::






بربــك .. أخبرني..!!

كيف لي أن أتنفــس الأمل من جديد ..!!

وأنت اقتلعت اخــر دمعة حنين من عيني ..!!



.,,

0
0
0



::


ياليتـنــي ضـليـّــت يــايمــه طفــل

العب وهمـي لعبتــي مـاتنكــسـر

ابكـي اليـا شفـت الظلام

وقبل العشـاء فــي حجـرتي

ارقـد ونـــام

حــاضــن بصـدري لعبـتــي

لاهـــم لاجــرح ودمـــوع

نــايــم تحـت ضـوء الشمـوع

كـل اللي اعشق بالوجــود

انتي وابوي

واخـتي العنـود

ياليتـنــي ضـليـّــت يــايمــه طفــل

يــاليتــني ضـليـّت يــايمـه طفــل

في صــدرك الدافــئ الحــنــون

كــان الوطــن

اللـه يـانـي اشتـقـت لــه

كـني انــا مخـــلوق لــه


الله يايمــه زمــان

يومــك تنــادينـــي تعال

عبدالله ياقلبي تعــال

ودي ابوسك واحضنــك

واجيـــك انـــا

اركض واصيـــح


الله يايمـــه زمـــان

واليـوم يــايمـه كـبـرت

شفــت القلــوب اللـي تخـــون

شفت الغــدر كـلـن عــلى بابـه يمــون


شفــت الخـيـانه مـاليـه كــل القـلوب

شفــت الالــم واقف علــى ذيـك الدروب


وشفتــهـــا ..

ذيـك العـــيــون ..

اللي احـلــفـت لي وقتــهــا لامــاتخــون


خــانتـنــي يــايـمه مـشــت..!!

خــانتـنــي يــايـمه مـشــت..!!

خــانتـنــي يــايـمه مـشــت ..!!


..

::


.,,.





مسـاء الذكــريات .,,

رغم الوجـع ,, كــان لابــد للقلــب من رجعـــه

من كتاباتي ..

اتمنى تلامس احساسكم ..






0
0
0




كان ياماكان

في ماضي السنين

بيت وجدار وحصيره

وكانت انفاسي قصيره

طفل همه ,, بس يلعب ماعليه

وكنتي طفله ,, دوم وانتي تسأليه

من هو يركض ,, ومن هو بس يركض وراه

تجري انتي ,, وكنت احاول امسكك

وسط حارتنا ومابين السكك

تذكرين

يوم مره ,, المرض خلاني باقي بالفراش

يوم جيتي تسألين

وين عبدالله علامه .. ليه مايلعب معاي

يومها امي ,, جالسه يمي ,, وتسقيني دواي

كنت اصيح

وقتها خفتي .. وصارت دمعتك تنزل تطيح


تذكرين

يوم تهنا .. ماعرفنا وين حنا

يوم قلتي ,, وينها امي

قلت لك ,, وش بك علامك .. لاتخافي

وقتها ,, والخوف نشـف كل دمي

تذكرين

يوم قلتي هالرياض .. ابوي يقول العاصمه

هي كبيره !!

يعني قول لي كم بيت ..

يعني عشره !!

قلت لك امي تقول ,, الناس فيها يسهرون

بس مدري كم عددهم ,,عشره والا ينقصون

تذكرين

يوم كنا دووم نتمنى ونحلم

يومك انتي تنشديني

وش تبي انتا تكون لاكبرت

قلت ابي اصبح كبير مثل ابوي ,,

واركب الطياره مع خالد اخوي ..


وانتي وش تبغي تسوي لاكبرتي !!

قلتي ودي اني اسكن بالرياض ..

ودي عندي كل شي مثل امي ,,

تذكرين

قلت لك ساعة تكوني بالرياض

والله تضيعي ,,

ويوم خفتي ..

قلت وش بك ,,,,,, لاتخافي

بكون انا وياك .... مع ناصر ربيعي


تذكرين

تذكرين

يوم نلعب ,, وسط حوش امك صباح

يوم كنتي ترسمين ,,,, بالتراب ,, صورة ارنب

تساليني ايش هاذي .. قلت قطوه

قلتي لا .. هاذي ارنب ,, وابتسمتي

قمتي من ثاني رسمتي

ايش هاذي ,, قلت مدري ..

مفترش هالارض نايم ,, والتراب ,, يحضنه بالحيل صدري

تذكرين

يوم قلتي لي بسافر

قلت وين ..قلتي بسكن بالرياض

اذكر اني رحت لامي وقمت اصيح

ياالله نمشي للرياض ,, مثل ساره

قالت امي باكر وليدي نروح ,, بس ارقد

اذكر اني نمت من كثر الصياح

ويوم فقت امبكرن ذاك الصباح

طرت يمك ,,

وكانت امك ,, ماسكه ايدينك بخوف

قمت واقف في مكاني .. التفت يمك اشوف

رحتي مع ذاك الطريق

اجري صوبك ,, حافي اركض ,, لين ماطحت ابمكاني

وانتي كنتي تشّرين

كنت اصيح .. وكانت امي واقفه خلفي تقول

يااالله عبدالله عشاني

ياالله عبدالله حبيبي ,,, ياالله قوم

باكر نسافر نروح للرياض

اذكر اني ,, كنت اصيح ,, وكنت العن هالرياض

تذكرين

اه ياحقدي على ذيك الرياض

وكنت اسأل دوم امي

يمه ياالله قومي وديني هناك

لين ماتت كل ذيك الاسئله

وانتقلنا ,, رحنا جده

اه ياكانت سنين

والله اني دووم اذكر حاجتين

عن خيالي ماتروح


وجه سـاره ..


وحال قلبي ,, ساعة اقفت ,, يوم تشّر ,,,, كيف ضعفه وانكساره


,,

.,,