه من نسج خيالي وهي تمثل وجهة نظري الشخصيه بهالمجتمع

هاذي اول محاولة لي لكتابة قصه او بالاحرى اول محاوله لكتابه قصه باللغه العاميه

فاتمنى انها تعجبكم

او تسليكم قليلا وتروح عنكم

واعطائي رأيكم فيها

لا اعلم اذا كنت وضعتها بالمكان الصحيح او لا

لانها حقيقه ليست قصه قصيره

او بالحرى اتمنى ان الا تكون قصه قصيره

فالرجاء من المشرف اذا تفضل نقلها مشكورا الا المكان الي يراه مناسبا

الجزء الاول

بعد اختبارات الثانويه العامه باسبوعين

خرجت النتائج

كان احمد نايم بالبيت

فقام على صوت امه تصحيه الساعه 9 بالليل

تقوله ان اخوه علمها ان النتايج طلعت بالوزاره وانه يعرف واحد هناك

قام احمد من السرير وغسل وجهه ولبس ملابسه وشغل السياره

وهو في الطريق

احمد كان حاس بشعور غريب جدا عمره ماروده بحياته

فوقف على جنب شوي

حط راسه على مرتبة السياره

وجلس يفكر

معقول

معقول حانت ساعة الصفر

يعني خلاص كلها 10 دقايق ويتحدد مستقبلي

ذكر الله وتعوذت من الشيطان ومشيا

كلها 10 دقايق وهو بالوزاره

دخل الوزاره

مافي احد الوزاره فاضيه

مافي الا السكيورتي جوا

دق على الي زميل اخوه بالوزاره

الموضف : الو

احمد :الو السلام عليكم

الموضف : وعليكم السلام

احمد : الاخ سليمان

الموضف : سم اخوي

احمد : معك احمد انا اخو راكان

الموضف : هلا بك كيفك يا احمد

احمد : انا جاي بخصوص النسبه و ......... قاطعه الموضف

الموضف : خلاص خلاص فهمت انت وينك

احمد : تحت عند الباب

الموضف : اوكي دقايق وانا عندك

فهالاثناء كانت تراود احمد افكار بانه يمشي من مطرح ماجاء

بس فكر باهله لي ينتظروني بالبيت وش يقولهم

احمد "بينه وبين نفسه:طيب ليه ماقولهم مالقيته لا لا لا اكيد اخوي يبي يدق عليه طيب ليه مااقولهم اني نسيت جوالي او تعطلت السياره علي

وهو مستغرق بالتفكير قطع حبل افكاره صوت الموضف

الموضف: ها هات البشاره

احمد يوم سمع الكلمه بغا يطير من الفرحه

قال خلاص انحلت

احمد : معضلة سنه كامله انحلت في ثواني

ماني مصدق

قاطعه صوت الموضف مره اخرى

انت ماتبي تعرف نسبتك ولا جاي تسرح هنا

احمد: خلاص لا صحيت قلي النسبة

الموضف : 81

احمد : كم ؟؟؟

الموضف : 81 انت ماتسمع

منتب مصدق صح مبروك ياباشا

احمدوالدمعه تسبح عيونه : مصدق اكيد ماني مصدق احد يصدق ان مستقبله ضاع في يوم وليله

احمد لا شعوريا اتجه نحو السياره والموضف ينادي عليه واحمد مايرد عليه

الموضف طبعا كان يحسب احمد من الناس الي كان طموحهم النجاح وبس

او نقدر نقول الموضف ماعرف ان الزمن تغير

وصار النجاح مايسوى بيزه بدون معدل عالي

لحظات واحمد بالسيارة بدون ما يحس

وهو ماشي ولا يدري وين يروح

احمد مالقا حل أحسن من انه يتصل بصديقه فهد وإلا راح يطق

مسك التلفون واتصل بصديقه فهد

(فهد من اعز أصدقاء احمد ومن زملاء الدراسة وبداية المشوار)

فهد : الو

احمد : الو

فهد : هلا احمد

احمد:.......

فهد : احمد

احمد : ................

فهد : احمد وش فيك تكلم

احمد : ههههلا فهد

فهد : بدري تو ما نور الجوال

احمد : نور الجوال...ايه يحقلك من قدك

فهد: وش الي يحقلي

احمد : واضح من صوتك ان نسبتك تمام

فهد : افا يا احمد ماتتمنالي الخير

احمد ":مااتمنالك الخير ليه ماقلت شي

فهد : بس نبرة صوتك تقول غير كذا

احمد : لا اعذرني يافهد والله ماكان قصدي

فهد : ههههههه لا ياابن الحلال الا امزح معك انت وش بلاك ماصدقت خبر المهم ما علينا بشر كم جبت

احمد : زفت

فهد : كيف ؟؟؟؟؟؟

احمد : للاسف 81 زفت

فهد : لا حول ولاقوة الا بالله

فهد : والله وضيقت صدري يا احمد

والله ماتستاهل

احمد : ياابن الحلال مو مشكله اصلا انا كنت متوقعها

فهد : صحيح حتى انا وكل العيال

اصلا الي صارلك ماكان قليل

احمد : فهد عقلي خلاص بلد ماني مصدق الي صار

ولا قادر اتصور الي حصل لي

انا الي كنت طول عمري من افضل الطلاب اخذ 81

انا الي كنت الاول على مدرستي الحكوميه في الفصل الاول بنسبة 95 اخذ 81

احس نفسي راح انفجر

احس ان الارض ضاقت علي

فهد : لا ياحمد ماكنت اتوقعك كذا كنت احسبك اقوى من كذا

فهد : يا ابن الحلال انت شكل قصتك قصه

تعالي البيت انت يبيلك جلسه

احمد : ها لا مااتوقع اني ابقدر مالي خلق

فهد : ياابن الحلال تعال يعني وين بتروح البيت ومنتب رايح له خويي واعرفك
المهم تعال انا احتريك

احمد : اوووووف خلاص 5 دقايق وانا عندك
نهاية الجزء الاول

هاذا ياشباب الجزء الاول

واذا ودكم وتحمستوا للقصه قولولي

وانا بانتظار ارائكم

ܓ.¸turki¸.ܓ · 26-11-2006, 07:13 PM

تسلسل جميل بـ الافكار

بنتظار باقي الاجزاء

بشغف لها

دمت مميز

خلف بن فهد الراشد · 27-11-2006, 12:37 AM

THE DARK SIDE
عضو مستمر

ثمره عذبه من خيال خصب
هلا بهمهمت بوحك
مرحبأأأأأأأأأأأأأأأأأأأأأأأأأأأأأأأأأأأاالف بجود بنناك

{Butterfly} · 27-11-2006, 03:18 PM

,

بـ الانتظـار

أم يارا الصغيرة · 28-11-2006, 07:41 PM

القصه من البدايه مشوقه
وخصوصا انها تتكلم عن نبض شوارعنا وواقع أغلب الطلبه
الله يكون في عون أحمد
وصديقه فهد هل يقدر انه يهدي من روعه

THE DARK SIDE
بدايه موفقه
ونحن في الانتظار

أحاسيس ماطرة

للخواطر والقصة القصيرة

رواية قلوب قطعتها الصدور

مصافحة اولى

۞ ۩ قنــاديـــل ألاحــاســيـــس الما طــره ۩ ۞

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق