| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
02-08-2004, 10:45 AM
|
#61 | |
|
عضو مستمر
  |
رد : ماعاد فيني حيل
ابحكي لك وللاستاذ القصه من بدايتها انا لّي تحت وهي لّي فوق انا الظلام وهي النور انا اللي معي ما ياصل قيمة سرير قطوتها ربت محفوله تحت ريشة نعام وفي بلاط قصور ولكن كل الترف ما له قيمه الا تحت امرتها عطر باريسي من شانيل وشنطه من كريستيان ديور وميك اب من سان لوران كلها ماركات خابرتها عيونها كنها بلور في بلور في بلور تشع وتبرق بالالوان من الله هذي خلقتها تتوحم امهات(ن) فيها حمّل كل تسع شهور على رجوى بشايرها ولا لاحت بشارتها عليم الله يا مهاجر انا في حسنها مسحور اطير باحلامنا فوق النجوم وهي نجمتها 
|
|
|
|
02-08-2004, 11:41 AM
|
#62 | |
|
عضو مؤسس
|
رد : ماعاد فيني حيل
ودي تشوف اللي تعذبني محبتها غاده وهيفا ونجلا وبدر بدور كل المعاني تليق بحضرتها اذا حضرت يفوح المكان عطور تلفت نظر من كان بحفلتها كل الانظار عليها بدون شعور واعلى طموحي تلمحني نظرتها صدقت اني بعالمي مشهور وذبح القلوب اسباب شهرتها .. وسلامتكم ..
|
|
|
|
|
02-08-2004, 12:11 PM
|
#63 | |
|
عضو مؤسس
|
رد : ماعاد فيني حيل
 ..... كم اضحكني هالوصف .البديع .. |
|
|
|
|
03-08-2004, 12:12 AM
|
#64 | |
|
فـقـيـر الـحـــظ
شاعر المجالس   |
رد : ماعاد فيني حيل
واكتب كلامي عله يوصل مقام حضرتها شي وصفته بالوصف يبعد بحور وشي اشوفه بالغلا من مثالتها بنت الدلال اللي بها العز محفور تبغى الدلال واللي يحبه لقدرتها اجمل جمال والروح بالروح وسفور وارقام عز كنها تبني بسفارتها حضورها واهالها كنها الحور واوصاف كلن يبي يليق بمقامتها ولكم شكري
|
|
|
|
|
03-08-2004, 06:16 AM
|
#65 | |
|
كبار الشخصيات
(صمت الحروف) |
رد : ماعاد فيني حيل
وش هالكلام قلت فأبدعت وببساطة الكلمات عبرت سلمت اناملك ياابومهند ولاهنت ننتظر جديدك ومزيد من ابداعاتك 
|
|
|
|
|
03-08-2004, 07:48 AM
|
#66 | |
|
عضو مستمر
|
رد : ماعاد فيني حيل
مهرها حبي والشبكه حياتي وقلبي دبلتها غلاها كان تحويشة عمر بشعور فوق شعور ايلين اكتظت الاشواق والهتني بكثرتها اقرب منها كم خطوه وابني بيننا الجسور تعب حيلي من التلميح يا ربي وش تاليتها اقول انسي تقول داكور اقول اوكي تقول لي شور جرحت قلبي باجابتها وابهرت عيني بثقافتها انا كنت انتظر عينها تدمع وقلبها مفطور وتفاجات بتظاهرها بقوتها وصلابتها عزيزة نفس ما تتنزل وتجبر خاطري المكسور وانا اللي اموت ولا اكسر خاطرها وكرامتها واداوي جروحي بالكتمان عسى ما تكشف المستور ونزفي للدما اهون علي من نزف دمعتها |
|
|
|
|
03-08-2004, 12:01 PM
|
#67 | |
|
عضو مؤسس
|
رد : ماعاد فيني حيل
فراوله .. تركتي اثرا من عطورك على هذه الامسيه الرائعه .. استاذه رارا .. صح لسانك .. داكور .. اقول اوكي .. تقولي شور ..  <<< من يقدر يجاريك ؟ الف تحيه للجميع .. ابو مهنـــد |
|
|
|
|
03-08-2004, 02:41 PM
|
#68 | |
|
عضو مؤسس
|
رد : ماعاد فيني حيل
عساه فدوه لعيون قطوتها واللي يقول اني بها مسحور يجيه يوم يذوق قرصتهـــا صوته هديل مثل حمام السور واذا حكت تميزها بحتــها واذا سكتت يعم المكان شعور سكوتها هو سر هيبتهــــا ياصاحبي والله ما اسمع شور اجل ياليتك تشوف مشيتها عليها مشيه توقف الطابور واذا وقفت يمشون بساقتها واللي يشوفها يبي له شهور ولا يموت ماينسى حضرتها وسلامتكم ,,
آخر تعديل ابو مهند يوم 03-08-2004 في 02:52 PM
|
|
|
|
|
03-08-2004, 03:18 PM
|
#69 | |
|
متميـزه
|
رد : ماعاد فيني حيل
ويعطيكم ألف عافيه على الصرح الشامخ من القصائد وروعه أخوي أبو مهند وصح لسانكم وحبيت أشاركم وأضيف لسحر قصائدكم .... ________________________ بعبر عن أشواقي وبختصر كل السطور مع إنسانه في حياتي على الحب عاهدتها ... وبعترف لها ان قلبي لها ليوم الدين مأسور عزيزه النفس وأصيله ويا محلى سيرتهــا ... ما أطـيق حالي من دونها وببعدها مقـهور رفيعه الشأن وكل أحزاني معها تطويها ... عمري ما كنـت على حبهـا ياناس مجـبور من يعرفــها يحبها ويمــوت بضحكاتهــا ... يا زيـــن أيامـــي لا مــرت عليها وتـزور تقبل بحسنها الطـاغي بروحـاتها وجياتها ... انا من نفسي يا ناس عليها اليوم غيــور ربي العالم اني من نفس نفسي هويتـــها ... أصـــبر على الفرقا والله مع كل صـبور أصبر علـى البـعد والغـربه وكل رحلاتها ... اليوم انا عاشق قلبها وأصبحت مشهور ما أقـوى حزنـها وجـروحها ودمعـاتـها ... ولو حزني قطره تجي بأفراحها بحور أجمل معانـي تـرسم بخيـالها لوحـاتهــا ... لو شفتها يملي علي وجودهـا الزهور طيبه الكـون طــيبتها ويا كثـر رقــتهــا ... أشهد لكم اني فاقدها من أيام وشهور ولو يصيــر المستحيل أبد انا ما هجرتها ... حالتي صعبــه والكــل يقـول مسحور!! وإن كان صدق انا مسحور ! فبسماتهــا ... تستاهل الورد وريح الخزامي والعطور الورده الخجوله وتكمل بسحر نظراتهــا ... أقولكم يا بشر !! وحالي اليوم مسرور مهما تبعد وتجفي انا حبيتها حبيتهــا .!... وأحد(ن) يعاف دنياه لي أقبلت عليه بنور هي نور عيوني وقلبي لها أهديتهــا ... يا نظر عيني انا معــك بكــل الأمـــــور في حلوها ومرها انا وحدتي ! مليتهــا ... يكفي علي الأيــام والشــهور تـــــدور الـود ودي وقفت قــبال بـاب بيتهـــــا ... اللـــه كريـــم وضعي اليوم ميســــــور أبيها مثل الزهر وتبعد عن معاناتـــها ... انا يا نـاس في حبهـا اليــوم معـــــذور سبحانه كيف سواها والقمر سميتـــها ... اتمنى جد تحوز عن رضاكم وتعذروني عن تشويه كلماتكم برذاذ حبر أقلامي وخربشات أوراقه لك الشكر والتقدير لكم ... تقبلو صادق الود مني وأرق التحايا ،،، أســـــــــــ قلب ـــــــــيره ؟؟؟
آخر تعديل أسيره قلب ؟؟؟ يوم 03-08-2004 في 03:32 PM
|
|
|
|
|
03-08-2004, 05:35 PM
|
#70 | |
|
عضو مستمر
|
رد : ماعاد فيني حيل
ترا ما ابطا بي الا دورة الايام وقسوتها انا اللي جيت لها والريح تعوي والشتا مسعور ولا به من دفا والمربعانيه في شدتها ورحت اسري لها لا همني وحشه ولا ديجور وهذي رعشة كفوفي ولا به من يدثرها تعودت ادخل من البوابه بدستور وبلا دستور ولا يدرون الاي فاتح الذرفه اليمنى ورفيقتها واليوم ما لقيت احد يطردني او يقول لي غور ولا حتى سمعت تغريد اللي تنقذني بطيبتها دخلت الحديقه ما شميت ريح المسك ولا الكافور سرق منها الجفا والبرد نضارتها وخضرتها بكى الشلال بدموع المطر وقال والله انا معذور اميرتنا جا خذاها العم وغابت عن ديرتها |
|
|
|
 |
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| انآ [ بنت ] وقت آلشدايد فيني [رجـولــه] ღ♥ღ | المليحة | مجلس الجوالات والاتصالات | 19 | 07-03-2007 08:04 AM |
| الله اللّي عزّني وأنشأ جذور العزّ عندي كيف لا؟ وأخر نسب فيني جذوره هاشميه | الحمررري | حدائق الأدب | 2 | 24-02-2007 05:40 PM |
| مجموعة من المستخدمين يرفعون دعوة قضائية ضد شركة ديل بسبب أعطال في كمبيوتراتها المحمولة | معانق الليل | مجلس الكمبيوتر والإنترنت | 5 | 21-01-2007 08:19 PM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
