أحاسيس ماطرة

A $ R · #1

اهلين بكم جميعا /

قصة جميله لـ احد اصدقائي

.. بصراحة هو قالي لا تعلم احد بهم . لكني كتبتها من اجل انكم لا تعرفوني ولا اعرفكم . اكتبها لكم وكلي ذل وانكسار بـ اني اخون محمد .

محمد كان صغير جدا .. و عاش ببئية كئيبة جدا .. عاش على نكد وضيقة صدر .. لانهـ كل يوم يسمع المشاكل الي بين امه و ابوه .. وصل عمر محمد الى الـ 8 سنوات .. ابو محمد طلق زوجته .. وجلس محمد بعيد عن حنان امه و جلس مع ابوه وكان الاب يدلل محمد كثيرا قبل الزواج .. ثم تزوج ابو محمد وعانى من زوجة ابوه كثيرا .. الذي كانت قاسيه عليه جدا .. وصـل عمر محمد 12 سنه من التعب حتى جاءه لمحمد مرض نفسي .. وكان في صف السادس ابتدائي وكان محمد لم يضحك اطلاقا .. تعرفت عليه من صف سادس .. كنت اشوفه يقعد لحاله دائم .. كانت شخصيتي محبوبه من كل الفصل من كل المدرسة .. الكل يبغاني .. و محمد اشوفه لحاله دائم .. قلت لازم اتعرف عليه .. قعدت وياه اكثر من ثلاثة ايام .. وانا وياه حتى صادقته تماما وبدا يفضفض عن نفسه شوي . حتى ان دمعتي كانت على خدي من كثل الظلم و الحسره الي عاشها محمد .. حاولت اضحكه بكل السبل يضحك ويرجع كـ حالته .. ابوي دكتور نفسي سالته عن حاله محمد قالي ما جرب لـ حنان الاب ولا الام قلت وش علاجة قالي مدري !

وصلنا لـ الثالث متوسط . و كلمت وحده بنت بـ الماسنجر و عرفتها على محمد من خلال الايميل تعرفت عليه و بدات تكالمه بكل شفافيه و رومانسيه .. قبل اسبوعين بس .. صديقة محمد الي اسمها ساره .. قالت لهـ خلاص انا ما ابيك قال محمد ليه . قالت انت اكبر ملحوس شفته بحياتي مرة تسحب علي و مرة تكلمني .. مرة تخليني كاني امك .. ومرة تخليني كاني صديقتك .. ارسلت له اغنيه عافك الخاطر / و هذا هي الي خلتني اكتب موضوعي عن الحب

.. بعدها محمد تعب نفسيا .. حتى الكلام معي مـ يبغاني يقول ادري انك بتضحك علي ..

قلبي يتقطع على محمد .. ثم ماتت امه بسبب جلطة و كان محمد جنبي بالفصل وجاء المرشد الطلابي نا داني و قالي انت اغلى واحد عند محمد ابيك تقوله امك ماتت وش هالاجراام .. صديقي واقوله اشين خبر بحياته . ما قدرت اقوله قلت للمرشد اسمحلي . قالي بنعرض محمد للخطر احنا ما عندنا اسلوب يمكن يجيه شئ .. قلتله خير ان شاء الله ابيك تعطوني فسحة انا وياه قالي خذ فسحه انت وياه وطلعنا من الفصل .. بديت بالكلام معاه وقلتله امكـ ماتت .. الحمد لله كان تصرف محمد طبيعي جدا صاح فقط .. ما بانت عليه شئ ..

ما احب امدح نفسي انا مملوح مرة الله خلقني كذا .. يعني فيه كثير من طلاب المدرسة يبحبوني موب لله وانتو افهموها .. وكان البنات يفقون معي بالسوق ولا اي مكان اروح له ينطلون علي الرقم .. صحيح انكم مانتب مصدقين لكن الي يبي يصدق يصدق .. خخخخ المهم تعرفت على بنت كنت اسميها قلق لانها اربعة و عشرين ساعة تدق علي .. قلت لها اذا تبيني اعطيك وجهة ابيك تكلمين هذا الرقم .. واذا تركتيه ولا قلتيله شئ اخر شئ بيني وبينك اقصد البنت ..

تعرفت على محمد و حبته من قلبها .. محمد تركها ما ادري عنه ليه جاته النعمه ورفسها .. و قال لو تكلمين عبدالله ما كلمتك قالت له ليه قام يسب فيني و يسب .. في الاخير قالت هذا هو الي قالي دقي عليه هذا و هذا .. جاء محمد عن بيتنا قالي ليه تكلم خويتي ما يكفيك الي عندك يطماع .. اعرف حال محمد قلتله من عيوني ما نيب مكلمها .. اشوف الولد صار يسحب علي بقوة .. في المدرسة تعرف على ناس .. و انا تعرفت على ناس لانه صار يتركني .. و قرورو يوم يجون يخطفوني اذا طلعت من المدرسة وكان محمد معهم .. كلهم خايفين لانهم يدرون وراي ظهر وراي قبايل الا محمد كان يلعب عليهم و و و و .. اتصل واحد فيني وقالي كيت و كيت قلتله كذا قالي ايه .. قلت لـ محمد ابو حاله سمعني وجاء يضربني .. صحيح طقني لان جسمه اكبر مني وجاني بلحظة سريعا ما توقعت انه يطقني .. دقت صديقتي ساره على محمد و قالت له قال طقيت عبدالله وخليته مشوه . دقت علي مباشره و قالت صدق الكلام قلت ايه . قالت ليه تركته قلت ما توقعت يطقني ..

قالت اي مستشفى قلت اليوم بطلع , هو طقني على خشمي كسر خشمي وقررو يسون لي عمليه المهم قالت و الله ان ما قلتلي لـ اروح لكل المستشفيات عشانك .. علمتها قلت لا تجين قالت بعطيك ورده قلت اوكي .. جاء وكتبت على الورده محبتك ساره // وراحت ساره وقالت لمحمد ما ابيك الله لا يبيك .. ليه تطق خوييك قال كذا تراني اليوم ذابح عبدالله ذابحه .. انهبلت دقت علي قالت لي كذا وكذا قلتلها ما عليك منه .. قالت وش الي معلي منه .. والله ما اخليك ابد .. شاف محمد الا و الله الولد جاد وجايب سكين .. وجاء بدخل هي حست انه هذا محمد .. وصرخت قالت جايب سكين .. و الله كان حاميني وكان الدكتور عندي .. طعن الدكتور على بطنه واطح الدكتور .. وجات هي قدامه قالت لا تتحرك قالها بتحرك اذبحيني ولا يجي لـ عبدالله شئ .. وجو الشرطة مسكوه وطعن قلبي ساره

على بطنها وطاحت نقلتها لـ مستشفى على حسابي ودرا ابوها عني و و و ما قالي شئ بالعكس قالي انت رجال و ابن رجال .

محمد حاليا بالسجن ما توقعتها من محمد ابد

في الاخير / كل هذا خراط فاضي , تاليف مني // في اشياء صدقيه مثل اني زين هذا شئ اكيد

في الاخير / سلام / عبدالله

@@عليوي@@ · 20-10-2007, 03:22 PM

هع هع هع

الله يعين محمد

هع

مشكور خيو على القصة

تحيااااااااااااااتو

عليوي

مليت · 20-10-2007, 03:58 PM

# يسـتـاهـل التـثـبـيـث ,, في مـجـلـس الصـرقـعـة #

اقتباس

الكاتب : A $ R [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	ما احب امدح نفسي انا مملوح مرة الله خلقني كذا .. يعني فيه كثير من طلاب المدرسة يبحبوني موب لله وانتو افهموها .. وكان البنات يفقون معي بالسوق ولا اي مكان اروح له ينطلون علي الرقم .. صحيح انكم مانتب مصدقين لكن الي يبي يصدق يصدق ..

يـاخـي مـاتـسـتـحـي وانـت تـقـول الـكـلام هـذا ,, لالالا مصـدقيـنكـ
ههههههههههههههههههههههههههههههههههههههه
ههههههههههههههههههههههههه
هههههههههههههههههههههههههههههه
هههههههههههههههههههههههههههههههه
هههههههههههههههههههههههههههههههههه
ههههههههههههههههههههههه
ههههههههههههههههههههههههههههههههه

يعـطيـكـ العـافيـة عمـومـاً مـن جـد ضحـكتـني ..

A $ R · 20-10-2007, 09:29 PM

يرجال كل فقش بفقش

و لا انا زين اخيس واحد بالمنتدى خذها مني ,, ههههههههههههههههههههههههههههه

مشكور على المرور

اخيس واحد بالرياض

مواضيع ذات صلة
الموضوع	الكاتب	المجلس	المشاركات	المشاركة الأخيرة
رسولنا محمد صلى الله عليه واله وسلم (في عيون غربية)	الــســــيــف	المجلس الإسلامي	12	02-10-2007 08:39 PM
"الرياض" تنشر أسماء المواطنين الممنوحين قرضاً عقارياً بمنطقة الرياض	توتة	مجلس الرياض	6	10-04-2007 08:46 PM
نبذة عن الحارس الكبير محمد الدعيع...	زعيم القرن	عالم الرياضة	8	20-03-2007 12:14 PM

أحاسيس ماطرة

للخواطر والقصة القصيرة

قصتي محمد ,, خيانه , خيانه .!.

مِشْتَاقِلِكـْ

ذات وجــع . .

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق