بسم الله الرحمن الرحيم
السلام عليكم ورحمة الله وبركاته
اسعد الله اوقاتكم بالمحبه والرضا
ــــــــــــــــــــــــــــــــــــــــــــــــــ ـــــــ
يمكن الاقي بينكم
من يفهمه
مني كلام الروح
يستعذبه
ويقبل كلام اكتبه
يتقبله..يجاوبه
عطوني فرصه
بس ابوح
والبوح
ماهو كلام ارسله
والا اتنقى من اعسله
باكتب مثل ما اني انا
انا هنا
اكتب انا
تدرون عاد؟
لكل شي ابعاد
الا الشعور
ما له مدى
ماهو على كيفك يقاد
ما توجهه ..ماتحكمه
والا تحدد له
نطاقات العبور
الا الشعور
وش جمل الدنيا سوى
ضحكة طفل
ورده صغيرة في حقل
ما احد لها يهتم
ضحكة طفل وردة صغيرة في حقل
ياعمتي وياعم
عندي انا كبر الجبال
انكانها بالحجم
وعندي تمثل رمز اخر للجمال
بس ينفهم
والناس صارت للجمال متنكره
واجمل عطايا هالوجود
لما يجود
بانسان لا ضاقت عليك تتذكره
من بين لحظات الالم
ومن بين الحاح الكتابه والقلم
انا هنا
جيت لهنا
لا تسألوني ليه
جيت لهنا
هذا انا
لما اشعر بضيقه اجي
قولوا لي اكتب ما أشاء
قولوا ابد لا توقفي
لو القلم حتى بكى
ولا تطلبون اني ارتبها الحروف
اصلا انا مثل ما انا
وعن ما يدور بخاطري
ما ابتعد
على السليقه اكتبه
ما ارتبه
والا يصير كله كلام
من دون معنى والسلام
قد تسألون
هي وش تقول
ليه الجمل فيها اضطراب
وين الجواب
قد تسألون
وتسألون
واجاوب بكل اهتمام
احيان في يوم تمر
اربع فصول
واحيان يومي
بي يطول
كنه عمر
كني اسافر فيه
بس ما اصل
لنقطة وصول
واجي هنا
استجمع انفاسي
واقول لامس
ابنتظر للشمس
بكره بيجي
واقول لليلة البارح تنام
وابنتظر ليله تجي
ومعها القمر
وابدا اجمع هالجمل
بكل الامل
وتاقف هنا
كل الجمل
وتبدى الفصول
في دورة اخرى تب تمر
دمتم جميعا : )

الله الله

رائع . . رائع

أنزل القبعة احتراما لهكذا أدب