| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
أحاسيس ماطرةللخواطر والقصة القصيرة |
إعلانات منتديات منطقة الرياض
|
|||||||
|
|||||||
 |
|
|
LinkBack | أدوات الموضوع |
|
#1
|
||||
|
||||
|
قصة ذيب بن شالح صدقوني تستحق القراءه
جايكم الليوم ومعاي قصه حلوه <<<<<<< يحب سوالف الشياب المهم هاذي قصة شخص اسمه ذيب بن شالح هاذا كان مطيع لابوه وبارآ به لدرجة ماتتخيلون المهم هي قصصه كثيره ذيب بن شالح بس بحاول اذكر بعضها المهم شالح بغا يختبر عياله هو عنده اكثر من ولد كان متزوج ثنتين الاولى جاب منها عيال وبنات والثانيه جاب منها ذيب المهم يقولون ا ايام اول اللي يشب نار اخر الليل معناته ان في مصيبه صايره المهم ذيب كان عند امه واخوانه عند ابوهم شالح وحرمته الاولى المهم شوي الا وذيب جاي لابوه على الفرس مسرع وسيفه في يده قال وش فيه يابوي قال شالح: مافي شي بس حرامي جااء بيسرقنا وذبحته قال ذيب وينه يابوي قال شوفه غطيته هناك المهم راح ذيب وفك الغطاء اللي على الحرامي الا وهو مو حرامي طلع ذبيحه<<<<يعني خرووف قال يابوي هاذا وشهو قال ابوه هاذي ذبيحه لك ولامك يقولون ان ذيب وهو فوق الفرس غرز السيف في الذبيحه ورفعها بيد وحده وراح جهت امه قال شالح عز الله اني جيت بولد _____________________________________ والقصه الثانيه كانت يوم غزوهم قبيله كبيره المهم تصداء لهم ذيب وجمعاته اللي كان عددهم تقريبآ من 16 الى 20 فارس المهم يقولون كان ذيب الى منه هجم عليهم مايهجم من الواجهه ولا يهجم من جمب لا يقوون انه كان يهجم من الزاويه ويطلع من الزاويه الثانيه ويوم خلصت المعركه رجع لابوه وقاله ابشر يابوي ابشر قال وش صار ياذيب قال ذبحت اميرهم يابوي قال ابوه وش الماريه<<<<<يعني وش الدليل قال يوم ذبحته يابوي تناقزوا عليه الفرسان قال بيض الله وجهك ياذيب ___________________________________ وهاذي قصته يوم كان مسافر جو القبايل اللي حول قبيلة ذيب اغتنموا هالفرصه ان ذيب مسافر وقطعوا الغدير اللي يصب على نخل ذيب وجماعته قال ابوه قصيده في ينتخي بذيب الصراحه القصيده ماهي عندي بس بحاول اجيبها المهم جاء ذيب ورد بقصيده على ابوه ومرت الايام وجو البنات اخوات ذيب يصيحوون ويبشرون ابوهم قالوا يابوي ابشر قال ابوهم وش فيه يابنات قالوا وصلنا الماء يابوي قال ابوهم وهو مستغرب: كيف قالوا البنات: بس يابوي في دم مع المويه قال ابوهم: هاذا ذيب جاكم _____________________________________ يقولون ان اللي ذبح ذيب هو ابوه السالفه هاذي هي: كان في رجال من احدى القبائل المعروفه حاجر بنت عمه في كهف طبعآ معنى الحجر هو(انها تتزوج من عيال عمها) وقالها اطلبي مهرك البنت ماتبيه وتبي تعجزه قالت له ابي مهري راس ذيب بن شالح لانها عارفه ان محد يقدر فيه الا اللي خلقه المهم ومرت الايام ويجي ابو ذيب ويقول والله في ناقه عند القبيله الفلانيه يازينها زينها ياليتها عندي وانا ابوك قام ذيب وجمع الفرسان من قبيلته وراح بيغزي القبيله اللي عندهم الناقه الفلانيه اللي يبيها ابوه وهو رايح لذيك القبيله مر على الكهف اللي فيه البنت وولد عمها ااالي حاجرها المهم جاء الرجال اللي حاجر بنت عمه شافهم يوم جو واختباء خلف صخره ورما واحد من الرجال اللي من جماعة ذيب بالسلاح واستغرب يوم ذبح الرجال كل اخوياه هربوا المهم راح يشوف اللي ذبحه وش معه من زاد او عتاد يوم شافه ناد بنت عمه وقال شوفي هالرجال اللي ذبحته هو مايدري من ذبح قالت بنت عمه ياويلي هاذا ذيب بن شالح الرجال استانس وقال اجل هاذا مهرك والمشكله انه ذبحه غدره وهو مايدري منهو قالت بنت عمه والله لو انك مواجهه ماتذبحه وتدري تراك حرام علي ليوم الدين هاه وصل الخبر لشالح ابو ذيب وقال فيه هالقصيده ياذيب انا بوصيك لاتاكل الذيب كم ليلة عشاك عقب المجاعه كم ليلة عشاك حرش العراقيب كم شيخ قوم كزته لك ذراعه معنى القصيده شالح يخاطب الذيب بأن لاتاكل ولدي ذيب لانه عشاك وقت المجاعه ومعنى حرش العراقيب اي /الابل تصدقون عاد انا من جد معجب بشخصية هاذا الرجل واسف على الاطاله بس بالامانه ماتستحق القراءه تقبلوا تحياتي
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| ((===الـــتـــغـــطـــيـــه الـــمــبــاشــره لــخـــلـــيـــجــــ18ـــي===)) | المجهول | عالم الرياضة | 57 | 31-01-2007 09:05 AM |
| سامي الجابر [ قائد المنتخب اليمني ] و اداره الهلال تشتكي ..!! | منسدح في طريق العليا | عالم الرياضة | 18 | 30-01-2007 11:31 AM |
| أوراق من حياة شاب سعودي!!! | جحــا | أحاسيس ماطرة | 35 | 28-01-2007 04:25 PM |
| المؤتمر الصحفي للكابتن سامي الجابر ( صوور + فيديو ) | رومنصي مشاكص | عالم الرياضة | 10 | 23-01-2007 05:54 PM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
