ليه نفكر مية مره قبل ما نذرف الدمعه ونفضفض باللي سبب لنا الهموم..

ليه ما يكون من حقي اني اصرخ في اي وقت احب وفي اي وقت احتاج فيه

للصراخ...ليه ما يكون من حقي اني اقول انا احب وانا انجرحت وانا انصدمت..

ليه قبل ما تطلع الكلمه خارج مجرى الكلام توقف غصب عنها..!!

ليه ما نبدي انفعالاتنا الا بالكتابه..والخط..؟ليه مالنا رفيق في وقت الهموم الا

الورقه والقلم..؟!

حبيبي.. او ياللي كنت حبيبي..

دايم افكر فيك واتذكر ..

( تجرح وتنساني ولا اقدر اسألك..من يسأل الجراح عن جور الجروح.. )

الى اي حد وصل ظلمك..؟ يا ترى تدري بالألم اللي سببته لي من بعد ما

رحلت عني وفارقتني بدون مقدمات..؟

والا تدري وش صار معنى الحياة عندي بدون وجودك فيها؟ صدقني حياتي

صارت اقرب للموت منها للحياة.. اتنفس واتمنى الموت..ووشلون يتمنى

الموت من مات وانتهى امره..؟!

ادور لك على الاعذار من كل ناحيه والقى جفاك يسبق وصلك وقسوتك تسبق

رحمتك تعبت وانا اداري عليك اغلاطك والملم احزاني واقول بكره بيصير

الوضع احسن.. بس الظاهر ان الوضع بيثبت على حاله..

الظاهر ان قلبك طردني من بيته وبعد هالجفا والهجر وش تتوقع مني اسوي..؟

بعد الجرح الدامي اللي خليته في قلبي وعيّا يتوقف.. ؟!

تتوقع اني باكرهك واحقد عليك..! لا ما اظن.. بس اتمنى اكرهك والفظك من

حياتي مثل ما سويت انت..

يا حبيبي حطمتني..

الحقيقه اخجلني تواصل الجميع..والحقيقه رقم 2 اني لما رجعت اقرا كلامي

حسيت اني ما كتبت شيء يذكر.. كنت اتمنى ان مستوى الكتابه يكون احسن

من كذا.. لكن ما قصرتوا كبرتوا راسي..

واتمنى اعيد صياغة الموضوع لكن بالفصحى وان شاءالله يكون احسن من كذا..

خربوطتنا الحلوه..

حياك الله ومشكوره على كلامك..

عازف..

هلا بالمبدع شرفتني بمرورك على كلماتي..

عاشق نجد..

تسلم يالغالي ما قصرت...

هداج نجد..

لما يتحول الانسان لمجرد حطام لا تسأله وش الحل لأنك ما راح تلقى اجابه..

ابو مهند..

شكراً يا سيدي...

هيشو..

مشكور هشوم....

البدر..

غمرتني بكلام ما استاهله..وان دل على شيء فما يدل الا على ذوقك

وحسن اخلاقك.. مشكووور

ريميه..

ايضاً وصفتيني بما لا استحق.. مشكوره يالغاليه على طلتك..