أحاسيس ماطرة

دايم الشوق · #1

حب يجي بالغصب يابنت مابيـــه
يالعنبوا حـب يجـي بالغضيبــــه
حنـا عيـال العـز والعـز نشريـــه
والذل ما نرضــاه حنــا عتيبــــه
لوأن زينـك مابه احـد يمــا ريــه
لـكن ذل النفس عنـدي مصيبــــه
مادام جدي رافع الراس هوليــــه
اذل نفســي عنـد بنـت غريبــــه
راسي عزيز ودوم ماني موطيــه
واللي خذاه النـاس ربــي يجيبــه
لو شدني يمك هوى القلب بنهيــه
عزمـي شديـد ولابـه احـد يهيبـــه
لو كان قربك شرب والقلب ضاميــه
يـمــوت راســي قبـل شـي يعيبــه

الشــاعر .. نايف بن فيصل بن عرويل العتيبـــي ...

،:،:، دايـــ الشوق ـــم ،:،:،

الجـــودي · 25-09-2004, 02:02 PM

مادام جدي رافع الراس هوليــــه
اذل نفســي عنـد بنـت غريبــــه
راسي عزيز ودوم ماني موطيــه
واللي خذاه النـاس ربــي يجيبــه

صح لسانك ولا هنت

قصيده رائعه

فيها من معاني الشموخ والكبرياء والعزه رائعه رائعه رائعه

ويعطيك الف عافيه

دايم الشوق · 28-09-2004, 12:03 AM

يعطيك الف عافيه اختي الجودي على مرورك ويشرفني جدا ان يكون ذوق راقي مثل ذوقك قد توقف ولو لبضع ثواني امام هاذه القصيده المتواضعه

عبدالعزيز الجلادي · 28-09-2004, 03:55 AM

حنـا عيـال العـز والعـز نشريـــه
والذل ما نرضــاه حنــا عتيبــــه

كفوووووووو كفووووووو

وصح لساااااااااانك مليووون ولاهنت

خالد اليزيد · 28-09-2004, 06:06 AM

السلام عليكم

صح لسانك أخوي العزيز

وتقبل تحياتي

دايم الشوق · 01-10-2004, 03:09 AM

مشكور اخوي عبدالعزيز ويسعدني ويشرفني تكون قصيدتي اعجبت ذوق رفيع مثل ذوقك

لُـجين · 01-10-2004, 07:34 AM

حنا عيـال العـز والعـز نشريــه
والذل ما نرضــاه حنـا عتيبـــه

لله درك
والنعم فيك وفي كل عتيبه ولايهون غيرها

صح لسانك
طبت وطاب بيت على العز رباك

تحياتي