أحاسيس ماطرة

ابو مهند · 08-12-2004, 08:35 AM

8
8

تسلم ياوضاح كلك ذوووق ,

اجمل تحيه لك ,

ابو مهند · 12-12-2004, 09:24 AM

اقتباس

الكاتب : rara


	قافيه جديده من دون ما اقصد يا هوى البال مريت قدام بابك وانجبرت اني اشتكيله يا باب قله اني في غيابي تماديت خبر حبيبي اني من فراقه عليله يا باب يوم انه نصاني انا اقفيت ما هو زعل لا لا والله ولاني بخيله تدري ظروفي صعبه ومنها عانيت تدري بعد يا باب ان ما بيدي حيله كلما تذكرت قلمي المكسور صديت عن الكتابه وصارت علي مستحيله وكلما قريت ابيات الشعر ونيت من هجري لحروفها مده طويله في ضيقتي بعالي الصوت ناديت يا فلان وينك هموم قلبي ثقيله يا باب اذا مر عليك قله اني مريت قدام بابه واني انجبرت اشتكيله

رائعه بكل ماتعني الكلمه , قصيده جزله , ومن نوادر الشعر , ارفع قبعتي احتراما لك رارا ,

rara · 15-12-2004, 04:48 PM

يوم اني شفت الغالي بالرمش هليت
والقلب يا باب يفرح في ملاقى خليله
شوقي فضحني في عيوني وصديت
الشوف ما يبرد القلب ويشفي غليله
احرقني الدمع في نزوله ويا ليت
يحس فيني شويه ويبطل هميله
نسيت همومي واني بيوم عانيت
يوم انه نطق اسمي وقلبه دليله
ويوم انه طرا الفرقا يا ناس ونيت
ونة الم وصحت على الله دخيله
يا باب قله اني من حروفه ما مليت
ولا من كثر ترديد آه يا حبنيله
ياما وانا بقرب حبيبي تمنيت
اني اخفف هم قلبه واشيله
يضحك وتصرخ ضحكته مليت
يكفي تظاهر بالفرح وتمثيله
جمعت احزاني وجروحي وناديت
ابيه يحكيلي همه وانا احكيله
زارني طيفه ومن النوم فزيت
احسب انه حقيقه زارني هالليله
يا باب قله اني في انتظاره تعنيت
يا ويل قلبي من عناده يا ويله

ابو مهند · 18-12-2004, 09:14 AM

على جمر الغضا زرتني وسجيت
في عز هالليل والمطر شاد حيله

صرت اتلفت لك يوم انت ناديت
وارحب بطيفك وصرت اشتكي له

لقيتني ضيفك وانت ضيف هالبيت
ياسرع هالليله والليالي طويلـــه

ليت الزمـــن وقف يوم انت مريت
و الدقايق ليتها ستـــين ليلــــه

تبي تعرف الحال يوم انت صديت
هي دمعه وحده صارت لك ذليله

وتبي تعرف الحال من بعد ماجيت
هي دموع الفرح لشوفــك قليله

ماعاد فيني حيل ودخيلك اذا مريت
تذكر سوالفنا اذا المطر شد حيله

ابومهنــد

ابو مهند · 22-12-2004, 02:34 PM

تبرق سماها وقلت يالله عسى خير
ويالله بهتان يسقى دار مظنوني

بيني وبينه علامه وهو يفهم التفسير
وكل قطرة غيث توصل له شجوني

صرت افرح بالمطر كالطفل الصغير
وافرح اذا عانقت عيونه عيوني

rara · 23-12-2004, 02:38 PM

يقولون تغيرتي حيل وانا اقول خير يا طير
مصير احوالي تتبدل والا الكثير عادوني
حشا ما جاكم مني غير غياب وشوي تقصير
امانه عاتبوني لو زليت واذا غلطت حاسبوني
لحظه عطوني لو فرصه اقدم عذري والتبرير
وبعدها يا تقبلونه مني او ترفضونه وتنسوني
اليوم يصدق معي شعري وبكره يخونني التعبير
وانا احتار كيف اوصف الم احزاني وشجوني
ساعات تضبط الحبكه واتخيل الفكره والتصوير
وساعات تصيبني الربكه وخيالي وشعري يجفوني
مرات يستقيم البيت وما يحتاج مني اي تغيير
ومرات اكثر يجي مكسور يون ويصيح داووني
ايام اهجر اقلامي وايام اكتب بدون تفكير
واذا انجرحت والله لا اقلام ولا اوراق يكفوني
نبهني عقلي كم مره وحذرني قبلها الف تحذير
ترا ما غير شعرك بيكون سبب في اثارة جنوني

ابو مهند · 29-12-2004, 02:35 PM

فز قلبي يوم شفتــــه بالثمامه
الحكي ضاع وتلعثمت بحروفي

شفت خطواته وشفت ذيك العلامه
ودي احضن جرة رجوله بكفوفي

الغزال اللي رمى قلبي بسهــــامه
من بعد ماغاب ما اصعبها ظروفي

روعة اسلوبه والعذوبه في كلامه
اضمن الما لو تجمد ذاب جوفي

ابو مهند · 09-01-2005, 11:06 AM

ياحياة الشقا وياحياة الندامه
ان حكيت الدمعه تسابق حروفي

ويل حالي يوم قالت ( مع السلامه )
بس احاول امسح الدمع بكفوفي

ياحمامه هاتي اخباره ياحمامه
واذكري اني بدونه قل شوفي

كل ما سجيت يطرى لي كلامه
وان ذكرته زاد فيني نبض جوفي

rara · 28-01-2005, 11:01 PM

طفح كيل الصبر مني وافلت من يدي زمامه
مل من كثرة هروبي وهجر اقلامي وعزوفي
حسرتي بقلبي وحزني مع الم الفرقا غمامه
الندم والضيق جيره والهم والغم ضيوفي
شفته اليوم صدفه وانقلب حزني ابتسامه
ومشيت له وانا افكر كيف اشرح له ظروفي
بضحكته لي وسلامه زال عن قلبي ظلامه
وابعد بترحيبه هم(ن) ارهق بثقله كتوفي
ادري انه يخفي ضيقه وذي ما يبيلها فهامه
وادري ان ما لي عذر غير اسئلته وخوفي
ولو غاب عني وتأخر ما عليه اية ملامه
اعذره ان هو تجاهل وابعد عن عينه طيوفي
كل جرح ممكن يطيب الا بس جرح الكرامه
ودي اتكلم واعبر لكن خانتني حروفي
بانتظر ممكن يجي يوم يحسسني بغرامه
وقلبي يسكن بقلبه ويحضن بكفه كفوفي

ابو مهند · 30-01-2005, 02:58 PM

من قال انا مليت عساه ينكسر ابهامه
مجنون من يخسرك يازين الوصوفي

نفسك عزيزه وماعلى مثلك ملامه
اساير الوقت وارخص لك حروفي

اشكي عليك الحال ياراعي الشهامه
عساها ماتكثر عليكـــــم ظروفي

واحد صغير السن في عمر الفطامه
والثانيه تحبي وماتعرف وقوفي

عليهم اصفق بكفوف الندامـــــه
بعد ماكانوا تحت عيني وشوفي

ابو مهند ؛

مواضيع ذات صلة
الموضوع	الكاتب	المجلس	المشاركات	المشاركة الأخيرة
انآ [ بنت ] وقت آلشدايد فيني [رجـولــه] ღ♥ღ	المليحة	مجلس الجوالات والاتصالات	19	07-03-2007 08:04 AM
الله اللّي عزّني وأنشأ جذور العزّ عندي كيف لا؟ وأخر نسب فيني جذوره هاشميه	الحمررري	حدائق الأدب	2	24-02-2007 05:40 PM
مجموعة من المستخدمين يرفعون دعوة قضائية ضد شركة ديل بسبب أعطال في كمبيوتراتها المحمولة	معانق الليل	مجلس الكمبيوتر والإنترنت	5	21-01-2007 08:19 PM

أحاسيس ماطرة

للخواطر والقصة القصيرة

ماعاد فيني حيل

رسالة من مواطن الى وطنه .....(خاطرة بدون تعليق )..... نوف الهاجري

°o.O ( ( شمعة النقاء ترحل )) O.o

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق