السلام عليكم ورحمه الله وبركاته

هذي اول مرة اكتب شسمه خاطرة على شكل قصة او قصة على شكل خاطرة

مدري وش يسمونه ماعلينا

.................................................. ...............

تصدق امس وانا نايم سمعت صوتك يناديني

تغيرت ملامحي وفزيت ادور من وين الصوت

ومن كثر مانوم غالبني قلت اكيد اتهيء

ويوم رديت ابي انام رد صوتك يناديني

وطار النوم من عيني

ودام صوتك ناداني اكيد انك محتاجني

وقعدت ادور في الظلمة يمكن القاك يالغالي

ناظرت مخدتي لقيت صورتك تناظرني

وبعيونك عتب تقول لي: مافقدتك ياخلي

وبدون احساس صرخ قلبي ولاصرخة مليون مطعون

وحضنتك صورتك وقلت فقدتك حييييييييل يالغالي

ناظرتني وقلت واشلون فقدتني وانت عني ماتسأل

اكيد الغير اشغلك ولقيت غيري محبوبك

تكفى فهمني ليه عني ماتسأل

قلي عذر واحد وانا اكيد بتفهم

لو لقيت غيري خوي ابساندك وابعد عن دروبك

وزاد العتب بيني وبينك وصرخت وقلت ماتفهم

ادري صوتي كان عالي بس انت لازم تقدر

انا يوم رحت عني وروحي تنسلب مني

تلقاني يوم ميت ويوم الموت محتار فيني

لاني بميت ولاني بحي من يوم فقدتك ياسندي

طلبتك بس هاليلة اسهر معي لاتخليني

واخلي قلبي المشتاق جمرة ودموعي نجوم الليل

وبدت سهرتنا وتذكرنا ايامنا وليالينا

تذكرنا ولد ام حصة جارتنا يوم طقيناه وقام يبيكي

وسهرنا ذيك الليلة لحد الشمس ماطلعت

على شروقها بدت صورتك قدامي تشقق

وصرخت لين بح الصوت وسرابك غاب عن عيني

وصحيت على نغمة الجوال يقول قم صلي لاتكسل

هذاك كان اغرب حلم ماادري اضحك او ابكي

وش كان قصد الحلم يفتح جروح الامس او يذكرني بالغالي

وتمنيت طيفك يمرني واقول له انت اغلى مااملك

تصدق حبك بقلبي تصدق اني مانسيتك .........
.................................................. ................

اكيد في اخطأ ومدري شسمه بس انتم ادرى لاجل كذا عرضتها عليكم

شاكر لكم تواضعكم

لاتحرموني من ملاحظاتكم الرائعة التي افتخر بها


اخوكم في الله ..

مجروح يبا ,,,